လံာ်ယၡါယၤ 14:2 - Sgaw Karen Common Bible

² ပှၤကလုာ်အါကလုာ်ကမၤစၢၤပှၤအံၣ်စရ့လးဖိတဖၣ်ဒ်သိးကက့ၤ ကဒါက့ၤဘၣ်ဆူကီၢ်လၢယွၤဟ့ၣ်လီၤအဝဲသ့ၣ်န့ၣ်လီၤ. ဖဲန့ၣ်, ပှၤကလုာ်တဖၣ်ကမၤပှၤအံၣ်စရ့လးဖိတဖၣ်အတၢ် ခ့တၢ်ပှၤအတၢ်မၤဒ်ကုၢ်တဖၣ်အသိးန့ၣ်လီၤ. တဘျီပှၤလၢအမၤန့ၢ်မၤ နၢၤပှၤအံၣ်စရ့လးဖိတဖၣ်န့ၣ်, ခဲအံၤကဘၣ်တၢ်မၤန့ၢ်မၤ နၢၤအီၤလၢပှၤအံၣ်စရ့လးဖိ, ဒီးအံၣ်စရ့လးအပှၤဂီၢ်မုၢ်က ပၢပှၤတဖၣ်လၢ, တဘျီမၤနၢၤမၤဃၣ်တ့ၢ်အဝဲသ့ၣ်န့ၣ်လီၤ.

လံာ်ယၡါယၤ 14:2 Iomraidhean Croise

လံာ်စီၤဧ့စြၤ 2:65

အဝဲသ့ၣ်အခ့အပှၤပိာ်မုၣ်ပိာ်ခွါတဖၣ်, နွံကထိသၢကယၤသၢဆံနွံ ဂၤ, ပှၤသးဝံၣ်တၢ်ဖိပိာ်ခွါပိာ်မုၣ်, ခံကထိ ဂၤ,

စံးထီၣ်ပတြၢၤ 68:18

အဝဲလဲၤထီၣ်လံဆူတၢ်ထီၣ်ထီတဖၣ်လံ. ဖီၣ်န့ၢ်ကုၢ်တဖၣ်ဒီးဒိးန့ၢ်ဘၣ် တၢ်ဟ့ၣ်တဖၣ်လၢပှၤကညီအကျါ, လၢပှၤပူထီၣ်တၢ်သ့ၣ်တဖၣ်အကျါဒၣ်လဲာ်န့ၣ်လီၤ. ယွၤကစၢ်ယွၤကအိၣ်ဝဲဆိးဝဲဖဲန့ၣ်လီၤ.

လံာ်ယၡါယၤ 18:7

တၢ်ဆၢကတီၢ်ကဟဲဝဲဖဲယွၤသ့တၢ်လၢာ်ကစၢ်ကတူၢ်လိာ်တၢ် လုၢ်မၤဘူၣ်တဖၣ်လၢကီၢ်လၢအဘၣ်တၢ်နီၤဖးအီၤလၢထံ ကျိတဖၣ်, ကီၢ်လၢအဂံၢ်ဆူၣ်ဒီးအိၣ်ဒီးအစိကမီၤအံၤ, ပှၤလၢအနီၢ်ထီဒီးအဖံးဘျ့ဒီးဘၣ်တၢ်ပျံၤအီၤလၢ ဟီၣ်ခိၣ်ဒီဘ့ၣ်ညါအံၤ, အအိၣ်န့ၣ်လီၤ. အဝဲသ့ၣ်ကဟဲဆူကစၢၢ်စံယိၣ်ဖဲယွၤသ့တၢ်လၢာ်ကစၢ် ဘၣ်တၢ်ဘူၣ်ထီၣ်ဘါထီၣ်အီၤန့ၣ်လီၤ.

လံာ်ယၡါယၤ 31:8

ကီၢ်အၤၡူၢ်ကဘၣ်တၢ်မၤဟးဂီၤအီၤလၢတၢ်ဒုးအပူၤ, ဘၣ်ဆၣ်တမ့ၢ်လၢပှၤကညီအတၢ်စိကမီၤဘၣ်. ပှၤအၤၡူၢ်ဖိတဖၣ်ကထွးထီၣ်ဃ့ၢ်ကွံာ်လၢတၢ်ဒုးဒီးအဝဲသ့ၣ် အပှၤသးစၢ်တဖၣ်ကဘၣ်တၢ်ဒုးကဲထီၣ်အီၤလၢကုၢ်တဖၣ်န့ၣ်လီၤ.

လံာ်ယၡါယၤ 45:14

ယွၤစံးဘၣ်ကီၢ်အံၣ်စရ့လး, “ကီၢ်အဲၤကူပတူးဒီးကီၢ်ကူၤၡးအတၢ်ထူးတၢ်တီၤတဖၣ်ကမ့ၢ်နတၢ်, ဒီးပှၤစဘၤဖိလၢအနီၢ်ဒိၣ်ထီတဖၣ်ကမ့ၢ်နကုၢ်နပှၤတဖၣ်လီၤ. အဝဲသ့ၣ်ကပိာ်နခံလၢတၢ်စၢဃာ်အထးသွဲတဖၣ်အပူၤလီၤ. အဝဲသ့ၣ်ကတီၤလီၤကဒွံကျိာ်လၢနမဲာ်ညါဒီး အၢၣ်လီၤဝဲလၢ, ကစၢ်ယွၤအိၣ်ဒီးနၤ, အဝဲမ့ၢ်ကစၢ်ယွၤထဲတဂၤဧိၤန့ၣ်လီၤ.

လံာ်ယၡါယၤ 49:22

ယွၤပၢဘၣ်တၢ်ခဲလၢာ်အကစၢ်စံးဘၣ်အပှၤဂီၢ်မုၢ်, ယကဒုးနဲၣ်တၢ်ပနီၣ်ဆူပှၤကလုာ်တဖၣ် ဒီးအဝဲသ့ၣ်ကဟဲဆှၢက့ၤသုဖိတဖၣ်ဆူဟံၣ်လီၤ.

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်ယၡါယၤ 49:25

ယွၤစံးဆၢဝဲ, “တၢ်လၢအကမၤအသးမ့ၢ်တၢ်ဒ်န့ၣ်လီၤ. ပှၤသုးဖိအပှၤဘၣ်စၢဃာ်လၢဃိာ်ပူၤတဖၣ်ကဘၣ်တၢ်စိာ်ကွံာ်အီၤ ဒီးပှၤပၢတၢ်ဖဲအသးအၢအၢသီသီတဂၤအတၢ်ဂုာ်န့ၢ်န့ၣ်ကဘၣ်တၢ် ဟံးန့ၢ်အီၤလီၤ. ယကဒုးတၢ်ထီဒါပှၤတဂၤလၢ်လၢ်လၢအဒုးတၢ်ထီဒါသုဒီးယကမၤပူၤ မၤဖျဲးသုဖိတဖၣ်လီၤ.

လံာ်ယၡါယၤ 54:3

နကမၤလဲၢ်ထီၣ်နကီၢ်ဆၢတဖၣ်လၢကိးအကပၤဒဲးလီၤ. နပှၤဂီၢ်မုၢ်ကမၤန့ၢ်က့ၤအထံအကီၢ်လၢပှၤကလုာ်ဂၤ တဖၣ်နုာ်လီၤအိၣ်ခဲအံၤန့ၣ်လီၤ. ဝ့ၢ်တဖၣ်လၢခဲအံၤအိၣ်သယုၢ်ဝဲန့ၣ်, ကဘၣ်တၢ်မၤပှဲၤအီၤလၢပှၤဂီၢ်မုၢ်လီၤ.

လံာ်ယၡါယၤ 60:14

ပှၤလၢအမၤအၢမၤနးနၤအဖိခွါတဖၣ်ကဟဲဝဲ ဒီးသကူးဖုၣ်လီၤအသးဒ်သိးကဒုးနဲၣ်အဝဲသ့ၣ်အ တၢ်ယူးယီၣ်ပာ်ကဲနၤအဂီၢ်လီၤ. ကယဲၢ်ပှၤလၢတဘျီ, အသးဘၣ်အၢတ့ၢ်နၤ ကဘူၣ်ထီၣ်ဘါထီၣ်တၢ်လၢနခီၣ်ထံးလီၤ. အဝဲသ့ၣ်ကကိးနၤလၢ, ယွၤအမူအဝ့ၢ်, ဝ့ၢ်စံယိၣ်, ပှၤအံၣ်စရ့လးဖိအကစၢ်ယွၤစီဆှံအခူအဝ့ၢ်န့ၣ်လီၤ.

လံာ်ယၡါယၤ 60:4

ကွၢ်တရံးနဃၢၤဝးဝးဒီး ထံၣ်တၢ်လၢအမၤအသးန့ၣ်တက့ၢ်. နပှၤဂီၢ်မုၢ်ပာ်ဖှိၣ်အသးလၢအကဟဲက့ၤဆူဟံၣ်လံ. နဖိခွါတဖၣ်ကဟဲလၢတၢ်လီၢ်အယံၤ ဒီးနဖိမုၣ်တဖၣ်ကဘၣ်တၢ်စိာ်အီၤဒ်ဖိသၣ်အသိးလီၤ.

လံာ်ယၡါယၤ 61:5

ယပှၤဂီၢ်မုၢ်သ့ၣ်ဧၢ, ပှၤတခီဘီမုၢ်ဖိတဖၣ်ကမၤတၢ်ခ့တၢ်ပှၤ အတၢ်မၤလၢသုဂီၢ်လီၤ. အဝဲသ့ၣ်ကအံးထွဲကွၢ်ထွဲသုသိအဖုတဖၣ် ဒီးထူသုစံာ်သုပှဲၤဒီးကတဲာ်ကတီၤသုစပံးလီၢ်တဖၣ်လီၤ.

လံာ်ယၡါယၤ 66:12

ယွၤစံးဝဲဒၣ်, “ယကဟဲစိာ်န့ၢ်သုတၢ်ဘီၣ်တၢ်ညီအဂၢၢ်အကျၢၤ လီၤ. ပှၤကလုာ်တဖၣ်အတၢ်ထူးတၢ်တီၤကတုၤအိၣ်သုဒ် ထံကျိတဘိလၢအတလီၤသံးနီတစုဘၣ်အသိးန့ၣ်လီၤ. သုကလီၤဂာ်ဒ်ဖိသၣ်တဂၤလၢအမိၢ်ဒုးအီၣ်နုၢ်အီၤ, စိာ်အီၤလၢအစုလိၤ, ဒီးကွၢ်တ့ၢ်အီၤလၢတၢ်အဲၣ်တၢ်ကွံ အပူၤအသိးန့ၣ်လီၤ.

လံာ်ယံးရမံယၤ 30:16

ဘၣ်ဆၣ်ဒီး ခဲအံၤ, ပှၤလၢအအ့ၣ်အီၣ် သုခဲလၢာ် ကဘၣ်တၢ်အ့ၣ်အီၣ်ကွံာ်အီၤ, ဒီးသုဒုၣ်သုဒါခဲလၢာ်, ကဘၣ်တၢ်စိာ်ကွံာ်အီၤ ဒ်ပှၤဘၣ်တၢ်စိာ်မၢကဲကုၢ်အီၤတဖၣ် အသိးန့ၣ်လီၤ. ပှၤလၢ အမၤနးမၤဖှီၣ်သုခဲလၢာ် ကဘၣ် တၢ်မၤနးမၤဖှီၣ်အီၤ, ဒီးပှၤလၢ အဂုာ်ဆူၣ်ပျီဆူၣ်သုတၢ်ခဲလၢာ် ကဘၣ်တၢ်ဂုာ်ဆူၣ်ပျီဆူၣ်အီၤ န့ၣ်လီၤ.

လံာ်ယံးရမံယၤ 49:2

ဘၣ်ဆၣ်ဒီး တၢ်ဆၢကတီၢ်ဟဲလံဝဲလၢ ယကဒုးနၢ်ဟူပှၤဂီၢ်မုၢ်အိၣ်လၢ ဝ့ၢ်ခိၣ်ရးဘး အပူၤလၢ တၢ်ဒုးတၢ်ယၤအသီၣ်, ဒီးဝ့ၢ်န့ၣ် ကဟးဂီၤကွံာ်ဒီး အသဝီတဖၣ်မ့ၣ်အူကအီၣ် ကွံာ်အီၤန့ၣ်လီၤ. အန့ၣ်ဒီး, ကီၢ်အံၣ်စရ့လးကဟံး န့ၢ်ကဒါက့ၤအကီၢ်လၢ ပှၤတဖၣ်လၢ အဟံးန့ၢ်ကွံာ် အီၤလၢ အဝဲသ့ၣ်အစုပူၤအအိၣ်န့ၣ်လီၤ.

လံာ်ယဃ့းစက့လး 39:10

အဝဲသ့ၣ်တဘၣ်ထၢဖှိၣ်လၢၤဘၣ်သ့ၣ်မုၣ်လၢပျီတဖၣ်အပူၤမ့ၢ်ဂ့ၤ, ကူာ်လီၤသ့ၣ်တဖၣ်လၢပှၢ်ပူၤမ့ၢ်ဂ့ၤလၢၤဘၣ်. အဂ့ၢ်ဒ်အံၤအဝဲသ့ၣ် ကအိၣ်ဒီးတၢ်စုကဝဲၤလၢအဘၣ်တၢ်ပာ်လီၤတဲာ်ကွံာ်အီၤတဖၣ် လၢကဆိၣ်ကဲၤဝဲအဂီၢ်န့ၣ်လီၤ. အဝဲသ့ၣ်ကဂုာ်ဆူၣ်ပျိဆူၣ်ဒီး ဂုာ်န့ၢ်ကွံာ်ပှၤတဖၣ်လၢအဂုာ်ဆူၣ်ပျိဆူၣ်ဒီးဂုာ်န့ၢ်တ့ၢ်အဝဲသ့ၣ် န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ဒၤနံးယ့လး 7:18

ဒီးတၢ်ထီကတၢၢ်ကစၢ်ယွၤအပှၤဂီၢ်မုၢ်န့ၣ်ကဒိးန့ၢ်ဘၣ်စီၤလိၣ် စီၤပၤအစိကမီၤ, ဒီးဟံးဃာ်အီၤအစိၤစိၤအဃၣ်ဃၣ်န့ၣ်လီၤ.”

လံာ်ယိၤအ့လး 3:8

ဒီးယကဆါကွံာ်သုဖိခွါဒီးသုဖိမုၣ်တဖၣ်ဆူပှၤယူဒၤဖိအစုပူၤ, ဒီးအဝဲသ့ၣ်ကဆါကွံာ်ကဒီးအီၤဆူပှၤစဘၤဖိလၢအအိၣ်ဝဲ လၢတၢ်လီၢ်အယံၤန့ၣ်လီၤ. ယၤ, ယွၤ, ကတိၤလံတၢ်လံန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:44

သုမ့ၢ်လိၣ်ဘၣ်ကုၢ်ဒီးပှ့ၤန့ၢ်အီၤလၢပှၤကလုာ်အိၣ်လၢသုခိၣ် သုဃၢၤတဖၣ်န့ၣ်တက့ၢ်.

လံာ်ဧိၤဘါဒယၤ 1:17

မ့မ့ၢ်လၢကစၢၢ်စံယိၣ်အလိၤန့ၣ်ပှၤတနီၤကပူၤဖျဲးဝဲဒီးကမ့ၢ်ဝဲ တၢ်လီၢ်စီဆှံလီၤ. ဒီးစီၤယၤကိာ်အပှၤဟံၣ်ဖိကန့ၢ်ဘၣ်က့ၤအထံ အကီၢ်လၢအမ့ၢ်အတၢ်န့ၢ်သါဒၣ်ဝဲန့ၣ်လီၤ.

လံာ်စကၤရယၤ 2:13

ပှၤကိးဂၤဒဲးသ့ၣ်ဧၢ, အိၣ်ဘှီၣ်ကလာ်လၢယွၤအမဲာ်ညါတက့ၢ်. အဂ့ၢ်ဒ်အံၤ, အဝဲဟဲလၢအအိၣ်အဆိးအလီၢ်စီဆှံန့ၣ်လီၤ.

လံာ်စကၤရယၤ 2:9

“ယွၤအနီၢ်ကစၢ်ဒၣ်ဝဲကဒုးတၢ်ထီဒါသု, ဒီးသုကဘၣ်တၢ်ဂုာ်ဆူၣ်ပျီဆူၣ်သုလၢပှၤဂီၢ်မုၢ်, လၢတဘျီအမ့ၢ်တ့ၢ်သုခ့သုပှၤတဖၣ်န့ၣ်လီၤ.” ဖဲတၢ်အံၤမၤအသးန့ၣ်, ပှၤကိးဂၤဒဲးကသ့ၣ်ညါဝဲဒၣ်လၢယွၤသ့ တၢ်လၢာ်ဆှၢလီၤယၤန့ၣ်လီၤ.

လံာ်လူၤကၣ် 12:45

ဘၣ်ဆၣ်ဒီးတၢ်ခ့တၢ်ပှၤအဝဲန့ၣ်မ့ၢ်စံးလီၤက့ၤအသး, ‘ယကစၢ်ကဟဲက့ၤအဆၢကတီၢ်ယံာ်ဒံးဝဲလီၤ. ဒီးဒိတီၢ်တၢ်ခ့တၢ်ပှၤပိာ်မုၣ်ပိာ်ခွါခဲလၢာ်, ဒီးအီၣ်တၢ်ဒီးအီတၢ်ဒီးအီမူၤအသးန့ၣ်,

ရိမ့ၤ 15:27

အဝဲသ့ၣ်အကစၢ်ဒၣ်ဝဲအသးဆူၣ်သးခုမၤတၢ်အံၤလီၤ. ဘၣ်ဆၣ်ဒီးနီၢ်နီၢ်တခီအဝဲသ့ၣ်အိၣ်ဒီးအမူအဒါလၢအကမၤစၢၤ ပှၤတဖၣ်န့ၣ်လီၤ. အဂ့ၢ်ဒ်လဲၣ်န့ၣ်, ဒ်ပှၤယူဒၤဖိတဖၣ်နီၤဟ့ၣ်ပှၤကလုာ်ဂၤတဖၣ်လၢနီၢ်သးအတၢ်ဆိၣ် ဂ့ၤအသိးန့ၣ်ပှၤကလုာ်ဂၤတဖၣ်ကြၢးမၤစၢၤပှၤယူဒၤဖိတဖၣ်လၢနီၢ်ခိ အတၢ်ဆိၣ်ဂ့ၤတကပၤန့ၣ်လီၤ.

၂ ကရံၣ်သူး 10:5

ပဒုးလီၤမၢ်ကွံာ်ကယဲၢ်တၢ်တြီမၤတံာ်တာ်လၢအအိၣ်ဒီးတၢ်ပာ် ကဖၢလၢသးတမံၤလၢ်လၢ်, လၢအဘၣ်တၢ်ယူာ်ထီၣ်အီၤထီဒါတၢ်သ့ၣ်ညါဘၣ်ဃးဒီး ကစၢ်ယွၤ, ပဖီၣ်န့ၢ်ကယဲၢ်တၢ်ဆိကမိၣ်တမံၤလၢ်လၢ်ဒီးစူၢ်အီၤလၢ ခရံာ်အကလုၢ်န့ၣ်လီၤ.

ကလၤတံ 5:13

မ့မ့ၢ်သုဝဲယဒီပုၢ်ဝဲၢ်သ့ၣ်ဧၢ, သုဘၣ်တၢ်ကိးသုဒ်သိးသုကဒိး န့ၢ်တၢ်သဘျ့လီၤ. ဘၣ်ဆၣ်တဘၣ်ပျဲသုတၢ်သဘျ့အံၤကဲထီၣ်တၢ် ကတိၤပူၤဖျဲးသုသးလၢသုကပျဲသုနီၢ်ခိအတၢ်အဲၣ်ဒိးတဖၣ် ပၢၤသုတဂ့ၤ. အခိၣ်တလိာ်, ပျဲတၢ်အဲၣ်တၢ်ကွံမၤတၢ်လၢသုကမၤစၢၤလိာ်သုသးတဂၤဒီး တဂၤန့ၣ်တက့ၢ်.

အ့းဖ့းစူး 4:8

ဒ်တၢ်ကွဲးအသးစံးဝဲအသိး, “ဖဲအဝဲလဲၤထီၣ်ဆူတၢ်လီၢ်အထီကတၢၢ်န့ၣ်, စိာ်မၢကဲကုၢ်ဃုာ်ဒီးအီၤ, ပှၤအါဒံအါဂၤလီၤ. အဝဲဟ့ၣ်ပှၤဟီၣ်ခိၣ်ဖိလၢအတၢ်ဟ့ၣ်တဖၣ်လီၤ.”

လံာ်လီၣ်ဖျါ 3:9

ဒိကနၣ်တက့ၢ်. မ့မ့ၢ်ပှၤတဖုတကရၢလၢအဘၣ်ထွဲဒီးမုၣ် ကီၤလံၢ်, ပှၤလီတၢ်သ့ၣ်တဖၣ်လၢအစံးလီၤအသးလၢအမ့ၢ် ပှၤယူဒၤဖိဘၣ်ဆၣ်တမ့ၢ်ဘၣ်တဖၣ်န့ၣ်, ယကမၤဒ်သိးအဝဲသ့ၣ်ကဟဲဒီးချံးခီၣ်တီၤလီၤလၢသုခီၣ်ထံး န့ၣ်လီၤ. အဝဲသ့ၣ်ကိးဂၤဒဲးကသ့ၣ်ညါလၢယအဲၣ်သုလီၤ.