လံာ်ယၡါယၤ 14:10 - Sgaw Karen Common Bible

¹⁰ အဝဲသ့ၣ်ခဲလၢာ်ကိးထီၣ်ဆူအဝဲအအိၣ်, ခဲအံၤနဂံၢ်စၢ်ဘါစၢ်ဒ်ပဝဲအသိးဒီး နမ့ၢ်ပှၤလၢပကျါတဂၤလီၤ.

လံာ်ယၡါယၤ 14:10 Iomraidhean Croise

စံးထီၣ်ပတြၢၤ 49:20

ပှၤကညီအိၣ်ဝဲဆိးဝဲလၢ အတၢ်လၤတၢ်ကပီၤအပူၤတသ့နီတဂၤဘၣ်. အဝဲလီၤဂာ်ဒ်ဆၣ်ဖိကီၢ်ဖိလၢ အဟးဂီၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 2:16

ပှၤတသ့ၣ်နီၣ်ပှၤကူၣ်တၢ်သ့မ့ၢ်ဂ့ၤ, ပှၤဟးဂီၤဖိတဖၣ်မ့ၢ်ဂ့ၤ နီတဂၤဘၣ်. မုၢ်နံၤလၢအကဟဲတဖၣ်အပူၤန့ၣ်, ပဝဲခဲလၢာ်ပကဘၣ်တၢ်သးပ့ၤနီၣ်ကွံာ်ပှၤန့ၣ်လီၤ. ပှၤကူၣ်တၢ်သ့မ့ၢ်ဂ့ၤ, ပှၤဟးဂီၤဖိမ့ၢ်ဂ့ၤ, ပကဘၣ်သံဒၣ်ခဲလၢာ်န့ၣ်လီၤ.

လံာ်ယဃ့းစက့လး 26:20

ယကဆှၢလီၤနၤဆူပှၤသံတဖၣ် အကီၢ်ပူၤလၢနကလဲၤအိၣ်ဆိးဃုာ်ဒီးပှၤလၢအအိၣ်တ့ၢ်လၢ ပျၢၤတဖၣ်န့ၣ်လီၤ. ယကဒုးလဲၤအိၣ်နၤလၢ ဟီၣ်ခိၣ်အဖီလာ်လၢတၢ်ဟးဂီၤလီၤထူလီၤယိာ်အကျါ, လဲၤအိၣ်ဆိးဃုာ်ဒီးပှၤသံတဖၣ်န့ၣ်လီၤ. လၢတၢ်န့ၣ်အဃိ နကဲထီၣ်က့ၤကဒါတၢ်အိၣ်တၢ်ဆိးအလီၢ်ဒီးဟံးန့ၢ်နလီၢ်လၢ ပှၤအမူအကီၢ်ပူၤ, တသ့နီတစုလၢၤဘၣ်.

လံာ်ယဃ့းစက့လး 32:21

ပှၤဒူပှၤဃိၤအဒိၣ်ကတၢၢ်တဖၣ်ဒီးပှၤတဖၣ်လၢအဒုးတၢ်လၢ ပှၤအဲၤကူပတူးဖိအအိၣ်တကပၤန့ၣ်တူၢ်လိာ်မုာ်ပှၤအဲၤကူပတူးဖိ တဖၣ်ဆူတၢ်သံအကီၢ်ပူၤန့ၣ်လီၤ. အဝဲသ့ၣ်ကိးထီၣ်ဝဲ, ပှၤတဖၣ် လၢအယွၤတအိၣ်လၢအဘၣ်တၢ်မၤသံအီၤလၢတၢ်ဒုးအပူၤန့ၣ် ဟဲလီၤဝဲဖဲအံၤ, ဒီးမံလီၤဝဲဖဲအံၤန့ၣ်လီၤ.