လံာ်ယၡါယၤ 13:5 - Sgaw Karen Common Bible

⁵ အဝဲသ့ၣ်ဟဲဝဲလၢထံကီၢ်အယံၤတဖၣ်လၢဟီၣ်ခိၣ်အကတၢၢ်လီၤ. လၢအတၢ်သးကဲၤထီၣ်အပူၤ, ယွၤဟဲလၢကမၤဟးဂီၤဝဲ ထံကီၢ်ဒီဘ့ၣ်လီၤ.

လံာ်ယၡါယၤ 13:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:27

ပှၤသုးဖိအဒူအဃိၤတဖၣ်လီၤဃံၤကွံာ်လံ. အဝဲသ့ၣ်အစုကဝဲၤ တဖၣ်ဘၣ်တၢ်ပာ်လီၤတဲာ်တ့ၢ်အီၤဒီးတဂိာ်တသီၣ်တၢ်လၢၤဘၣ်.

လံာ်ယၡါယၤ 10:5

ယွၤစံးဝဲဒၣ်, “ကီၢ်အၤၡူၢ်ဧၢ, ယသူကီၢ်အၤၡူၢ်ဒ်နီၣ်တီၢ် တဘိးအသိးလၢယကစံၣ်ညီၣ်ပှၤလၢယသးကဲၤထီၣ် ဘၣ်အီၤတဖၣ်အဂီၢ်လီၤ.”

လံာ်ယၡါယၤ 13:17

ယွၤစံးဝဲဒၣ်, “ယထိၣ်ဂဲၤထီၣ်ပှၤမၤဒဲဖိတဖၣ် လၢကဒုးတၢ်ထီဒါဘၤဘူၤလိၣ်လီၤ. အဝဲသ့ၣ်တပာ်လုၢ်ပာ်ပှ့ၤ စ့ဘၣ်ဒီးတၢ်လ့ပစီအီၤလၢထူတန့ၢ်ဘၣ်.

လံာ်ယၡါယၤ 24:1

ယွၤကမၤဟးဂူာ်ဟးဂီၤဟီၣ်ခိၣ်ဒီးပာ်လီၤတဲာ်သယုၢ်သညိအီၤလီၤ. အဝဲကဝံာ်ပကံဟီၣ်ခိၣ်အမဲာ်ဖံးခိၣ်ဒီးမၤပြံပြါအပှၤဂီၢ်မုၢ်လီၤ.

လံာ်ယၡါယၤ 26:20

လဲၤနုာ်ဆူသုဟံၣ်တဖၣ်အပူၤ, ယပှၤဂီၢ်မုၢ်သ့ၣ်ဧၢ, ဒီးကးတံာ်တြဲၤလၢသုလီၢ်ခံတက့ၢ်. ပာ်ခူသူၣ်သုသးတစိၢ် ဖိတုၤကစၢ်ယွၤအတၢ်သးဒိၣ်လဲၤပူၤကွံာ်တက့ၢ်.

လံာ်ယၡါယၤ 30:27

ယွၤအစိကမီၤဒီးအလၤကပီၤဘၣ်တၢ်ထံၣ်န့ၢ်အီၤလၢအယံၤ သ့လီၤ. မ့ၣ်အူဒီးမ့ၣ်အူလုၣ်ဒုးနဲၣ်အတၢ်သးကဲၤထီၣ်လီၤ. အဝဲကတိၤတၢ်, ဒီးအတၢ်ကတိၤတဖၣ်အီၣ်ကွံာ်တၢ်ဒ်မ့ၣ် အူအသိးလီၤ.

လံာ်ယၡါယၤ 34:2

ယွၤသးထီၣ်ဘၣ်ပှၤကလုာ်ခဲလၢာ်ဒီးအဝဲသ့ၣ်အသုး မုၢ်သံၣ်ဘိခဲလၢာ်လီၤ. အဝဲစံၣ်ညီၣ်ဃၣ်တ့ၢ်အဝဲသ့ၣ် ဆူတၢ်ဟးဂီၤအပူၤလံ.

လံာ်ယၡါယၤ 48:14

သုဝဲခဲလၢာ်, အိၣ်ဖှိၣ်ရိဖှိၣ်ဒီးဒိကနၣ်တၢ်တက့ၢ်. ပှၤလၢယဃုထၢတ့ၢ်အီၤတဂၤကဒုးဝ့ၢ်ဘၤဘူၤလိၣ်အဂ့ၢ်န့ၣ်, ကစၢ်အဂၤတဖၣ်ကတိၤဆိပာ်အီၤတသ့နီတဂၤဘၣ်. အဝဲကမၤတၢ်လၢယသးအိၣ်လၢအဝဲကမၤဝဲန့ၣ်လီၤ.

လံာ်ယၡါယၤ 5:26

ယွၤဟ့ၣ်တၢ်ပနီၣ်လၢတၢ်ကကိး ပှၤကလုာ်လၢထံယံၤကီၢ်ယံၤအဂီၢ်လီၤ. အဝဲညိၣ်ကလံၤလၢအဝဲသ့ၣ် အဂီၢ်ဒ်သိးအကဟဲလၢဟီၣ်ခိၣ်အကတၢၢ်ဒီး ကွၢ်ကွၢ်အဝဲသ့ၣ်ဟဲဝဲပ့ၢ်ပ့ၢ်ဆှါဆှါဒီးချ့ချ့လီၤ.

လံာ်ယၡါယၤ 66:14

ဖဲသုထံၣ်ဘၣ်တၢ်အံၤမၤအသးဒီး, သုကသူၣ်ဖှံသးညီဝဲလီၤ. တၢ်အံၤကဒုးဆူၣ်ထီၣ်သုဂံၢ် သုဘါဒီးဒုးအိၣ်ဆူၣ်အိၣ်ချ့သုလီၤ. အန့ၣ်ဒီးသုကသ့ၣ်ညါလၢယၤ, ယွၤအံၤ, မၤစၢၤပှၤတဖၣ်လၢအစူၢ်ယၤ, ဒီးယဒုးနဲၣ်ယတၢ်သးဒိၣ် ထီၣ်ထီဒါယဒုၣ်ယဒါတဖၣ်န့ၣ်လီၤ.”

လံာ်ယၡါယၤ 7:18

ဖဲတၢ်ဆၢကတီၢ်န့ၣ်တုၤဃီၤဝဲဒီး, ယွၤကညိၣ်ကလံၤဒ်တၢ် ပနီၣ်တမံၤအသိးလၢပှၤအဲၤကူပတူးဖိတဖၣ်ကကဲဝဲဒ်သၣ်ဘုလါ တဖၣ်လၢထံကျိနံၤလါအဒ့အတြၢ်အယံၤကတၢၢ်တဖၣ်အသိး, ဒီးပှၤအၤၡူၢ်ဖိတဖၣ်ကဟဲဝဲလၢအထံအကီၢ်ဒ်ကနဲတဖၣ်အသိး န့ၣ်လီၤ.

လံာ်ယံးရမံယၤ 50:25

ယအိးထီၣ်တ့ၢ်တၢ်လီၢ်ဖဲ ယတၢ်စုကဝဲၤတဖၣ်ဘၣ်တၢ်ပာ်ဖှိၣ်တ့ၢ်အီၤ, ဒီးလၢယတၢ်သးဒိၣ်ထီၣ်အပူၤန့ၣ်ယထုးထီၣ်က့ၤအီၤ ခဲလၢာ်လီၤ. အဂ့ၢ်ဒ်အံၤ, ယၤ, ယွၤပၢဘၣ်တၢ်ခဲလၢာ်ကစၢ်ယွၤသ့တၢ်လၢာ်အိၣ်ဒီး အတၢ်မၤလၢကဘၣ်မၤဝဲလၢ ကီၢ်ဘၤဘူၤလိၣ်အပူၤအဃိန့ၣ်လီၤ.

လံာ်ယံးရမံယၤ 50:3

အဂ့ၢ်ဒ်အံၤ, ပှၤတကလုာ်လၢ ကလံၤစိး တခီဟဲဝဲဒ်သိးအကဒုးကီၢ်ဘၤဘူၤလိၣ်ဒီး ကဒုးကဲထီၣ်အီၤလၢ မဲးမုၢ်ခိၣ်တတီၤန့ၣ်လီၤ. ပှၤကညီဒီး ဆၣ်ဖိကီၢ်ဖိတဖၣ် ကဃ့ၢ်ကွံာ်ဒီး ပှၤတအိၣ်ဖဲန့ၣ်နီတဂၤလၢၤဘၣ်.”

လံာ်ယံးရမံယၤ 50:9

ယကထိၣ်ဂဲၤထီၣ် ပှၤကလုာ်တကရူၢ်လၢအဂံၢ်ဆူၣ်လၢကလံၤစိးတခီဒိးပျဲအဝဲသ့ၣ် ဒုးကီၢ်ဘၤဘူၤလိၣ်န့ၣ်လီၤ. အဝဲသ့ၣ် ကရဲၣ်လီၤအသးလၢတၢ်ဒုးအပူၤထီဒါ ထံကီၢ်အံၤဒီးမၤနၢၤအီၤန့ၣ်လီၤ. အဝဲသ့ၣ်မ့ၢ် ပှၤခးတၢ်ဖိလၢ အသ့မးတဖၣ်ဒီး ပျၢ်တဖၣ်လၢ အခးဝဲန့ၣ်ဘၣ်တၢ်ပနီၣ်ကိးဘျီဒဲးန့ၣ်လီၤ.

လံာ်ယံးရမံယၤ 51:11

ယွၤထိၣ်ဂဲၤထီၣ်ကီၢ်မၤဒဲအစီၤပၤတဖၣ်အသး, မ့ၢ်လၢအဝဲတိာ်ပာ်လၢ ကမၤဟးဂီၤဘၤဘူၤလိၣ်အဃိန့ၣ်လီၤ. တၢ်န့ၣ်မ့ၢ်ကျဲလၢ အဟ့ၣ်ကၣ်က့ၤတၢ်လၢ တၢ်မၤဟးဂီၤတၢ်လုၢ်ဟံၣ်အဃိဒ်လဲၣ်န့ၣ်လီၤ. သုးခိၣ်တဖၣ်လၢ အထီၣ်ဒုးတၢ်ဟ့ၣ်လီၤအကလုၢ်စံးဝဲ, “မၤစူထီၣ်သုပျၢ်တဖၣ်, ကတဲာ်ကတီၤဃာ်သုကတီၤတဖၣ်တက့ၢ်.

လံာ်ယံးရမံယၤ 8:19

ဒိကနၣ်တက့ၢ်. ယနၢ်ဟူယပှၤဂီၢ်မုၢ်ကိးပသူထီၣ်လၢထံကီၢ် ဒီဘ့ၣ်ညါလီၤ. “မ့ၢ်ယွၤတအိၣ်လၢၤလၢဝ့ၢ်စံယိၣ်ဘၣ်ဧါ မ့ၢ်ဝ့ၢ်စံယိၣ်အစီၤပၤတအိၣ်လၢၤဖဲန့ၣ်ဘၣ်ဧါ.” ယွၤ, အဝဲသ့ၣ်အစီၤပၤ, စံးဆၢတၢ်ဒီးစံးဝဲ, “ဘၣ်မနုၤအဃိသုမၤသးဒိၣ်ထီၣ်ယၤခီ ဖျိသုဘူၣ်ထီၣ်ဘါထီၣ်သုတၢ်ဂီၤတၢ်ဖီၣ် ဒီးသကူးလီၤသုသးလၢသုပှၤတခီဘီမုၢ်ဖိအကစၢ်တဖၣ်လၢအဘျုး တအိၣ်ဘၣ်အမဲာ်ညါန့ၣ်လဲၣ်.”

လံာ်ယဃ့းစက့လး 22:31

လၢတၢ်န့ၣ်အဃိယကလူလီၤဂာ်လီၤယတၢ်သးထီၣ်လၢအဝဲသ့ၣ် တဖၣ်အဖီခိၣ်ဒီးဒ်မ့ၣ်အူအသိးယကမၤဟးဂီၤကွံာ်အဝဲသ့ၣ် လၢတၢ်လၢအဝဲသ့ၣ်တဖၣ်မၤတ့ၢ်ဝဲအဃိန့ၣ်လီၤ.” ယွၤပၢဘၣ်တၢ်ခဲလၢာ်အကစၢ်ကတိၤလံတၢ်လံ.

လံာ်မးသဲ 24:31

အဝဲကမၢလီၤအကလူးတဖၣ်, လၢအကွဲၤအသီၣ်ဖးဒိၣ်, ဒီးအဝဲသ့ၣ်ကထၢဖှိၣ်က့ၤယွၤအပှၤဃုထၢဖိတဖၣ်လၢဟီၣ်ခိၣ် အသနၢၣ်လွံၢ်သနၢၣ်, လၢဟီၣ်ခိၣ်ဒီဘ့ၣ်ညါန့ၣ်လီၤ.