လံာ်ယၡါယၤ 13:22 - Sgaw Karen Common Bible

²² ထွံၣ်မံၤဒီးထွံၣ်ဟီၣ်ခိၣ်တဖၣ်အတၢ်မီၤအသီၣ်ကသီၣ်ဆၢက့ၤလၢ ပၢၤတၢ်အလီၢ်ဒီးနူၢ်ဧိၤစီၤဧိၤအပူၤန့ၣ်လီၤ. ကီၢ်ဘၤဘူၤလိၣ်အဆၢကတီၢ်ဟဲတုၤဝဲလံ. အမုၢ်နံၤတဖၣ်ကလၢာ်ဘူးထီၣ်လံ.”

လံာ်ယၡါယၤ 13:22 Iomraidhean Croise

စံးထီၣ်ပတြၢၤ 44:19

ဒ်သိးနကမၤဟးဂီၤကွံာ်ပှၤလၢ ထွံၣ်ဟီၣ်ခိၣ်တဖၣ်အလီၢ်ပူၤ, ဒီးလုၣ်ဘၢတ့ၢ်ပှၤလၢတၢ်သံအတၢ်ခံးယိာ်န့ၣ်ဘၣ်.

လံာ်ယၡါယၤ 14:23

ယကဒုးကဲထီၣ်ကီၢ်ဘၤဘူၤလိၣ်လၢတၢ်ကပျၢၤအပူၤတပူၤဒီးဒိ ကအိတဖၣ်ကအိၣ်ဖဲန့ၣ်လီၤ. ယကခွဲသိၣ်ကီၢ်ဘၤဘူၤလိၣ်လၢ နီၣ်ခွဲသိၣ်တဘိလၢအကခွဲပျီကွံာ်တၢ်ခဲလၢာ်န့ၣ်လီၤ. ယၤ, ယွၤသ့တၢ်လၢာ်ကစၢ်, စံးတ့ၢ်လံဝဲလီၤ.”

လံာ်ယၡါယၤ 25:2

နဘိးကဒါတ့ၢ်ဝ့ၢ်တဖၣ်ဆူတၢ်ဟးဂူာ်ဟးဂီၤအပူၤ ဒီးမၤဟးဂီၤကွံာ်အတိာ်ခၢၣ်သနၢၣ်တဖၣ်လီၤ. နူၢ်ဧိၤစီၤဧိၤတဖၣ်လၢပဒုၣ်ပဒါတဖၣ်သူၣ်ထီၣ်တ့ၢ်အီၤန့ၣ် လီၤမၢ်ကွံာ်အထူအယိာ်လီၤ.

လံာ်ယၡါယၤ 32:14

နူၢ်ဧိၤစီၤဧိၤဒၣ်လဲာ်န့ၣ်ကဘၣ်တၢ်ပာ်တ့ၢ်ကွံာ်အီၤဒီးဝ့ၢ်ခိၣ်န့ၣ် ဘၣ်တၢ်လဲၤသဒၣ်ကွံာ်အီၤလၢာ်လၢာ်ဆ့ဆ့လီၤ. ဟံၣ်ဒီးတိာ်တဖၣ်လၢအဒီဒၣ်အိၣ်ပှိၤအဝဲသ့ၣ်ကအိၣ်လၢတၢ်ဟးဂီၤ အပူၤလီၤစိၤလီၤထီလီၤ. ကသ့ၣ်ယီၤမံၤတဖၣ်ကဟးဝ့ၤဝီၤဖဲန့ၣ်, ဒီးသိတဖၣ်ကထံၣ်န့ၢ်အတၢ်အီၣ်ဆၣ်အလီၢ်ဖဲန့ၣ်လီၤ.

လံာ်ယၡါယၤ 34:13

တၤဆှုၣ် တၤမဲတဖၣ်ကမဲထီၣ်ပှဲၤကယဲၢ်နူၢ်ဧိၤစီၤဧိၤအပူၤဒီးဝ့ၢ် အိၣ်ဒီးအခိၣ်ဒူတဖၣ်အပူၤ, ဒီးထွံၣ်ဟီၣ်ခိၣ်တဖၣ်ဒီးဒိကအိ တဖၣ်ကအိၣ်လၢအဝဲသ့ၣ်အပူၤန့ၣ်လီၤ.

လံာ်ယၡါယၤ 34:14

ဆၣ်ဖိကီၢ်ဖိအမံၤတဖၣ်ကကညီၤတၢ်ဖဲန့ၣ်ဒီးတၢ်ဝံတၢ်နါတဖၣ် ကကိးလိာ်အသးကဒဲကဒဲလီၤ. မုၢ်နၤခီအတၢ်မုၢ်ဃၢ်ကဟဲဖဲ န့ၣ်ဒ်သိးကဃုထံၣ်တၢ်အိၣ်ဘှံးအလီၢ်တပူၤလီၤ.

လံာ်ယၡါယၤ 35:7

မဲးမုၢ်ကိၢ်ကကဲထီၣ်ကမါတခါ ဒီးဟီၣ်ခိၣ်လၢအဃ့ထီန့ၣ်ကဘၣ်တၢ်မၤပှဲၤအီၤဒီးထံမူထီၣ်ပၢၢ် တဖၣ်လီၤ. ဖဲထွံၣ်မံၤတဖၣ်အိၣ်ဆိးတ့ၢ်ဝဲအလီၢ်န့ၣ်, တပိၢ်ဒီးဆှဲတဖၣ်ကမဲထီၣ်ဝဲလီၤ.

လံာ်ယၡါယၤ 43:20

ဆၣ်ဖိကီၢ်ဖိအမံၤတဖၣ်ဒၣ်လဲာ်ကမၤလၤကပီၤယၤဒီး ထွံၣ်ဟီၣ်ခိၣ်ဒီးထိၣ်ကီၤလၤအူးတဖၣ်ကစံးထီၣ်ပတြၢၤယၤဖဲ ယဒုးယွၤလီၤ ထံကျိတဖၣ်လၢမဲးမုၢ်ခိၣ်အပူၤ ဒီးဟ့ၣ်လီၤထံလၢယပှၤဂီၢ်မုၢ်လၢယဃုထၢအီၤ အဂီၢ်န့ၣ်လီၤ.

လံာ်ယံးရမံယၤ 48:16

ကီၢ်မိၤအးအတၢ်ဘၣ်စံၣ်ညီၣ်ဃါ မနၤသုးဘူး အသးလံ. တယံာ်လၢၤဘၣ်ဒီး အတၢ်ဟးဂီၤကဟဲ တုၤဝဲလီၤ.

လံာ်ယံးရမံယၤ 51:33

တယံာ်လၢၤဘၣ်န့ၣ်, ဒုၣ်ဒါကကျီလီၤကွံာ်အဝဲသ့ၣ်ဒီး ကယီၢ်တံၢ်အီၤဒ် ဘုဧိၤဟုဧိၤလၢကြဲၢ်ပူၤအသိးန့ၣ်လီၤ. ယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကတိၤလံတၢ်လံ.”

လံာ်ယံးရမံယၤ 9:11

ယွၤစံးဝဲဒၣ်, “ယကဒုးကဲထီၣ်ဝ့ၢ်ယရူၤၡလ့ၣ်လၢတၢ်ဟးဂီၤတဖၣ် အတၢ်ပူၣ်ထီၣ်အသး, တၢ်လီၢ်တတီၤဖဲထွံၣ်ဟီၣ်ခိၣ်တဖၣ်အိၣ်ဆိးဝဲန့ၣ်လီၤ. ကီၢ်ယူဒၤအဝ့ၢ်တဖၣ်ကကဲထီၣ်မဲးမုၢ်ခိၣ်, တၢ်လီၢ်တတီၤဖဲပှၤတအိၣ်ဆိးနီတဂၤဘၣ်န့ၣ်လီၤ.”

လံာ်သးသယုၢ်တၢ် 4:3

ထွံၣ်မံၤမိၢ်တဒုဒၣ်လဲာ်ကအံးထွဲကွၢ်ထွဲအဖိတဖၣ်လီၤ. မ့မ့ၢ်ယပှၤဂီၢ်မုၢ်မၤသးဒ်ထိၣ်ကီၤလးအူးတဖၣ်အသိး, အၢဝဲသီဝဲလၢအဖိတဖၣ်အဖီခိၣ်န့ၣ်လီၤ.

လံာ်မံကၤ 1:8

တုၤနုၤတစု, ဝံမံကၤစံးဝဲ, “ယကဟီၣ်တၢ်ယၢၤတၢ်ဒီးဘၣ်မိၢ်ဘၣ်မးလၢတၢ်တဖၣ်အံၤအဃိလီၤ. ူလၢတၢ်ဒုးနဲၣ်ဖျါယတၢ်သးအုးအဂီၢ်န့ၣ်ယကလဲၤတၢ်ထဲယခီၣ်ညါသး ဒီးအိၣ်ဘ့ၣ်ဆ့လီၤ. ယကအိၣ်ယူၤဒ်ထွံၣ်ဟီၣ်ခိၣ်အသိးဒီးယ ကဟီၣ်ကအုဒ်ထိၣ်ကီၤလၤအူးအသိးန့ၣ်လီၤ.

လံာ်ဃဘးကူာ် 2:3

ကွဲးလီၤတၢ်အံၤတက့ၢ်. အဂ့ၢ်ဒ်အံၤ, အဆၢကတီၢ်တဘၣ်ဒံးလၢကလၢ ထီၣ်ပှဲၤထီၣ်အဂီၢ်ဘၣ်. ဘၣ်ဆၣ်ဒီးတၢ်ဆၢကတီၢ်ဟဲဝဲချ့သဒံးဒီးတၢ်လၢယဒုးနဲၣ်နၤ ကလၢထီၣ်ပှဲၤထီၣ်လီၤ. အတၢ်ဟဲကအိၣ်ဖျါဃၢဝဲဘၣ်ဆၣ် အိၣ်ခိးအီၤတက့ၢ်. တၢ်အံၤကမၤအသးသပှၢ်ကတၢၢ်ဒီး တသုးနံၤသုးသီဘၣ်.”

လံာ်စဖါနယၤ 2:14

ဒီးကကဲထီၣ်တၢ်လီၢ်တတီၤလၢသိ, မဲာ်တဲးလဲးဒီးကယဲၢ်ဆၣ်ဖိကီၢ်ဖိကိးဖုကိးကလုာ်ဒဲးကမံ လီၤဝဲန့ၣ်လီၤ. ဒိကအိသ့ၣ်တဖၣ်ကအိၣ်လၢတၢ်ဟးဂူာ်ဟးဂီၤန့ၣ် အကျါ, ဒီးကကအုကစွါထီၣ်လၢပဲတြီတဖၣ်န့ၣ်လီၤ. စိးဝၣ်ဃးတဖၣ်ကတူထီၣ်ဝဲလၢတြဲၤခီၣ်ထံးတဖၣ်န့ၣ်လီၤ. အတၢ်သူၣ်ထီၣ်တဖၣ်လၢအဘၣ်တၢ်ဘှီအီၤလၢသ့ၣ်ဆှိးအ့ရ့းန့ၣ်ဘၣ် တၢ်ဘ့ၣ်ကွံာ်အိးကွံာ်လၢာ်လံ.

လံာ်သိၣ်လီၤသီလီၤတၢ် 32:35

ယွၤကဟ့ၣ်ကၣ်တၢ်ဒီးစံၣ်ညီၣ်အဝဲသ့ၣ်, တၢ်ဆၢကတီၢ်ကတုၤဝဲဖဲအဝဲသ့ၣ်ကဟးဂီၤကွံာ်, အဝဲသ့ၣ်အတၢ်ဘၣ်စံၣ်ညီၣ်ဃါမနၤအမုၢ်နံၤန့ၣ် ဘူးထီၣ်ဝဲလံ.

၂ ပ့းတရူး 2:3

ဒီးလၢအတၢ်သူၣ်လီသးကွံဒိၣ်အပူၤ, သရၣ်အဘျၣ် တဖၣ်အံၤကဃုအဘျုးလၢသုဖီခိၣ်ခီဖျိအစံးဘၣ်တဲဘၣ် သုပူလၢပှၤကညီဒုးကဲထီၣ်အီၤတဖၣ်လီၤ. အဝဲသ့ၣ်အပှၤစံၣ်ညီၣ်ကွီၢ်အိၣ်ကတဲာ်ကတီၤအသးယံာ် တ့ၢ်လံ, ဒီးပှၤလၢအကမၤဟးဂီၤအီၤတဂၤန့ၣ်တမံသပ့ၤ ဝဲဘၣ်.