လံာ်ယၡါယၤ 15:5 - Sgaw Karen Common Bible

⁵ ယသးကိးပသူထီၣ်လၢကီၢ်မိၤအးအဂီၢ်လီၤ. ပှၤဂီၢ်မုၢ်ဃ့ၢ်ထီၣ်ကွံာ်ဝဲတုၤလၢဝ့ၢ်စိၤဧၢ်, ဒီးဆူအဲးကလးၡဃ့ၡၣ်န့ၣ်လီၤ. တနီၤလဲၤထီၣ်ကျဲဆူဝ့ၢ်လူဃံးဒီး ဟီၣ်ဝဲယၢၤဝဲဖဲအလဲၤတၢ်အဖၢမုၢ်လီၤ. တနီၤဃ့ၢ်ထူၣ်ဖျဲးထီၣ် ဆူဝ့ၢ်ဃိရနဲၣ်, အိၣ်ဒီးတၢ်သူၣ်အုးသးအုးအသီၣ်ဖးဒိၣ်လီၤ.

လံာ်ယၡါယၤ 15:5 Iomraidhean Croise

လံာ်တၢ်ကဲထီၣ်အခီၣ်ထံး 13:10

စီၤလိာ်ကွၢ်တၢ်ဝးဝးဒီးထံၣ်ဝဲဒၣ်လၢထံကျိယၢ်ဒ့ၣ်အတၢ်ပၢၤ ခိၣ်ဒီဘ့ၣ်ညါကျဲတရဲာ်ဃီဆူဝ့ၢ်စိၤဧၢ်န့ၣ်ထံအိၣ်လၢလၢလီၣ် လီၣ်လီၤဂာ်ဒ်ယွၤအတၤသၣ်လီၢ်အသိးမ့ၢ်ဂ့ၤ, လီၤဂာ်ဒ်ကီၢ်အဲၤကူပတူးအသိးမ့ၢ်ဂ့ၤန့ၣ်လီၤ. (အအံၤမ့ၢ်တၢ်အကတီၢ်လၢယွၤတချုးမၤဟးဂီၤဝ့ၢ်စဒိၣ်ဒီးဂမိၤ ရၤဒံးဘၣ်န့ၣ်လီၤ.)

လံာ်တၢ်ကဲထီၣ်အခီၣ်ထံး 14:2

အိၣ်ဒီးအတၢ်ဒုးလိာ်ယၤလိာ်အသးဒီးစီၤပၤအဂၤယဲၢ်ဂၤလၢအမ့ၢ် ပှၤစဒိၣ်အစီၤပၤစီၤဘ့ရၤ, ပှၤဂမိရၤအစီၤပၤစီၤဘံးရၡၤ, ပှၤအၤဒမၤအစီၤပၤစီၤၡံးနာ်, ပှၤစဘိအံၣ်အစီၤပၤစီၤၡ့မ့ ဘ့ၢ်ဒီးပှၤဘ့လၤ (မ့တမ့ၢ်ပှၤစိၤဧၢ်) အစီၤပၤန့ၣ်လီၤ.

လံာ်တၢ်ကဲထီၣ်အခီၣ်ထံး 19:22

မၤချ့ချ့. ဃ့ၢ်တက့ၢ်. တချုးနလဲၤတုၤဖဲန့ၣ်ဘၣ်ဒီး, ယမၤတၢ်တသ့နီတမံၤဘၣ်. မ့ၢ်လၢစီၤလိာ်ကိးအီၤလၢတၢ်အဆံးအဃိ ဝ့ၢ်အံၤဘၣ်တၢ်ကိးအီၤလၢဝ့ၢ်စိၤဧၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:23

ဖဲပှၤပိာ်စီၤဒၤဝံးအခံတဖၣ်ဟးထီၣ်ကွံာ်ဝဲန့ၣ်, ပှၤဂီၢ်မုၢ်ဟီၣ်ပသူထီၣ်ဖးဒိၣ်လီၤ. စီၤပၤလဲၤခီဂာ်ကွံာ်ထံ ကျိဖိကံဒြိၣ်ဒီးအပှၤခဲလၢာ်ပိာ်ထီၣ်အခံ, ဒီးအဝဲသ့ၣ်ဟးထီၣ်ဒီးလဲၤသကိးဝဲဆူပှၢ်မုၢ်ကနၢန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:30

စီၤဒၤဝံးလဲၤထီၣ်ဝဲဆူညါဆူကစၢၢ်သ့ၣ်စၤယံးအလိၤဒီးဟီၣ်ဝဲယၢၤဝဲလီၤ. လဲၤတၢ်လၢအခီၣ်ညါသးဒီးကးဘၢအခိၣ်ဒ်တၢ်သးအုၣ်အပနီၣ်အသိး န့ၣ်လီၤ. ပှၤခဲလၢာ်လၢအပိာ်အခံစ့ၢ်ကီးကးဘၢအခိၣ်ဒီးဟီၣ်ဝဲဒၣ်န့ၣ် လီၤ.

လံာ်ယၡါယၤ 16:14

ဒီးခဲအံၤယွၤစံးဝဲဒၣ်, “လၢသၢနံၣ်တီတီအပူၤန့ၣ်, ကီၢ်မိၤအးအတၢ်ထူးတၢ်တီၤဖးဒိၣ်ကလီၤမၢ်ကွံာ်ဝဲလီၤ. လၢအပှၤဂီၢ်မုၢ်အါအါဂီၢ်ဂီၢ်အကျါန့ၣ်, ထဲပှၤစှၤဂၤဧိၤက အိၣ်မူတ့ၢ်ဝဲဒီးအဝဲသ့ၣ်အဂံၢ်အဘါကစၢ်ဝဲလီၤ.”

လံာ်ယၡါယၤ 22:5

အအံၤမ့ၢ်တၢ်ဆၢကတီၢ်တခါလၢတၢ်ပျံၤတၢ်ဖုး, တၢ်ဃၣ်ကွံာ်, ဒီးတၢ်သဘံၣ်ဘုၣ်မၤအသး လၢတၢ်ထံၣ်လၢညါခီအကစၢၢ်ကဆူးအပူၤ, ဒီးယွၤစိဒိၣ်ကမီၤထီ, သ့တၢ်လၢာ်ကစၢ်ဆှၢ လီၤတ့ၢ်အီၤလၢပဖီခိၣ်န့ၣ်လီၤ. ပဝ့ၢ်အခိၣ်ဒူတဖၣ်ဘၣ်တၢ်တီၢ် လီၤပှီၢ်ကွံာ်အီၤ, ဒီးတၢ်ကိးထီၣ်လၢတၢ်မၤစၢၤအဂီၢ်သီၣ် ကဒါက့ၤလၢကစၢၢ်တဖၣ်အကျါန့ၣ်လီၤ.

လံာ်ယၡါယၤ 59:7

ထီဘိန့ၣ်သုကူၣ်ကျဲၤတၢ်အၢတၢ်သီတမံၤမံၤ, ဒီးသုကမၤအီၤန့ၣ်သုခိးတကဲဒၣ်လဲာ်ဘၣ်. သုတမၤယံာ်မၤနီၢ်သုသးနီတစဲးလၢသုကမၤသံပှၤဂီၢ်မုၢ်လၢအ တၢ်ကမၣ်တအိၣ်န့ၣ်ဘၣ်. ဖဲသုလဲၤတပူၤလၢ်လၢ်န့ၣ်, သုပာ်တီၢ်တၢ်ဟးဂီၤဒီးတၢ်မၤဟးဂီၤ,

လံာ်ယံးရမံယၤ 13:17

သုမ့ၢ်တဒိကနၣ်တၢ်ဘၣ်ဒီး, ယကဟီၣ်ခူသူၣ်လၢသုတၢ်ပာ်ထီၣ်ထီသုသး အဃိလီၤ. ယကဟီၣ်ကယၢၤနးနးကလဲာ်ဒီးယမဲာ်ထံကယွၤလီၤဝဲ မ့ၢ်လၢယွၤအပှၤဂီၢ်မုၢ်ဘၣ်တၢ်စိာ်မၢကဲကုၢ်အီၤအဃိန့ၣ်လီၤ.

လံာ်ယံးရမံယၤ 17:16

ဘၣ်ဆၣ်ဒီးယွၤဧၢ, ယတမၢန့ၢ်ဆီၣ်ခံဘၣ်နၤလၢနကဟဲစိာ်တၢ် တတၢးတနါလၢအဝဲသ့ၣ်အဖီခိၣ်နီတစုန့ၣ်ဘၣ်. ယတဆၢလၢတၢ်ကီတၢ်ခဲအဆၢကတီၢ်ကတုၤအိၣ်အ ဝဲသ့ၣ်န့ၣ်ဘၣ်. ယွၤဧၢ, နသ့ၣ်ညါတၢ်အံၤ, နသ့ၣ်ညါတၢ်လၢယစံး တ့ၢ်ယဲန့ၣ်လီၤ.

လံာ်ယံးရမံယၤ 4:19

တၢ်ဆါယၤနးမးလီၤ. ယတူၢ်တၢ်ဆါအံၤတကဲလၢၤဘၣ်. အိ, ယသူၣ်စံၣ်သးစံၣ်အၢအၢသီသီလီၤ. ယအိၣ်ဘှ့ၣ် အိၣ်ဘှီၣ်တသ့ဘၣ်. ယနၢ်ဟူကွဲၤအသီၣ်တဖၣ် ဒီးတၢ်ဒုးတၢ်ယၤအတၢ်ကိးသတြီထီၣ်တဖၣ်လီၤ.

လံာ်ယံးရမံယၤ 4:20

တၢ်တတၢးတနါတမံၤပိာ်ထွဲအဂၤတမံၤအခံလီၤ. ထံကီၢ်ဒီဘ့ၣ်အိၣ်လီၤတဲာ်လၢတၢ်ဟးဂီၤတဖၣ် အပူၤလီၤ. သတူၢ်ကလာ်ပအိၣ်ဆိးအဒဲတဖၣ်ဘၣ် တၢ်မၤဟးဂီၤအီၤ ဒီးအယၣ်ဘျးသဒၢတဖၣ်ဘၣ်တၢ်ဖှီယာ်ကွံာ်အီၤ အက့က့အခီခီန့ၣ်လီၤ.

လံာ်ယံးရမံယၤ 48:3

ဝ့ၢ်ဃိရနဲၣ်အပှၤဂီၢ်မုၢ်ကိးပသူထီၣ်ဝဲ, တၢ်မၤဆူၣ်မၤစိး, တၢ်မၤဟးဂီၤအိၣ်ထီၣ်လံ.’

လံာ်ယံးရမံယၤ 48:5

နၢ်ဟူအဝဲသ့ၣ် အတၢ်ဟီၣ်တၢ်ယၢၤအသီၣ်တဖၣ် လၢကျဲလဲၤထီၣ်ဆူ ဝ့ၢ်လူဃံး, ဒီးတၢ်ကိၢ်တၢ်ဂီၤအ အတၢ်ကိးပသူထီၣ်တဖၣ်လၢကျဲလဲၤလီၤဆူ ဝ့ၢ်ဃိရနဲၣ်န့ၣ်တက့ၢ်.

လံာ်ယံးရမံယၤ 50:46

ဖဲဝ့ၢ်ဘၤဘူၤလိၣ်လီၤပှီၢ်ကွံာ်ဝဲန့ၣ်, တၢ်အသီၣ်ဖးဒိၣ်တမံၤက ဟူထီၣ်ဝဲတုၤဒၣ်လဲာ်ဟီၣ်ခိၣ်ဒီဘ့ၣ်ကဟူးဝးဝဲ, ဒီးပှၤကလုာ် အဂၤတဖၣ် ကနၢ်ဟူဘၣ်တၢ်ပျံၤတၢ်ဖုးအတၢ်ကိးထီၣ်တဖၣ်န့ၣ်လီၤ.”

လံာ်ယံးရမံယၤ 9:10

ယစံးတ့ၢ်ယဲ, “ယကဟီၣ်တၢ်ယၢၤတၢ်လၢကစၢၢ်ကလိတဖၣ်အဃိ, ဒီးဟီၣ်လၢတၢ်အီၣ်ဆၣ်အလီၢ်တဖၣ်အဃိလီၤ. အဂ့ၢ်ဒ်အံၤ, အဝဲသ့ၣ်ဃ့ထီကွံာ်ဝဲ ဒီးပှၤတလဲၤခီဂာ်အဝဲသ့ၣ်နီတဂၤဘၣ်. ဆၣ်ဖိကီၢ်ဖိအဒၢအတၢ်ကိးထီၣ်အသီၣ်န့ၣ်တၢ်တနၢ်ဟူ လၢၤဘၣ်အီၤဘၣ်. ထိၣ်လၢတၢ်ဖးဖီတဖၣ်ယူၤကွံာ်ဝဲဒီးဆၣ်ဖိကီၢ်ဖိ အမံၤတဖၣ်ဟးကွံာ်ခဲလၢာ်လံ.”

လံာ်တၢ်ဂံၢ် 21:29

ကီၢ်မိၤအးအပှၤဂီၢ်မုၢ်ဧၢ, တၢ်လီၤပျံၤလၢနဂီၢ်ဒိၣ်မးလဲၣ်. သုဝဲ, ပှၤတဖၣ်လၢအဘါထီၣ်ကမိၣ်ဘၣ်တၢ်စိာ်ကွံာ်သုဆူတၢ်ဟးဂီၤ တဖၣ်အပူၤန့ၣ်လီၤ. သုကစၢ်ဒုးကဲထီၣ်ပှၤအါဂၤလၢပှၤဃ့ၢ်ပူၤဖျဲးအသးဆူတၢ်လီၢ် အဂၤတဖၣ်, ဒီးပိာ်မုၣ်တဖၣ်ကဲထီၣ်ပှၤဘၣ်တၢ်စိာ်မၢကဲကုၢ်အီၤတဖၣ်လၢပှၤ အမိၢ်ဖိအစီၤပၤလံ.