လံာ်ယၡါယၤ 13:8 - Sgaw Karen Common Bible

⁸ အဝဲသ့ၣ်ခဲလၢာ်ကပျံၤတၢ်ဖုးတၢ်ဒီးတၢ်ဆိးကဲးကလုၣ်ဘၢအီၤ, ဒ်တၢ်ဆိးကဲးအိၣ်ဒီးပိာ်မုၣ်အဟုးဆါတဂၤအသိးန့ၣ်လီၤ. ကကွၢ်လိာ်အသးတဂၤဒီးတဂၤလၢတၢ်ပျံၤတၢ်ဖုးအပူၤ, ဒီးအမဲာ်သၣ်တဖၣ်ကကိၢ်ဝဲဒီးတၢ်မဲာ်ဆှးလီၤ.

လံာ်ယၡါယၤ 13:8 Iomraidhean Croise

လံာ်စီၤပၤခံဘ့ၣ်တဘ့ၣ် 19:26

ပှၤဂီၢ်မုၢ်လၢအအိၣ်ဝဲဆိးဝဲဖဲန့ၣ်အစိအကမီၤတအိၣ်ဘၣ်. အဝဲသ့ၣ်ပျံၤတၢ်ဖုးတၢ်ဒီးအသးလီၤကတုၤဝဲလီၤ. အဝဲသ့ၣ်လီၤဂာ်ဒ်တပံၢ်တမါလၢပျီတဘ့ၣ်အပူၤအသိးမ့ၢ်ဂ့ၤ, နီၣ် တဖၣ်လၢအမဲထီၣ်လၢတၢ်ခိၣ်ဒူတခါအလိၤမ့ၢ်ဂ့ၤ, ဖဲမုၢ်ထီၣ်ကလံၤ ကိၢ်အူဘၣ်အီၤဆူၣ်ဆူၣ်န့ၣ်လီၤ.

စံးထီၣ်ပတြၢၤ 48:7

ဒ်တၢ်ၡံၣ်အကဘီတဖၣ်လၢအဘၣ်တၢ်မၤဟးဂီၤ ကွံာ်အီၤလၢကလံၤလၢမုၢ်ထီၣ်အသိးန့ၣ်လီၤ.

လံာ်ယၡါယၤ 26:17

နဲဒၣ်, ယွၤဧၢ, နဒုးကိးပသူထီၣ်ပှၤ, ဒ်ပိာ်မုၣ်ဟုးဆါတဂၤကိးပသူထီၣ်ဝဲလၢတၢ်ဆူးတၢ် ဆါပူၤအသိးန့ၣ်လီၤ.

လံာ်ယံးရမံယၤ 13:21

ဖဲပှၤဂီၢ်မုၢ်လၢနဆိကမိၣ်လၢအမ့ၢ်နတံၤသကိးတဖၣ်မၤနၢၤနၤဒီး ပၢဘၣ်နၤဒီး, နကစံးဒ်လဲၣ်. နကအိၣ်လၢတၢ်ဆူးတၢ်ဆါအပူၤ ဒ်ပိာ်မုၣ်တဂၤလၢအဆံးစၢ်ထီၣ်အဖိအသိးန့ၣ်လီၤ.

လံာ်ယံးရမံယၤ 30:6

ခဲကနံၣ်အံၤဆိကတီၢ်, ဒီးဆိကမိၣ်တၢ်တက့ၢ်. ပှၤပိာ်ခွါတဂၤဆံးစၢ်ထီၣ်ဖိသၣ်တဂၤဘၣ် ကသ့ဧါ. ဘၣ်မနုၤအဃိ, ယထံၣ်ဘၣ်ပိာ်ခွါကိးဂၤဒဲးပာ် အစုလၢ အဟၢဖၢလိၤ, ဒ်ပိာ်မုၣ်တဂၤလၢ အဟုးဆါဝဲအသိးန့ၣ်လဲၣ်. ဘၣ်မနုၤအဃိ ပှၤကိးဂၤဒဲးအမဲာ်လီၤဝါထဲန့ၣ် ညါလဲၣ်.

လံာ်ယံးရမံယၤ 4:31

ယနၢ်ဟူတ့ၢ်တၢ်ကိးအသီၣ်တမံၤလီၤ ဂာ်ဒ်ပိာ်မုၣ်လၢအဟုးဆါတဂၤအသိး, တၢ်ကဲးကဒံကပျီၢ်တမံၤလီၤဂာ်ဒ်ပိာ် မုၣ်တဂၤလၢအဆံးစၢ်ထီၣ်အဖိအဆိ ကတၢၢ်အသိးလီၤ. မ့ၢ်ဝ့ၢ်ယရူၤၡလ့ၣ်အတၢ်ကိးပသူထီၣ်, ခီဖျိအဂုာ်သါထီၣ်ဝဲဒီးယူာ်ထီၣ်အစုဒီးစံးဝဲ, “ယဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဟဲဝဲလၢကမၤသံယၤအဂီၢ်လံ.”

လံာ်ယံးရမံယၤ 46:5

ယွၤသံကွၢ်ဝဲ, ဘၣ်ဆၣ်ဒီး ယထံၣ်ဘၣ်တၢ်မနုၤလဲၣ်. အဝဲသ့ၣ် ဃၣ်ကဒါက့ၤအသးလၢ တၢ်ပျံၤတၢ်ဖုးအပူၤလီၤ. အသုးဖိတဖၣ် ဘၣ်တၢ်မၤဃၣ်ကွံာ်အီၤ, တၢ်ပျံၤတၢ်ဖုးလုၣ်ဘၢကွံာ်အီၤလီၤ. အဝဲသ့ၣ်ဃ့ၢ်တချ့ဖဲအချ့ ဒီးတကွၢ်ကဒါက့ၤအလီၢ်ခံလၢၤဘၣ်.

လံာ်ယံးရမံယၤ 48:41

ဒီးဝ့ၢ်တဖၣ်ဒီးတိာ်ဧိၤတာ်ဧိၤတဖၣ်ကဘၣ်တၢ်ဒုးန့ၢ်ကွံာ်အီၤန့ၣ်လီၤ. ဒီၤလၢနံၤအဝဲန့ၣ်, ကီၢ်မိၤအးအသုးဖိတဖၣ်ကပျံၤတၢ်ဒ်ပိာ်မုၣ်တဂၤလၢ အဟုးဆါအသိးန့ၣ်လီၤ.

လံာ်ယံးရမံယၤ 49:22

ဒုၣ်ဒါကထီၣ်ဒုးဝ့ၢ်ဘိးစရၤဒ်လံာ်ကြီကြာ်တဘ့ၣ်သလၣ် ထီၣ် အဒံးဆ့တဖၣ်ဒီး ယူၤသဖှိလီၤဝဲအသိးန့ၣ်လီၤ. လၢမုၢ်နံၤအဝဲန့ၣ်, ကီၢ်အဒိၣ်အသုးဖိတဖၣ် ကပျံၤတၢ်ဖုးတၢ်ဒ်ပိာ်မုၣ်တဂၤလၢအအိၣ်လၢ တၢ်အဟုးဆါထီၣ်အပူၤအသိးန့ၣ်လီၤ.”

လံာ်ယံးရမံယၤ 49:24

ဝ့ၢ်ဒၤမ့ၤစ့းအပှၤဂီၢ်မုၢ်အဂံၢ်အဘါစၢ်ဝဲဒီးထွးထီၣ်ဃ့ၢ်ဝဲလၢ တၢ်ပျံၤတၢ်ဖုးအပူၤန့ၣ်လီၤ. ဒ်ပိာ်မုၣ်တဂၤလၢအဟုးဆါ ဝဲအသိးန့ၣ်, အဝဲသ့ၣ်အိၣ်လၢ တၢ်ဆူးတၢ်ဆါဒီး တၢ်သူၣ်ကိၢ်သးဂီၤအပူၤလီၤ.

လံာ်ယံးရမံယၤ 50:43

ကီၢ်ဘၤဘူၤလိၣ်အစီၤပၤနၢ်ဟူတၢ်ကစီၣ်ဒီးအစုတဖၣ်လီၤစၢ်ဝဲလီၤ. တၢ်သူၣ်ကိၢ်သးဂီၤလုၣ်ဘၢအီၤဒ် ပိာ်မုၣ်တဂၤလၢ အဟုးဆါဝဲအသိးန့ၣ်လီၤ.

လံာ်ယံးရမံယၤ 51:30

ကီၢ်ဘၤဘူၤလိၣ်အသုးဖိတဖၣ် ဆိကတီၢ်ဒုးတၢ်ဒီး အိၣ်ဒၣ်လၢအတိာ်တဖၣ်အပူၤန့ၣ်လီၤ. အဝဲသ့ၣ် အတၢ်သးဒူဟးသဒၣ်ကွံာ်အီၤဒီး ကဲထီၣ်ဒ်ပိာ်မုၣ်တဖၣ် အသိးန့ၣ်လီၤ. ဝ့ၢ်အတြဲၤတဖၣ်ဘၣ်တၢ်မၤလီၤပှီၢ် ကွံာ်အီၤဒီး ဟံၣ်တဖၣ်မ့ၣ်အူအီၣ်ကွံာ်လံ.

လံာ်ယဃ့းစက့လး 20:47

တဲဘၣ်သ့ၣ်ပှၢ်လၢကလံၤထံးတခီလၢကနၢ်ဟူယွၤပၢဘၣ်တၢ်ခဲလၢာ် ကစၢ်စံးတၢ်အံၤတက့ၢ်. ကွၢ်တက့ၢ်. ယမၤကဲၤထီၣ်မ့ၣ်အူတခါဒီးတၢ်န့ၣ်ကအီၣ်ကွံာ်ကယဲၢ် သ့ၣ်ကိးထံးဒီးလၢအအိၣ်လၢနပူၤအသံကစဲာ်ဂ့ၤအဃ့ထီဂ့ၤန့ၣ်လီၤ. တၢ်မၤပံာ်ကွံာ်အီၤတန့ၢ်နီတမံၤဘၣ်. ကရၤလီၤအသးလၢကလံၤထံး ဆူကလံၤစိးဒီးပှၤကိးဂၤဒဲးကကလၢၢ်ဘၣ်မ့ၣ်အူလၣ်တဖၣ် အတၢ်ကိၢ်န့ၣ်လီၤ.

လံာ်ဟိၤၡ့ 13:13

ကီၢ်အံၣ်စရ့လးအိၣ်ဒီးတၢ်အခွဲးအယာ်တမံၤလၢ ကအိၣ်မူဝဲဘၣ်ဆၣ်အသးတဆးမးလၢကဟံးဃာ်အီၤအဂီၢ်, လီၤဂာ်ဒ်ဖိသၣ်တဂၤအသိးလၢကအိၣ်ဖျဲၣ်ထီၣ်, ဒီးဂ့ၢ်လိာ်လၢကဟးထီၣ်လၢအမိၢ်အဒၢလီၢ်ပူၤန့ၣ်လီၤ.

လံာ်ယိၤအ့လး 2:6

လၢအဝဲသ့ၣ်အမဲာ်ညါန့ၣ်ပှၤကိးဂၤဒဲးပျံၤတၢ်ဖုးတၢ်တုၤ အမဲာ်သၣ်လီၤဝါဝဲလီၤ.

လံာ်နၤဃူၣ် 2:10

ဝ့ၢ်နံၤနဝ့ဘၣ်တၢ်မၤဟးဂီၤကွံာ်, ဘၣ်တၢ်လဲၤကပာ်ကွံာ်ဒီးအိၣ် သယုၢ်လံဝဲလံ. ပှၤအသးတဖၣ်ပှံၢ်လီၤဝဲလၢတၢ်ပျံၤတၢ်ဖုးအဃိ, အခီၣ်လ့ၣ်ခိၣ်တဖၣ်ကနိးကစုာ်ဝဲ, အဂံၢ်အဘါလၢာ်ကွံာ်ဝဲဒီးအမဲာ်သၣ်တဖၣ်လီၤဝါကွံာ်ဝဲလံန့ၣ်လီၤ.

လံာ်ယိၤဟၣ် 16:21

ဖဲပိာ်မုၣ်တဂၤကဆံးစၢ်အဖိန့ၣ်, အဝဲသူၣ်အုးသးအုးဝဲမ့ၢ်လၢ အနၣ်ရံၣ်လၢကဘၣ်တူၢ်တၢ်ဆူးတၢ်ဆါတုၤဃီၤဝဲလံအဃိ လီၤ. ဘၣ်ဆၣ်ဒီးတုၤဖိသၣ်အိၣ်ဖျဲၣ်ထီၣ်ဝဲဒီး, အဝဲသးပ့ၤနီၣ်ကွံာ်အတၢ်ဆူးတၢ်ဆါခဲလၢာ်မ့ၢ်လၢအဝဲသးခုဝဲလၢ ဖိသၣ်တဂၤအိၣ်ဖျဲၣ်ထီၣ်လံဝဲလၢဟီၣ်ခိၣ်ချၢအံၤအဃိန့ၣ်လီၤ.

၁ သ့းစၤလနံ 5:3

ဖဲပှၤစံးဝဲ, “တၢ်ခဲလၢာ်မုာ်ဝဲခုၣ်ဝဲဒီးတၢ်ဘၣ်ယိၣ်အလီၢ် တအိၣ်ဘၣ်” အဆၢကတီၢ်န့ၣ်, သတူၢ်ကလာ်တၢ်ဟးဂူာ်ဟးဂီၤကတုၤအိၣ်အဝဲသ့ၣ် န့ၣ်လီၤ. တၢ်တမံၤအံၤကမၤအသးသတူၢ်ကလာ်ဒ်ပိာ်မုၣ် တဂၤအဟုးဆါထီၣ်အသိး, ဒီးပှၤတပူၤဖျဲးနီတဂၤဘၣ်.