လံာ်ယၡါယၤ 14:29 - Sgaw Karen Common Bible

²⁹ ပှၤဖလ့ၡသးဖိသ့ၣ်ဧၢ, နီၣ်တီၢ်လၢအတီၢ်သုန့ၣ်ကၢ်လံ, ဘၣ်ဆၣ်သုတအိၣ်ဒီးတၢ်ဂ့ၢ်နီတမံၤလၢသုကသးခုအဂီၢ်ဘၣ်. ဖဲဂုၢ်တဘိသံန့ၣ်, ဂုၢ်အၢန့ၢ်ဒံးအန့ၣ်ဟဲထီၣ်လၢအလီၢ်လီၤ. ဂုၢ်တဘိအဒံၣ်ဖးထီၣ်ဝဲပ ယိၤလၢအယူၤတဘိလီၤ.

လံာ်ယၡါယၤ 14:29 Iomraidhean Croise

လံာ်စီၤပၤခံဘ့ၣ်တဘ့ၣ် 18:8

အဝဲမၤနၢၤကွံာ်ပှၤဖလ့ၡသးဖိတဖၣ်ဒီးနုာ်လီၤဒုးန့ၢ်အဝဲ သ့ၣ်အတၢ်အိၣ်တၢ်ဆိးအလီၢ်တဖၣ်, စးထီၣ်လၢသဝီအဆံးကတၢၢ်တဖျၢၣ်ဒီးတုၤလၢဝ့ၢ်အဒိၣ်ကတၢၢ်တ ဖျၢၣ်, ဃုာ်ဒီးဝ့ၢ်ဂါစၤဒီးလီၢ်ကဝီၤလၢအအိၣ်ဝးတရံးအီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:6

စီၤဧူးစံယါလဲၤထီၣ်ဒုးတၢ်ထီဒါပှၤဖလ့ၡသးဖိတဖၣ်န့ၣ် လီၤ. အဝဲမၤလီၤပှီၢ်ကွံာ်ဝ့ၢ်တဖၣ်လၢအမ့ၢ်ဝဲဝ့ၢ်ကၤသး, ဝ့ၢ်ယၤဘနၤဒီးဝ့ၢ်အၤစဒိာ်အတၢ်ဒူၣ်တဖၣ်ဒီးသူၣ်ထီၣ်ဝ့ၢ်တဖၣ် လၢအအိၣ်ဒီးတိာ်ဧိၤတာ်ဧိၤဘူးဒီးဝ့ၢ်အၤစဒိာ်ဒီးလၢကီၢ်ဖလ့ ၡသးအတၢ်လီၢ်အဂၤတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:18

တကတီၢ်ဃီအံၤန့ၣ်, ပှၤဖလ့ၡသးဖိတဖၣ်ဟဲနုာ်လီၤဒုးဆူၣ်ဝ့ၢ် တဖၣ်လၢအအိၣ်လၢမုၢ်နုာ်ကစၢၢ်တဖၣ်အခီၣ်ထံးဒီးလၢကီၢ်ယူဒၤ အကလံၤထံးန့ၣ်လီၤ. အဝဲသ့ၣ်မၤန့ၢ်ကွံာ်ဝ့ၢ်တဖၣ်လၢအမ့ၢ်ဝဲဘ့ၤသၡ့မ့ၣ်, အးယၤလိၣ်, ကဒ့ရိးန့ၣ်လီၤ. အဝဲသ့ၣ်မၤန့ၢ်ကွံာ်စ့ၢ်ကီးဝ့ၢ်တဖၣ်လၢ အမ့ၢ်ဝဲ, ၡိကိး, တံးမနၤကံးမစိၤဒီးသဝီၤတဖၣ်လၢအအိၣ်ဝးတရံးဝ့ၢ် တဖၣ်အံၤ, ဒီးသူၣ်လီၤအတၢ်အိၣ်တၢ်ဆိးအလီၢ်အဂၢၢ်အကျၢၤဖဲန့ၣ်လီၤ.

တၢ်ကတိၤဒိ. 24:17

သးခုဖဲနဒုၣ်နဒါကွၢ်ဆၢၣ်မဲာ်တၢ်တတၢးတနါ, ဒီးသူၣ်ဖှံသးညီဖဲအဝဲအခီၣ်ဘၣ်တိၢ်အခါန့ၣ်တဂ့ၤ.

လံာ်ယၡါယၤ 11:14

အဝဲသ့ၣ်ကပာ်ဖှိၣ်အသးဒီးကဒုးတၢ်ထီဒါပှၤဖလ့ၡသးဖိလၢ မုၢ်နုာ်တခီဒီးဂုာ်ဆူၣ်ပျီဆူၣ်ပှၤလၢအအိၣ်လၢမုၢ်ထီၣ်တကပၤ န့ၣ်လီၤ. အဝဲသ့ၣ်ကမၤန့ၢ်မၤနၢၤပှၤအဒိၣ်ဒီးမိၤအး, ဒီးပှၤဧၣ်မိၣ်ဖိကစူၢ်အဝဲသ့ၣ်လီၤ.

လံာ်ယၡါယၤ 11:8

ဖိသၣ်ဖိတဂၤ, မ့ၢ်လိာ်ကွဲဘူးဒီးဂုၢ်လၢအစုၣ်အိၣ်တဘိဒၣ်လဲာ်, တဘၣ်ဒိဘၣ်ထံးဝဲဘၣ်.

လံာ်ယၡါယၤ 14:31

သုဝဲပှၤဖလ့ၡသးဖိအဝ့ၢ်တဖၣ်ဧၢ, ဟီၣ်အိၣ်ယူၤဒီးကိးထီၣ်လၢ တၢ်မၤစၢၤအဂီၢ်တက့ၢ်. သုဝဲခဲလၢာ်သ့ၣ်ဧၢ, ပျံၤတၢ်ဖုးတၢ်တက့ၢ်. ဖၣ်ကမူၣ်အတၢ်အၢၣ်တကိၢ်လိၣ်ဟဲထီၣ်လၢကလံၤစိးတခီလီၤ. မ့ၢ်သုးမုၢ်တဖုလၢပှၤပျံၤတၢ်တအိၣ်ဘၣ်လၢအသုးမုၢ်အကျါနီ တဂၤဘၣ်န့ၣ်လီၤ.

လံာ်ယၡါယၤ 2:6

အိကစၢ်ယွၤဧၢ, နညိကွံာ်တ့ၢ်နပှၤဂီၢ်မုၢ်စီၤယၤကိာ်အစၢၤ အသွဲၣ်တဖၣ်လံ. ထံကီၢ်အံၤပှဲၤဝဲဒီးတၢ်မၤကဒါပှၤအမဲာ်အလုၢ် အလၢ်ဟဲလၢမုၢ်ထီၣ်ဒီးလၢကီၢ်ဖလ့ၡသးလီၤ. ပှၤဂီၢ်မုၢ်ပိာ်ထွဲ ပှၤတခီဘီမုၢ်အလုၢ်အလၢ်တဖၣ်န့ၣ်လီၤ.

လံာ်ယၡါယၤ 30:6

အအံၤမ့ၢ်ကစၢ်ယွၤအတၢ်ကစီၣ်ဘၣ်ဃးဆၣ်ဖိကီၢ်ဖိတဖၣ်အဂ့ၢ် လၢကလံၤထံးမဲးမုၢ်ခိၣ်လီၤ. “ထံကီၢ်ခၢၣ်စးတဖၣ်လဲၤတၢ် ခီဖျိထံကီၢ်လၢအလီၤပျံၤလီၤဘၣ်ယိၣ်, ဖဲခ့ယုၢ်တဖၣ်, ဖဲဂုၢ်လၢအစုၣ်အၢတဖၣ်ဒီးပယိၤလၢအယူၤတဖၣ် အိၣ်ဝဲန့ၣ်လီၤ. အဝဲသ့ၣ်ဒုးဝံဒုးစိာ်အကသ့ၣ်ယီၤဒီးကီၤလၤအူးတဖၣ် လၢတၢ်ဟ့ၣ်လုၢ်ဒိၣ်ပှ့ၤဒိၣ်တဖၣ်လၢပှၤတကလုာ်လၢအမၤ စၢၤအဝဲသ့ၣ်တသ့နီတမံၤဘၣ်အဂီၢ်န့ၣ်လီၤ.

လံာ်ယံးရမံယၤ 47:1

တချုးလၢကီၢ်အဲၤကူပတူးအစီၤပၤလဲၤဒုးဝ့ၢ်ဂါစၤဒံးဘၣ်န့ၣ်, ယွၤကတိၤတၢ်ဒီးယၤဘၣ်ဃးကီၢ်ဖလ့ၡသးအဂ့ၢ်လီၤ.

လံာ်သးသယုၢ်တၢ် 2:17

လၢခံကတၢၢ်န့ၣ်, ယွၤမၤဝံၤတၢ်ဒ်အကတိၤပျံၤကတိၤဖုးဆိပာ်ဝဲ လၢအကမၤတၢ်န့ၣ်လီၤ. အဝဲမၤဟးဂီၤတ့ၢ်ပှၤဒ်အဟ့ၣ်ပလီၢ်တ့ၢ်ပှၤလၢပျၢၤလံၤလံၤအသိး ဒီးတသးကညီၤဘၣ်တၢ်ဘၣ်. ဟ့ၣ်လီၤတၢ်မၤနၢၤလၢပဒုၣ်ပဒါတဖၣ်, ဟ့ၣ်လီၤအီၤလၢတၢ်သးခု လၢပတၢ်လီၤပှီၢ်အဖီခိၣ်န့ၣ်လီၤ.

လံာ်ယဃ့းစက့လး 25:15

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ပှၤဖလ့ၡသးဖိတဖၣ်ဟ့ၣ်ကၣ် တၢ်အၢအၢသီသီလၢအဒုၣ်အဒါလီၢ်လံၤလၢပျၢၤတဖၣ်အဖီခိၣ်ဒီး မၤဟးဂီၤကွံာ်အီၤလၢအဝဲသ့ၣ်အတၢ်သးဟ့အပူၤန့ၣ်လီၤ.

လံာ်ယဃ့းစက့လး 26:2

အဒ်မ်ဝဲစံးဝဲဒၣ်, “ပှၤကညီလၢအသံသ့ဧၢ, အအံၤမ့ၢ်တၢ်လၢပှၤဂီၢ်မုၢ်လၢဝ့ၢ်ထါယၢၣ်အပူၤကိး ပသူထီၣ်တၢ်သူၣ်ဖှံသးညီအပူၤအဂ့ၢ်န့ၣ်လီၤ. အဝဲသ့ၣ်ကိးသတြီထီၣ်ဝဲ, ဝ့ၢ်ယရူၤၡလ့ၣ်ဟးဂီၤလီၤပြံလီၤပြါ ကွံာ်လံ. အပနံၣ်တၢ်ကၤတၢ်အတၢ်မၤအစိကမီၤန့ၣ်ဟးဂီၤကွံာ်လံ. အဝဲတမ့ၢ်လၢၤပှၤပြၢလိာ်အသးဒီးပှၤနီတစုလၢၤဘၣ်.

လံာ်ယဃ့းစက့လး 35:15

ဒ်သိးဒၣ်, သုသူၣ်ဖှံသးညီသုဝဲလၢကီၢ်အံၣ်စရ့လးလၢအမ့ၢ်ယတၢ် ဒၣ်ယဲအတၢ်မၤဟးဂူာ်ဟးဂီၤအဃိန့ၣ်လီၤ. စ့ဧၢ်အကစၢၢ်ကလိတဖၣ် မ့ၢ်မး, ကီၢ်အဒိၣ်ဒီဘ့ၣ်ညါမ့ၢ်ဂ့ၤကအိၣ်သယုၢ်လီၤဃီန့ၣ်လီၤ. အန့ၣ်တစုပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ဟိၤၡ့ 9:1

ကီၢ်အံၣ်စရ့လးအပှၤဂီၢ်မုၢ်ဧၢ, ပာ်ကတီၢ်သု တၢ်မၤမူးမၤပွဲလၢအလီၤဂာ်ဒ်ပှၤဘါတၢ်ဂီၤတဖၣ်အသိးန့ၣ်တ က့ၢ်. သုဃၣ်ကပၤကွံာ်သုသးလၢသုကစၢ်ယွၤဒီးသု တသူၣ်တီသးရၤတ့ၢ်ဒီးအီၤဘၣ်. လၢကီၢ်ဒီဘ့ၣ်ညါအံၤသုဆါလီၤကွံာ်သုသးဒ် ပှၤဃဲသဲမုၣ်တဖၣ်အသိးဆူကစၢ်ဘဧၤလးအအိၣ်ဒီးသုအဲၣ်တ့ၢ် ဘုခ့လၢသုဆိကမိၣ်လၢအဝဲဟ့ၣ်သုလၢတၢ်ဘူးတၢ်လဲအဂီၢ်န့ၣ် လီၤ.

လံာ်ယိၤအ့လး 3:4

ဝ့ၢ်ထါယၢၣ်, ဝ့ၢ်စံဒိၣ်ဒီးကယဲၢ်လီၢ်ကဝီၤလၢကီၢ်ဖလ့ၡသးသ့ၣ်ဧၢ, သုကမၤယၤဒ်လဲၣ်. သုကျဲးစၢးလၢသုကမၤဆၢကဒါက့ၤယၤလၢ တၢ်တမံၤမံၤအဂီၢ်န့ၣ်ဧါ. သုမ့ၢ်မၤဒီး, ယကမၤဆၢကဒါက့ၤသုချ့ချ့ ကလဲာ်လီၤ.

လံာ်ဧၤမိၣ် 1:6

ဒီးယွၤစံးဝဲဒၣ်, “ပှၤဝ့ၢ်ဂါစၤဖိတဖၣ်မၤတ့ၢ်လံတၢ်ဒဲးဘးတဘျီ ဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်စိာ်ကွံာ်ပှၤကီၢ်ဖိဒီတကီၢ်ညါဒီးဆါကွံာ်ဝဲဒ်ကုၢ် တဖၣ်အသိးဆူပှၤကီၢ်အဒိၣ်ဖိတဖၣ်အအိၣ်လီၤ.

လံာ်ဧၤမိၣ် 1:8

ဒီးယကသုးကွံာ်ပှၤပၢၤဝ့ၢ်အၤစဒိာ် ဒီးဝ့ၢ်အၤၡကလိၣ်အပဒိၣ်တဖၣ်န့ၣ်လီၤ. ဒီးယကစံၣ်ညီၣ်ဝ့ၢ်ဧ့ကြိၣ်ဒီးကယဲၢ်ပှၤဖလ့ၡသးဖိတဖၣ်လၢအအိၣ် လီၤတဲာ်န့ၣ်ကသံလီၤ.”

လံာ်ဧိၤဘါဒယၤ 1:12

လၢနဒီပုၢ်ဝဲၢ်တဖၣ်လၢကီၢ်ယူဒၤဘၣ်ကီဘၣ်ခဲအမုၢ်နံၤန့ၣ်, နတကြၢးကွၢ်ကီအီၤဒီးဆၢကျၢၤသးအီၤဘၣ်. လၢပှၤယူဒၤဖိဘၣ်တၢ်မၤဟးဂီၤအီၤအမုၢ်နံၤန့ၣ်နတကြၢးသး ခုလၢအဖီခိၣ်ဘၣ်, လၢအဝဲသ့ၣ်ဘၣ်တၢ်ကိၢ်တၢ်ဂီၤအမုၢ်နံၤန့ၣ်နတ ကြၢးကတိၤတၢ်အိၣ်ဒီးတၢ်ပာ်နသးကဖၢလၢဘၣ်.

လံာ်မံကၤ 7:8

တၢ်ဂ့ၢ်တအိၣ်ဘၣ်နီတမံၤလၢပဒုၣ်ပဒါတဖၣ်ကသးခုခူသူၣ်လၢ ပဖီခိၣ်ဘၣ်. ပလီၤဃံၤတ့ၢ်လံ. ဘၣ်ဆၣ်ဒီးပကဂဲၤထၢၣ်က့ၤကဒီးလီၤ. ခဲအံၤပအိၣ်လၢတၢ်ခံးကျါဘၣ်ဆၣ်ဒီးယွၤကဟ့ၣ်ပှၤတၢ်ကပီၤလီၤ.

လံာ်စဖါနယၤ 2:4

ပှၤတအိၣ်တီၢ်ဘၣ်နီတဂၤလၢဝ့ၢ်ဂါစၤအပူၤဘၣ်. ဝ့ၢ်အၤၡကလိၣ်ကဘၣ်တၢ်ဟးဂီၤလဲၤသဒၣ်ကွံာ်အီၤလီၤ. ပှၤလၢဝ့ၢ်အၤစဒိးတဖၣ်ကဘၣ်တၢ်ဟီထီၣ်ကွံာ်အီၤလၢတမုၢ်ထူၣ် အတီၢ်ပူၤဒီးပှၤလၢဝ့ၢ်ဧ့ကြိၣ်တဖၣ်ကဘၣ်တၢ်နီၣ်ထီၣ်ကွံာ်အီၤ လၢအဝ့ၢ်ပူၤန့ၣ်လီၤ.

လံာ်စဖါနယၤ 2:5

သုဝဲပှၤဖလ့ၡသးဖိ, ပှၤအိၣ်ဝဲဆိးဝဲလၢပီၣ်လဲၣ်နံၤသ့ၣ်တဖၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. ယွၤဟ့ၣ်လီၤတ့ၢ်တၢ်စံၣ်ညီၣ်လၢသုဖီခိၣ်လီၤ. အဝဲဒၣ်ကမၤဟးဂီၤကွံာ်သုဒီးပှၤလၢသုကျါတအိၣ်တီၢ်ဘၣ်နီတဂၤဘၣ်.

လံာ်စဖါနယၤ 3:11

ဒီးလၢအကတီၢ်အဝဲန့ၣ်, သုဝဲယပှၤဂီၢ်မုၢ်အံၤ သုမဲာ်ဆှးလၢသုပူထီၣ်ထီဒါတ့ၢ်ယၤအဃိအလီၢ်တအိၣ်လၢၤဘၣ်. ယကသုးကွံာ်ပှၤကိးဂၤဒဲးလၢအသးထီၣ်ထီဒီးအပာ် ကဖိအသးတဖၣ်ဒီးသုတပူထီၣ် ထီဒါကဒီးယၤလၢယကစၢၢ်စီဆှံအလိၤနီတစုလၢၤဘၣ်န့ၣ်လီၤ.

လံာ်စကၤရယၤ 9:5

ဝ့ၢ်အၤၡကလိၣ်ကထံၣ်ဘၣ်တၢ်အံၤဒီးကပျံၤတၢ်လီၤ. ဝ့ၢ်ဂါစၤကထံၣ်ဘၣ်တၢ်အံၤဒီးကကနိးကစုာ်ဖးဒိၣ်လီၤ. ဒ်န့ၣ်အသိးဝ့ၢ်ဧ့ကြိၣ်ဒီးအတၢ်မုၢ်လၢ်တဖၣ်စ့ၢ်ကီးကဟးဂီၤဝဲလီၤ. ဝ့ၢ်ဂါစၤအစီၤပၤကလီၤမၢ်သဒၣ်အီၤဒီးဝ့ၢ်အၤၡကလိၣ်ကအိၣ်တ့ၢ် သယုၢ်သညိလီၤ.

လံာ်တၢ်ဂံၢ် 21:8

တုၤနုၤတစု, ယွၤစံးဘၣ်စီၤမိၤၡ့လၢကမၤကဲထီၣ်ဂုၢ်သ့ၣ်တဘိ လၢတိၢ်ဘီဒီးပာ်ထီၣ်အီၤလၢသ့ၣ်တဘိအဖီခိၣ်ဒ်သိးပှၤတဂၤလၢ် လၢ်လၢဘၣ်တၢ်အ့ၣ်ဘၣ်အီၤလၢဂုၢ်န့ၣ်ကွၢ်ထီၣ်ဝဲကသ့ဒီး ကဘျါက့ၤအဂီၢ်န့ၣ်လီၤ.

လံာ်စီၤယိၤၡူ 13:3

ဃုာ်ဒီးပှၤဧၤဝံဖိအကီၢ်လၢကလံၤထံးန့ၣ်လီၤ. (ကီၢ်လၢထံကျိဖိၡံဃိၢ်လၢကီၢ်အဲၤကူပတူးအမုၢ်ထီၣ်ဆူကလံၤစိး တုၤဆူဧ့ကြိၣ်အကီၢ်ဆၢလၢတၢ် ပာ်လၢပှၤကနၤဧၣ်ဖိအဂီၢ်န့ၣ်လီၤ. ပှၤဖလ့ၡသးဖိအစီၤပၤအိၣ်ဝဲယဲၢ်ဂၤ လၢအမ့ၢ်ဝဲဂါစၤအၤစဒိာ်, အၤၡကလိၣ်, ကၤသး, ဧ့ကြိၣ်အစီၤပၤန့ၣ်လီၤ).