လံာ်ယၡါယၤ 14:21 - Sgaw Karen Common Bible

²¹ မ်တၢ်မၤသံတၢ်စးထီၣ်တက့ၢ်. စီၤပၤအံၤအဖိခွါတဖၣ်ကဘၣ် သံလၢအမိၢ်ပၢ်ဖံဖုတဖၣ်အတၢ်ဒဲးဘးအဃိလီၤ. အဝဲသ့ၣ်တပၢဘၣ်ဟီၣ်ခိၣ်ဒီးကးဘၢအီၤလၢဝ့ၢ်တဖၣ်နီတဂၤ နီတစုဘၣ်.”

လံာ်ယၡါယၤ 14:21 Iomraidhean Croise

လံာ်စီၤယိၤဘး 37:12

ဒီးသုးအသးဒ်ကစၢ်ယွၤအတၢ်ဘၣ်သးအသိးန့ၣ်လီၤ. အဝဲသ့ၣ်မၤတၢ်ကိးမံၤဒဲးဒ်ယွၤမၤလိာ်တၢ်အသိး, လၢတၢ်လီၢ် ကိးပူၤဒဲးသကုၤဟီၣ်ခိၣ်ဒီဘ့ၣ်ညါန့ၣ်လီၤ.

လံာ်တၢ်ဟးထီၣ်ကွံာ် 20:5

သကူးလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါဒီးဘါထီၣ်အီၤတဂ့ၤ. အဂ့ၢ်ဒ်အံၤယမ့ၢ်ယွၤ, သုကစၢ်ယွၤလၢဝံသးစူၤပှၤပြၢလိာ်အသးဒီးအီၤတဖၣ်န့ၣ်တကဲဘၣ်န့ၣ်လီၤ. ယဒုးလီၤဘၣ်တၢ်စံၣ်ညီၣ်လၢပှၤတဖၣ်လၢအသးဟ့ယၤအလိၤဒီးလၢအစၢၤ အသွဲၣ်တဖၣ်အလိၤတုၤလၢပှၤသၢစိၤဒီးလွံၢ်စိၤတစိၤန့ၣ်လီၤ.

လံာ်ယၡါယၤ 13:16

ဖဲအဝဲသ့ၣ်ကွၢ်တၢ်လၢတၢ်မၤစၢၤတအိၣ်ဘၣ်အပူၤန့ၣ်, အဖိဆံးဖိတဖၣ်ကဘၣ်တၢ်တီၢ်သံကွံာ်အီၤ, အဟံၣ်တဖၣ် ကဘၣ်တၢ်ဂုာ်ဆူၣ်ပျီဆူၣ်အီၤ, ဒီးအမါတဖၣ်ကဘၣ်တၢ်မၤ ဆူၣ်မၤစိးအီၤန့ၣ်လီၤ.”

လံာ်ယၡါယၤ 27:6

မုၢ်နံၤတဖၣ်လၢအကဟဲအပူၤန့ၣ်, ကီၢ်အံၣ်စရ့လးအပှၤဂီၢ်မုၢ် လၢအဟဲလီၤစၢၤလၢစီၤယၤကိာ်, ကစဲၤလီၤအဂံၢ်ဒ်သ့ၣ်တထံး အသိးဒီးအဝဲသ့ၣ်ကဘိၣ်ထီၣ်ဆှိးထီၣ်ဒီးဟီၣ်ခိၣ်ကပှဲၤဒီးတၤ သၣ်လၢအဟ့ၣ်ထီၣ်ဝဲလီၤ.

လံာ်တၢ်ဘူၣ်ထီၣ်ဘါထီၣ် 26:39

ဒီးသုပှၤလၢအိၣ်လီၤတဲာ်တဖၣ်ကဟးဂူာ်ဟးဂီၤ ကွံာ်လၢသုဒုၣ်သုဒါအကီၢ်ပူၤမ့ၢ်လၢသုတၢ်ဒဲးဘးဒၣ်သုဝဲ အဃိဒီးပှၤလၢသုဟဲလီၤစၢၤလီၤသွဲၣ်လၢအီၤတဖၣ်အတၢ်ဒဲးဘးအဃိန့ၣ်လီၤ.

လံာ်မးသဲ 23:35

လၢတၢ်န့ၣ်အဃိ, တၢ်စံၣ်ညီၣ်ဃၣ်ဘၣ်ဃးဒီးတၢ်မၤသံပှၤလၢအတၢ်ကမၣ်တအိၣ်ဘၣ်, စးထီၣ်လၢတၢ်မၤသံကွံာ်စီၤဟ့းဘ့းလးလၢအတၢ်ကမၣ်တအိၣ်ဘၣ်, တုၤလီၤလၢတၢ်မၤသံကွံာ်စီၤဘရ့ကယၤအဖိခွါစီၤစကၤရယၤလၢ သုမၤသံကွံာ်အီၤလၢတၢ်လီၢ်စီဆှံဒီးတၢ်လုၢ်လီၢ်အဘၢၣ်စၢၤန့ၣ်, ကလီၤတီလၢသုလိၤလီၤ.