လံာ်ယၡါယၤ 12:6 - Sgaw Karen Common Bible

⁶ မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်. အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ. ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”

လံာ်ယၡါယၤ 12:6 Iomraidhean Croise

စံးထီၣ်ပတြၢၤ 132:14

“တၢ်အံၤမ့ၢ်ယတၢ်အိၣ်တၢ်ဆိးအလီၢ်လီၤစိၤလီၤထီလီၤ. တၢ်အံၤမ့ၢ်တၢ်လီၢ်ဖဲ ယအဲၣ်ဒိးပၢတၢ်န့ၣ်လီၤ.

စံးထီၣ်ပတြၢၤ 135:21

စံးထီၣ်ပတြၢၤယွၤလၢ စံယိၣ်အပူၤ, လၢအဟံၣ်လၢ ယရူၤရှလ့ၣ်အပူၤန့ၣ်တက့ၢ်. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 46:5

ကစၢ်ယွၤအိၣ်လၢအသးကံၢ်ပူၤ, ဒီးတဘၣ်တၢ်သုးကွံာ်အီၤဘၣ်. ကစၢ်ယွၤကမၤစၢၤအီၤဖဲမုၢ်ဆ့ၣ်ဝါထီၣ် အကတီၢ်န့ၣ်လီၤ.

စံးထီၣ်ပတြၢၤ 68:16

ဘၣ်မနုၤသုကွၢ်တၢ်လၢတၢ်စိခိၣ် ဖးထီတဖၣ် လၢတၢ်သးက့ၣ်ဆူ ကစၢၢ်လၢ ကစၢ်ယွၤ ဃုထၢအီၤလၢ ကအိၣ်ဆိးဝဲန့ၣ်လဲၣ်. ယွၤကအိၣ်ဖဲန့ၣ်လီၤထူလီၤယိာ်လီၤ. မ့ၢ်လံ, ယွၤကအိၣ်လၢအလိၤလီၤထူလီၤယိာ်လီၤ.

စံးထီၣ်ပတြၢၤ 71:22

ယကစံးထီၣ်ပတြၢၤစ့ၢ်ကီးနၤလၢသီတူၢ်, လၢနတၢ်မ့ၢ်တၢ်တီအဃိန့ၣ်လီၤ. ယကစၢ်ယွၤ. အံၣ်စရ့လးအတၢ်စီဆှံတဂၤဧၢ, ယကသးဝံၣ်စံးထီၣ်ပတြၢၤနၤလၢတနၢ်န့ၣ်လီၤ.

စံးထီၣ်ပတြၢၤ 89:18

နဲဒၣ်ယွၤဧၢ, နဃုထၢပှၤ, ဒီဒၣ်အိၣ်ပှိၤပှၤ, နဲဒၣ်အံၣ်စရ့လးအကစၢ်ယွၤစီဆှံဧၢ, ဟ့ၣ်ပှၤပစီၤပၤတ က့ၢ်.

စံးထီၣ်ပတြၢၤ 9:11

သးဝံၣ်ထီၣ်ယွၤလၢအပၢတၢ်လၢစံယိၣ်, စံးဘၣ်တဲဘၣ်ပှၤကလုာ်ခဲလၢာ် တၢ်လၢအမၤတ့ၢ်ဝဲန့ၣ်တက့ၢ်.

စံးထီၣ်ပတြၢၤ 99:2

ယွၤန့ၣ်ဒိၣ်ဝဲလၢစံယိၣ်အပူၤ, အဝဲဘၣ်တၢ်ပာ်ထီၣ်ထီအီၤလၢ ပှၤကလုာ်ခဲလၢာ်အဖီခိၣ်လီၤ.

လံာ်ယၡါယၤ 1:24

မၤသးဒ်န့ၣ်ဒီး, ခဲကနံၣ်အံၤ, ဒိကနၣ်တၢ်လၢယွၤသ့တၢ်လၢာ်, အံၣ်စရ့လးအကစၢ်ယွၤလၢအ စိဒိၣ်ကမီၤဒိၣ်တဂၤစံးဝဲ, “ယဒုၣ်ယဒါသ့ၣ်ဧၢ, ယကဟ့ၣ်ကၣ်သုဒီးသုမၤကီမၤခဲယၤတသ့လၢၤနီတမံၤဘၣ်လီၤ.

လံာ်ယၡါယၤ 10:24

ယွၤ, ပၢဘၣ်တၢ်ခဲလၢာ်, သ့တၢ်လၢာ်ကစၢ်စံးဘၣ်အပှၤဂီၢ်မုၢ် လၢအအိၣ်လၢစံယိၣ်, “ပျံၤဘၣ်ပှၤအၤၡူၢ်ဖိတဖၣ်တဂ့ၤ. အဝဲသ့ၣ်မ့ၢ်မၤအၢမၤနးသုဒ်ပှၤအဲၤကူပတူးဖိမၤညီနုၢ်တ့ၢ်ဝဲ အသိးဒၣ်လဲာ်န့ၣ်ပျံၤတဂ့ၤ.

လံာ်ယၡါယၤ 24:14

ပှၤလၢအအိၣ်မူဒံးတဖၣ်ကသးဝံၣ်တၢ်လၢတၢ်သးခုအပူၤလီၤ. ပှၤလၢအအိၣ်လၢမုၢ်နုာ်တဖၣ်ကစံးဘၣ်တဲဘၣ်ဝဲလၢယွၤန့ၣ် ဒိၣ်ဝဲထဲလဲၣ်အဂ့ၢ်လီၤ.

လံာ်ယၡါယၤ 24:23

လါကခံးသူဝဲဒီးမုၢ်တဟ့ၣ်ထီၣ်အတၢ်ကပီၤလၢၤဘၣ်. အဂ့ၢ်ဒ်အံၤ, ယွၤသ့တၢ်လၢာ်ကမ့ၢ်စီၤပၤလီၤ. အဝဲကပၢတၢ်လၢဝ့ၢ်ယရူၤၡလ့ၣ်လၢ ကစၢၢ်စံယိၣ်အလိၤ, ဒီးပှၤဂီၢ်မုၢ်အခိၣ်အနၢ် တဖၣ်ကထံၣ်ဘၣ်အလၤကပီၤန့ၣ်လီၤ.

လံာ်ယၡါယၤ 30:19

သုဝဲပှၤဂီၢ်မုၢ်လၢအအိၣ်လၢဝ့ၢ်ယရူၤၡလ့ၣ်အပူၤတဖၣ်န့ၣ်, တဟီၣ်ဘၣ်ယၢၤဘၣ်လၢၤဘၣ်. ယွၤသူၣ်ကညီၤသးကညီၤတၢ်သ့, ဒီးဖဲသုကိးထီၣ်တၢ်ဆူအအိၣ်လၢတၢ်မၤစၢၤအဂီၢ်န့ၣ်, အဝဲဒၣ်ကစံးဆၢသုလီၤ.

လံာ်ယၡါယၤ 33:21

ယွၤကဒုးနဲၣ်ပှၤလၢအလၤကပီၤလီၤ. ပကအိၣ်ဖဲထံကျိဖးလဲၢ်ဒီးထံကျိဖိတဖၣ်အနံၤလီၤ. ဘၣ်ဆၣ်ဒီးကဘီသုးတဖၣ်တလဲၤတၢ်လၢအဝဲသ့ၣ်အပူၤဘၣ်.

လံာ်ယၡါယၤ 33:24

ပှၤလၢအအိၣ်လၢပထံလီၢ်ကီၢ်ပူၤတကဒူးကဒ့ၣ်ကဒီးလၢ အဆူးအဆါနီတဂၤလၢၤဘၣ်, ဒီးတၢ်ဒဲးဘးခဲလၢာ်န့ၣ် ကဘၣ်တၢ်ပျၢ်ကွံာ်အီၤလီၤ.

လံာ်ယၡါယၤ 40:9

ဝ့ၢ်ယရူၤၡလ့ၣ်ဧၢ, လဲၤထီၣ်ဆူကစၢၢ်ထီၣ်ထီတဖျၢၣ်အလိၤ ဒီးတဲဖျါတၢ်သးခုကစီၣ်တက့ၢ်. ကိးထီၣ်လၢနကလုၢ်ဖးဒိၣ်တက့ၢ်. စံယိၣ်ဧၢ, ဘိးဘၣ်သ့ၣ်ညါတၢ်သးခုကစီၣ်တက့ၢ်. ကတိၤထီၣ်တၢ်ဒီးပျံၤတၢ်တဂ့ၤ. တဲဘၣ်ကီၢ်ယူဒၤအဝ့ၢ်တဖၣ် လၢအဝဲသ့ၣ်အကစၢ်ယွၤဟဲဝဲလံ.

လံာ်ယၡါယၤ 41:14

ယွၤစံးဝဲဒၣ်, “အံၣ်စရ့လးဧၢ, နဆံးဒီးနဂံၢ်နဘါစၢ်နာ်က့, ပျံၤတၢ်တဂ့ၤ. ယကမၤစၢၤနၤလီၤ. ယၤ, အံၣ်စရ့လးအကစၢ်ယွၤစီဆှံအံၤ, ယမ့ၢ်ပှၤတဂၤလၢအအုၣ်က့ၤ ခီၣ်က့ၤနၤလီၤ.

လံာ်ယၡါယၤ 41:16

နကကွံာ်ထီၣ်အဝဲသ့ၣ်လၢကလံၤကျါဒီးကလံၤကစိာ်ကွံာ်အဝဲသ့ၣ် လီၤ. ဒီးကလံၤမုၢ်ကမၤပြံမၤပြါအဝဲသ့ၣ်န့ၣ်လီၤ. အန့ၣ်ဒီး, နကသူၣ်ခုသးခုမ့ၢ်လၢယမ့ၢ်နကစၢ်ယွၤအဃိန့ၣ်လီၤ. နကစံးထီၣ်ပတြၢၤယၤ, အံၣ်စရ့လးအကစၢ်ယွၤစီဆှံအံၤလီၤ.

လံာ်ယၡါယၤ 49:26

ပှၤလၢအမၤအၢမၤသီသုတဖၣ်န့ၣ်ယကပျဲအမၤသံလိာ်အသးတဂၤဒီး တဂၤလီၤ. ဒ်ပှၤအီမူၤသံးအသိးန့ၣ်, အဝဲသ့ၣ်ကမူၤလၢတၢ်မၤသံတၢ်ဒီးတၢ် သူၣ်ဒိၣ်သးဖျိးလီၤ. အန့ၣ်ဒီးပှၤဟီၣ်ခိၣ်ဖိခဲလၢာ်ကသ့ၣ်ညါလၢယမ့ၢ်ယွၤ, ပှၤတဂၤလၢအအုၣ်က့ၤခီၣ်က့ၤသုဒီးမၤထူၣ်ဖျဲးသုလီၤ. အဝဲသ့ၣ်ကသ့ၣ်ညါဝဲလၢယမ့ၢ်အံၣ်စရ့လးအကစၢ်ယွၤလၢအအိၣ်ဒီး အစိကမီၤန့ၣ်လီၤ.”

လံာ်ယၡါယၤ 54:1

ဝ့ၢ်ယရူၤၡလ့ၣ်ဧၢ, နလီၤဂာ်တ့ၢ်ဒီးပိာ်မုၣ်တူာ်ဖိတဂၤလီၤ. ဘၣ်ဆၣ်ဒီးခဲအံၤ, နသးဝံၣ်ဒီးကိးထီၣ်လၢတၢ်သးခု အပူၤန့ၣ်သ့လံ. ခဲအံၤ, နကအိၣ်ဒီးနဖိအါန့ၢ်ဒံးပိာ်မုၣ်တဂၤလၢ အဝၤတဟးဖးဒီးအီၤနီတစုန့ၣ်လီၤ.

လံာ်ယၡါယၤ 60:16

ပှၤကလုာ်တဖၣ်ဒီးစီၤပၤတဖၣ်ကကဟုကယာ်နၤ ဒ်မိၢ်တဂၤဒုးအီၣ်အဖိအနုၢ်အသိးလီၤ. နကသ့ၣ်ညါလၢယၤ, ယွၤအံၤ, အုၣ်က့ၤခီၣ်က့ၤလံနၤ, အံၣ်စရ့လးအကစၢ်ယွၤသ့တၢ်လၢာ်မၤထူၣ်ဖျဲးလံနၤလံ.

လံာ်ယၡါယၤ 8:18

ကွၢ်ကွၢ်, ယအိၣ်ဒီးဖိတဖၣ်လၢယွၤဟ့ၣ်လီၤတ့ၢ်ယၤလီၤ. ယွၤ, သ့တၢ်လၢာ်ကစၢ်, လၢအလီၢ်ပစိာ်အိၣ်လၢကစၢၢ်စံ ယိၣ်အလိၤ, ဆှၢလီၤတ့ၢ်န့ၢ်ပှၤတၢ်ကစီၣ်အမူတဖၣ်ဆူအံၣ်စရ့လး အပှၤဂီၢ်မုၢ်အအိၣ်လီၤ.

လံာ်ယံးရမံယၤ 10:6

ယွၤဧၢ, ပှၤဒ်နၤအသိးတအိၣ်နီတဂၤဘၣ်. နဂံၢ်ဆူၣ်နဘါဆူၣ် ဒီးနမံၤန့ၣ်ဒိၣ်ဝဲဒီးအိၣ်ဒီးအစိအကမီၤလီၤ.

လံာ်ယဃ့းစက့လး 35:10

ယၤ, ယွၤမ့ၢ်အဝဲသ့ၣ်အကစၢ်ယွၤဒၣ်လဲာ်န့ၣ်, သုစံးလၢ ပှၤကလုာ်ခံကလုာ်လၢအမ့ၢ်ယူဒၤဒီးအံၣ်စရ့ လးဃုာ်ဒီးအဝဲသ့ၣ်အကီၢ်တဖၣ်ဘၣ်ဃးဒီးသု, ဒီးသုကပၢဘၣ်အီၤန့ၣ်လီၤ.

လံာ်ယဃ့းစက့လး 39:7

ယကမၤလီၤတံၢ်ဒ်သိးပှၤဂီၢ်မုၢ်အံၣ်စရ့လးကသ့ၣ်ညါယမံၤ စီဆှံဒီးယတပျဲယမံၤဘၣ်တၢ်မၤမဲာ်ဆှးအီၤနီတ ဘျီလၢၤဘၣ်. အန့ၣ်တစုပှၤကလုာ်တဖၣ်ကသ့ၣ်ညါဝဲလၢယၤ, ယွၤအံၤမ့ၢ်အံၣ်စရ့လးအတၢ်စီဆှံကစၢ်ယွၤန့ၣ်လီၤ.”

လံာ်ယဃ့းစက့လး 43:7

ပှၤကညီလၢအသံသ့ဧၢ, အအံၤမ့ၢ်ယလီၢ်ပစိာ်န့ၣ်လီၤ. ယကအိၣ်ဆိးဖဲအံၤလၢကီၢ်အံၣ်စရ့လးအပှၤဂီၢ်မုၢ်အကျါဒီး ပၢအဝဲသ့ၣ်လီၤစိၤလီၤထီန့ၣ်လီၤ. ကီၢ်အံၣ်စရ့လးအပှၤဂီၢ် မုၢ်မ့ၢ်ဂ့ၤ, အစီၤပၤတဖၣ်မ့ၢ်ဂ့ၤတမၤမဲာ်ဆှးကဒီးလၢၤဘၣ်ယမံၤ စီဆှံနီတစုခီဖျိတၢ်ဘူၣ်ထီၣ်ဘါထီၣ်ယွၤအဂၤတဖၣ်မ့ၢ်ဂ့ၤ, ခီဖျိ တၢ်ခူၣ်လီၤဘျၢလီၤအစီၤပၤတဖၣ်, အစိၣ်လၢတၢ်လီၢ်အံၤအပူၤ မ့ၢ်ဂ့ၤလၢၤဘၣ်န့ၣ်လီၤ.

လံာ်ယဃ့းစက့လး 48:35

ဝ့ၢ်အတၢ်ဒူၣ်လွံၢ်ကပၤလိာ်အတၢ်ထိၣ်ခဲလၢာ် န့ၣ်မ့ၢ်ဝဲအပျၢ်တကလးဃိးကထိန့ၣ်လီၤ. စးထီၣ်လၢခဲအံၤဒီးဆူညါန့ၣ်ဝ့ၢ်အံၤအမံၤကဘၣ် တၢ်ကိးအီၤလၢ “ယွၤအိၣ်ဝဲဖဲအံၤ” န့ၣ်လီၤ.

လံာ်ယဃ့းစက့လး 48:8

ကီၢ်အတၢ်နီၤဖးလၢခံတတီၤန့ၣ်ကဘၣ်တၢ်ပာ် လီၤဆီအီၤလၢတၢ်ကသူလီၤဆီအီၤအဂီၢ်န့ၣ်လီၤ. တၢ်လီၢ်န့ၣ်လဲၢ်ဝဲစးထီၣ်လၢကလံၤစိးဆူကလံၤထံးအပျၢ် ခံကလးယဲၢ်ကထိ, ဒီးအထီစးထီၣ်လၢမုၢ်ထီၣ်တုၤဆူမုၢ် နုာ်န့ၣ်ကဘၣ်ဒ်သိးသိးလိာ်အသးဒီးတၢ်လီၢ်အတီၤ တဖၣ်လၢအဘၣ်တၢ်ဟ့ၣ်နီၤအီၤဆူပှၤအဒူၣ်တဖၣ် အအိၣ်န့ၣ်လီၤ. ယွၤအတၢ်လုၢ်ဟံၣ်ကဘၣ်အိၣ်လၢတၢ်လီၢ် တတီၤအံၤအပူၤန့ၣ်လီၤ.

လံာ်ဟိၤၡ့ 11:9

ယတစံၣ်ညီၣ်နၤလၢယတၢ်သးထီၣ်အပူၤဘၣ်. ယတမၤဟးဂီၤကဒီးလၢၤကီၢ်အံၣ်စရ့လးန့ၣ်ဘၣ်. အဂ့ၢ်ဒ်အံၤ, ယမ့ၢ်ကစၢ်ယွၤဒီးတမ့ၢ်ဘၣ်ပှၤကညီဘၣ်. ယၤ, တၢ်စီဆှံတဂၤ. အိၣ်ဒီးနၤလီၤ. ယတဟဲဆူနအိၣ်လၢတၢ်သးထီၣ်အပူၤန့ၣ်ဘၣ်.

လံာ်ယိၤအ့လး 2:27

တုၤနုၤတစု, ပှၤအံၣ်စရ့လးဖိသ့ၣ်ဧၢ, သုကသ့ၣ်ညါလၢယအိၣ်လၢသုကျါ, ဒီးယၤ, ယွၤ, မ့ၢ်သုကစၢ်ယွၤ ဒီးယွၤအဂၤတအိၣ်နီတဂၤဘၣ်လီၤ. ယပှၤဂီၢ်မုၢ်တဘၣ်တၢ်ဒုၣ်ဒွဲၣ်ကဒီးအီၤနီတစုလၢၤဘၣ်.

လံာ်စဖါနယၤ 2:5

သုဝဲပှၤဖလ့ၡသးဖိ, ပှၤအိၣ်ဝဲဆိးဝဲလၢပီၣ်လဲၣ်နံၤသ့ၣ်တဖၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. ယွၤဟ့ၣ်လီၤတ့ၢ်တၢ်စံၣ်ညီၣ်လၢသုဖီခိၣ်လီၤ. အဝဲဒၣ်ကမၤဟးဂီၤကွံာ်သုဒီးပှၤလၢသုကျါတအိၣ်တီၢ်ဘၣ်နီတဂၤဘၣ်.

လံာ်စကၤရယၤ 2:5

ယွၤအၢၣ်လီၤတ့ၢ်ဝဲလၢအကစၢ်ဒၣ်ဝဲကမ့ၢ်ဝ့ၢ်ခိၣ်ဒူမ့ၣ်အူ တခါလၢအအိၣ်ဝးတရံးဝ့ၢ်န့ၣ်လၢကအိၣ်ပှိၤဒီဒၣ် အီၤဒီးအဝဲကအိၣ်ဆိးဖဲန့ၣ်လၢအတၢ်လၤကပီၤခဲလၢာ်အပူၤန့ၣ်လီၤ.”

လံာ်စကၤရယၤ 2:9

“ယွၤအနီၢ်ကစၢ်ဒၣ်ဝဲကဒုးတၢ်ထီဒါသု, ဒီးသုကဘၣ်တၢ်ဂုာ်ဆူၣ်ပျီဆူၣ်သုလၢပှၤဂီၢ်မုၢ်, လၢတဘျီအမ့ၢ်တ့ၢ်သုခ့သုပှၤတဖၣ်န့ၣ်လီၤ.” ဖဲတၢ်အံၤမၤအသးန့ၣ်, ပှၤကိးဂၤဒဲးကသ့ၣ်ညါဝဲဒၣ်လၢယွၤသ့ တၢ်လၢာ်ဆှၢလီၤယၤန့ၣ်လီၤ.

လံာ်တၢ်ဂံၢ် 23:21

ယထံၣ်ဆိပာ်တၢ်လၢကီၢ်အံၣ်စရ့လးအတၢ်အိၣ်မူဆူညါတဟဲစိာ်န့ၢ် အီၤတၢ်တတၢးတနါမ့တမ့ၢ်, တၢ်ကီတၢ်ခဲနီတမံၤန့ၣ်ဘၣ်. ယွၤ, အဝဲသ့ၣ်အကစၢ်ယွၤန့ၣ်အိၣ်ဒီးအဝဲသ့ၣ်လီၤ. အဝဲသ့ၣ်ကိးထီၣ်ဘိးဘၣ်သ့ၣ်ညါဝဲလၢယွၤမ့ၢ် အဝဲသ့ၣ်အစီၤပၤန့ၣ်လီၤ.

လံာ်သိၣ်လီၤသီလီၤတၢ် 23:15

ကုၢ်တဂၤမ့ၢ်ဃ့ၢ်ထူၣ်ဖျဲးကွံာ်လၢအကစၢ်အအိၣ်, ဒီးဟဲဆူသုအိၣ်လၢတၢ်ကဟုကယာ်အဂီၢ်န့ၣ်, သုတဘၣ်ဆှၢကဒါက့ၤအီၤဘၣ်.