လံာ်ယၡါယၤ 13:21 - Sgaw Karen Common Bible

²¹ ကကဲထီၣ်တၢ်လီၢ်လၢမဲးမုၢ်ခိၣ်အဆၣ်ဖိကီၢ်ဖိတဖၣ်အိၣ်ဝဲဆိး ဝဲဒီးဖဲဒိကအိတဖၣ်မၤအသွံတဖၣ်န့ၣ်လီၤ. ထိၣ်ကီၤလၤအုးတဖၣ် ကအိၣ်ကဆိးဖဲန့ၣ်, ဒီးမဲာ်တဲးလဲးအမံၤတဖၣ်ကစံၣ်ဝ့ၤစံၣ်ဝီၤလၢတၢ် ဟးဂီၤတဖၣ်အကျါန့ၣ်လီၤ.

လံာ်ယၡါယၤ 13:21 Iomraidhean Croise

လံာ်ယၡါယၤ 14:23

ယကဒုးကဲထီၣ်ကီၢ်ဘၤဘူၤလိၣ်လၢတၢ်ကပျၢၤအပူၤတပူၤဒီးဒိ ကအိတဖၣ်ကအိၣ်ဖဲန့ၣ်လီၤ. ယကခွဲသိၣ်ကီၢ်ဘၤဘူၤလိၣ်လၢ နီၣ်ခွဲသိၣ်တဘိလၢအကခွဲပျီကွံာ်တၢ်ခဲလၢာ်န့ၣ်လီၤ. ယၤ, ယွၤသ့တၢ်လၢာ်ကစၢ်, စံးတ့ၢ်လံဝဲလီၤ.”

လံာ်ယၡါယၤ 23:13

(ပှၤလၢအပျဲလီၤဆၣ်ဖိကီၢ်ဖိအမံၤတဖၣ်လၢကဃ့ၢ်မၤနၢၤကွံာ်ဝ့ၢ် ထါယၢၣ်န့ၣ်မ့ၢ်ဒၣ်ပှၤဘၤဘူၤလိၣ်ဖိတဖၣ်, ဒီးတမ့ၢ်ပှၤအၤၡူၢ်ဖိ တဖၣ်ဘၣ်လီၤ. ပှၤလၢအဘှီထီၣ်ပၢၤတၢ်အလီၢ်တဖၣ်လၢ ကဒုးတၢ်ဒီး, မၤလီၤပှီၢ်ကွံာ်ဝ့ၢ်ထါယၢၣ်အတိာ်ခၢၣ်သနၢၣ်တဖၣ်, ဒီးပာ်တ့ၢ်အီၤလၢတၢ်ဟးဂီၤတဖၣ်အပူၤန့ၣ်, မ့ၢ်တ့ၢ်ဝဲပှၤဘၤဘူၤလိၣ်ဖိတဖၣ်လီၤ.)

လံာ်ယၡါယၤ 25:2

နဘိးကဒါတ့ၢ်ဝ့ၢ်တဖၣ်ဆူတၢ်ဟးဂူာ်ဟးဂီၤအပူၤ ဒီးမၤဟးဂီၤကွံာ်အတိာ်ခၢၣ်သနၢၣ်တဖၣ်လီၤ. နူၢ်ဧိၤစီၤဧိၤတဖၣ်လၢပဒုၣ်ပဒါတဖၣ်သူၣ်ထီၣ်တ့ၢ်အီၤန့ၣ် လီၤမၢ်ကွံာ်အထူအယိာ်လီၤ.

လံာ်ယၡါယၤ 32:14

နူၢ်ဧိၤစီၤဧိၤဒၣ်လဲာ်န့ၣ်ကဘၣ်တၢ်ပာ်တ့ၢ်ကွံာ်အီၤဒီးဝ့ၢ်ခိၣ်န့ၣ် ဘၣ်တၢ်လဲၤသဒၣ်ကွံာ်အီၤလၢာ်လၢာ်ဆ့ဆ့လီၤ. ဟံၣ်ဒီးတိာ်တဖၣ်လၢအဒီဒၣ်အိၣ်ပှိၤအဝဲသ့ၣ်ကအိၣ်လၢတၢ်ဟးဂီၤ အပူၤလီၤစိၤလီၤထီလီၤ. ကသ့ၣ်ယီၤမံၤတဖၣ်ကဟးဝ့ၤဝီၤဖဲန့ၣ်, ဒီးသိတဖၣ်ကထံၣ်န့ၢ်အတၢ်အီၣ်ဆၣ်အလီၢ်ဖဲန့ၣ်လီၤ.

လံာ်ယံးရမံယၤ 50:39

သတးဒီး ကီၢ်ဘၤဘူၤလိၣ် ကဘၣ်တၢ်မၤတံာ်တာ် မၤပျံၤမၤဖုးအီၤလၢ တၢ်ဝံတၢ်နါဒီး သးလၢအတ ကဆှီတဖၣ်, ဒီးလၢထိၣ်လၢအတကဆှီတဖၣ်န့ၣ်လီး. ပှၤဂီၢ်မုၢ်တအိၣ်လၢၤ ကဒီးဖဲန့ၣ်နီတစုဘၣ်. အစိၤစိၤဃၣ် ဃၣ်န့ၣ် ပှၤတအိၣ်ဘၣ်ဖဲန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 11:16

ကယဲၢ်စိးဝၣ်ဃးဒ်အကလုာ်အသိး, ထိၣ်ကီၤလၤအူး, ထိၣ်သဘၣ်, ထိၣ်ၡဃးဒီးလံာ်ပီၢ်တ့ဒ်အကလုာ်အသိး,

လံာ်မံကၤ 1:8

တုၤနုၤတစု, ဝံမံကၤစံးဝဲ, “ယကဟီၣ်တၢ်ယၢၤတၢ်ဒီးဘၣ်မိၢ်ဘၣ်မးလၢတၢ်တဖၣ်အံၤအဃိလီၤ. ူလၢတၢ်ဒုးနဲၣ်ဖျါယတၢ်သးအုးအဂီၢ်န့ၣ်ယကလဲၤတၢ်ထဲယခီၣ်ညါသး ဒီးအိၣ်ဘ့ၣ်ဆ့လီၤ. ယကအိၣ်ယူၤဒ်ထွံၣ်ဟီၣ်ခိၣ်အသိးဒီးယ ကဟီၣ်ကအုဒ်ထိၣ်ကီၤလၤအူးအသိးန့ၣ်လီၤ.

လံာ်စဖါနယၤ 2:14

ဒီးကကဲထီၣ်တၢ်လီၢ်တတီၤလၢသိ, မဲာ်တဲးလဲးဒီးကယဲၢ်ဆၣ်ဖိကီၢ်ဖိကိးဖုကိးကလုာ်ဒဲးကမံ လီၤဝဲန့ၣ်လီၤ. ဒိကအိသ့ၣ်တဖၣ်ကအိၣ်လၢတၢ်ဟးဂူာ်ဟးဂီၤန့ၣ် အကျါ, ဒီးကကအုကစွါထီၣ်လၢပဲတြီတဖၣ်န့ၣ်လီၤ. စိးဝၣ်ဃးတဖၣ်ကတူထီၣ်ဝဲလၢတြဲၤခီၣ်ထံးတဖၣ်န့ၣ်လီၤ. အတၢ်သူၣ်ထီၣ်တဖၣ်လၢအဘၣ်တၢ်ဘှီအီၤလၢသ့ၣ်ဆှိးအ့ရ့းန့ၣ်ဘၣ် တၢ်ဘ့ၣ်ကွံာ်အိးကွံာ်လၢာ်လံ.

လံာ်လီၣ်ဖျါ 18:2

အဝဲဒၣ်ကိးထီၣ်လၢအကလုၢ်ဖးဒိၣ်, “လီၤပှီၢ်လံဘၤဘူၤ လိၣ်ဖးဒိၣ်လီၤပှီၢ်လံ. ခဲကနံၣ်အံၤ, အဝဲဒၣ်ဘၣ်တၢ်မၤတံာ်တာ်မၤပျံၤမၤဖုးအီၤလၢတၢ်ဝံတၢ်နါ, ဒီးသးလၢအတကဆှီတဖၣ်, ထိၣ်လၢအဘၣ်အၢဘၣ်သီဒီးအလီၤသးဟ့အကလုာ်ကလုာ် အိၣ်ဝဲဆိးဝဲလၢအပူၤလီၤ.