လံာ်ယၡါယၤ 12:2 - Sgaw Karen Common Bible

² ကစၢ်ယွၤမ့ၢ်ပှၤအုၣ်က့ၤခီၣ်က့ၤယၤလီၤ. ယကနာ်အီၤဒီးတပျံၤဘၣ်တၢ်ဘၣ်. ယွၤဟ့ၣ်ယၤတၢ်စိတၢ်ကမီၤဒီးတၢ်ဂံၢ်တၢ်ဘါ ဒီးအဝဲမ့ၢ်ပှၤအုၣ်က့ၤခီၣ်က့ၤယၤလီၤ.

လံာ်ယၡါယၤ 12:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:24

နဒုးကဲထီၣ်တ့ၢ်အံၣ်စရ့လးလၢနပှၤဂီၢ်မုၢ်ဒၣ်နဲလီၤထူလီၤယိာ်, ဒီးနဲဒၣ်ယွၤဧၢ, နကဲထီၣ်အဝဲသ့ၣ်အကစၢ်ယွၤန့ၣ်လီၤ.

လံာ်စီၤယိၤဘး 13:16

ယတၢ်သူၣ်ဒူသးဒူကမ့ၢ်ဒၣ်လဲာ်တၢ်လၢအအုၣ်က့ၤ ခီၣ်က့ၤယၤ, မ့ၢ်လၢဖဲလၢပှၤတတီတလိၤကွၢ်ဆၢၣ်မဲာ် ကစၢ်ယွၤလၢတၢ်သူၣ်ဒူသးဒူတဘူၣ်ဘၣ်နီတဂၤအဃိန့ၣ်လီၤ.

စံးထီၣ်ပတြၢၤ 112:8

အဝဲတဘၣ်ယိၣ်ဘၣ်ဘီမ့ၢ်ဂ့ၤ ပျံၤတၢ်ဖုးတၢ်မ့ၤဂ့ၤဘၣ်. အဝဲကထံၣ်ဘၣ်အဒုၣ်အဒါဘၣ်. တၢ်မၤဃၣ်အီၤသပှၢ်ကတၢၢ်လီၤ.

စံးထီၣ်ပတြၢၤ 118:14

ယွၤမ့ၢ်ယဂံၢ်ယဘါ, ဒီးယတၢ်သးဝံၣ်, မ့ၢ်တ့ၢ်လံဝဲယတၢ်အုၣ်က့ၤခီၣ်က့ၤန့ၣ်လီၤ.

စံးထီၣ်ပတြၢၤ 118:21

ယစံးထီၣ်ပတြၢၤနၤ, ယွၤဧၢ. အဂ့ၢ်ဒ်အံၤ, နနၢ်ဟူယၤ, အဂ့ၢ်ဒ်အံၤ, နဟ့ၣ်လီၤယၤတၢ်မၤနၢၤလီၤ.

စံးထီၣ်ပတြၢၤ 27:1

ယွၤမ့ၢ်ယတၢ်ကပီၤဒီးယတၢ်အုၣ်က့ၤခီၣ်က့ၤလီၤ. ယကပျံၤမတၤတဂၤလဲၣ်. ယွၤမ့ၢ်ယသးသမူအဂံၢ်အဘါလီၤ. ယကပျံၤမတၤတဂၤလဲၣ်.

စံးထီၣ်ပတြၢၤ 65:6

နပာ်လီၤကစၢၢ်ကလိသ့ၣ်တဖၣ်လၢအလီၢ်ဒၣ်ဝဲ ခီဖျိနဂံၢ်နဘါ, ပာ်ဖျါထီၣ်နတၢ်စိတၢ်ကမီၤဖးဒိၣ်န့ၣ်လီၤ.

စံးထီၣ်ပတြၢၤ 68:20

ပကစၢ်ယွၤန့ၣ်မ့ၢ်ကစၢ်ယွၤလၢ အအုၣ်က့ၤခီၣ်က့ၤတၢ်လီၤ. အဝဲမ့ၢ်ယွၤ, ပယွၤ ပှၤလၢအအုၣ်က့ၤခီၣ်က့ၤပှၤလၢတၢ်သံန့ၣ်လီၤ.

စံးထီၣ်ပတြၢၤ 68:21

မ့ၢ်မးကစၢ်ယွၤကမၤသဘှံးအဒုၣ်အဒါတဖၣ်အခိၣ်, ပှၤတဖၣ်လၢ အလဲၤဒၣ်တၢ်တခီနၢ်လၢ အတၢ်ဒဲးဘးအကျဲပူၤန့ၣ်လီၤ.

စံးထီၣ်ပတြၢၤ 83:18

မ်အဝဲသ့ၣ်, သ့ၣ်ညါလၢထဲနၤတဂၤဧိၤန့ၣ်နမ့ၢ်ယွၤ, ပှၤပၢတၢ်အဒိၣ်ကတၢၢ်လၢဟီၣ်ခိၣ်ချၢန့ၣ်တက့ၢ်.

လံာ်တၢ်ဟးထီၣ်ကွံာ် 15:2

ယွၤမ့ၢ်ပှၤအိၣ်ပှိၤယၤလၢအဂံၢ်အဘါဆူၣ်လီၤ. အဝဲမ့ၢ်ပှၤတဂၤလၢအအုၣ်က့ၤခီၣ်က့ၤယၤလီၤ. အဝဲမ့ၢ်ယကစၢ်ယွၤဒီးယကစံးထီၣ်ပတြၢၤအီၤ, မ့ၢ်ယပၢ်အကစၢ်ယွၤဒီးယကသးဝံၣ်ထီၣ်အတၢ်ဒိၣ်တၢ်ထီအဂ့ၢ်လီၤ.

လံာ်ယၡါယၤ 10:24

ယွၤ, ပၢဘၣ်တၢ်ခဲလၢာ်, သ့တၢ်လၢာ်ကစၢ်စံးဘၣ်အပှၤဂီၢ်မုၢ် လၢအအိၣ်လၢစံယိၣ်, “ပျံၤဘၣ်ပှၤအၤၡူၢ်ဖိတဖၣ်တဂ့ၤ. အဝဲသ့ၣ်မ့ၢ်မၤအၢမၤနးသုဒ်ပှၤအဲၤကူပတူးဖိမၤညီနုၢ်တ့ၢ်ဝဲ အသိးဒၣ်လဲာ်န့ၣ်ပျံၤတဂ့ၤ.

လံာ်ယၡါယၤ 17:10

ကီၢ်အံၣ်စရ့လးဧၢ, နသးပ့ၤနီၣ်ကစၢ်ယွၤလၢအအုၣ်က့ၤခီၣ် က့ၤနၤဒီးဒီဒၣ်အိၣ်ပှိၤနၤဒ်လၢၢ်မုၢ်လ့တီလၢအဂံၢ်ဆူၣ်ဘါဆူၣ် တဖျၢၣ်အသိးန့ၣ်လီၤ. အခိၣ်တလိာ်, နသူၣ်လီၤဖီကရၢၢ်စီဆှံ တဖၣ်လၢနကဘူၣ်ထီၣ်ဘါထီၣ်တခီဘီမုၢ်အကစၢ်အဂီၢ်လီၤ.

လံာ်ယၡါယၤ 27:5

ဘၣ်ဆၣ်ယပှၤဂီၢ်မုၢ်အဒုၣ်အဒါတဖၣ်မ့ၢ်အဲၣ်ဒိးယတၢ်ဒီဒၣ် အိၣ်ပှိၤအီၤဒီး, မ်အမၤတၢ်ဃူတၢ်ဖိးဒီးယၤတက့ၢ်. အၢၣ်, မ်အမၤတၢ်ဃူတၢ်ဖိးဒီးယၤတက့ၢ်.”

လံာ်ယၡါယၤ 32:2

အဝဲသ့ၣ်တဂၤဘၣ်တဂၤကလီၤ ဂာ်ဒီးတၢ်အိၣ်ကဒုပူၤဖျဲးအလီၢ်တတီၤလၢကလံၤမုၢ်, ဒီးတၢ်လီၢ်တတီၤလၢတၢ်အိၣ်သဒၢပူၤဖျဲးဒီးကလံၤ မုၢ်တွၤတဖၣ်အဂီၢ်န့ၣ်လီၤ. အဝဲသ့ၣ်ကလီၤဂာ်ဒီး ထံဖိကျိတဖၣ်လၢအယွၤလီၤလၢမဲးမုၢ်ခိၣ်တတီၤ, ဒီးလၢၢ်မုၢ်ဖးဒိၣ်တဖျၢၣ်အကဒုလၢကီၢ်အိၣ်လီၤ ဃီတဘ့ၣ်အပူၤန့ၣ်လီၤ.

လံာ်ယၡါယၤ 33:22

ယၢ်ထူၣ်ခဲလၢာ်လၢကဘီတဖၣ်န့ၣ်အလိၤတၢ်သူအီၤ တသ့လၢၤဘၣ်. ယၢ်လၣ်တဖၣ်တၢ်သလၣ်ထီၣ်အီၤတန့ၢ်လၢၤဘၣ်. ပကဂုာ်ဟံးန့ၢ်ဒုၣ်ဒါအသုးမုၢ်တဖၣ်အတၢ်ထူးတၢ်တီၤခဲလၢာ်, ဒီးတၢ်ကအိၣ်အါဝဲဂီၢ်ဝဲတုၤပှၤစုတဆူၣ်အခီၣ်တဂ့ၤတဖၣ်ဒၣ်လဲာ် မၤန့ၢ်တၢ်နီၤဟ့ၣ်တမံၤလၢအဝဲသ့ၣ်အဂီၢ်ကသ့ဝဲလီၤ.

လံာ်ယၡါယၤ 38:20

ယွၤဧၢ, နမၤဘျါတ့ၢ်ယၤလံ. ပကဒ့တနၢ်သီတူၢ်တဖၣ်ဒီးသးဝံၣ် နတၢ်စံးထီၣ်ပတြၢၤလီၤ. ပကသးဝံၣ်စံးထီၣ်ပတြၢၤတၢ်လၢနတၢ်လုၢ်ဟံၣ်အပူၤလၢပသးသမူ တစိၤဒၣ်ပှၤလီၤ.

လံာ်ယၡါယၤ 45:17

မ့မ့ၢ်ကီၢ်အံၣ်စရ့လးဘၣ်တၢ်အုၣ်က့ၤခီၣ်က့ၤအီၤလၢယွၤ ဒီးအတၢ်မၤနၢၤအိၣ်လီၤထူလီၤယိာ်လီၤ. အပှၤဂီၢ်မုၢ်တဘၣ်တၢ်မၤမဲာ်ဆှးအီၤနီတစုဘၣ်.”

လံာ်ယၡါယၤ 49:5

တချုးလၢယအိၣ်ဖျဲၣ်ထီၣ်ဒံးဘၣ်န့ၣ်, ယွၤဃုထၢပာ်ထီၣ်ယၤလီၤ. အဝဲဒုးကဲထီၣ်ယၤလၢအခ့အပှၤလၢကဟဲက့ၤစိာ်က့ၤအပှၤဂီၢ်မုၢ်, လၢယကဟဲက့ၤစိာ်က့ၤအံၣ်စရ့လးအပှၤဂီၢ်မုၢ်လၢ အလီၤပြံလီၤပြါတဖၣ်န့ၣ်လီၤ. ယွၤဟ့ၣ်ယၤတၢ်လၤတၢ်ကပီၤလီၤ. အဝဲဒၣ်မ့ၢ်ယတၢ်ဂံၢ်တၢ်ဘါအဂံၢ်ထံးလီၤ.

လံာ်ယၡါယၤ 50:10

သုဝဲခဲလၢာ်လၢအယူးယီၣ်ပာ်ဒိၣ်ယွၤ ဒီးစူၢ်အခ့အပှၤအတၢ်ကတိၤတဖၣ်န့ၣ်, ကျဲလၢသုပိာ်အီၤ, ကခံးဝဲနီၢ်နီၢ်လီၤ. ဘၣ်ဆၣ်ဒီး, ပာ်သုတၢ်နာ်လၢယွၤအပူၤ, ဒီးသန့ၤသုသးလၢသု ကစၢ်ယွၤန့ၣ်တက့ၢ်.

လံာ်ယၡါယၤ 51:12

ယွၤစံးဝဲ, “ယမ့ၢ်ပှၤတဂၤလၢအဟ့ၣ်ဆူၣ်ထီၣ်သုဂံၢ်သုဘါလီၤ. ဘၣ်မနုၤအဃိသုဘၣ်ပျံၤဘၣ်ဖုးပှၤကညီလၢ အသံသ့အံၤ, လၢအအိၣ်ဂၢၢ်ဆိးကျၢၤသ့ယံာ်ထဲသိးဒၣ် နီၣ်ဧိၤမံၤဧိၤအံၤန့ၣ်လဲၣ်.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်ယၡါယၤ 62:11

ယွၤဘိးဘၣ်သ့ၣ်ညါလီၤတၢ်လၢဟီၣ်ခိၣ်ဒီဘ့ၣ် ဒ်သိးတၢ်ကတဲဘၣ်ဝ့ၢ်ယရူၤရှလ့ၣ်အပှၤဂီၢ်မုၢ် လၢယွၤဟဲဝဲလၢကအုၣ်က့ၤခီၣ်က့ၤဝ့ၢ် ယရူၤရှလ့ၣ်ဒီးဟဲစိာ်ဃုာ်ပှၤဂီၢ်မုၢ်လၢအဝဲမၤပူၤဖျဲးတ့ၢ်တဖၣ် ဃုာ်ဒီးအီၤန့ၣ်လီၤ.

လံာ်ယၡါယၤ 65:18

သူၣ်ခုသးခုဒီးသူၣ်ဖှံသးညီလီၤစိၤလီၤထီလၢတၢ်လၢယတ့လီၤ ပာ်လီၤအပူၤန့ၣ်တက့ၢ်. ဝ့ၢ်ယရူၤၡလ့ၣ်အသီလၢယတ့လီၤ အီၤအံၤကပှဲၤဒီးတၢ်သးခုဒီးအပှၤဂီၢ်မုၢ်ကသူၣ်ဖှံသးညီဝဲလီၤ.

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်ယံးရမံယၤ 23:6

ဖဲအဝဲမ့ၢ်စီၤပၤန့ၣ်, ကီၢ်ယူဒၤအပှၤဂီၢ်မုၢ်ကပူၤဖျဲးဒီးတၢ်ဘၣ်ယိၣ်, ဒီးကီၢ်အံၣ်စရ့လးအပှၤဂီၢ်မုၢ်ကအိၣ်မူဘၣ်လၢတၢ်မုာ်တၢ်ခုၣ်အပူၤလီၤ. အဝဲကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ လီၤ.”

လံာ်ယံးရမံယၤ 3:23

ပဘူၣ်ထီၣ်ဘါထီၣ်ပှၤတစူၢ်တနာ်ယွၤအတၢ်ဘူၣ်တၢ်ဘါလၢတၢ်လူၢ် တဖၣ်အဒီခိၣ်နာ်က့, ပတဘၣ်တၢ်မၤစၢၤတ့ၢ်ပှၤလ့ၤတက့ၤဘၣ်. တၢ်မၤစၢၤလၢကီၢ်အံၣ်စရ့လးအဂီၢ်, ဟဲဒၣ်ထဲလၢယွၤ, ပကစၢ်ယွၤအအိၣ်န့ၣ်လီၤ.

လံာ်ဒၤနံးယ့လး 3:28

စီၤပၤနဘူၤကးန့စၢ်စံးဝဲဒၣ်, “စီၤၡၤဒရး, စီၤမ့ၤၡးဒီးစီၤဧဘ့ၤဒနကိၤအကစၢ်ယွၤမ် အဘၣ်တၢ်စံးထီၣ်ပတြၢၤအီၤတက့ၢ်. ဆှၢလီၤဝဲအကလူးဒ်သိးကအုၣ် က့ၤခီၣ်က့ၤပှၤလၢအမၤအတၢ်မၤဒီးစူၢ်အီၤနာ်အီၤတဖၣ်အံၤန့ၣ်လီၤ. အဝဲသ့ၣ်တကနၣ်ဘၣ်ယကလုၢ်ဘၣ်ဒီးညိကွံာ်အသးသမူဒူဝဲအါ န့ၢ်ဒံးအကချံးခီၣ်တီၤလီၤဘူၣ်ထီၣ်ဘါထီၣ်ကစၢ်တဂၤဂၤလၢ အတမ့ၢ်ဘၣ်အကစၢ်ယွၤဘၣ်န့ၣ်လီၤ.

လံာ်ဟိၤၡ့ 1:7

ဘၣ်ဆၣ်ယကဒုးနဲၣ်တၢ်အဲၣ်ဆူကီၢ်ယူဒၤအပှၤဂီၢ်မုၢ်န့ၣ်လီၤ. ယၤ, ယွၤအဝဲသ့ၣ်အကစၢ်ယွၤ, ကအုၣ်က့ၤခီၣ်က့ၤအဝဲသ့ၣ်လီၤ. ဘၣ်ဆၣ်ယတမၤတၢ်အံၤလၢတၢ်ဒုးတၢ်ယၤဒီးလၢဘီမ့ၢ်ဂ့ၤ, လၢချံၣ်ဒီးပျၢ်တဖၣ်မ့တမ့ၢ်, လၢကသ့ၣ်တဖၣ်မ့ၢ်ဂ့ၤ, ပှၤဒိးကသ့ၣ်တဖၣ်မ့ၢ်ဂ့ၤန့ၣ်ဘၣ်.

လံာ်ယိၤအ့လး 2:23

စံယိၣ်အပှၤဂီၢ်မုၢ်ဧၢ, သူၣ်ခုသးခုတက့ၢ်. သူၣ်ဖှံသးညီလၢယွၤ, သုကစၢ်ယွၤမၤတ့ၢ်တၢ်လၢသုဂီၢ်အဃိန့ၣ်တက့ၢ်. အဂ့ၢ်ဒ်အံၤ, အဝဲဒၣ်ဟ့ၣ်လီၤသုလၢတၢ်စူၤအထံလၢအကြၢးဝဲဘၣ်ဝဲ ဒီးဒုးစူၤလီၤန့ၢ်သုတၢ်စူၤထံအါအါကလဲာ်, တၢ်စူၤထံလၢအဆိဒီးလၢခံ, ဒ်လၢညါအသိးန့ၣ်လီၤ.

လံာ်ယိၤနါ 2:9

မ့မ့ၢ်ယဲဒၣ်အံၤယကလုၢ်ထီၣ်နၤလၢ တၢ်လုၢ်အိၣ်ဒီးတၢ်သးဝံၣ်စံးထီၣ်ပတြၢၤနၤ ဒီးယကမၤတၢ်လၢယအၢၣ်လီၤအီလီၤန့ၣ်လီၤ. တၢ်အုၣ်က့ၤခီၣ်က့ၤန့ၣ်ဟဲလၢယွၤလီၤ.”

လံာ်ဃဘးကူာ် 3:18

ယကအိၣ်ဒံးဒီးတၢ်သူၣ်ခုသးခုဒီးတၢ်သူၣ်ဖှံသးညီလီၤ. အဂ့ၢ်ဒ်အံၤယွၤ, ကစၢ်ယွၤမ့ၢ်ယပှၤအုၣ်က့ၤခီၣ်က့ၤယၤလီၤ.

ရိမ့ၤ 1:16

အဂ့ၢ်ဒ်အံၤ, ယမဲာ်တဆှးဘၣ်လၢခရံာ်အတၢ်သးခုကစီၣ်အဃိဘၣ်. မ့ၢ်ကစၢ်ယွၤအစိကမီၤလၢကအုၣ်က့ၤခီၣ်က့ၤပှၤလၢအစူၢ်က့ၤနာ် က့ၤတၢ်ခဲလၢာ်, ပှၤယူဒၤဖိတဖၣ်လၢအဆိဒီး ပှၤကြံးခ်ဖိတဖၣ်စ့ၢ်ကီးန့ၣ်လီၤ.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

လံာ်လီၣ်ဖျါ 7:10

အဝဲသ့ၣ်ကိးထီၣ်လၢအကလုၢ်ဖးဒိၣ်, “တၢ်အုၣ်က့ၤခီၣ်က့ၤ ဟဲလၢပကစၢ်ယွၤ, လၢအဆ့ၣ်နီၤလၢလီၢ်ပစိာ်အလိၤ, ဒီးလၢသိဖိတဒုန့ၣ်အအိၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 2:1

နီၢ်ဃးနၤဘါထုကဖၣ်ဝဲ, “ယွၤမၤပှဲၤတ့ၢ်ယသးဒီးတၢ်သူၣ်ခုသးခု လၢတၢ်လၢအမၤတ့ၢ်ဝဲအဃိန့ၣ်ယသူၣ်ဖှံသးညီ ဆံးဒိၣ်လဲၣ်. ယနံၤဘၣ်ယဒုၣ်ယဒါတဖၣ်, ယသူၣ်ခုသးခုဒိၣ်မးလဲၣ်. အဂ့ၢ်ဒ်အံၤ, ကစၢ်ယွၤမၤစၢၤတ့ၢ်ယၤလီၤ.