လံာ်ယၡါယၤ 15:1 - Sgaw Karen Common Bible

¹ အအံၤမ့ၢ်တၢ်ကစီၣ်ဘၣ်ဃးမိၤအးအကီၢ်လီၤ. ဝ့ၢ်ဧၢ်ဒီးဝ့ၢ်ကံၢ်တဖၣ်ဘၣ်တၢ်မၤဟးဂီၤ အီၤလၢတနၤဃီအတီၢ်ပူၤဒီးတၢ်ဘှ့ၣ် တၢ်ဘှီၣ်လုၣ်ဘၢကီၢ်မိၤအးဒီဘ့ၣ်န့ၣ်လီၤ.

လံာ်ယၡါယၤ 15:1 Iomraidhean Croise

လံာ်စီၤပၤခံဘ့ၣ်တဘ့ၣ် 3:25

ဒီးမၤဟးဂီၤကွံာ်အဝဲသ့ၣ်အဝ့ၢ်တဖၣ်န့ၣ်လီၤ. တုၤအဝဲသ့ၣ်လဲၤခီဂာ်စံာ်ဧိၤပျီဧိၤလၢဟီၣ်ခိၣ်ညၣ်ထ့ၣ်ဂ့ၤ ဝဲန့ၣ်, ပှၤအံၣ်စရ့လးဖိကိးဂၤဒဲးကကွံာ်လီၤလၢၢ်တဂၤတဖျၢၣ်လၢအဖီ ခိၣ်, တုၤလၢ, လၢခံကတၢၢ်န့ၣ်, ကယဲၢ်စံာ်ဧိၤပှဲၤဧိၤခဲလၢာ်ဘၣ်တၢ် ကးဘၢကွံာ်အီၤန့ၣ်လီၤ. အဝဲသ့ၣ်ဆွံကတံာ်စ့ၢ်ကီးထံထီၣ်ပၢၢ်တဖၣ်ဒီးကူာ်လီၤကွံာ်သ့ၣ် အထူၣ်တဖၣ်န့ၣ်လီၤ. လၢခံကတၢၢ်ထဲဒၣ်ဝ့ၢ်ခိၣ်ကံၢ်ဃရၤၡ့းတဖျၢၣ်ဧိၤအိၣ်တီၢ်ဝဲ ဒီးပှၤခးနီၣ်ဘျုးတဖၣ်ကဝီၤဃာ်အီၤဒီးဒုးအီၤန့ၣ်လီၤ.

လံာ်ယၡါယၤ 11:14

အဝဲသ့ၣ်ကပာ်ဖှိၣ်အသးဒီးကဒုးတၢ်ထီဒါပှၤဖလ့ၡသးဖိလၢ မုၢ်နုာ်တခီဒီးဂုာ်ဆူၣ်ပျီဆူၣ်ပှၤလၢအအိၣ်လၢမုၢ်ထီၣ်တကပၤ န့ၣ်လီၤ. အဝဲသ့ၣ်ကမၤန့ၢ်မၤနၢၤပှၤအဒိၣ်ဒီးမိၤအး, ဒီးပှၤဧၣ်မိၣ်ဖိကစူၢ်အဝဲသ့ၣ်လီၤ.

လံာ်ယၡါယၤ 13:1

အအံၤမ့ၢ်တၢ်ကစီၣ်ဘၣ်ဃးကီၢ်ဘၤဘူၤလိၣ်အဂ့ၢ်, လၢစီၤအၤမိာ်အဖိခွါစီၤယၡါယၤဒိးန့ၢ်ဘၣ်ဝဲလၢကစၢ်ယွၤ အအိၣ်န့ၣ်လီၤ.

လံာ်ယၡါယၤ 14:28

အအံၤမ့ၢ်တၢ်ကစီၣ်လၢတၢ်တဲဖျါအီၤဖဲစီၤပၤစီၤအၤဃးသံ ဝဲအနံၣ်န့ၣ်လီၤ.

လံာ်ယၡါယၤ 16:11

ယကအုလၢတၢ်သးအုးအပူၤလၢကီၢ်မိၤအးအဂီၢ်, ဒီးယကအုလၢတၢ်ကိၢ်တၢ်ဂီၤအပူၤလၢဝ့ၢ်ကံၢ်ဃ့ရ့းအဂီၢ်လီၤ.

လံာ်ယၡါယၤ 16:6

ပှၤယူဒၤဖိတဖၣ်စံးဝဲ, “ပနၢ်ဟူတ့ၢ်ပှၤမိၤအးဖိတဖၣ်ပာ် ထီၣ်ထီအသးထဲလဲၣ်လီၤ. ပသ့ၣ်ညါလၢအဝဲသ့ၣ်ပာ်ကဖၢလၢအ သးဒီးပာ်ထီၣ်ထီအသးလီၤ. ဘၣ်ဆၣ်ဒီး, အတၢ်ကတိၤ ဒိၣ်အကိာ်တဖၣ်န့ၣ်မ့ၢ်တၢ်အိၣ်ကလီလီၤ.”

လံာ်ယၡါယၤ 16:7

ပှၤမိၤအးဖိတဖၣ်ကဟီၣ်ဝဲယၢၤဝဲလၢအဘၣ်တူၢ်တၢ်နးတၢ်ဖှီၣ် အဃိလီၤ. အဝဲသ့ၣ်ခဲလၢာ်ကဟီၣ်ဝဲယၢၤဝဲဖဲ အသ့ၣ်နီၣ်ထီၣ်တၢ်အီၣ်အဝံၣ်လၢအဝဲသ့ၣ်အီၣ်ညီနူၢ်ဝဲ လၢဝ့ၢ်ကံၢ်ဃရ့ၡးအပူၤလီၤ. အဝဲသ့ၣ်ကတုၤဆူတၢ်သးဟးဂီၤအပူၤလီၤ.

လံာ်ယၡါယၤ 25:10

ကစၢ်ယွၤကဒီဒၣ်အိၣ်ပှိၤကစၢၢ်စံယိၣ်လီၤ. မ့မ့ၢ်ကီၢ်မိၤအးအပှၤဂီၢ်မုၢ်န့ၣ်ကဘၣ်တၢ်ယီၢ်လီၤတံၢ်အီၤဒ် ဘုလီၢ်ဘၣ်တၢ်ယီၢ်တံၢ်အီၤလၢတၢ်အ့ၣ်တၢ်ဆံၣ်အပူၤအသိးလီၤ.

လံာ်ယၡါယၤ 25:12

အဝဲကမၤဟးဂီၤကီၢ်မိၤအးအတိာ်ဧိၤတာ်ဧိၤတဖၣ်ဃုာ်ဒီး အဝ့ၢ်ခိၣ်ဒူလၢအထီတဖၣ်ဒီးမၤလီၤပှီၢ်လီၤကလဲကွံာ်အီၤဆူ ဖၣ်ကမူၣ်ဖၣ်ဆါအကျါန့ၣ်လီၤ.

လံာ်ယံးရမံယၤ 9:26

ကယဲၢ်ပှၤသ့ၣ်တဖၣ်အံၤခဲလၢာ်ဘၣ်တၢ်ကူးတရံးတ့ၢ်အီၤ, ဘၣ်ဆၣ်ဒီးအဝဲသ့ၣ်တတိၢ်န့ၢ်ဖံးဃာ်ဘၣ်တၢ်အၢၣ်လီၤအီလီၤလၢ တၢ်ကူးတရံးအံၤမ့ၢ်အတၢ်ပနီၣ်န့ၣ်ဘၣ်. ပှၤဂီၢ်မုၢ်တဖၣ်အံၤဒီး အံၣ်စရ့လးအပှၤဂီၢ်မုၢ်တဖၣ်တတိၢ်န့ၢ်ဖံးဃာ်ဘၣ် ယတၢ်အၢၣ်လီၤအံၤနီတဖုနီတဂၤဘၣ်.”

လံာ်တၢ်ဂံၢ် 21:28

တဘျီလၢဝ့ၢ်ဃ့ၡဘိၣ်အံၤအပူၤန့ၣ်, စီၤပၤစံဃိၣ်အသုးမုၢ်ဟး ထီၣ်ဝဲဒ်မ့ၣ်အူအသိးလီၤ. သုးမုၢ်န့ၣ်မၤဟးဂီၤတ့ၢ်ကီၢ်မိၤအးအဝ့ၢ်ဧၢ်, ဒီးမၤလီၤကလဲ ကွံာ်တၢ်လုၢ်လီၢ်တဖၣ်လၢဝ့ၢ်အၤနိၣ်အထးခီန့ၣ်လီၤ.

လံာ်သိၣ်လီၤသီလီၤတၢ် 2:19

အန့ၣ်တစု, သုကဘူးထီၣ်ဒီးပှၤဧၣ်မိၣ်ဖိတဖၣ်, လၢအမ့ၢ်စီၤလိာ်အစၢၤအသွဲၣ်တဖၣ်အကီၢ်န့ၣ်လီၤ. မၤကီမၤခဲအဝဲသ့ၣ်မ့ၢ်ဂ့ၤ, စးထီၣ်တၢ်ဒုးတၢ်ယၤ, ထီဒါအဝဲသ့ၣ်မ့ၢ်ဂ့ၤန့ၣ်တဂ့ၤ. အဂ့ၢ်ဒ်အံၤ, ယတဟ့ၣ်ဘၣ်သုလၢကီၢ်လၢယဟ့ၣ်လီၤတ့ၢ်အဝဲသ့ၣ်န့ၣ်နီတစဲးဘၣ်.

လံာ်သိၣ်လီၤသီလီၤတၢ် 2:9

ယွၤစံးဘၣ်ယၤ, မၤကီမၤခဲပှၤဂီၢ်မုၢ်လၢကီၢ်မိၤအး, လၢအမ့ၢ်စီၤလိာ်အစၢၤအသွဲၣ်တဖၣ်မ့ၢ်ဂ့ၤ, စးထီၣ်တၢ်ဒုးတၢ်ယၤ ထီဒါအဝဲသ့ၣ်မ့ၢ်ဂ့ၤန့ၣ်တဂ့ၤ. ယဟ့ၣ်လီၤတ့ၢ်အဝဲသ့ၣ်လၢဝ့ၢ်ဧၢ်, ဒီးယတဟ့ၣ်သုလၢအဝဲသ့ၣ်အကီၢ် နီတစဲးဘၣ်.