လံာ်ယၡါယၤ 16:7 - Sgaw Karen Common Bible

⁷ ပှၤမိၤအးဖိတဖၣ်ကဟီၣ်ဝဲယၢၤဝဲလၢအဘၣ်တူၢ်တၢ်နးတၢ်ဖှီၣ် အဃိလီၤ. အဝဲသ့ၣ်ခဲလၢာ်ကဟီၣ်ဝဲယၢၤဝဲဖဲ အသ့ၣ်နီၣ်ထီၣ်တၢ်အီၣ်အဝံၣ်လၢအဝဲသ့ၣ်အီၣ်ညီနူၢ်ဝဲ လၢဝ့ၢ်ကံၢ်ဃရ့ၡးအပူၤလီၤ. အဝဲသ့ၣ်ကတုၤဆူတၢ်သးဟးဂီၤအပူၤလီၤ.

လံာ်ယၡါယၤ 16:7 Iomraidhean Croise

လံာ်စီၤပၤခံဘ့ၣ်တဘ့ၣ် 3:25

ဒီးမၤဟးဂီၤကွံာ်အဝဲသ့ၣ်အဝ့ၢ်တဖၣ်န့ၣ်လီၤ. တုၤအဝဲသ့ၣ်လဲၤခီဂာ်စံာ်ဧိၤပျီဧိၤလၢဟီၣ်ခိၣ်ညၣ်ထ့ၣ်ဂ့ၤ ဝဲန့ၣ်, ပှၤအံၣ်စရ့လးဖိကိးဂၤဒဲးကကွံာ်လီၤလၢၢ်တဂၤတဖျၢၣ်လၢအဖီ ခိၣ်, တုၤလၢ, လၢခံကတၢၢ်န့ၣ်, ကယဲၢ်စံာ်ဧိၤပှဲၤဧိၤခဲလၢာ်ဘၣ်တၢ် ကးဘၢကွံာ်အီၤန့ၣ်လီၤ. အဝဲသ့ၣ်ဆွံကတံာ်စ့ၢ်ကီးထံထီၣ်ပၢၢ်တဖၣ်ဒီးကူာ်လီၤကွံာ်သ့ၣ် အထူၣ်တဖၣ်န့ၣ်လီၤ. လၢခံကတၢၢ်ထဲဒၣ်ဝ့ၢ်ခိၣ်ကံၢ်ဃရၤၡ့းတဖျၢၣ်ဧိၤအိၣ်တီၢ်ဝဲ ဒီးပှၤခးနီၣ်ဘျုးတဖၣ်ကဝီၤဃာ်အီၤဒီးဒုးအီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:40

ပှၤကလံၤစိးအဒူၣ်တဖၣ်လၢအအိၣ်ယံၤယံၤကလဲာ်ဒ်အမ့ၢ်ပှၤယံးစၣ် ကၢ်, ပှၤစဘူလိၣ်, ဒီးပှၤနၤသးလံဖိအပှၤဂီၢ်မုၢ်တဖၣ်ဒၣ်လဲာ်ဟဲဝဲ ဒီးကသ့ၣ်ယီၤတဖၣ်, ကီၤလၤအူးတဖၣ်, ကသ့ၣ်လၤတဖၣ်, ဂီၤဖံးတဖၣ်လၢအပဒၢးဝဲဒီးတၢ်အီၣ်လၢအမ့ၢ်, ကိၣ်ကမူၣ်, ချၢၣ်ဒၢသၣ်, စပံးသၣ်အဃ့, စပံးထံဒီးသ့ၣ်စၤယံး အသိလီၤ. အဝဲသ့ၣ်ဟဲစိာ်စ့ၢ်ကီးဂီၤဘုၣ်ဂီၤဖံးဒီးသိတဖၣ်လၢကမၤသံ ဒီးအီၣ်ဝဲလီၤ. ကယဲၢ်တၢ်ခဲလၢာ်အံၤမ့ၢ်တၢ်ပာ်ဖျါထီၣ်တၢ်သူၣ်ခုသးခုတမံၤလၢ ထံကီၢ်ဒီတဘ့ၣ်ညါကလၢၢ်ဘၣ်ဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:3

ဒီးနီၤဟ့ၣ်လီၤတၢ်အီၣ်တၢ်အီဆူအဝဲသ့ၣ်ခဲလၢာ်အအိၣ်န့ၣ်လီၤ. အဝဲဟ့ၣ်စ့ၢ်ကီးအံၣ်စရ့လးအပှၤပိာ်ခွါဒီးပိာ်မုၣ်တဂၤစုာ် စုာ်လၢကိၣ်တဂၤတလိၣ်, တၢ်ညၣ်အဟၢမံတဂၤတလိၣ်ဒီးစပံးသၣ်အဃ့တနီၤန့ၣ်လီၤ.

လံာ်ယၡါယၤ 16:11

ယကအုလၢတၢ်သးအုးအပူၤလၢကီၢ်မိၤအးအဂီၢ်, ဒီးယကအုလၢတၢ်ကိၢ်တၢ်ဂီၤအပူၤလၢဝ့ၢ်ကံၢ်ဃ့ရ့းအဂီၢ်လီၤ.

လံာ်ယၡါယၤ 8:19

ဘၣ်ဆၣ်ဒီး, ပှၤကစံးဘၣ်သုလၢသုကဃ့န့ၢ်တၢ်ကစီၣ်တဖၣ်လၢ ပှၤဖးတၢ်ဟဲဝံဟဲစိာ်တဖၣ်အအိၣ်, ပှၤကွဲပှၤသံအကလၤတဖၣ် အအိၣ်လၢအကတိၤတၢ်ပံးပံးပးပးဒီးကတိၤတၢ်ကတူၢ်ကတူၢ် တဖၣ်န့ၣ်လီၤ. အဝဲသ့ၣ်ကစံးဝဲ, “ဂ့ၤတက့ၢ်လၢပှၤဂီၢ်မုၢ်ဃ့ န့ၢ်တၢ်ကစီၣ်တဖၣ်လၢသးတဖၣ်ဒီးသံကွၢ်သံဒိးပှၤအသံလၢ ပှၤအမူအခၢၣ်စးန့ၣ်လီၤ.”

လံာ်ယံးရမံယၤ 48:20

အဝဲသ့ၣ်ကစံးဆၢဝဲ, ‘ကီၢ်မိၤအးလီၤပှီၢ်လံ. ဟီၣ်တၢ်ယၢၤတၢ်လၢအဃိတက့ၢ်. ဘၣ်တၢ်မၤမဲာ်ဆှးအီၤလံ. ဘိးဘၣ်သ့ၣ်ညါလၢ ထံကျိအၢ်နိၢ်ဒီဘိညါ လၢကီၢ်မိၤအးဘၣ်တၢ်မၤဟးဂီၤကွံာ်အီၤ လံန့ၣ်တက့ၢ်.’

လံာ်ယံးရမံယၤ 48:31

ဒီးလၢတၢ်န့ၣ်အဃိ, ယကဟီၣ်ကယၢၤလၢ ပှၤကိးဂၤ ဒဲးလၢ အအိၣ်လၢကီၢ်မိၤအးပူၤအဃိ ဒီးလၢဝ့ၢ်ကံၢ်ဃ့ရ့း အပှၤဂီၢ်မုၢ်အဃိန့ၣ်လီၤ.