လံာ်ယၡါယၤ 13:14 - Sgaw Karen Common Bible

¹⁴ ပှၤတခီဘီမုၢ်ဖိတဖၣ်လၢအအိၣ်လၢကီၢ်ဘၤဘူၤလိၣ်အပူၤကထွးထီၣ် ဃ့ၢ်ဆူအထံအကီၢ်ဒၣ်ဝဲ, လီၤဂာ်ဒီးတၤဟိလၢအထူၣ်ဖျဲးထီၣ် လၢပှၤခးတၢ်ဖိတဖၣ်အစုပူၤ, ဒီးကလီၤဂာ်ဒ်သိလၢအပှၤကွၢ် သိတအိၣ်ဘၣ်အသိးန့ၣ်လီၤ.

လံာ်ယၡါယၤ 13:14 Iomraidhean Croise

လံာ်စီၤပၤအခီၣ်ထံးတဘ့ၣ် 22:17

စီၤမံၤကါယၤစံးဆၢဝဲ, “ယထံၣ်ဘၣ်ကီၢ်အံၣ်စရ့လးအသုးမုၢ် လီၤပြံလီၤပြါလၢကစၢၢ်ကလိအလိၤဒ်သိးလၢအပှၤကွၢ်သိ တအိၣ်ဘၣ်အသိန့ၣ်လီၤ. ဒီးယွၤစံးဝဲ, ပှၤတဖၣ်အံၤအခိၣ်အနၢ်တအိၣ်နီတဂၤဘၣ်. မ်အဝဲသ့ၣ်က့ၤကဒါက့ၤမုာ်မုာ်ဆူအဟံၣ်တက့ၢ်.”

လံာ်စီၤပၤအခီၣ်ထံးတဘ့ၣ် 22:36

ဘူးလၢမုၢ်ကလီၤနုာ်အကတီၢ်န့ၣ်, တၢ်ကလုၢ်တမံၤဘၣ်တၢ်ဟ့ၣ်လီၤ အီၤဆူပှၤအံၣ်စရ့လးဖိအသုးမုၢ်သံၣ်ဘိအကျါစံးဝဲ, “မ်ပှၤကိးဂၤဒဲးက့ၤကဒါက့ၤဆူအထံအကီၢ်ဒီးအဝ့ၢ်ဒၣ်ဝဲတက့ၢ်.”

လံာ်ယၡါယၤ 17:13

ပှၤကလုာ်တဖၣ်လဲၤထီၣ်ဝဲဒ်လပီတဖၣ်သဖှိထီၣ်ဝဲအသိး, ဘၣ်ဆၣ်ကစၢ်ယွၤသိၣ်ဆါအဝဲသ့ၣ်သတးဒီးအဝဲသ့ၣ်ဂုၤက့ၤ ဆူအလီၢ်ခံလီၤ. ဒီးဘၣ်တၢ်နီၣ်ထီၣ်ဟီထီၣ်ကွံာ်အီၤဒ် ဖၣ်ကမူၣ်လၢကစၢၢ်ကပၤအသိးဒီးဒ်ဘုလီၢ်လၢကလံၤ သဝံးအပူၤအသိးန့ၣ်လီၤ.

လံာ်ယၡါယၤ 21:15

ပှၤသ့ၣ်တဖၣ်အံၤထွးထီၣ်ဃ့ၢ်ဝဲဒ်သိးကထူၣ်ဖျဲးထီၣ်လၢ နးတဖၣ်လၢအိၣ်ကတဲာ်ကတီၤအသးလၢကမၤသံအဝဲသ့ၣ်, လၢချံၣ်တဖၣ်လၢအိၣ်ကတဲာ်ကတီၤအသးလၢကခးတၢ်, ဒီးလၢတၢ်ဒုးတၢ်ယၤအတၢ်လီၤဘၣ်ယိၣ်ခဲလၢာ်န့ၣ်လီၤ.

လံာ်ယၡါယၤ 47:15

တၢ်န့ၣ်ကမ့ၢ်ကယဲၢ်တၢ်အဂ့ၤလၢအဝဲသ့ၣ်မၤဘၣ်နၤ, ပှၤဖးဆၣ်ဧိၤဖီဧိၤတဖၣ်လၢနကူၣ်လိာ်တ့ၢ်တၢ် ဒီးအီၤလၢနသးသမူဒီစိၤန့ၣ်လီၤ. အဝဲသ့ၣ်ခဲလၢာ်ကလဲၤသဒၣ်နၤဒီးကလဲၤဝဲ လၢအကျဲဒၣ်ဝဲ ဒီးပှၤကအုၣ်က့ၤခီၣ်က့ၤနၤတအိၣ်တီၢ် နီတဂၤလၢၤဘၣ်.”

လံာ်ယံးရမံယၤ 25:12

တၢ်န့ၣ်ဝံၤအလီၢ်ခံ, ယကစံၣ်ညီၣ်ကီၢ်ဘၤဘူၤလိၣ်ဒီးအစီၤပၤလၢ အဝဲသ့ၣ်အတၢ်ဒဲးဘးအဃိန့ၣ်လီၤ. ယကမၤဟးဂီၤထံကီၢ်အဝဲန့ၣ်ဒီး ဒုးအိၣ်လီၤတဲာ်အီၤလၢတၢ်ဟးဂီၤအပူၤ အစိၤစိၤအဃၣ်ဃၣ်န့ၣ်လီၤ.

လံာ်ယံးရမံယၤ 50:16

ပျဲတၢ်ချံတဖၣ်ဘၣ်တၢ်ဖှံလီၤအီၤလၢ ထံကီၢ်န့ၣ်အပူၤ, မ့တမ့ၢ် တၢ်ကူးက့ၤဘၣ်အီၤတၢ်ထၢဖှိၣ်က့ၤဘၣ်အီၤန့ၣ်တဂ့ၤ. ကယဲၢ်ပှၤတခီထံတခီကီၢ်လၢ အအိၣ်ဆိးဖဲန့ၣ်ကပျံၤဘၣ်သုးမုၢ်လၢကဟဲထီၣ်ဒုးတၢ်အဃိဒီး, အဝဲသ့ၣ်ကက့ၤကဒါက့ၤဆူ အဟံၣ်န့ၣ်လီၤ.”

လံာ်ယံးရမံယၤ 51:9

ပှၤတခီဘီမုၢ်ဖိလၢ အအိၣ်ဆိးဖဲန့ၣ်တဖၣ် စံးဝဲဒၣ်, ‘ပကျဲးစၢးမၤစၢၤတ့ၢ်ကီၢ်ဘၤဘူၤလိၣ်, ဘၣ်ဆၣ်စဲၤခံကဲၣ်ဆိးလံ. မ်ပပာ်တီၢ်အီၤအခဲအံၤ, ဒီးက့ၤကဒါက့ၤဆူ ဟံၣ်တက့ၢ်. ကစၢ်ယွၤစံၣ်ညီၣ်လံ ကီၢ်ဘၤဘူၤလိၣ်လၢအဂံၢ်ဆူၣ်ဘါဆူၣ်အပူၤဒီး မၤဟးဂီၤကွံာ်အီၤလၢာ်လၢာ်ဆ့ဆ့လံန့ၣ်လီၤ.’ ”

လံာ်နၤဃူၣ် 3:18

ကီၢ်အၤၡူၢ်အစီၤပၤဧၢ, နပဒိၣ်ဖးဒိၣ်တဖၣ်သံလံ, ဒီးနပှၤတူၢ်ဒိၣ်ကီၤဒိၣ်တဖၣ်မံမုာ်ဝဲလီၤထူလီၤယိာ်လံ. နပှၤဂီၢ်မုၢ်တဖၣ်လီၤပြံလီၤပြါလၢကစၢၢ်ခိၣ်ကလိ ကျါဒီးပှၤတအိၣ်ဘၣ်နီတဂၤလၢကကိးကဒါ က့ၤအဝဲသ့ၣ်ဆူဟံၣ်န့ၣ်ဘၣ်.

လံာ်မးသဲ 9:36

တုၤအဝဲထံၣ်ပှၤဂီၢ်မုၢ်တဖၣ်ဒီးအသးပှဲၤဒီးတၢ်သးကညီၤဘၣ် အဝဲသ့ၣ်လီၤ. အဂ့ၢ်ဒ်အံၤ, အဝဲသ့ၣ်အသူၣ်ကိၢ်သးဂီၤဒီးပှၤမၤစၢၤအီၤတအိၣ်ဘၣ်ဒီး လီၤဂာ်ဒ်သိလၢအပှၤကွၢ်သိတအိၣ်ဘၣ်တဖၣ်အသိးလီၤ.

လံာ်မၢ်ကူး 6:34

တုၤယ့ၣ်ၡူးစံၣ်လီၤလၢချံပူၤဝံၤဒီးထံၣ်ဘၣ်ပှၤဂီၢ်မုၢ်ဖး ဒိၣ်အံၤန့ၣ်သးကညီၤဘၣ်အဝဲသ့ၣ်, မ့ၢ်လၢအဝဲသ့ၣ်လီၤဂာ်ဒီးသိတဖုလၢပှၤကွၢ်အီၤတအိၣ်ဘၣ် အသိးအဃိန့ၣ်လီၤ. လၢတၢ်န့ၣ်အဃိ, အဝဲစးထီၣ်သိၣ်လီၤသီလီၤအဝဲသ့ၣ်လၢတၢ်မၤလိအါထံၣ်အါဘီလီၤ.

၁ ပ့းတရူး 2:25

သုမၤသုသးဒ်သိလၢအဟးဖျိးကျဲတဖၣ်အသိး, ဘၣ်ဆၣ်ဒီးခဲအံၤသုဘၣ်တၢ်ဟဲက့ၤစိာ်က့ၤသုလၢသုကပိာ် ပှၤကွၢ်သိဒီးသုသးသမူအပှၤကွၢ်တၢ်တဂၤအခံအဂီၢ်န့ၣ်လီၤ.