လံာ်ယၡါယၤ 13:18 - Sgaw Karen Common Bible

¹⁸ ကမၤသံပှၤပိာ်ခွါသးစၢ်တဖၣ်လၢအချံၣ်ဧိၤပျၢ်ဧိၤလီၤ. တဒုးနဲၣ်တၢ်သးကညီၤလၢဖိဆံးဖိတဖၣ်ဒီးအတၢ်သးကညီၤ တအိၣ်ဘၣ်လၢဖိသၣ်တဖၣ်အဂီၢ်ဘၣ်.

လံာ်ယၡါယၤ 13:18 Iomraidhean Croise

လံာ်စီၤပၤခံဘ့ၣ်တဘ့ၣ် 8:12

စီၤဃစ့လးသံကွၢ်အီၤ, “တၢ်ဒိၣ်ဧၢ, ဘၣ်မနုၤအဃိလၢနမဲာ်ထံလီၤန့ၣ်လဲၣ်.” စီၤအလံၤၡါစံးဆၢဝဲ, “မ့ၢ်လၢယသ့ၣ်ညါတၢ်လီၤပျံၤလီၤဖုးတဖၣ်လၢနကမၤအီၤထီဒါ ကီၢ်အံၣ်စရ့လးအပှၤဂီၢ်မုၢ်အဃိန့ၣ်လီၤ. နကဒွဲၣ်ကွံာ်အဝဲသ့ၣ်အတိာ်ဧိၤတာ်ဧိၤတဖၣ်လၢမ့ၣ်အူ, မၤသံကွံာ်အပှၤသးစၢ်တဖၣ်, ကီၢ်အဖိတဖၣ်ဒီးဖှဲးသ့ၣ်ဖးကွံာ် ပိာ်မုၣ်လၢအဒၢတဖၣ်အဟၢဖၢန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 36:17

လၢတၢ်န့ၣ်အဃိယွၤဒုးဟဲတ့ၢ်ကီၢ်ဘၤဘူၤလိၣ်အစီၤပၤလၢကဒုး အဝဲသ့ၣ်အဂီၢ်န့ၣ်လီၤ. စီၤပၤမၤသံကွံာ်ကီၢ်ယူဒၤအပှၤသးစၢ်တဖၣ်လၢယွၤအတၢ်လုၢ်ဟံၣ် အပူၤဒၣ်လဲာ်န့ၣ်လီၤ. အဝဲတသးကညီဘၣ်ပှၤနီတဂၤ, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤ, ပှၤပိာ်ခွါမ့ၢ်ဂ့ၤ, ပှၤပိာ်မုၣ်မ့ၢ်ဂ့ၤ, ပှၤဆူးပှၤဆါမ့ၢ်ဂ့ၤ, ပှၤအိၣ်ဆူၣ်အိၣ်ချ့မ့ၢ်ဂ့ၤန့ၣ်ဘၣ်. ကစၢ်ယွၤဟ့ၣ်လီၤကွံာ်အဝဲသ့ၣ်ခဲလၢာ်ဆူကီၢ်ဘၤဘူၤလိၣ်အစီၤ ပၤအစုပူၤန့ၣ်လီၤ.

စံးထီၣ်ပတြၢၤ 127:3

ကွၢ်ကွၢ်, ပဖိပလံၤန့ၣ်မ့ၢ်တၢ်န့ၢ်သါဟဲလၢယွၤလီၤ. ဒီးပှၤဒၢလီၢ်အတၤသၣ်န့ၣ် မ့ၢ်တၢ်အဘူးအလဲလီၤ.

လံာ်ယၡါယၤ 13:16

ဖဲအဝဲသ့ၣ်ကွၢ်တၢ်လၢတၢ်မၤစၢၤတအိၣ်ဘၣ်အပူၤန့ၣ်, အဖိဆံးဖိတဖၣ်ကဘၣ်တၢ်တီၢ်သံကွံာ်အီၤ, အဟံၣ်တဖၣ် ကဘၣ်တၢ်ဂုာ်ဆူၣ်ပျီဆူၣ်အီၤ, ဒီးအမါတဖၣ်ကဘၣ်တၢ်မၤ ဆူၣ်မၤစိးအီၤန့ၣ်လီၤ.”

လံာ်ယၡါယၤ 47:9

ဘၣ်ဆၣ်လၢတစိၢ်ဖိအတီၢ်ပူၤ, လၢတနံၤဃီအပူၤန့ၣ်, တၢ်ခံမံၤလိာ်အံၤကမၤအသးလီၤ. နသူတၢ်မၤကဒါမဲာ်, တၢ်အူတၢ်သမူတဖၣ်ဒၣ်လဲာ်န့ၣ်, နဝၤဒီးနဖိတဖၣ်ကလီၤမၢ်န့ၢ်နၤလီၤ.

လံာ်ယၡါယၤ 5:28

အပျၢ်တဖၣ်အကနၣ်အ့ၣ်ဝဲဒီးအချံၣ်တဖၣ်အိၣ်ကတဲာ်ကတီၤ အသးလၢကခးတၢ်အဂီၢ်လီၤ. အကသ့ၣ်တဖၣ်အခီၣ်မ့ၣ်ကိၤ ဝဲဒ်လၢၢ်မ့ၣ်အသိးဒီးအလ့ၣ်ကဟၣ်အလ့ၣ်ဖံဘၣ်တဖၣ်တရံးဝဲဒ် ကလံၤသဝံးအသိးလီၤ.

လံာ်ယံးရမံယၤ 18:21

ဘၣ်ဆၣ်ဒီးအခဲအံၤ, ယွၤဧၢ, မ်အဝဲသ့ၣ်အဖိတဖၣ်သၣ်ဝံၤလီၤဒိ သံကွံာ်တက့ၢ်. မ်အဝဲသ့ၣ်ဘၣ်တၢ်မၤသံကွံာ်အီၤလၢတၢ်ဒုး တၢ်ယၤအပူၤန့ၣ်တက့ၢ်. မ်ပိာ်မုၣ်တဖၣ်အဝၤဒီးအဖိတဖၣ်လီၤမၢ်သဒၣ်ကွံာ်အီၤတက့ၢ်. မ်ပိာ်ခွါသးပှၢ်တဖၣ်သံလၢတၢ်ဆူးတၢ်ဆါ အဃိဒီးမ်ပိာ်ခွါသးစၢ်တဖၣ်ဘၣ်တၢ်မၤ သံအီၤလၢတၢ်ဒုးတၢ်ယၤအပူၤန့ၣ်တက့ၢ်.

လံာ်ယံးရမံယၤ 5:16

အဝဲသ့ၣ်အပှၤခးချံၣ်တဖၣ်မ့ၢ်သုးဖိလၢအဂံၢ်ဆူၣ်ဘါဆူၣ်တဖၣ် လၢမၤသံတၢ်တအိၣ်ဒီးတၢ်သးကညီၤဘၣ်န့ၣ်လီၤ.

လံာ်ယံးရမံယၤ 50:30

လၢတၢ်န့ၣ်အဃိ, အပှၤပိာ်ခွါသးစၢ်တဖၣ်ကဘၣ်တၢ်မၤသံအီၤ လၢဝ့ၢ်အကျဲဘိတဖၣ်အပူၤ, ဒီးသုးဖိခဲလၢာ်ကဘၣ်တၢ်မၤဟးဂီၤအီၤလၢ မုၢ်နံၤအဝဲန့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 50:42

အဝဲသ့ၣ်ဟံးထီၣ်အချံၣ်တဖၣ်ဒီး အနးတဖၣ်လီၤ. အဝဲသ့ၣ် အၢဝဲသီဝဲတသးကညီၤတၢ်ဘၣ်. ဖဲအဝဲသ့ၣ်ဒိးအကသ့ၣ်တဖၣ်န့ၣ်, အတၢ်သီၣ်ဟူထီၣ် ဝဲဒ်ပီၣ်လဲၣ်အထံသီၣ်ရုၢ်ရုၢ်အသိးန့ၣ်လီၤ. အဝဲသ့ၣ်အိၣ်ကတဲာ်ကတီၤလံ အသးလၢ ကဒုးတၢ်ထီ ဒါကီၢ်ဘၤဘူၤလိၣ်န့ၣ်လီၤ.

လံာ်ယံးရမံယၤ 51:22

လၢတၢ်မၤသံပိာ်ခွါဒီး ပိာ်မုၣ်တဖၣ်, လၢတၢ်မၤသံပှၤသးပှၢ်ဒီး ပှၤသးစၢ်, လၢတၢ်မၤသံပိာ်ခွါဖိသၣ်တဖၣ်ဒီး ပိာ်မုၣ်ဖိသၣ်တဖၣ်,

လံာ်ယံးရမံယၤ 6:23

အဝဲသ့ၣ်ဟံးထီၣ်အချံၣ်တဖၣ်ဒီးအနးတဖၣ်လီၤ. အဝဲသ့ၣ်အၢဝဲသီဝဲဒီးတသးကညီၤတၢ်ဘၣ်. အဝဲသ့ၣ်အကလုၢ်သီၣ်လီၤဂာ်ဒ်ပီၣ်လဲၣ်သီၣ် ထီၣ်ရူၢ်ရူၢ်အသိး, ဖဲအဝဲသ့ၣ်ဒိးထီၣ်အကသ့ၣ် တဖၣ်န့ၣ်လီၤ. အဝဲသ့ၣ်အိၣ်ကတဲာ်ကတီၤအသးလၢတၢ်ဒုး ထီဒါဝ့ၢ်ယရူၤရှလ့ၣ်အဂီၢ်န့ၣ်လီၤ.”

လံာ်ယဃ့းစက့လး 9:10

ဘၣ်ဆၣ်ဒီးယတသးကညီၤအဝဲသ့ၣ်ဘၣ်. ယကမၤအဝဲသ့ၣ်ဒ်အဝဲသ့ၣ်မၤတ့ၢ်ပှၤဂၤတဖၣ်အသိးန့ၣ်လီၤ.

လံာ်ဒၤနံးယ့လး 7:5

ဆၣ်ဖိကီၢ်ဖိအၢအၢသီသီခံဒုတဒုန့ၣ်လီၤဂာ်ဒီးတၤသူ တဒုဆၢထၢၣ်အိၣ်သကူးလီၤအသးလၢအခီၣ်လၢခံ, ခံခီအဖီခိၣ်န့ၣ်လီၤ. အဝဲဒၣ်အ့ၣ်တံၢ်ဃးတၢ်အဂုၢ်ဃံ သၢဘ့ၣ်လၢအမဲ, ဒီးတၢ်စံးဘၣ်အီၤ, ဂဲၤထၢၣ်, အီၣ်တၢ်ဖံးတၢ်ညၣ်ထဲသိးနအီၣ်ကဲတက့ၢ်န့ၣ်လီၤ.

လံာ်ဟိၤၡ့ 13:16

ၡၤမရံကဘၣ်တၢ်စံၣ်ညီၣ်အီၤလၢအပူထီၣ်ထီဒါယၤအဃိလီၤ. အပှၤဂီၢ်မုၢ်ကသံလၢတၢ်ဒုးတၢ်ယၤအပူၤ, ဖိသၣ်ဆံးတဖၣ် ကဘၣ်တၢ်စူးကွံာ်အီၤဆူဟီၣ်ခိၣ်လိၤဒီးပိာ်မုၣ်လၢအဒၢတဖၣ် အဟၢဖၢကဘၣ်တၢ်ကွဲးသ့ၣ်ဖးအီၤလီၤ.

လံာ်နၤဃူၣ် 2:1

ဝ့ၢ်နံၤနဝ့ဧၢ, နလီၤဘၣ်လၢတၢ်ဒုးတၢ်ယၤအဖီလာ်လံ. တၢ်စိတၢ်ကမီၤလၢကမၤလီၤသဘှံးနၤန့ၣ်ဟဲလံဝဲလံ. ကျဲၤလီၤပာ်လီၤနပှၤခိးတိာ်ဧိၤတာ်ဧိၤ, ပၢၤဃာ်နကျဲဧိၤကပူၤဧိၤ ဒီးအိၣ်ကတဲာ်ကတီၤနသးလၢတၢ်ဒုးအဂီၢ် န့ၣ်တက့ၢ်.

လံာ်နၤဃူၣ် 3:10

ဘၣ်ဆၣ်ဒီးပှၤဝ့ၢ်သံဘံးဖိတဖၣ်ဘၣ်တၢ်စိာ် ကွံာ်အီၤဆူတၢ်မၢကဲကုၢ်အလီၢ်န့ၣ်လီၤ. ဒီးလၢကျဲကိးဘိဒဲး အသနၢၣ်န့ၣ်အဖိသ့ၣ်တဖၣ်ဘၣ်တၢ်တီၢ်သံကွံာ်အီၤန့ၣ်လီၤ. အပှၤကဲခိၣ်ကဲနၢ်သ့ၣ်တဖၣ်ဘၣ်တၢ်စၢဃာ်ဒီးမိၤထီၣ်ကွံာ်အီၤလၢ ထးသွဲတဖၣ်, ဒီးဘၣ်တၢ်နီၤဖးလီၤအီၤဆူပှၤဖီၣ်န့ၢ်အီၤတဖၣ်အကျါလီၤ.