လံာ်ယၡါယၤ 14:4 - Sgaw Karen Common Bible

⁴ ဖဲအဝဲမၤတၢ်အံၤဒီး, အဝဲသ့ၣ်ကဘၣ်ဒုၣ်ဒွဲၣ်ကီၢ်ဘၤဘူၤလိၣ်အစီၤ ပၤဒီးစံး, “စီၤပၤအအၢအသီတဂၤလီၤလံ. အဝဲတမၤအၢမၤ နးကဒီးပှၤနီတဂၤနီတစုလၢၤဘၣ်.

လံာ်ယၡါယၤ 14:4 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:18

ကီၢ်ဘၤဘူၤလိၣ်အစီၤပၤဂုာ်န့ၢ်ကွံာ်ယွၤအတၢ်လုၢ်ဟံၣ်အဃၢၤ အဃိၢ်တဖၣ်, တၢ်လုၢ်ဟံၣ်အကျိၣ်ဧိၤစ့ဧိၤ, ဒီးစီၤပၤဒီးပဒိၣ်ပပှၢ်တဖၣ်အတၢ် ထူးတၢ်တီၤ, ဒီးက့ၤစိာ်ကယဲၢ်တၢ်ခဲလၢာ်န့ၣ်, ဆူကီၢ်ဘၤဘူၤလိၣ်လီၤ.

လံာ်ယၡါယၤ 13:1

အအံၤမ့ၢ်တၢ်ကစီၣ်ဘၣ်ဃးကီၢ်ဘၤဘူၤလိၣ်အဂ့ၢ်, လၢစီၤအၤမိာ်အဖိခွါစီၤယၡါယၤဒိးန့ၢ်ဘၣ်ဝဲလၢကစၢ်ယွၤ အအိၣ်န့ၣ်လီၤ.

လံာ်ယၡါယၤ 13:19

ဘၤဘူၤလိၣ်မ့ၢ်ဘီမုၢ်လၢအဃံလၤကတၢၢ်လၢဘီမုၢ်ခဲလၢာ် အကျါဒီးမ့ၢ်အထံဖိကီၢ်ဖိအတၢ်ပာ်ကဖၢလၢသးအလီၢ်လီၤ. ဘၣ်ဆၣ်ဒီး, ယၤ, ယွၤ, ကမၤဟးဂီၤဘၤဘူၤလိၣ်ဒ်ယမၤတ့ၢ် စဒိၣ်ဒီးဂမိရၤအသိးန့ၣ်လီၤ.

လံာ်ယၡါယၤ 14:17

အဝဲအံၤမ့ၢ်ပှၤလၢအမၤဟးဂီၤတ့ၢ်ဝ့ၢ်တဖၣ်ဒီးဒုး ကဲထီၣ်ဟီၣ်ခိၣ်ဆူမဲးမုၢ်ခိၣ်န့ၣ်ဧါ. အဝဲအံၤမ့ၢ်ပှၤလၢ အတပျၢ်ဖျဲးအပှၤဃိာ်ဖိတဖၣ်ဒီးတပျဲဘၣ်အဝဲသ့ၣ်လၢ ကက့ၤဆူဟံၣ်ဘၣ်တဂၤန့ၣ်ဧါ.’

လံာ်ယၡါယၤ 14:5

ယွၤမၤကတၢၢ်ကွံာ်စီၤပၤအအၢအသီတဖၣ်အတၢ်စိတၢ်ကမီၤဒီး

လံာ်ယၡါယၤ 14:6

ပှၤလၢအမၤနၢၤမၤဃၣ်ပှၤဂီၢ်မုၢ်လၢတၢ်သးဒိၣ်ဒီးတဆိကတီၢ် လၢအတၢ်မၤနးမၤဖှီၣ်ပှၤကလုာ်တဖၣ်လၢအဝဲသ့ၣ်ဒုးန့ၢ်ဒီးမၤ နၢၤအီၤတဖၣ်န့ၣ်ယွၤဆိကတီၢ်ကွံာ်အီၤလံ.

လံာ်ယၡါယၤ 16:4

ပျဲပအိၣ်လၢနထံလီၢ်ကီၢ်ပူၤတက့ၢ်. ဒီဒၣ်အိၣ်ပှိၤပှၤလၢပှၤတဖၣ်လၢအသးအိၣ်မၤဟးဂီၤပှၤန့ၣ် တက့ၢ်.” (တၢ်မၤအၢမၤနးဒီးတၢ်မၤဟးဂီၤကကတၢၢ်ဝဲ ဒီးပှၤတဖၣ်လၢအမၤဟးဂီၤထံကီၢ်ကလဲၤပူၤကွံာ်ဝဲလီၤ.

လံာ်ယၡါယၤ 21:2

ယထံၣ်တ့ၢ်တၢ်ထံၣ်လၢညါခီဘၣ်ဃးတၢ်မၤအသးအၢအၢ သီသီတဖၣ်, တၢ်ထံၣ်လၢညါခီဘၣ်ဃးတၢ် ဟ့ၣ်လီၤကွံာ်ဒီးတၢ်မၤဟးဂီၤတၢ်လီၤ. ကီၢ်ဧ့ၤလၣ်အသုးမုၢ်ဧၢ, လဲၤဒုးတၢ်တက့ၢ်. ကီၢ်မၤဒဲအသုး မုၢ်ဧၢ, ကဝီၤဃာ်ဝ့ၢ်တဖၣ်န့ၣ်တက့ၢ်. ကစၢ်ယွၤကမၤကတၢၢ် ကွံာ်တၢ်နးတၢ်ဖှီၣ်လၢကီၢ်ဘၤဘူၤလိၣ်ဒုးအိၣ်ထီၣ်ဝဲန့ၣ်လီၤ.

လံာ်ယၡါယၤ 47:5

ယွၤစံးဘၣ်ဝ့ၢ်ဘၤဘူၤလိၣ်, “ဆ့ၣ်နီၤလၢတၢ်အိၣ်ဃိကလာ်ဒီးလၢတၢ်ခံးတၢ်နၤ အပူၤတက့ၢ်. အဝဲသ့ၣ်တကိးနၤလၢပှၤကလုာ်တဖၣ် အနီၢ်ပၤမုၣ်လၢၤဘၣ်.

လံာ်ယၡါယၤ 49:26

ပှၤလၢအမၤအၢမၤသီသုတဖၣ်န့ၣ်ယကပျဲအမၤသံလိာ်အသးတဂၤဒီး တဂၤလီၤ. ဒ်ပှၤအီမူၤသံးအသိးန့ၣ်, အဝဲသ့ၣ်ကမူၤလၢတၢ်မၤသံတၢ်ဒီးတၢ် သူၣ်ဒိၣ်သးဖျိးလီၤ. အန့ၣ်ဒီးပှၤဟီၣ်ခိၣ်ဖိခဲလၢာ်ကသ့ၣ်ညါလၢယမ့ၢ်ယွၤ, ပှၤတဂၤလၢအအုၣ်က့ၤခီၣ်က့ၤသုဒီးမၤထူၣ်ဖျဲးသုလီၤ. အဝဲသ့ၣ်ကသ့ၣ်ညါဝဲလၢယမ့ၢ်အံၣ်စရ့လးအကစၢ်ယွၤလၢအအိၣ်ဒီး အစိကမီၤန့ၣ်လီၤ.”

လံာ်ယၡါယၤ 51:13

သုသးပ့ၤနီၣ်ကွံာ်ယွၤတဂၤန့ၣ်လၢအတ့လီၤပာ်လီၤသု, ဒီးသလၣ်ထီၣ်မူခိၣ်မူကပိာ်လိၤ, ဒီးပာ်လီၤဟီၣ်ခိၣ်အခီၣ်ထံးတဖၣ်လံဧါ. ဘၣ်မနုၤသုအိၣ်မူတထံၣ်ဃီလၢတၢ်ပျံၤဘၣ်ဖုးဘၣ်လၢပှၤလၢ အမၤအၢမၤနးသုအတၢ်သးကဲၤထီၣ်, ဒီးပှၤလၢအိၣ်ကတဲာ်ကတီၤအသးလၢကမၤဟးဂီၤသုန့ၣ်လဲၣ်. အဝဲသ့ၣ်အတၢ်သးကဲၤထီၣ်မၤဘၣ်ဒိဘၣ်ထံးသု တသ့လၢၤဘၣ်.

လံာ်ယၡါယၤ 51:23

ယကဟ့ၣ်လီၤအီၤဆူ, ပှၤတဖၣ်လၢအမၤအၢမၤနးသု, လၢအမၢသုမံလီၤလၢကျဲဘိတဖၣ်အပူၤ ဒီးယီၢ်တံၢ်သုဒ်ဟီၣ်ခိၣ်ကမူၣ်အသိး, အအိၣ်န့ၣ်လီၤ.”

လံာ်ယၡါယၤ 54:14

တၢ်စံၣ်ညီၣ်တီဒီးတၢ်အလိၤအဘၣ် ကဒုးဆူၣ်ထီၣ်နၤလီၤ. နကပူၤဖျဲးလၢတၢ်မၤအၢမၤနးဒီးတၢ်လီၤပျံၤလီၤဖုးလီၤ.

လံာ်ယၡါယၤ 9:4

အဂ့ၢ်ဒ်အံၤ, နမၤကၢ်တ့ၢ်နီၣ်ယိးဘိလၢအမၤဃၢမၤစံာ်အီၤ ဒီးနီၣ်တီၢ်လၢအတီၢ်အဝဲသ့ၣ်အဖံဘၣ်ခိၣ် တဖၣ်န့ၣ်လီၤ. နမၤနၢၤကွံာ်ပှၤကလုာ်လၢအမၤအၢမၤ နးဒီးဃုအဘျုးလၢနပှၤဂီၢ်မုၢ်အဖီခိၣ်, ဒ်နမၤနၢၤကွံာ်ကီၢ်မံးဒယၣ်အသုးမုၢ်လၢပျၢၤ အသိးန့ၣ်လီၤ.

လံာ်ယံးရမံယၤ 24:9

ယကဟဲစိာ်တၢ်တတၢးတနါဒ်န့ၣ်အသိးလၢအဝဲသ့ၣ်အဖီခိၣ်, တုၤဒၣ်လဲာ်ပှၤကလုာ်တဖၣ်လၢဟီၣ်ခိၣ်ဒီဘ့ၣ်ကပျံၤတၢ်ဖုးတၢ်န့ၣ် လီၤ. ပှၤဂီၢ်မုၢ်ကဒုၣ်ဒွဲၣ်အဝဲသ့ၣ်, ကကတိၤကလိာ်ကလာ်တၢ်ဘၣ်ဃးအဝဲ သ့ၣ်, ကတိၤနံၤဘၣ်ဖၣ်လဲအဝဲသ့ၣ်, ဒီးသူ အဝဲသ့ၣ်အမံၤဒ်တၢ်ဆိၣ်အၢတမံၤအသိးလၢတၢ်လီၢ်ကိးပူၤဒဲးဖဲ ယမၤလီၤပြံလီၤပြါအဝဲသ့ၣ်န့ၣ်လီၤ.

လံာ်ယံးရမံယၤ 48:17

သုဝဲလၢအအိၣ်ဘူးဒီးအီၤခဲလၢာ်, သုဝဲခဲလၢာ်လၢ အသ့ၣ်ညါအတၢ်မံၤဟူသၣ်ဖျါသ့ၣ်ဧၢ, ဟီၣ်တၢ်ယၢၤတၢ်လၢပှၤကလုာ်အဃိန့ၣ်တက့ၢ်. စံးသုဝဲဒၣ်လၢ အတၢ်ပၢတၢ်လၢ တၢ်စိကမီၤအပူၤ ဆိကတီၢ်အသးလံ. အလၤကပီၤဒီး အဂံၢ်ဆူၣ်ဘါဆူၣ်တဖၣ် တအိၣ် လၢၤဘၣ်န့ၣ်တက့ၢ်.

လံာ်သးသယုၢ်တၢ် 4:1

ပထူလၢအကတြ့ၣ်ကတြိၣ်တဖၣ်ထီၣ်အ့ၣ်ဝဲ, ယွၤအတၢ်လုၢ်ဟံၣ်အလၢၢ် တဖၣ်လီၤပြံလီၤပြါလၢကျဲတဖၣ်အဖီခိၣ်လီၤ.

လံာ်ယဃ့းစက့လး 5:15

ဖဲယသးဒိၣ်ထီၣ်ဒီးသးကဲၤထီၣ်ဘၣ်သုဒီးစံၣ်ညီၣ်သုန့ၣ်, ကယဲၢ်ပှၤကလုာ်အိၣ်ဝးတရံးသုတဖၣ်ကပျံၤတၢ်ဖုးတၢ်လီၤ. အဝဲသ့ၣ်ကကွၢ်ဃီၤသုလၢတၢ်သးဘၣ်အၢသုအပူၤဒီးကဒုၣ်ဒွဲၣ်စံး အၢသုန့ၣ်လီၤ.

လံာ်ဒၤနံးယ့လး 2:38

အဝဲဒုးကဲထီၣ်တ့ၢ်နၤလၢပှၤပၢတၢ်အိၣ်လၢဟီၣ်ခိၣ်ချၢခဲလၢာ်, ဒီးပှၤပၢဆၣ်ဖိကီၢ်ဖိဒီးထိၣ်ဧိၤလံာ်ဧိၤတဖၣ်လီၤ. နမ့ၢ်တၢ်ဂီၤအခိၣ်ထူန့ၣ်လီၤ.

လံာ်ဃဘးကူာ် 2:17

သုကူာ်လီၤကွံာ်လဘၤနိၣ်အသ့ၣ်ပှၢ်တဖၣ်, ဒီးခဲအံၤသုကဘၣ်တၢ်ဒီၣ်တဲာ်ကွံာ်သုလီၤ. သုမၤသံမၤဝီတ့ၢ်အဆၣ်ဖိကီၢ်ဖိတဖၣ်, ဒီးခဲအံၤဆၣ်ဖိကီၢ်ဖိတဖၣ်ကမၤပျံၤမၤဖုးသုလီၤ. တၢ်အံၤကမၤအသးလၢသုတၢ်မၤသံမၤဝီဒီးတၢ်ဂုာ် ဆူၣ်ပျီဆူၣ်ထီဒါပှၤဂီၢ်မုၢ်လၢဟီၣ်ခိၣ်ချၢဒီးအဝ့ၢ်တဖၣ်အဃိလီၤ.

လံာ်လီၣ်ဖျါ 17:6

ဒီးယထံၣ်လၢပိာ်မုၣ်န့ၣ်အီမူၤအသးလၢကစၢ်ယွၤအပှၤဂီၢ်မုၢ်တဖၣ်, ဒီးယ့ၣ်ၡူးအမၤထူရၤတဖၣ်, အသွံၣ်န့ၣ်လီၤ. ဖဲယထံၣ်အီၤန့ၣ်, ယကမၢကမၣ်ယဲဒိၣ်ဒိၣ်အါအါလီၤ.

လံာ်လီၣ်ဖျါ 18:16

ဒီးစံးဝဲ, “လီၤပျံၤလီၤဖုးဆံးဒိၣ်လဲၣ်. လၢဝ့ၢ်ဖးဒိၣ်တဖျၢၣ်အံၤအဂီၢ်, နးဝဲဖှီၣ်ဝဲဆံးဒိၣ်လဲၣ်. ဝ့ၢ်တဖျၢၣ်အံၤညီနုၢ်ကူသိးလၢတၢ်ကံးယာ် အလွဲၢ်ဝါ, တၢ်ကံးယာ်အလွဲၢ်လုးတကုာ်, ဒီးတၢ်ကံးယာ် အလွဲၢ်ဂီၤ, ဒီးကယၢကယဲအသးလၢထူ, လၢၢ်လုၢ်ဒိၣ်ပှ့ၤဒိၣ် တဖၣ်, ဒီးတၢ်မျၢ်ပလဲတဖၣ်လီၤ.

လံာ်လီၣ်ဖျါ 18:20

သးခုလၢအဝဲဒၣ်အတၢ်ဟးဂီၤကွံာ်အဃိတက့ၢ်. မူခိၣ်ဧၢ, သးခုတက့ၢ်, ကစၢ်ယွၤအပှၤဂီၢ်မုၢ်ဒီးတၢ်မၢဖိဒီးဝံသ့ၣ်တဖၣ်ဧၢ, အဂ့ၢ်ဒ်အံၤ, ကစၢ်ယွၤစံၣ်ညီၣ်ဃၣ်လံအီၤလၢတၢ်လၢ အမၤတ့ၢ်သုန့ၣ်အဃိလံ.