လံာ်ယၡါယၤ 13:20 - Sgaw Karen Common Bible

²⁰ ပှၤတအိၣ်တဆိးဘၣ်လၢအပူၤနီတဂၤနီတစုလၢၤဘၣ်. ပှၤဧ့ရ့းဖိလၢအဟးဝ့ၤဝီၤတဖၣ်တသူၣ်ထီၣ်ဘၣ်အဒဲဖဲန့ၣ်နီတစု ဘၣ်ဒီးပှၤကွၢ်သိတဒုးကိာ်လီၤအသိတဖၣ်ဖဲန့ၣ်နီတဂၤနီတစု လၢၤဘၣ်.

လံာ်ယၡါယၤ 13:20 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 17:11

ပှၤဖလ့ၡသးဖိတနီၤ, ဟဲစိာ်န့ၢ်စီၤယဟိၡၤဖးလၢစ့အါအါ ဂီၢ်ဂီၢ်ဒီးတၢ်ဟ့ၣ်အဂၤတဖၣ်, ဒီးပှၤဧ့းရ့းဖိတနီၤဟဲစိာ်န့ၢ်အီၤသိအဒုနွံကထိ နွံကယၤဒီးမဲာ်တဲးလဲးအဒုနွံကထိနွံကယၤန့ၣ်လီၤ.

လံာ်စီၤယိၤဘး 3:7

ဒုးကဲထီၣ်အီၤလၢမုၢ်နၤလၢအအိၣ်သယုၢ်ဒီးတၢ်သူၣ်ဖှံ သးညီအသီၣ်သုတဟူထီၣ်တဂ့ၤ.

လံာ်တၢ်သးဝံၣ်တဖၣ်အတၢ်သးဝံၣ် 1:7

ယတၢ်အဲၣ်ဧၢ, တဲယၤလၢနကလဲၤဒုးအီၣ်နသိတဖၣ်အဆၣ်ဖဲလဲၣ်, ဒီးနကဒုးအိၣ်ဘှံးအဝဲသ့ၣ်လၢမုၢ်ထူၣ်အဆၢကတီၢ်န့ၣ်ဖဲလဲၣ်. ဘၣ်မနုၤလၢယကဘၣ်ဟးဝ့ၤဝီၤဒီးဃုနၤလၢသိအဂၤတဖၣ်အပှၤကွၢ် သိအကျါန့ၣ်လဲၣ်.

လံာ်ယၡါယၤ 14:23

ယကဒုးကဲထီၣ်ကီၢ်ဘၤဘူၤလိၣ်လၢတၢ်ကပျၢၤအပူၤတပူၤဒီးဒိ ကအိတဖၣ်ကအိၣ်ဖဲန့ၣ်လီၤ. ယကခွဲသိၣ်ကီၢ်ဘၤဘူၤလိၣ်လၢ နီၣ်ခွဲသိၣ်တဘိလၢအကခွဲပျီကွံာ်တၢ်ခဲလၢာ်န့ၣ်လီၤ. ယၤ, ယွၤသ့တၢ်လၢာ်ကစၢ်, စံးတ့ၢ်လံဝဲလီၤ.”

လံာ်ယၡါယၤ 21:1

အအံၤမ့ၢ်တၢ်ကစီၣ်ဘၣ်ဃးကီၢ်ဘၤဘူၤလိၣ်အဂ့ၢ်န့ၣ်လီၤ. ဒ်ကလံၤသဝံးအူတၢ်ဆူၣ်ဆူၣ်ခီဂာ်ပှၢ်မုၢ်ကနၢအသိး, တၢ်တတၢးတနါကဟဲထီၣ်လၢကီၢ်လၢအလီၤပျံၤလီၤဖုး တဘ့ၣ်အပူၤလီၤ.

လံာ်ယၡါယၤ 25:2

နဘိးကဒါတ့ၢ်ဝ့ၢ်တဖၣ်ဆူတၢ်ဟးဂူာ်ဟးဂီၤအပူၤ ဒီးမၤဟးဂီၤကွံာ်အတိာ်ခၢၣ်သနၢၣ်တဖၣ်လီၤ. နူၢ်ဧိၤစီၤဧိၤတဖၣ်လၢပဒုၣ်ပဒါတဖၣ်သူၣ်ထီၣ်တ့ၢ်အီၤန့ၣ် လီၤမၢ်ကွံာ်အထူအယိာ်လီၤ.

လံာ်ယၡါယၤ 34:17

ပှၤလၢကနီၤဖးတၢ်အိၣ်တၢ်ဆိးအလီၢ်လၢအဝဲသ့ၣ်အဂီၢ်ဒီး ဟ့ၣ်လီၤအဝဲသ့ၣ်တဖုဘၣ်တဖုအတၢ်နီၤဟ့ၣ်န့ၣ်မ့ၢ်ယွၤလီၤ. အဝဲသ့ၣ်ကအိၣ်လၢထံကီၢ်န့ၣ်အပူၤတစိၤဝံၤတစိၤ, ဒီးကကဲထီၣ်အဝဲသ့ၣ်အတၢ်အစိၤစိၤအဃၣ်ဃၣ်လီၤ.

လံာ်ယံးရမံယၤ 49:33

ဝ့ၢ်ဃါစိၢ်ကဘၣ်တၢ်ဒုးကဲထီၣ်အီၤလၢမဲးမုၢ်ခိၣ်တတီၤလီၤထူလီၤယိာ်, တၢ်လီၢ်တတီၤဖဲ အိၣ်ဒၣ်ထဲ ထွံၣ်ဟီၣ်ခိၣ်တဖၣ်ဧိၤန့ၣ်လီၤ. ပှၤတအိၣ်ကဒီးဖဲန့ၣ်နီတဂၤနီတစုလၢၤဘၣ်.” ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 50:13

မ့ၢ်လၢယသးဒိၣ်ထီၣ်အဃိ, ပှၤတအိၣ်ဆိးဘၣ်လၢ ကီၢ်ဘၤဘူၤလိၣ်အပူၤနီတဂၤဘၣ်. ကအိၣ်တ့ၢ်လၢတၢ်ဟးဂီၤ အပူၤဒီးပှၤလၢအလဲၤတြူာ်ဘၣ်အီၤခဲလၢာ် ကကမၢကမၣ်ဒီးအသးကလီၤကတုၤဝဲလီၤ.

လံာ်ယံးရမံယၤ 50:21

ယွၤစံးဝဲဒၣ်, “လဲၤထီၣ်ဒုးကီၢ်မရၤသဲၣ်ဒီးကီၢ်ပကိး အပှၤဂီၢ်မုၢ်န့ၣ်တက့ၢ်. မၤသံဒီးမၤဟးဂီၤအဝဲသ့ၣ်တက့ၢ်. မၤတၢ်ခဲလၢာ်လၢ ယမၤလိာ်နၤန့ၣ်တက့ၢ်. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 50:3

အဂ့ၢ်ဒ်အံၤ, ပှၤတကလုာ်လၢ ကလံၤစိး တခီဟဲဝဲဒ်သိးအကဒုးကီၢ်ဘၤဘူၤလိၣ်ဒီး ကဒုးကဲထီၣ်အီၤလၢ မဲးမုၢ်ခိၣ်တတီၤန့ၣ်လီၤ. ပှၤကညီဒီး ဆၣ်ဖိကီၢ်ဖိတဖၣ် ကဃ့ၢ်ကွံာ်ဒီး ပှၤတအိၣ်ဖဲန့ၣ်နီတဂၤလၢၤဘၣ်.”

လံာ်ယံးရမံယၤ 50:39

သတးဒီး ကီၢ်ဘၤဘူၤလိၣ် ကဘၣ်တၢ်မၤတံာ်တာ် မၤပျံၤမၤဖုးအီၤလၢ တၢ်ဝံတၢ်နါဒီး သးလၢအတ ကဆှီတဖၣ်, ဒီးလၢထိၣ်လၢအတကဆှီတဖၣ်န့ၣ်လီး. ပှၤဂီၢ်မုၢ်တအိၣ်လၢၤ ကဒီးဖဲန့ၣ်နီတစုဘၣ်. အစိၤစိၤဃၣ် ဃၣ်န့ၣ် ပှၤတအိၣ်ဘၣ်ဖဲန့ၣ်ဘၣ်.

လံာ်ယံးရမံယၤ 50:45

လၢတၢ်န့ၣ်အဃိ, ဒိကနၣ်တၢ်ကူၣ်ကျဲၤလၢ ယမၤတ့ၢ်အီၤ ထီဒါဝ့ၢ်ဘၤဘူၤလိၣ်ဒီး တၢ်လၢယတိာ်ပာ်လၢ ယကမၤအပှၤ ဂီၢ်မုၢ်န့ၣ်တက့ၢ်. အဝဲဒၣ်အဖိတဖၣ်ဒၣ်လဲာ်ကဘၣ်တၢ်တွံၢ်ထီၣ် ကွံာ်အီၤဒီး ပှၤကိးဂၤဒဲးကပျံၤဘၣ်ဖုးဘၣ်အီၤန့ၣ်လီၤ.

လံာ်ယံးရမံယၤ 51:25

ကီၢ်ဘၤဘူၤလိၣ်ဧၢ, နမၤနသးဒ်ကစၢၢ်တဖျၢၣ်လၢ အမၤဟးဂီၤဟီၣ်ခိၣ်ဒီဘ့ၣ်, ဘၣ်ဆၣ်ယၤ, ယွၤအံၤ, မ့ၢ်နဒုၣ်နဒါန့ၣ်လီၤ. ယကဟံးဃာ်နၤ, တလ့ၣ်လီၤနၤလၢ တၢ်လီၢ်ထီၣ်ထီဆူဟီၣ်ခိၣ်အလိၤ, ဒီးဒုးကဲထီၣ်နၤလၢဖၣ် ဆါန့ၣ်လီၤ.

လံာ်ယံးရမံယၤ 51:29

ဟီၣ်ခိၣ်ကနိးကစုာ်ဒီး ဟူးဝးဝဲ, မ့ၢ်လၢယွၤမၤထွဲအတၢ်ကူၣ်ကျဲၤ ဒ်သိးကဒုးကဲထီၣ်ကီၢ်ဘၤဘူၤလိၣ်လၢမဲးမုၢ်ခိၣ်တတီၤဖဲပှၤ တအိၣ်တဆိးနီတဂၤဘၣ်အဃိန့ၣ်လီၤ.

လံာ်ယံးရမံယၤ 51:37

ထံကီၢ်န့ၣ် ကကဲထီၣ်တၢ်ဟးဂီၤတဖၣ်အတၢ်ပူၣ် ထီၣ်အသးတပူၣ်ဖဲဆၣ်ဖိကီၢ်ဖိအမံၤတဖၣ်အိၣ်ဆိး ဝဲန့ၣ်လီၤ. ကမ့ၢ်တၢ်ထံၣ်အလီၢ်လၢ အလီၤပျံၤလီၤဖုးဝဲ တတီၤလီၤ. ပှၤကအိၣ်ကဆိးဖဲန့ၣ် တအိၣ်နီတဂၤဘၣ်. ဒီးပှၤလၢ အထံၣ်ဘၣ်အီၤခဲလၢာ်န့ၣ်, ကပျံၤတၢ်ဖုးတၢ်လီၤ.

လံာ်ယံးရမံယၤ 51:43

ဝ့ၢ်တဖၣ်ကဲထီၣ်တၢ်ထံၣ်ဘၣ်လၢ အလီၤပျံၤလီၤ ဖုးဒီး မၤအသးဒ် မဲးမုၢ်ခိၣ်လၢ ထံတအိၣ်ဘၣ်, ဖဲပှၤတအိၣ်ဆိးနီတဂၤမ့ၢ်ဂ့ၤ, ပှၤတလဲၤတၢ် က့ၤတၢ်ဒၣ်လဲာ်လၢ အပူၤမ့ၢ်ဂ့ၤအသိးန့ၣ်လီၤ.