လံာ်ယၡါယၤ 13:3 - Sgaw Karen Common Bible

³ ယွၤကိးထီၣ်တ့ၢ်အသုးဖိလၢအပာ်စီဆှံတ့ၢ်ဝဲတဖၣ်ဒီးပှၤလၢ အသးခုလၢယွၤပာ်ထီၣ်ထီအီၤအဃိတဖၣ်လၢကဒုးတၢ်ဒုးစီဆှံဒီးစံၣ် ညီၣ်ပှၤလၢယွၤအသးကဲၤထီၣ်ဘၣ်အီၤတဖၣ်န့ၣ်လီၤ.

လံာ်ယၡါယၤ 13:3 Iomraidhean Croise

စံးထီၣ်ပတြၢၤ 149:2

မ်အံၣ်စရ့လးသးခုလၢကစၢ်လၢအတ့လီၤအီၤ အပူၤန့ၣ်တက့ၢ်. မ်ပှၤစံယိၣ်ဖိအသူၣ်ဖှံသးညီလၢ အစီၤပၤအပူၤတက့ၢ်.

လံာ်ယၡါယၤ 23:11

ယွၤယူာ်ဃီၤအစုလၢပီၣ်လဲၣ်အဖီခိၣ်ဒီးမၤဃၣ်ကွံာ်ဘီမုၢ် တဖၣ်လီၤ. အဝဲခါလီၤအကလုၢ်လၢပှၤဖံၤနံက့ၤဖိအကူၣ် တၢ်ကၤတၢ်အလီၢ်ခၢၣ်သးတဖၣ်ကဘၣ်တၢ်မၤဟးဂီၤအီၤ အဂီၢ်လီၤ.

လံာ်ယၡါယၤ 5:26

ယွၤဟ့ၣ်တၢ်ပနီၣ်လၢတၢ်ကကိး ပှၤကလုာ်လၢထံယံၤကီၢ်ယံၤအဂီၢ်လီၤ. အဝဲညိၣ်ကလံၤလၢအဝဲသ့ၣ် အဂီၢ်ဒ်သိးအကဟဲလၢဟီၣ်ခိၣ်အကတၢၢ်ဒီး ကွၢ်ကွၢ်အဝဲသ့ၣ်ဟဲဝဲပ့ၢ်ပ့ၢ်ဆှါဆှါဒီးချ့ချ့လီၤ.

လံာ်ယံးရမံယၤ 25:9

“ယကမၤလိာ်ကယဲၢ်ပှၤဂီၢ်မုၢ်လၢ ကလံၤစိးတခီ, ဒီးယခ့ယပှၤ ကီၢ် ဘၤဘူၤလိၣ်အစီၤပၤနဘူၤကးန့စၢ်န့ၣ်လီၤ. ယကမၢအဝဲသ့ၣ် ဟဲထီၣ်ဒီးဒုးတၢ်ထီဒါကီၢ်ယူဒၤဒီး ပှၤအိၣ်ဆိးလၢအပူၤတဖၣ်, ဒီးထီဒါစ့ၢ်ကီးပှၤကလုာ်ခဲလၢာ်လၢ အအိၣ်ဘူးအိၣ်တံၢ်ဒီးအီၤန့ၣ်လီၤ. ယကမၤဟးဂီၤကွံာ်ပှၤတကလုာ်အံၤဒီး ပှၤအိၣ်လၢ အဃၢၤတဖၣ် ဒီးပာ်တ့ၢ်အဝဲသ့ၣ်လၢတၢ်ဟးဂီၤအပူၤအစိၤစိၤ အဃၣ်ဃၣ်, ဒီးကကဲထီၣ်တၢ်ထံၣ်ဘၣ်တမံၤဘၣ်တမံၤလၢ အလီၤပျံၤလီၤဖုးဒီး လီၤကမၢကမၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 51:46

လၢတၢ်ကစီၣ်ပစိၣ်ပစ့လၢ သုနၢ်ဟူဘၣ်အဃိန့ၣ်သးဟးဂီၤဒီးပျံၤတၢ်တဂ့ၤ. ကိးနံၣ်ဒဲးန့ၣ်, တၢ်ကစီၣ်ပစိၣ်ပစ့လီၤဆီရၤလီၤအသး ဘၣ်ဃးတၢ်မၤဆူၣ်မၤစိးအဂ့ၢ်လၢ ထံလီၢ်ကီၢ်ပူၤ, ဒီးဘၣ်ဃးဒီးစီၤပၤတဂၤဒုးလိာ်အသးဒီး စီၤပၤ အဂၤတဂၤအဂ့ၢ်န့ၣ်လီၤ.

လံာ်ယံးရမံယၤ 51:53

ကီၢ်ဘၤဘူၤလိၣ်လဲၤ ထီၣ်ဆူမူကပိာ်လိၤဒီးဘှီထီၣ်တိာ်ဂံၢ်ဆူၣ် ဘါဆူၣ်တဖျၢၣ်ဖဲန့ၣ်မ့ၢ်သ့ဒၣ်လဲာ်, ယကမၢလီၤဒံးပှၤဂီၢ်မုၢ်လၢ ကမၤဟးဂီၤအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယိၤအ့လး 3:11

သုဝဲပှၤကလုာ်အိၣ်ဝးတရံးခဲလၢာ်သ့ၣ်ဧၢ, မၤချ့ချ့ဒီးဟဲတက့ၢ်. ဒီးပာ်ဖှိၣ်သုသးလၢတၢ်တြီၤပူၤတက့ၢ်.” ယွၤဧၢ, မၢလီၤနသုးမုၢ်သံၣ်ဘိလၢကဒုးအဝဲသ့ၣ် န့ၣ်တက့ၢ်.

လံာ်စဖါနယၤ 1:7

မုၢ်နံၤလၢယွၤကဆ့ၣ်နီၤလၢတၢ်စံၣ်ညီၣ်အလီၢ်န့ၣ်ဘူးထီၣ်လံ. မၤသးဒ်န့ၣ်ဒီးအိၣ်ဘှီၣ်ကလာ်လၢအမဲာ်ညါန့ၣ်တက့ၢ်. ယွၤကတဲာ်ကတီၤလံတၢ်လုၢ်ထီၣ်ပာ်ထီၣ်အပှၤဂီၢ်မုၢ်ဒီးကွဲ ဃီၤဒုၣ်ဒါတဖၣ်လၢကဂုာ်ဆူၣ်ပျီဆူၣ်ဒီးမၤဟးဂီၤကီၢ်ယူဒၤန့ၣ်လီၤ.

လံာ်လီၣ်ဖျါ 18:20

သးခုလၢအဝဲဒၣ်အတၢ်ဟးဂီၤကွံာ်အဃိတက့ၢ်. မူခိၣ်ဧၢ, သးခုတက့ၢ်, ကစၢ်ယွၤအပှၤဂီၢ်မုၢ်ဒီးတၢ်မၢဖိဒီးဝံသ့ၣ်တဖၣ်ဧၢ, အဂ့ၢ်ဒ်အံၤ, ကစၢ်ယွၤစံၣ်ညီၣ်ဃၣ်လံအီၤလၢတၢ်လၢ အမၤတ့ၢ်သုန့ၣ်အဃိလံ.