လံာ်ယၡါယၤ 13:9 - Sgaw Karen Common Bible

⁹ ယွၤအမုၢ်တနံၤဟဲဝဲလံ. မ့ၢ်အတၢ်သးထီၣ်ဆူၣ်ဒီးအတၢ်သး ကဲၤထီၣ်အမုၢ်နံၤအအၢအသီတနံၤလီၤ. ဟီၣ်ခိၣ်ကဘၣ်တၢ်ဒုးကဲ ထီၣ်အီၤလၢတၢ်အိၣ်သယုၢ်အလီၢ်, ဒီးကယဲၢ်ပှၤတၢ်ဒဲးဘးဖိ ကဘၣ်တၢ်မၤဟးဂီၤကွံာ်အီၤလီၤ.

လံာ်ယၡါယၤ 13:9 Iomraidhean Croise

စံးထီၣ်ပတြၢၤ 104:35

မ်ပှၤတၢ်ဒဲးဘးဖိတဖၣ်ကလၢာ်ကွံာ်ဝဲလၢ ဟီၣ်ခိၣ်ချၢတက့ၢ်. ဒီးမ်ပှၤတတီတလိၤတဖၣ်သုတအိၣ်လၢၤတဂ့ၤ. ယသးဧၢ, စံးထီၣ်ပတြၢၤယွၤတက့ၢ်. စံးထီၣ်ပတြၢၤယွၤတက့ၢ်.

တၢ်ကတိၤဒိ. 2:22

ဘၣ်ဆၣ်ဒီး, ကစၢ်ယွၤကဖ့ၣ်ထဲးထီၣ်ကွံာ်ပှၤတတီတလိၤတဖၣ်ဒီးထုး ထီၣ်ကွံာ်ပှၤတၢ်ဒဲးဘးဖိတဖၣ်လၢထံဧိၤကီၢ်ဧိၤအပူၤဒ်တၢ်မုၢ် တၢ်ဘိတဖၣ်လၢဟီၣ်ခိၣ်လိၤအသိးန့ၣ်လီၤ.

လံာ်ယၡါယၤ 13:6

ဟီၣ်အိၣ်ယူၤလၢတၢ်ဆါအ့ၣ်ထုးအ့ၣ်စိၢ်အဃိတက့ၢ်. ယွၤအမုၢ်တနံၤန့ၣ်အိၣ်ဘူးဝဲ, မုၢ်တနံၤဖဲသ့တၢ်လၢာ်, ဟဲစိာ်တၢ်ဟးဂီၤန့ၣ်လီၤ.

လံာ်ယၡါယၤ 2:12

လၢနံၤအဝဲန့ၣ်န့ၣ်, ယွၤသ့တၢ်လၢာ်ကဆီၣ် လီၤပှၤကိးဂၤဒဲးလၢအဂံၢ်ဆူၣ်ဘါဆူၣ်, ပှၤကိးဂၤဒဲးလၢအပာ် ထီၣ်ထီအသးဒီးပာ်ကဖၢလၢအသးလီၤ.

လံာ်ယၡါယၤ 34:8

ခဲအံၤကမ့ၢ်တၢ်ဆၢကတီၢ်လၢယွၤကအုၣ်က့ၤခီၣ်က့ၤဝ့ၢ်စံယိၣ် ဒီးဟ့ၣ်ကၣ်အဒုၣ်အဒါတဖၣ်န့ၣ်လီၤ.

လံာ်ယၡါယၤ 63:4

ယစံၣ်ညီၣ်တဲာ်လၢတၢ်ဆၢကတီၢ်လၢယကအုၣ်က့ၤခီၣ်က့ၤယပှၤ ဂီၢ်မုၢ်ဟဲတုၤဝဲ, ဒီးတၢ်အံၤမ့ၢ်တၢ်ဆၢကတီၢ်လၢတၢ်စံၣ်ညီၣ် အဝဲသ့ၣ်အဒုၣ်အဒါတဖၣ်အဂီၢ်လီၤ.

လံာ်ယၡါယၤ 66:17

ယွၤစံးဝဲဒၣ်, “တၢ်အကတၢၢ်ဘူးထီၣ်လၢပှၤလၢအမၤကဆှီ အသးလၢပှၤတစူၢ်တနာ်ယွၤအတၢ်ဘူၣ်တၢ်ဘါအဂီၢ်, ပှၤလၢအလဲၤသကိးတၢ်ဆူတၤသၣ်လီၢ်စီဆှံတဖၣ်, ဒီးပှၤလၢအအီၣ်ထိးညၣ်, ယုၢ်ညၣ်ဒီးတၢ်အီၣ်အဂၤလၢ အလီၤသးဘၣ်အၢတဖၣ်အဂီၢ်လံ.

လံာ်ယၡါယၤ 9:19

မ့ၢ်လၢယွၤ, သ့တၢ်လၢာ်ကစၢ်အသးထီၣ်အဃိ, အဝဲအတၢ်စံၣ်ညီၣ်အီၣ်ကွံာ်တၢ်ဒ်မ့ၣ်အူအီၣ်တၢ်လၢထံကီၢ် ဒီဘ့ၣ်အသိး, ဒီးမၤဟးဂီၤကွံာ်ပှၤဂီၢ်မုၢ်လီၤ. ဒီးပှၤကိးဂၤဒဲးန့ၣ်မ့ၢ်ပှၤအဲၣ်လီၤထဲအသးဒၣ်ဝဲဧိၤန့ၣ်လီၤ.

လံာ်ယဃ့းစက့လး 13:5

အဝဲသ့ၣ်တကဟုကယာ်တၢ်လီၢ်တဖၣ်ဖဲတၢ်ဒူၣ်တဖၣ်လီၤပှီၢ်ကွံာ်ဝဲ မ့ၢ်ဂ့ၤ, တသူၣ်ထီၣ်ဘှီထီၣ်က့ၤတၢ်ဒူၣ်တဖၣ်န့ၣ်မ့ၢ်ဂ့ၤအဃိ, ဖဲတၢ်ဒုးတၢ်ယၤတုၤအိၣ်ဝဲအမုၢ်တနံၤန့ၣ်, ကီၢ်အံၣ်စရ့လးတြီဆၢတၢ်တသ့ဘၣ်န့ၣ်လီၤ.

လံာ်ယဃ့းစက့လး 30:3

မုၢ်တနံၤန့ၣ်ဘူးထီၣ်လံ. မုၢ်တနံၤဖဲယွၤကမၤတၢ်, မုၢ်တနံၤလၢ အပှဲၤဒီးတၢ်အၢၣ်တဖၣ်ဒီး တၢ်ကိၢ်တၢ်ဂီၤလၢပှၤကလုာ်တဖၣ်အဂီၢ်န့ၣ်လီၤ.

လံာ်ယိၤအ့လး 1:15

ကစၢ်အမုၢ်နံၤ, မုၢ်တနံၤလၢသ့တၢ်လၢာ်ကစၢ်ကဟဲမၤဟးဂူာ်ဟးဂီၤတၢ်န့ၣ်ဘူး ထီၣ်လံ. မုၢ်နံၤအဝဲန့ၣ်မ့ၢ်တၢ်လီၤပျံၤလီၤဖုးအမုၢ်နံၤလီၤ.

လံာ်ယိၤအ့လး 2:1

အူထီၣ်ကွဲၤဒီးဒုးသီၣ်ထီၣ်တၢ်ဟ့ၣ်ပလီၢ်လၢကစၢ်ယွၤ အကစၢၢ်စီဆှံစံယိၣ်အလိၤန့ၣ်တက့ၢ်. ယူဒၤအပှၤဂီၢ်မုၢ်သ့ၣ်ဧၢ, ကနိးကစုာ်ဒီးပျံၤတၢ်တက့ၢ်. အဂ့ၢ်ဒ်အံၤ, ကစၢ်အမုၢ်နံၤကဟဲဘူးထီၣ်လံ.

လံာ်ယိၤအ့လး 2:31

တချုးလၢယွၤအမုၢ်နံၤလၢအလီၤပျံၤလီၤ ဖုးဖးဒိၣ်ဟဲဝဲဒံးဘၣ်န့ၣ်မုၢ်ကခံးလီၤဝဲ, ဒီးလါန့ၣ်ကလဲလိာ်အသးဆူအလွဲၢ်ဂီၤဒ်တၢ်သွံၣ်အသိးန့ၣ်လီၤ.

လံာ်နၤဃူၣ် 1:2

ယွၤ, ကစၢ်ယွၤအသးတစူၤဘၣ်ပှၤပြၢလိာ်အသးဒီးအီၤတဖၣ် နီတဂၤဘၣ်, အဝဲစံၣ်ညီၣ်ဃၣ်ပှၤလၢအထီဒါအီၤတဖၣ်ဒီး လၢအတၢ်သးကဲၤထီၣ်အပူၤန့ၣ်ဟ့ၣ်ကၣ်က့ၤ အဝဲသ့ၣ်န့ၣ်လီၤ.

လံာ်နၤဃူၣ် 1:6

မ့ၢ်မတၤကွၢ်ဆၢၣ်မဲာ်အတၢ်သးထီၣ်ကန့ၢ်တဂၤလဲၣ်. ဒီးမ့ၢ်မတၤတူၢ်အတၢ်သးကဲၤထီၣ်ကကဲဝဲတဂၤန့ၣ်လဲၣ်. လူလီၤဝဲအတၢ်သးကဲၤထီၣ်, ဒီးလၢၢ်ဧိၤလ့ဧိၤကၢ်လီၤကလဲကွံာ်ဆူဖၣ်ကမူၣ်လၢအမဲာ်ညါလီၤ.

လံာ်နၤဃူၣ် 1:8

ဘၣ်ဆၣ်ဒီးဒ်ထံလုၣ်ဘၢတၢ်ဖးဒိၣ်အသိးန့ၣ်, ကမၤဟးဂီၤကွံာ်အဒုၣ်အဒါတဖၣ်တုၤအလၢာ်လီၤ. အဝဲဆှၢပှၤလၢအထီဒါအီၤတဖၣ်န့ၣ်ဆူအတၢ်သံဒၣ်ဝဲန့ၣ်လီၤ.

လံာ်စဖါနယၤ 1:15

မုၢ်တနံၤန့ၣ်ကမ့ၢ်တၢ်သူၣ်ဒိၣ်သးဖျိးအမုၢ်တနံၤ, တၢ်သူၣ်ကိၢ်သးဂီၤဒီးတၢ်ကီတၢ်ခဲအမုၢ်တနံၤ, တၢ်ဟးဂူာ်ဟးဂီၤဒီးတၢ်လီၤပှီၢ်အမုၢ်တနံၤ, တၢ်ခံးတၢ်နၤဒီးတၢ်သးဟးဂီၤအမုၢ်တနံၤ, တၢ်အၢၣ်ဒီးတၢ်ခံးသူအမုၢ်တနံၤ,

လံာ်စကၤရယၤ 14:1

မုၢ်တနံၤလၢယွၤကစံၣ်ညီၣ်တၢ်န့ၣ်ဘူးထီၣ်လံ. အန့ၣ်ဒီးဝ့ၢ်ယရူၤၡလ့ၣ်ကဘၣ်တၢ်ဂုာ်ဆူၣ်ပျီဆူၣ်အီၤ, ဒီးတၢ်ဖိတၢ်လံၤလၢအဘၣ်တၢ်ဂုာ်ဆူၣ်ပျီဆူၣ် တဖၣ်န့ၣ်ကဘၣ်တၢ်နီၤဖးအီၤလၢသုမဲာ်ညါလီၤ.

လံာ်မၤလကံ 4:1

ယွၤသ့တၢ်လၢာ်စံးဝဲ, “မုၢ်တနံၤန့ၣ်ဟဲတုၤဝဲဖဲကယဲၢ်ပှၤလၢအပာ်ထီၣ်ထီအသးဒီးမၤ တၢ်အၢခဲလၢာ်ကဘၣ်တၢ်ဆူးထီၣ်ကွံာ်အီၤဒ်လီၢ်ဧိၤဒံးဧိၤအသိး န့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ်ကဘၣ်တၢ်ဆူးထီၣ်ကွံာ်အီၤ, ဒီးတၢ်တပာ်လီၤတဲာ်ဘၣ်တၢ်နီတမံၤဘၣ်ဃးဒီးအဝဲသ့ၣ်ဘၣ်.

လံာ်လီၣ်ဖျါ 18:8

လၢတၢ်တမံၤအံၤအဃိ, လၢတနံၤဃီအတီၢ်ပူၤ, အဝဲဒၣ်ကဘၣ်တၢ်မၤဘၣ်ဒိအီၤလၢ တၢ်သံသတြိာ်တဖၣ်, တၢ်ဆူးတၢ်ဆါ, တၢ်သူၣ်အုးသးအုး, ဒီးတၢ်သၣ်ဝံၤလီၤဒိ ဒီးအဝဲဒၣ်ကဘၣ်တၢ်ဒွဲၣ်အီၤလၢမ့ၣ်အူလီၤ. အဂ့ၢ်ဒ်အံၤ, ကစၢ်ယွၤလၢအစံၣ်ညီၣ်အီၤတဂၤ မ့ၢ်ပှၤလၢအစိဒိၣ်ကမီၤထီတဂၤလီၤ.”