လံာ်ယၡါယၤ 13:19 - Sgaw Karen Common Bible

¹⁹ ဘၤဘူၤလိၣ်မ့ၢ်ဘီမုၢ်လၢအဃံလၤကတၢၢ်လၢဘီမုၢ်ခဲလၢာ် အကျါဒီးမ့ၢ်အထံဖိကီၢ်ဖိအတၢ်ပာ်ကဖၢလၢသးအလီၢ်လီၤ. ဘၣ်ဆၣ်ဒီး, ယၤ, ယွၤ, ကမၤဟးဂီၤဘၤဘူၤလိၣ်ဒ်ယမၤတ့ၢ် စဒိၣ်ဒီးဂမိရၤအသိးန့ၣ်လီၤ.

လံာ်ယၡါယၤ 13:19 Iomraidhean Croise

လံာ်တၢ်ကဲထီၣ်အခီၣ်ထံး 19:24

သတူၢ်ကလာ်န့ၣ်ယွၤမၢလီၤကးဒီးမ့ၣ်အူစူၤလီၤလၢဝ့ၢ်စဒိၣ် ဒီးဝ့ၢ်ဂမိရၤအဖီခိၣ်,

လံာ်တၢ်ကဲထီၣ်အခီၣ်ထံး 19:25

ဒီးမၤဟးဂီၤကွံာ်အဝဲသ့ၣ်ဒီးတၢ်တြီၤဒီခါညါ, ဃုာ်ဒီးပှၤဂီၢ်မုၢ်ဖဲန့ၣ်ခဲလၢာ်ဒီးတၢ်ကိးမံၤဒဲးလၢအမဲ ထီၣ်လၢဟီၣ်ခိၣ်လိၤန့ၣ်လီၤ.

လံာ်ယၡါယၤ 13:1

အအံၤမ့ၢ်တၢ်ကစီၣ်ဘၣ်ဃးကီၢ်ဘၤဘူၤလိၣ်အဂ့ၢ်, လၢစီၤအၤမိာ်အဖိခွါစီၤယၡါယၤဒိးန့ၢ်ဘၣ်ဝဲလၢကစၢ်ယွၤ အအိၣ်န့ၣ်လီၤ.

လံာ်ယၡါယၤ 21:9

သတူၢ်ကလာ်, လၢအံၤအဝဲသ့ၣ်ဟဲဝဲလံ. ပှၤဒိးကသ့ၣ်ခံဂၤခံဂၤ စုာ်စုာ်လီၤ. ပှၤခိးတၢ်ဖိဆှၢတၢ်ကစီၣ်, “ကီၢ်ဘၤဘူၤလိၣ်လီၤကွံာ်လံ. တၢ်ဂီၤတၢ်ဖီၣ်တဖၣ်လၢအဝဲသ့ၣ် ဘူၣ်ထီၣ်ဘါထီၣ်ဝဲခဲလၢာ်ကၢ်လီၤကလဲဒီးဒါလီၤ အသးလၢဟီၣ်ခိၣ်လိၤလီၤ.”

လံာ်ယၡါယၤ 47:5

ယွၤစံးဘၣ်ဝ့ၢ်ဘၤဘူၤလိၣ်, “ဆ့ၣ်နီၤလၢတၢ်အိၣ်ဃိကလာ်ဒီးလၢတၢ်ခံးတၢ်နၤ အပူၤတက့ၢ်. အဝဲသ့ၣ်တကိးနၤလၢပှၤကလုာ်တဖၣ် အနီၢ်ပၤမုၣ်လၢၤဘၣ်.

လံာ်ယၡါယၤ 48:14

သုဝဲခဲလၢာ်, အိၣ်ဖှိၣ်ရိဖှိၣ်ဒီးဒိကနၣ်တၢ်တက့ၢ်. ပှၤလၢယဃုထၢတ့ၢ်အီၤတဂၤကဒုးဝ့ၢ်ဘၤဘူၤလိၣ်အဂ့ၢ်န့ၣ်, ကစၢ်အဂၤတဖၣ်ကတိၤဆိပာ်အီၤတသ့နီတဂၤဘၣ်. အဝဲကမၤတၢ်လၢယသးအိၣ်လၢအဝဲကမၤဝဲန့ၣ်လီၤ.

လံာ်ယံးရမံယၤ 25:12

တၢ်န့ၣ်ဝံၤအလီၢ်ခံ, ယကစံၣ်ညီၣ်ကီၢ်ဘၤဘူၤလိၣ်ဒီးအစီၤပၤလၢ အဝဲသ့ၣ်အတၢ်ဒဲးဘးအဃိန့ၣ်လီၤ. ယကမၤဟးဂီၤထံကီၢ်အဝဲန့ၣ်ဒီး ဒုးအိၣ်လီၤတဲာ်အီၤလၢတၢ်ဟးဂီၤအပူၤ အစိၤစိၤအဃၣ်ဃၣ်န့ၣ်လီၤ.

လံာ်ယံးရမံယၤ 49:18

တၢ်တမံၤဃီၤဒ်သိးအမၤတ့ၢ်လံအသးဒီး ဝ့ၢ်စဒိၣ်ဒီး ကမိရၤဒီး ဝ့ၢ်အိၣ်ဘူးအိၣ်တံၢ်တဖၣ်န့ၣ် ကလီၤဘၣ်ကီၢ်အဒိၣ်လီၤ. ဒီးဖဲအဝဲသ့ၣ်ဘၣ်တၢ်မၤဟးဂီၤအီၤအခါန့ၣ်လီၤ. ပှၤတအိၣ်ဆိးကဒီး ဖဲန့ၣ်နီတဂၤနီတစုလၢၤဘၣ်. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 50:40

တၢ်တမံၤဃီလၢ အဘၣ်တ့ၢ်ဝ့ၢ်စဒိၣ်ဒီး ဂမိရၤဖဲ ယမၤဟးဂီၤအဝဲသ့ၣ်ဒီး ဝ့ၢ်အိၣ်ဘူးအိၣ်တံၢ်တဖၣ် န့ၣ်ကဘၣ်စ့ၢ်ကီးဘၤဘူၤလိၣ်လီၤ. ပှၤတအိၣ်လၢၤဖဲန့ၣ် နီတဂၤနီတစုလၢၤဘၣ်. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 51:26

လၢၢ်တဖၣ်လၢ နတၢ်ဟးဂီၤအပူၤန့ၣ်, တၢ်တသူကဒါကဒီးအီၤ နီတဖျၢၣ်လၢတၢ်သူၣ်ထီၣ်ဘှီထီၣ်အဂီၢ်ဘၣ်. နကမၤနသးဒ် မဲးမုၢ်ခိၣ်အသိးလီၤစိၤလီၤဃၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 51:29

ဟီၣ်ခိၣ်ကနိးကစုာ်ဒီး ဟူးဝးဝဲ, မ့ၢ်လၢယွၤမၤထွဲအတၢ်ကူၣ်ကျဲၤ ဒ်သိးကဒုးကဲထီၣ်ကီၢ်ဘၤဘူၤလိၣ်လၢမဲးမုၢ်ခိၣ်တတီၤဖဲပှၤ တအိၣ်တဆိးနီတဂၤဘၣ်အဃိန့ၣ်လီၤ.

လံာ်ယံးရမံယၤ 51:41

ယွၤစံးတၢ်ဘၣ်ဃးကီၢ်ဘၤဘူၤလိၣ်အဂ့ၢ်ဒ်အံၤ, “ဝ့ၢ်လၢဟီၣ်ခိၣ်ဒီဘ့ၣ်စံးထီၣ်ပတြၢၤအီၤအံၤ ဘၣ်တၢ်မၤန့ၢ်အီၤလံ. ဝ့ၢ်ဘၤဘူၤလိၣ်ကဲထီၣ် ကွံာ်လံတၢ်လီၤပျံၤလီၤဖုးအလီၢ်တပူၤလၢ ပှၤကလုာ် တဖၣ်အဂီၢ်လံ.

လံာ်ယံးရမံယၤ 51:62

ဝံၤဒီး ဘါထုကဖၣ်တၢ်ဒီး စံးလၢ, ‘ယွၤဧၢ, နစံးတ့ၢ်လၢ နကမၤဟးဂီၤတၢ်လီၢ်အံၤ ဒ်သိးပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ တအိၣ်ဆိးလၢၤလၢအပူၤဘၣ်ဒီး ကလီၤဂာ်ဒီးတၢ်အိၣ်သယုၢ်အလီၢ်အစိၤစိၤအဃၣ်ဃၣ်န့ၣ်လီၤ.’

လံာ်ဒၤနံးယ့လး 4:30

ဒီးစံးဝဲဒၣ်, “ဘၤဘူၤလိၣ်ဒိၣ်ဝဲဆံးဒိၣ်ဆံးဒိၣ်လဲၣ်န့ၣ်ကွၢ်တက့ၢ်. ယသူၣ်ထီၣ်အီၤဒ်ယဝ့ၢ်ခိၣ်အသိးလၢကလီၣ်ဖျါ ထီၣ်ယစိကမီၤဒီးယဂံၢ်ယဘါယလၤကပီၤယကဟုကညီၢ်လီၤ.”

လံာ်ဧၤမိၣ် 4:11

ယမၤဟးဂီၤကွံာ်တ့ၢ်သုတနီၤနီၤဒ်ယမၤဟးဂီၤတ့ၢ်ဝ့ၢ်စဒိၣ် ဒီးဝ့ၢ်ဂမိရၤအသိးလီၤ. ဒီးသုဝဲလၢအမူတ့ၢ်တဖၣ်န့ၣ်လီၤဂာ်ဒ်သ့ၣ်မုၣ်ခံလၢတၢ်ထုး ထီၣ်ကွံာ်အီၤလၢမ့ၣ်အူအပူၤအသိးန့ၣ်လီၤ. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်. ယွၤစံးဝဲဒၣ်.

လံာ်စဖါနယၤ 2:9

ဒ်ယမ့ၢ်နီၢ်နီၢ်ယွၤလၢအမူဝဲ, ပှၤအံၣ်စရ့လးဖိအကစၢ်ယွၤအသိးန့ၣ်ယဆိၣ်တၢ်လၢကီၢ်မိၤအးဒီး ကီၢ်ဧၣ်မိၣ်ကဘၣ်တၢ်မၤဟးဂီၤကွံာ်အီၤဒ်ဝ့ၢ်စဒိၣ်ဒီးဝ့ၢ်ဂမိၤရၤ အသိးန့ၣ်လီၤ. အဝဲသ့ၣ်ကကဲထီၣ်အံသၣ်အပူၤတဖၣ် အလီၢ်တတီၤဒီးတၢ်ဟးဂီၤအထူအယိာ်လၢအဘၣ် တၢ်ခဲဘၢကွံာ်အီၤလၢနီၣ်ဧိၤမံၤဧိၤန့ၣ်လီၤ. ယပှၤဂီၢ်မုၢ်လၢအအိၣ်မူတ့ၢ်တဖၣ်ကဂုာ်န့ၢ်မၤဟးဂီၤဒီးဟံး န့ၢ်အကီၢ်န့ၣ်လီၤ.”

ရိမ့ၤ 9:29

အဝဲအံၤမ့ၢ်ဒ်ဝံယၡါယၤစံးပာ်ဝဲလၢညါအသိး, “ကစၢ်လၢအဒိၣ်စိဒိၣ်ကမီၤတဂၤမ့ၢ်တပာ်တီၢ်န့ၢ်ပှၤပစၢၤ ပသွဲၣ်တနီၤနီၤဘၣ်ဒီး, ပကကဲထီၣ်ဒ်ဝ့ၢ်စဒိၣ်, ဒီးပကလီၤဂာ်ဒ်ဝ့ၢ်ဂမိရၤအသိးန့ၣ်လီၤ” (ၡါ ၁:၉).

လံာ်သိၣ်လီၤသီလီၤတၢ် 29:23

စံာ်ဧိၤပှဲၤဧိၤတဖၣ်ကကဲထီၣ်တၢ်အိၣ်သယုၢ်အလီၢ်တပူၤ, ဘၣ်တၢ်ခဲဘၢအီၤလၢကးကမူၣ်ဒီးအံသၣ်န့ၣ်လီၤ. တၢ်တသူၣ်လီၤဖျးလီၤဘၣ်တၢ်နီတမံၤဒီးနီၣ်ဧိၤမံၤဧိၤဒၣ်လဲာ် တမဲထီၣ်ဘၣ်ဖဲန့ၣ်ဘၣ်. သုထံသုကီၢ်ကမၤအသးဒ်ဝ့ၢ်တဖၣ်လၢအမ့ၢ်စဒိၣ်ဂမိရၤ, အၤဒမၤဒီးစဘိအံးအသိးလၢယွၤမၤဟးဂီၤကွံာ်တ့ၢ်အီၤဖဲအဝဲ အသးဒိၣ်ကဲၤကပျီၤဝဲအခါန့ၣ်လီၤ.

လံာ်လီၣ်ဖျါ 18:11

ဟီၣ်ခိၣ်အပှၤပနံာ်တၢ်ကၤတၢ်ဖိတဖၣ်စ့ၢ်ကီးဟီၣ်လၢအဝဲဒၣ် အဃိ, အဂ့ၢ်မ့ၢ်လၢပှၤတပှ့ၤအဝဲသ့ၣ်အတၢ်ဖိတၢ်လံၤနီတဂၤ လၢၤဘၣ်အဃိန့ၣ်လီၤ.

လံာ်လီၣ်ဖျါ 18:19

အဝဲသ့ၣ်ဖှံဖၣ်ဆါလၢအခိၣ်အလိၤ, ဟီၣ်ဝဲယၢၤဝဲ, ဒီးသူၣ်အုးသးအုးဒီးစံးဝဲ, “လီၤပျံၤလီၤဖုးဆံးဒိၣ်လဲၣ်. လၢဝ့ၢ်ဖးဒိၣ်တဖျၢၣ်အံၤအဂီၢ်နးဝဲဖှီၣ်ဝဲဆံးဒိၣ်လဲၣ်. အဝဲဒၣ်မ့ၢ်ဝ့ၢ်တဖျၢၣ်ဖဲကဘီကစၢ်လဲၤထီၣ်က့ၤလီၤလၢပီၣ်လဲၣ် ပူၤတဖၣ်ထူးထီၣ်တီၤထီၣ်လၢဝ့ၢ်အံၤအတၢ်လုၢ်ဒိၣ်ပှ့ၤဒိၣ် အဃိလီၤ. ဒီးလၢတနၣ်ရံၣ်အတီၢ်ပူၤတၢ်ခဲလၢာ်လီၤမၢ်ကွံာ်န့ၢ် အီၤလံ.”