လံာ်ယၡါယၤ 14:19 - Sgaw Karen Common Bible

¹⁹ မ့မ့ၢ်နဲ, နတၢ်သွၣ်ခိၣ်ပူၤတအိၣ်ဘၣ်. ဒီးနစိၣ်ဘၣ်တၢ်ကွံာ်လီၤ အီၤဆူတၢ်အုၣ်တၢ်ကျၣ်အပူၤလီၤ. ဘၣ်တၢ်ကးဘၢအီၤလၢ သုးဖိတဖၣ်အနီၢ်ခိလၢအသံလၢတၢ်ဒုးတၢ်ယၤအပူၤဒီးဘၣ်တၢ် စူးကွံာ်ဃုာ်အီၤဒီးအဝဲသ့ၣ်ဆူလၢၢ်လ့အပူၤတပူၤဒီးဘၣ်တၢ်ယီၢ်တံၢ် အီၤန့ၣ်လီၤ.

လံာ်ယၡါယၤ 14:19 Iomraidhean Croise

လံာ်စီၤပၤအခီၣ်ထံးတဘ့ၣ် 21:19

တဲဘၣ်အီၤလၢယၤ, ယွၤစံးဘၣ်အီၤ, ဖဲနမၤသံကွံာ်ပှၤတဂၤဝံၤ အလီၢ်ခံန့ၣ်, မ့ၢ်နကဟံးန့ၢ်ကွံာ်အတၢ်စုလီၢ်ခီၣ်ခိၣ်စ့ၢ်ကီးဧါ. တဲဘၣ်အီၤလၢအအံၤမ့ၢ်တၢ်လၢယစံးန့ၣ်တက့ၢ်. ဖဲတၢ်လီၢ်တတီၤဃီလၢထွံၣ်တဖၣ်လ့ၣ်ကွံာ်စီၤနၤဘိးအသွံၣ်န့ၣ် အဝဲသ့ၣ်ကလ့ၣ်ထီၣ်ကွံာ်နသွံၣ်စ့ၢ်ကီးန့ၣ်လီၤ.”

လံာ်စီၤပၤအခီၣ်ထံးတဘ့ၣ် 21:24

ကယဲၢ်နဘူးနတံၢ်တဂၤလၢ်လၢ်လၢအသံလၢဝ့ၢ်ပူၤန့ၣ်ထွံၣ်တဖၣ်ကအီၣ် ကွံာ်အီၤဒီးပှၤတဂၤလၢ်လၢ်လၢအသံလၢတၢ်ပျီပူၤန့ၣ်လီတးတဖၣ် ကအီၣ်ကွံာ်အီၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 9:25

ဒီးစီၤယ့ၤဟူစံးဘၣ်အပှၤကွၢ်ထွဲမၤစၢၤအီၤစီၤဘံးဒကၢ်, “ဟံးထီၣ်အစိၣ်န့ၣ်ဒီးတ့ၢ်လီၤကွံာ်အီၤလၢစီၤနၤဘိးအပျီ ပူၤတက့ၢ်. သ့ၣ်နီၣ်ထီၣ်က့ၤလၢဖဲနၤဒီးယၤပဒိးကသ့ၣ်လၢ စီၤပၤယဟိရၣ်အပၢ်စီၤအၤဃာ်အလီၢ်ခံအခါန့ၣ်, ယွၤကတိၤတၢ်ကတိၤတဖၣ်အံၤထီဒါစီၤအၤဃာ်န့ၣ်တက့ၢ်.

လံာ်ယၡါယၤ 13:15

ပှၤလၢအဘၣ်တၢ်ဖီၣ်န့ၢ်အီၤတဂၤလၢ်လၢ်ကဘၣ်တၢ်ဆဲးသံကွံာ်လီၤ.

လံာ်ယၡါယၤ 14:18

ဟီၣ်ခိၣ်အစီၤပၤခဲလၢာ်မံလီၤလၢတၢ်သွၣ်ခိၣ်လီၤဘီလီၤမုၢ်တဖၣ် အပူၤန့ၣ်လီၤ.

လံာ်ယၡါယၤ 34:3

အဝဲသ့ၣ်အစိၣ်တဖၣ်တဘၣ်တၢ်ခူၣ်လီၤအီၤဘၣ်. ကအိၣ်ဒၣ်ဖဲန့ၣ်, အုၣ်သံကျၣ်သံနၢအုၣ်နၢပူး, ဒီးကစၢၢ်ကလိ တဖၣ်ကဂီၤဝဲဒီးတၢ်သွံၣ်လီၤ.

လံာ်ယၡါယၤ 5:25

ယွၤသးဒိၣ်အပှၤဂီၢ်မုၢ်ဒီးယူာ်ထီၣ်အစုလၢကစံၣ်ညီၣ်အဝဲသ့ၣ်အဂီၢ်လီၤ. ကစၢၢ်ကလိတဖၣ်ကဟူးဝးဝဲဒီးပှၤလၢအသံတဖၣ်အစိၣ်ကဘၣ်တၢ် ပာ်တ့ၢ်အီၤလၢကျဲခိၣ်ဒ်တၢ်တပှီာ်တပှာ်တဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးဒိၣ်ထီၣ်တကတၢၢ်ဒံးဘၣ်, ဒီးအစုကယၤထီၣ်ဒံးအ သးလၢကစံၣ်ညီၣ်တၢ်အဂီၢ်လီၤ.

လံာ်ယံးရမံယၤ 16:6

ပှၤထူးပှၤတီၤဒီးပှၤဖှီၣ်ဖိယာ်ဖိကသံလၢထံကီၢ်အံၤအပူၤ, ဘၣ်ဆၣ် ပှၤတခူၣ်လီၤအဝဲသ့ၣ်မ့ၢ်ဂ့ၤ, ဟီၣ်တၢ်ယၢၤတၢ်လၢအဝဲသ့ၣ်အဂီၢ် မ့ၢ်ဂ့ၤနီတဂၤဘၣ်. ပှၤတဂဲာ်လီၤအသးမ့ၢ်ဂ့ၤ, လူၤအခိၣ်လၢတၢ်ဒုးနဲၣ်အတၢ်သးအုးအဃိမ့ၢ်ဂ့ၤနီတဂၤဘၣ်.

လံာ်ယံးရမံယၤ 22:19

အဝဲကအိၣ်ဒီးတၢ်ခူၣ်လီၤအီၤအလၤကပီၤထဲသိးဒၣ်ကသ့ၣ်ယီၤ တဒုန့ၣ်လီၤ. အဝဲကဘၣ်တၢ်တွံၢ်ထုးထီၣ်အီၤ ဒီးကွံာ်ကွံာ်အီၤလၢဝ့ၢ်ယရူၤၡလ့ၣ်အတြဲၤတဖၣ်အချၢန့ၣ်လီၤ.”

လံာ်ယံးရမံယၤ 41:7

ဒီးတုၤအဝဲသ့ၣ်လဲၤနုာ်လၢ ဝ့ၢ်အသးကံၢ်ပူၤတဘျီဃီန့ၣ်, စီၤယံးၡမၤအ့လးဒီး အပှၤတဖၣ် မၤသံကွံာ်အဝဲသ့ၣ်ဒီး ကွံာ်နုာ်အဝဲသ့ၣ်အစိၣ်တဖၣ်ဆူ ထံပူၤတပူၤန့ၣ်လီၤ.

လံာ်ယံးရမံယၤ 41:9

ထံပူၤလၢ စီၤယံးၡမၤအ့လးကွံာ်နုာ်ပှၤလၢအဝဲမၤသံကွံာ်ဝဲတဖၣ် အစိၣ်န့ၣ်, မ့ၢ်ထံပူၤဖးဒိၣ်တပူၤလၢ စီၤပၤအၤစါခူၣ်တ့ၢ်ဝဲဖဲအဝဲ ဘၣ်တၢ်ဒုးအီၤလၢ ကီၢ်အံၣ်စရ့လးအစီၤပၤဘါၡၤအခါန့ၣ်လီၤ. စီၤယံးၡမၤအ့လးမၤပှဲၤထံပူၤန့ၣ်လၢ ပှၤအစိၣ်တဖၣ်န့ၣ်လီၤ.

လံာ်ယံးရမံယၤ 51:4

အဝဲသ့ၣ်ကဘၣ်ဒိဘၣ်ထံးဒီး သံလၢအဝဲသ့ၣ် အဝ့ၢ်တဖၣ်အကျဲဘိတဖၣ်အပူၤန့ၣ်လီၤ.

လံာ်ယဃ့းစက့လး 32:23

ဒီးအဝဲသ့ၣ်အသွၣ်ခိၣ်တဖၣ်အိၣ်ဝဲလၢတၢ်သံအကီၢ်အယိာ်ကတၢၢ် အလီၢ်န့ၣ်လီၤ. အဝဲအပှၤသုးဖိခဲလၢာ်လီၤဃံၤတ့ၢ်လၢတၢ်ဒုး အပူၤဒီးအဝဲသ့ၣ်အသွၣ်ခိၣ်တဖၣ်အိၣ်ဝးတရံးအဝဲအသွၣ်ခိၣ်အပူၤ န့ၣ်လီၤ. တဘျီန့ၣ်အဝဲသ့ၣ်မ့ၢ်ဒၣ်လဲာ်ပှၤလၢအမၤပျံၤမၤဖုး ပှၤမူတဖၣ်အကီၢ်န့ၣ်လီၤ.

လံာ်ယဃ့းစက့လး 32:27

အဝဲသ့ၣ်တဖၣ်တဘၣ်တၢ်ဟ့ၣ်အီၤလၢတၢ်မၤလၤကပီၤအတၢ်ခူၣ်လီၤ ဘျၢလီၤဒ်ပှၤဒူပှၤဃိၤလၢပျၢၤတဖၣ်အသိးလၢအလဲၤထီၣ်ဆူ တၢ်သံအကီၢ်ပူၤန့ၣ်ဘၣ်. ပှၤဒူပှၤဃိၤတဖၣ်န့ၣ်ကံာ်တူာ်အသး လၢလၢပှဲၤပှဲၤ, အဝဲသ့ၣ်အနးတဖၣ်ဘၣ်တၢ်ပာ်လီၤအီၤလၢအခိၣ် တဖၣ်အဖီလာ်ဒီးအကတီၤတဖၣ်လၢအမိၢ်ပှၢ်တဖၣ်အလိၤန့ၣ်လီၤ. ပှၤဒူပှၤဃိၤတဖၣ်အံၤတဘျီန့ၣ်အိၣ်ဒီးအစိကမီၤလၢလၢပှဲၤပှဲၤ လၢကမၤပျံၤပှၤမူတဖၣ်န့ၣ်လီၤ.