လံာ်ယၡါယၤ 17:12 - Sgaw Karen Common Bible

¹² ပှၤကလုာ်အိၣ်ဒီးအစိအကမီၤတဖၣ်တၢထီၣ်တၢလီၤအိၣ်ဒီး အတၢ်သီၣ်ထီၣ်လီၤဂာ်ဒ်ပီၣ်လဲၣ်သီၣ်ကညီၤထီၣ်ဝဲအသိး ဒီးဒ်လပီဖးဒိၣ်တဖၣ်ဒိဘၣ်ကၢၢ်ပၤနံၤအသီၣ်ရူၢ်ရူၢ်အသိး န့ၣ်လီၤ.

လံာ်ယၡါယၤ 17:12 Iomraidhean Croise

စံးထီၣ်ပတြၢၤ 18:4

တၢ်သံအတၢ်လီၤပျံၤလီၤဖုးအံၤအိၣ်ဝးတရံးယၤ, တၢ်မၤဟးဂီၤအလပီတဖၣ်လုၣ်ဘၢယၤလီၤ.

စံးထီၣ်ပတြၢၤ 29:3

ယွၤအကလုၢ်ဘၣ်တၢ်နၢ်ဟူအီၤလၢပီၣ်လဲၣ်အဖီခိၣ်, တၢ်လၤကပီၤအကစၢ်မၤသီၣ်ထီၣ်အကလုၢ်ဒ် လီသီၣ်အသိး ဒီးအကလုၢ်သီၣ်ကဒါက့ၤလၢ ပီၣ်လဲၣ်မိၢ်ပှၢ်အဖီခိၣ်န့ၣ်လီၤ.

စံးထီၣ်ပတြၢၤ 83:2

ကွၢ်ကွၢ်, နဒုၣ်နဒါတဖၣ်အိၣ်လၢ တၢ်တၢထီၣ်တၢလီၤအပူၤ, ဒီးပှၤလၢအသးဟ့နၤတဖၣ်ပူထီၣ်လီထီၣ်တၢ်လီၤ.

လံာ်ယၡါယၤ 13:4

ဒိကနၣ်တၢ်သီၣ်တၢ်သဲလၢကစၢၢ်တဖၣ်အဒီခိၣ်လၢအမ့ၢ်ပှၤဂီၢ် မုၢ်ဖးဒိၣ်တဖုအတၢ်သီၣ်တၢ်သဲ, ပှၤကလုာ်ဒီးဘီမုၢ်တဖၣ် အတၢ်ပာ်ဖှိၣ်သးအတၢ်သီၣ်တၢ်သဲန့ၣ်တက့ၢ်. တၢ်သုးမုၢ်ဂီၢ်မုၢ် အယွၤကတဲာ်ကတီၤအသုးမုၢ်သံၣ်ဘိတဖၣ်လၢတၢ်ဒုးအဂီၢ်လီၤ.

လံာ်ယၡါယၤ 28:17

တၢ်စံၣ်ညီၣ်တီကမ့ၢ်နီၣ်ထိၣ်အပျံၤတဘိလၢတၢ်အခီၣ်ထံး အဂီၢ်, ဒီးတၢ်သူၣ်လိၤသးဘျၢကမ့ၢ်အနီၣ်ထိၣ်ထံအပျံၤ လၢအလီၤစဲၤဝဲန့ၣ်လီၤ.” ကလံၤမုၢ်အိၣ်ဒီးသူၣ်ကစိာ်ကွံာ် တၢ်လီတၢ်ဝ့ၤခဲလၢာ်လၢသုသန့ၤသုသး, ဒီးထံလုၣ်ဘၢ တၢ်ကမၤဟးဂီၤသုတၢ်ပူၤဖျဲးအလီၢ်န့ၣ်လီၤ.

လံာ်ယၡါယၤ 54:17

ဘၣ်ဆၣ်ဒီး, စုကဝဲၤမၤဘၣ်ဒိဘၣ်ထံးနၤတသ့ နီတခါခါဘၣ်. နကအိၣ်ဒီးတၢ်စံးဆၢတမံၤလၢပှၤလၢအပာ်တၢ်ကမၣ်လၢနလိၤ ကိးဂၤဒဲးအဂီၢ်လီၤ. ယကကဟုကယာ်ယခ့ယပှၤတဖၣ် ဒီးဟ့ၣ်အဝဲသ့ၣ်တၢ်မၤနၢၤလီၤ.” ယွၤစံးတ့ၢ်လံဝဲလံ.

လံာ်ယၡါယၤ 8:9

ပှၤကလုာ်ခဲလၢာ်သ့ၣ်ဧၢ, ပာ်ဖှိၣ်သကိးသုသးလၢတၢ်ပျံၤတၢ် ဖုးအပူၤတက့ၢ်. ဒိကနၣ်တၢ်တက့ၢ်, သုဝဲလၢအအိၣ်လၢဟီၣ် ခိၣ်တၢ်လီၢ်အယံၤတဖၣ်သ့ၣ်ဧၢ, အိၣ်ကတဲာ်ကတီၤသုသးလၢ သုကဒုးတၢ်, ဘၣ်ဆၣ်ဒီးပျံၤတၢ်တက့ၢ်. မ့ၢ်လံ, ကတဲာ်ကတီၤသုသး, ဘၣ်ဆၣ်ဒီးပျံၤတၢ်တက့ၢ်.

လံာ်ယၡါယၤ 9:5

သုးမုၢ်လၢအဟဲထီၣ်ဒုးတၢ်တဖုအသုးခီၣ်ဖံးတဖၣ် ဒီးအကူအသိးလၢအဘၣ်အၢဒီးတၢ်သွံၣ်တၢ်စီၤခဲလၢာ်, ကဘၣ်တၢ်မၤဟးဂီၤကွံာ်အီၤလၢမ့ၣ်အူန့ၣ်လီၤ.

လံာ်ယံးရမံယၤ 6:23

အဝဲသ့ၣ်ဟံးထီၣ်အချံၣ်တဖၣ်ဒီးအနးတဖၣ်လီၤ. အဝဲသ့ၣ်အၢဝဲသီဝဲဒီးတသးကညီၤတၢ်ဘၣ်. အဝဲသ့ၣ်အကလုၢ်သီၣ်လီၤဂာ်ဒ်ပီၣ်လဲၣ်သီၣ် ထီၣ်ရူၢ်ရူၢ်အသိး, ဖဲအဝဲသ့ၣ်ဒိးထီၣ်အကသ့ၣ် တဖၣ်န့ၣ်လီၤ. အဝဲသ့ၣ်အိၣ်ကတဲာ်ကတီၤအသးလၢတၢ်ဒုး ထီဒါဝ့ၢ်ယရူၤရှလ့ၣ်အဂီၢ်န့ၣ်လီၤ.”

လံာ်ယဃ့းစက့လး 43:2

ဒီးဖဲန့ၣ်, ယထံၣ်ဘၣ်အံၣ်စရ့လးအကစၢ်ယွၤအတၢ်အိၣ်ဝဲဆိးဝဲ အတၢ်ကပီၤကပြုၢ်ကပြီၤဟဲဝဲလၢမုၢ်ထီၣ်တခီန့ၣ်လီၤ. ကစၢ်ယွၤ အကလုၢ်န့ၣ်သီၣ်ထီၣ်ဝဲလီၤဂာ်ဒ်ပီၣ်လဲၣ်သီၣ်ထီၣ်ရုၢ်ရုၢ်အသိးဒီး ဟီၣ်ခိၣ်ကပီၤထီၣ်ဝဲဒီးတၢ်ကပီၤကပြုၢ်ကပြီၤန့ၣ်လီၤ.

လံာ်ဒၤနံးယ့လး 7:2

စီၤဒၤနံးယ့လးစံးတ့ၢ်ဝဲ, လၢယတၢ်ထံၣ်လၢညါခီလၢမုၢ်နၤန့ၣ်, ကလံၤတဖၣ်အူတၢ်လၢကိးကပၤဒဲးဒီးထိၣ်ဂဲၤပီၣ်လဲၣ်ဖးဒိၣ် အထံဖံးခိၣ်န့ၣ်လီၤ.

လံာ်မံကၤ 4:11

ပှၤအါကလုာ်ပာ်ဖှိၣ်တ့ၢ်အသးဒ်သိးအကဒုးတၢ်ဒီးသုလီၤ. အဝဲသ့ၣ်စံး, “မ်ဝ့ၢ်ယရူၤၡလ့ၣ်အတၢ်စီဆှံကဘၣ်တၢ်မၤတ ရီတပါကွံာ်အီၤတက့ၢ်. ဒီးပကကွၢ်ဝ့ၢ်အံၤအိၣ်လၢတၢ်ဟးဂီၤအပူၤလီၤ”.

လံာ်တၢ်ဂံၢ် 10:35

ဖဲတၢ်အၢၣ်လီၤအီလီၤအတလါစးထီၣ်လဲၤတၢ်တဘျီလၢ်လၢ်န့ၣ်စီၤ မိၤၡ့ကစံးဝဲဒၣ်, “ယွၤဧၢ, ဂဲၤထၢၣ်, မၤလီၤမုၢ်ပြံ ပြါနဒုၣ်နဒါတဖၣ်, ဒုးတၢ်ထီဒါပှၤလၢအသးဟ့နၤတဖၣ်တက့ၢ်” န့ၣ်လီၤ.

လံာ်လူၤကၣ် 21:25

တၢ်ပနီၣ်တဖၣ်ကအိၣ်ဝဲလၢမုၢ်, လါ, ဒီးဆၣ်တဖၣ်အပူၤန့ၣ်လီၤ. လၢဟီၣ်ခိၣ်အဖီခိၣ်န့ၣ်, ပှၤကလုာ်တဖၣ်ကအိၣ်ဝဲလၢတၢ်သူၣ်ကိၢ်သးဂီၤနးမး, ဒီးတၢ်သးသဘံၣ်ဘုၣ်ဖဲ ပီၣ်လဲၣ်အလပီသီၣ်ထီၣ်ရုၢ်ရုၢ်ဒီး စံၣ်စုးအခါန့ၣ်လီၤ.

လံာ်လီၣ်ဖျါ 17:1

တုၤနုၤတစု, ကလူးနွံဂၤလၢအအိၣ်ဒီးသလၢနွံဖျၢၣ်န့ၣ် အကျါတဂၤဟဲဆူယအိၣ်ဒီးစံးဝဲ, “ဟဲ, ဒီးယကဒုးနဲၣ်နၤလၢဃဲသဲမုၣ်မံၤဟူသၣ်ဖျါတဂၤ, ဝ့ၢ်ဖးဒိၣ်တဖျၢၣ်လၢအဘၣ်တၢ်သူၣ်ထီၣ်အီၤဘူးဒီးထံကျိအါဘိန့ၣ်လီၤ. ကဘၣ်တၢ်စံၣ်ညီၣ်အီၤဒ်လဲၣ်န့ၣ်လီၤ.

လံာ်လီၣ်ဖျါ 17:15

ကလူးန့ၣ်စံးဘၣ်စ့ၢ်ကီးယၤ, “ထံကျိအါဘိလၢနထံၣ်ဘၣ်အီၤ, လၢဃဲသဲမုၣ်ဆ့ၣ်နီၤဝဲလၢအဖီခိၣ်တဖၣ်န့ၣ်မ့ၢ်ဝဲထံကီၢ်တဖၣ်, ပှၤဟီၣ်ခိၣ်ဖိတဖၣ်, ပှၤကလုာ်တဖၣ်, ဒီးကျိာ်လၢအဘၣ်တၢ်ကတိၤအီၤတဖၣ်လီၤ.