လံာ်ယၡါယၤ 14:12 - Sgaw Karen Common Bible

¹² ဘၤဘူၤလိၣ်အစီၤပၤ, ဆၣ်တူၢ်ဂီၤကပြုၢ်ကပြီၤဧၢ, နလီၤ တဲာ်ကွံာ်လၢမူခိၣ်လံ. လၢအပူၤကွံာ်န့ၣ်, နမၤန့ၢ်မၤနၢၤပှၤကလုာ်တဖၣ် ဘၣ်ဆၣ်ဒီး, ခဲအံၤနဘၣ်တၢ်ကွံာ်လီၤနၤဆူဟီၣ်ခိၣ်လိၤလံ.

လံာ်ယၡါယၤ 14:12 Iomraidhean Croise

လံာ်ယၡါယၤ 13:10

ဆၣ်ကိးဖျၢၣ်ဒဲးဒီးဆၣ်ဒီတကရူၢ်ကဆိကတီၢ်လၢတၢ်ဟ့ၣ်ထီၣ်တၢ် ကပီၤအဂီၢ်လီၤ. တုၤမုၢ်ဟဲထီၣ်ဒီးတၢ်ကခံးလီၤဝဲဒီးလါတဟ့ၣ်ထီၣ်ဘၣ်တၢ်ကပီၤဘၣ်.

လံာ်ယၡါယၤ 34:4

မုၢ်, လါ, ဒီးဆၣ်တဖၣ်ကလီၤကလဲကွံာ်ဒီးကဲထီၣ်ဖၣ်ဆါန့ၣ် လီၤ. မူကပိာ်လိၤကလီၤမၢ်ကွံာ်ဒ်လံာ်ထူတထူဘၣ်တၢ်ထူထီၣ် အီၤအသိး, ဒီးဆၣ်တဖၣ်ကလီၤဆှု ဝဲဒ်သ့ၣ်လၣ်တဖၣ်လီၤဆှုကွံာ်လၢစပံးမုၢ်တမုၢ်, မ့တမ့ၢ်, ချၢၣ်ဒၢတထူၣ်အလိၤအသိး န့ၣ်လီၤ.

လံာ်ယံးရမံယၤ 50:23

ကီၢ်ဘၤဘူၤလိၣ်တီၢ်ကၢ်တီၢ်လီၤကလဲဟီၣ်ခိၣ်ဒီးခဲကနံၣ်အံၤ အခံၣ်ခူၣ်န့ၣ်ဘၣ်တၢ်မၤလီၤကလဲအီၤလံ. ပှၤကလုာ်ခဲလၢာ်ကမၢကမၣ်ဝဲလၢ တၢ်လၢအမၤတ့ၢ်အသးဒီး ကီၢ်အဝဲန့ၣ်န့ၣ်လီၤ.

လံာ်ယံးရမံယၤ 51:53

ကီၢ်ဘၤဘူၤလိၣ်လဲၤ ထီၣ်ဆူမူကပိာ်လိၤဒီးဘှီထီၣ်တိာ်ဂံၢ်ဆူၣ် ဘါဆူၣ်တဖျၢၣ်ဖဲန့ၣ်မ့ၢ်သ့ဒၣ်လဲာ်, ယကမၢလီၤဒံးပှၤဂီၢ်မုၢ်လၢ ကမၤဟးဂီၤအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်သးသယုၢ်တၢ် 2:1

ယွၤ, လၢအတၢ်သးဒိၣ်အပူၤကးဘၢတ့ၢ်ကစၢၢ်စံယိၣ်လၢတၢ်ခံးတၢ် နၤလီၤ. အတၢ်ကဟုကညီၢ်ဒ်လၢမူခိၣ်အသိးန့ၣ်, ယွၤဘိးဃၣ်ကွံာ်ဝဲဆူတၢ် ဟးဂူာ်ဟးဂီၤတဖၣ်အပူၤလီၤ. လၢအတၢ်သးဒိၣ်အမုၢ်တနံၤန့ၣ်ညိကွံာ်အတၢ်လုၢ်ဟံၣ်ဒၣ်လဲာ်လီၤ.

လံာ်ယဃ့းစက့လး 26:17

အဝဲသ့ၣ် ကသးဝံၣ်တၢ်သံအတၢ်သးဝံၣ်လၢနဂီၢ်န့ၣ်လီၤ. ဝ့ၢ်လၢအမံၤဟူသၣ်ဖျါန့ၣ်ဘၣ်တၢ်မၤဟးဂီၤကွံာ်အီၤလံ. ထံစိာ်ကွံာ် အဝဲအကဘီတဖၣ်လၢပီၣ်လဲၣ်တဖၣ်အပူၤလံ. ဝ့ၢ်အံၤအပှၤဂီၢ်မုၢ်, ပၢတ့ၢ်ပီၣ်လဲၣ်တဖၣ်ဒီး မၤပျံၤမၤဖုး ကယဲၢ်ပှၤတဖၣ်လၢအအိၣ်လၢပီၣ်လဲၣ်ကၢၢ်နံၤန့ၣ်လီၤ.

လံာ်ဧိၤဘါဒယၤ 1:4

နမ့ၢ်ယူၤနဲထီမးဒ်လံာ်ကြီကြာ်အသိး ဒီးနမ့ၢ်ပာ်နသွံလၢဆၣ်ဧိၤဖီဧိၤအကျါဘၣ်ဆၣ်, ယကထုးလီၤနၤလၢတၢ်လီၢ်အဝဲန့ၣ်လီၤ.

လံာ်လူၤကၣ် 10:18

ယ့ၣ်ၡူးစံးဆၢအဝဲသ့ၣ်, “ယထံၣ်မုၣ်ကီၤလံၢ်ဟဲလီၤတဲာ်လၢမူခိၣ်ဒ်လီဝၢ်ဒံးအသိးလီၤ.

၂ ပ့းတရူး 1:19

လၢတၢ်န့ၣ်အဃိ, တၢ်ကစီၣ်လၢဝံတဖၣ်တဲဖျါထီၣ်ဝဲဒၣ်န့ၣ်, လီၤတံၢ်လၢပဂီၢ်ဒိၣ်န့ၢ်အလီၢ်တက့ၢ်လီၤ. သုဂ့ၤပာ်သူၣ်ပာ်သး လၢတၢ်ကစီၣ်အံၤလၢအလီၤဂာ်ဒီးမ့ၣ်အူဒၢကပီၤထီၣ်လၢတၢ် ခံးကျါတုၤလီၤလၢမုၢ်ဆ့ၣ်ထီၣ်ဒီးဆၣ်တူၢ်ဂီၤအတၢ်ကပီၤ ကပီၤထီၣ်လၢသုသးကံၢ်ပူၤတစုန့ၣ်လီၤ.

၂ ပ့းတရူး 2:4

ကလူးလၢအမၤတၢ်ဒဲးဘးတဖၣ်န့ၣ်, ကစၢ်ယွၤတပျၢ်ဖျဲး အီၤဘၣ်ဒီးတ့ၢ်လီၤကွံာ်အဝဲသ့ၣ်ဆူလရာ်အပူၤ, ဒီးဖဲန့ၣ်အဝဲသ့ၣ်ဘၣ်တၢ်စၢဃာ်အီၤလၢတၢ်ခံးတၢ်နၤ အပူၤဒီးအိၣ်ခိးမုၢ်စံၣ်ညီၣ်အနံၤန့ၣ်လီၤ.

လံာ်လီၣ်ဖျါ 2:28

ယကဟ့ၣ်အဝဲသ့ၣ်တၢ်စိတၢ်ကမီၤလၢထံကီၢ်တဖၣ်အဖီခိၣ်, ဒ်သိးအကပၢအဝဲသ့ၣ်လၢနီၣ်တီၢ်ထးဒီးအကမၤသဘှံး အဝဲသ့ၣ်ဒ်သပၢၤဟီၣ်ခိၣ်တဖၣ်အသိးန့ၣ်လီၤ. ယကဟ့ၣ်စ့ၢ်ကီးအဝဲသ့ၣ်လၢဆၣ်တူၢ်ဂီၤန့ၣ်လီၤ.

လံာ်လီၣ်ဖျါ 22:16

“ယၤ, ယ့ၣ်ၡူး, ယဆှၢလီၤယဲယကလူးဒ်သိးအကဘိးဘၣ်သ့ၣ်ညါ သုဘၣ်ဃးတၢ်သ့ၣ်တဖၣ်အံၤလၢတၢ်အိၣ်ဖှိၣ်တဖၣ်အပူၤလီၤ. ယဟဲလီၤစၢၤယဲဒၣ်လၢစီၤဒၤဝံးအဒူၣ်အထၢ, ယမ့ၢ်ဆၣ်တူၢ်ဂီၤလၢအကပြုၢ်ကပြီၤတဖျၢၣ်န့ၣ်လီၤ.”

လံာ်လီၣ်ဖျါ 8:10

အန့ၣ်ဝံၤဒီးကလူးသၢဂၤတဂၤအူထီၣ်အကွဲၤန့ၣ်လီၤ. ဆၣ်ဖးဒိၣ်တဖျၢၣ်, လၢအကပီၤဝဲဒ်ဆှီတဘိအသိး, ဟဲလီၤတဲာ်လၢမူကပိာ်လိၤဒီးလီၤဝဲလၢထံကျိတဖၣ် အသၢပူတပူအဖီခိၣ်, ဒီးလၢထံမူထီၣ်ပၢၢ်တဖၣ်အဖီခိၣ်လီၤ.

လံာ်လီၣ်ဖျါ 9:1

တၢ်န့ၣ်ဝံၤအလီၢ်ခံ, ကလူးယဲၢ်ဂၤတဂၤအူထီၣ်အကွဲၤ လီၤ. ယထံၣ်ဆၣ်တဖျၢၣ်လၢအဟဲလီၤတဲာ်ဆူဟီၣ်ခိၣ်, ဒီးဘၣ်တၢ်ဟ့ၣ်အီၤတၢ်ပူၤယိာ်အနီၣ်ဝံာ်လီၤ.