လံာ်ယၡါယၤ 12:1 - Sgaw Karen Common Bible

¹ မုၢ်တနံၤကဟဲဝဲဖဲပှၤကသးဝံၣ်ထီၣ်, “ယွၤဧၢ, ယစံးထီၣ်ပတြၢၤနၤလီၤ. နသးဒိၣ်တ့ၢ်ယၤ, ဘၣ်ဆၣ်ခဲအံၤနမၤမုာ်ယသးဒီးနတသးဒိၣ်လၢၤယၤလၢၤဘၣ်.

လံာ်ယၡါယၤ 12:1 Iomraidhean Croise

လံာ်စီၤနဃ့မယၤ 8:10

ခဲကနံၣ်အံၤက့ၤဆူသုဟံၣ်ဒီးမၤတၢ်အီၣ်တၢ်အီတက့ၢ်. နီၤလိာ်သုကိၣ်ဒီးစပံးထံလၢပှၤလၢအတၢ်တလၢတလီၣ်အဂီၢ်န့ၣ်တ က့ၢ်. မုၢ်တနံၤအံၤမ့ၢ်မုၢ်နံၤစီဆှံလၢပယွၤအဂီၢ်အဃိသူၣ်အုးသးအုးတဂ့ၤ. တၢ်သူၣ်ခုသးခုလၢယွၤဟ့ၣ်သုန့ၣ်ကမၤဆူၣ်ထီၣ်သုဂံၢ် သုဘါလီၤ.”

လံာ်စီၤယိၤဘး 11:16

အန့ၣ်ဒီးနကသးပ့ၤနီၣ်နတၢ်ကိၢ်တၢ်ဂီၤခဲလၢာ်, ဒီးနတသ့ၣ်နီၣ်က့ၤလၢၤဘၣ်အီၤဒ်ထံလၢအယွၤလီၤကွံာ် အသိးန့ၣ်လီၤ.

လံာ်စီၤယိၤဘး 13:16

ယတၢ်သူၣ်ဒူသးဒူကမ့ၢ်ဒၣ်လဲာ်တၢ်လၢအအုၣ်က့ၤ ခီၣ်က့ၤယၤ, မ့ၢ်လၢဖဲလၢပှၤတတီတလိၤကွၢ်ဆၢၣ်မဲာ် ကစၢ်ယွၤလၢတၢ်သူၣ်ဒူသးဒူတဘူၣ်ဘၣ်နီတဂၤအဃိန့ၣ်လီၤ.

စံးထီၣ်ပတြၢၤ 30:5

အဂ့ၢ်ဒ်အံၤ, အတၢ်သးထီၣ်အိၣ်တစိၢ်ဖိ ဒီးအဘျုးအဖှိၣ်န့ၣ်အိၣ်တစိၤသးလီၤ. မဲာ်ထံမဲာ်နိမ့ၢ်ယွၤလီၤဝဲလၢမုၢ်နၤ, ဘၣ်ဆၣ်, လၢမုၢ်ဂီၤန့ၣ်တၢ်သူၣ်ခုသးခုဟဲဝဲလီၤ.

စံးထီၣ်ပတြၢၤ 71:21

နကမၤအါထီၣ်ယတၢ်ကဲဒိၣ် ဒီးမၤမုာ်ထီၣ်က့ၤယၤန့ၣ်လီၤ.

စံးထီၣ်ပတြၢၤ 85:4

တၢ်အုၣ်က့ၤခီၣ်က့ၤပှၤကစၢ်ယွၤဧၢ, ဒုးက့ၤကဒါက့ၤပှၤဆူ ပအိၣ်ပဆိးအလီၢ် ဆိကတီၢ်နတၢ်သးထီၣ်ပှၤန့ၣ်တက့ၢ်.

စံးထီၣ်ပတြၢၤ 86:17

ယွၤဧၢ, ဒုးနဲၣ်နတၢ်ဂ့ၤအတၢ်ပနီၣ်လၢယၤ ဒ်သိးပှၤလၢအသးဟ့ယၤတဖၣ်ကထံၣ်ဝဲ ဒီးကဘၣ်တၢ်မၤမဲာ်ဆှးအီၤ, မ့ၢ်လၢနမၤစၢၤတ့ၢ်လံယၤဒီး မၤမုာ်ထီၣ်က့ၤယၤအဃိန့ၣ်တက့ၢ်.

စံးထီၣ်ပတြၢၤ 9:1

ယကစံးထီၣ်ပတြၢၤယွၤလၢယသးဒီဖျၢၣ်ညါ, ယကစံးဘၣ်တဲဘၣ်ယဲ နတၢ်မၤလီၤလးခဲလၢာ်လၢနမၤတ့ၢ်နဲလီၤ.

လံာ်ယၡါယၤ 10:25

လၢတစိၢ်ဖိအတီၢ်ပူၤန့ၣ်, ယကမၤဝံၤယတၢ်စံၣ်ညီၣ်သု, ဝံၤဒီးယကမၤဟးဂီၤအဝဲသ့ၣ်လီၤ.

လံာ်ယၡါယၤ 10:4

သုကဘၣ်တၢ်မၤသံသုလၢတၢ်ဒုးတၢ်ယၤအပူၤ, မ့တမ့ၢ်, တၢ်ကတွံၢ်ထီၣ်ကွံာ်သုဒ်ပှၤဃိာ်ဖိတဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသး လၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 11:16

ကျဲမုၢ်ဖးဒိၣ်တဘိကဟးထီၣ်လၢကီၢ်အၤၡူၢ်လၢအပှၤအံၣ်စရ့လး ဖိလၢအအိၣ်မူတ့ၢ်ဖဲန့ၣ်တဖၣ်အဂီၢ်, ဒ်အအိၣ်လၢအမိၢ်ပၢ်ဖံဖု လၢပျၢၤတဖၣ်အဂီၢ်အသိး, ဖဲအဝဲသ့ၣ်ဟးထီၣ်လၢကီၢ် အဲၤကူပတူးအခါန့ၣ်လီၤ.

လံာ်ယၡါယၤ 14:3

ယွၤကဟ့ၣ်ပှၤအံၣ်စရ့လးဖိလၢတၢ်မၤမုာ်ထီၣ်က့ၤလၢအတၢ်ဆါ ဆိးကဲးဒီးအတၢ်နးတၢ်ဖှီၣ်အပူၤဒီးလၢတၢ်မၤအဆူၣ်အကိၤလၢ တၢ်မၢဆူၣ်တ့ၢ်အဝဲသ့ၣ်န့ၣ်လီၤ.

လံာ်ယၡါယၤ 2:11

မုၢ်တနံၤကဟဲဝဲဖဲပှၤကညီအတၢ်ပာ်ထီၣ်ထီသးကဘၣ်တၢ်မၤ ကတၢၢ်ကွံာ်အီၤဒီးပှၤကညီအတၢ်ပာ်ကဖိအသးကဟးဂီၤကွံာ်ဝဲလီၤ. အန့ၣ်ဒီးထဲယွၤတဂၤဧိၤကဘၣ်တၢ်ပာ်ထီၣ်ထီအီၤန့ၣ်လီၤ.

လံာ်ယၡါယၤ 25:1

ယွၤဧၢ, နမ့ၢ်ယကစၢ်ယွၤလီၤ. ယကမၤလၤကပီၤနၤဒီးစံးထီၣ်ပတြၢၤနမံၤလီၤ. နမၤတ့ၢ်တၢ်လၢအလီၤလိၢ်လီၤလးမးတဖၣ်လီၤ. နတၢ်ကူၣ်တၢ်ကျဲၤလၢပျၢၤတဖၣ်န့ၣ်နမၤလၢထီၣ် ပှဲၤထီၣ်အီၤလၢတၢ်သူၣ်တီသးရၤအပူၤလီၤ.

လံာ်ယၡါယၤ 25:9

ဖဲတၢ်အံၤမၤအသးဒီး, ပှၤကိးဂၤဒဲးကစံးဝဲ, “အဝဲဒၣ်မ့ၢ်ပကစၢ်ယွၤလီၤ. ပပာ်ပတၢ်နာ်လၢအပူၤဒီးခဲအံၤ, ပသူၣ်ဖှံသးညီဒီးသူၣ်ခုသးခုလီၤ. အဂ့ၢ်ဒ်အံၤ, အုၣ်က့ၤခီၣ်က့ၤတ့ၢ်ပှၤလီၤ.”

လံာ်ယၡါယၤ 26:1

မုၢ်တနံၤဖဲပှၤဂီၢ်မုၢ်ကသးဝံၣ်တၢ်သးဝံၣ်အံၤလၢကီၢ်ယူဒၤ အပူၤန့ၣ်ဘူးထီၣ်လံ. ပဝ့ၢ်အံၤအဂံၢ်ဆူၣ်လီၤ. ကစၢ်ယွၤအနီၢ်ကစၢ်ဒၣ်ဝဲကဟုကယာ် အခိၣ်ဒူတဖၣ်လီၤ.

လံာ်ယၡါယၤ 35:10

အဝဲသ့ၣ်ကလဲၤတုၤဆူဝ့ၢ်ယရူၤၡလ့ၣ် လၢတၢ်သူၣ်ဖှံသးညီ, ကသူၣ်ဝံၣ်သးဆၢဒီးကကိးထီၣ်လၢအတၢ်သးခုဒိၣ်ဝဲအဃိလီၤ. အဝဲသ့ၣ်ကသူၣ်ဖှံသးညီအစိၤစိၤအဃၣ်ဃၣ်, အစိၤစိၤအဃၣ်ဃၣ်န့ၣ်ပူၤဖျဲးဝဲလၢတၢ်သူၣ်အုးသးအုးဒီး တၢ်ဘၣ်မိၣ်ဘၣ်မးလီၤ.

လံာ်ယၡါယၤ 49:13

မူခိၣ်မူကပိာ်လိၤဧၢ, သးဝံၣ်ထီၣ်တက့ၢ်. ကိးပသူထီၣ်လၢတၢ်သးခုအဂ့ၢ်တက့ၢ်. မ်ကစၢၢ်တဖၣ်သီၣ်ပုာ်ထီၣ်လၢတၢ်သးဝံၣ်တက့ၢ်. ယွၤကမၤမုာ်မၤခုၣ်အပှၤဂီၢ်မုၢ်အသးလီၤ. အဝဲကအိၣ်ဒီးတၢ်သးကညီၤဘၣ်အပှၤဂီၢ်မုၢ်လၢအဘၣ်တူၢ်ဘၣ်တၢ် တဖၣ်န့ၣ်လီၤ.

လံာ်ယၡါယၤ 51:3

ယကဒုးနဲၣ်ယတၢ်သးကညီၤဆူဝ့ၢ်ယရူၤၡလ့ၣ်ဒီး, ဆူပှၤခဲလၢာ်လၢအအိၣ်လၢအတၢ်ဟးဂီၤတဖၣ်အပူၤလီၤ. အလီၢ်အကျဲမ့ၢ်မဲးမုၢ်ခိၣ်ဒၣ်လဲာ်, ယကဒုးကဲထီၣ်အီၤလၢ တၤသၣ်လီၢ်တလီၢ် လၢအလီၤဂာ်ဒီးတၤသၣ်လီၢ်လၢယသူၣ်လီၤတ့ၢ်အီၤလၢဧ့ၤဒ့ၣ်န့ၣ်လီၤ. တၢ်သူၣ်ခုသးခုဒီးတၢ်သူၣ်ဖှံသးညီ, တၢ်စံးထီၣ်ပတြၢၤဒီးတၢ်စံးဘျုးစံးဖှိၣ်ယၤ အတၢ်သးဝံၣ်တဖၣ်ကအိၣ်ဖဲန့ၣ်လီၤ.

လံာ်ယၡါယၤ 54:7

“ယပာ်တ့ၢ်နၤထဲဆၢကတီၢ်တစိၢ်ဖိနာ်က့, လၢတၢ်အဲၣ်အဒိၣ်အယိာ်အပူၤ ယကဟံးန့ၢ်က့ၤနၤန့ၣ်လီၤ.

လံာ်ယၡါယၤ 54:8

ယဃၣ်ကွံာ်ယသးလၢတၢ်သးဒိၣ်အပူၤတစိၢ်ဖိနာ်က့, ယကဒုးနဲၣ်နၤယတၢ်အဲၣ်လီၤထူလီၤယိာ်န့ၣ်လီၤ.” ယွၤလၢအအုၣ်က့ၤခီၣ်က့ၤသုစံးဝဲဒ်န့ၣ်လီၤ.

လံာ်ယၡါယၤ 54:9

“လၢစီၤနိအၤအစိၤအဆၢကတီၢ်န့ၣ်, ယအၢၣ်လီၤတ့ၢ်လၢယတဒုးလုၣ်ဘၢဟီၣ်ခိၣ်လၢထံနီတဘျီလၢၤဘၣ်. ခဲအံၤယအၢၣ်လီၤလၢယတသူၣ်ဒိၣ်သးဖျိး ကဒီးသုလၢၤဘၣ်. ယတသိၣ်ဃီၣ်သုမ့ၢ်ဂ့ၤ, စံၣ်ညီၣ်သုမ့ၢ်ဂ့ၤလၢၤဘၣ်.

လံာ်ယၡါယၤ 60:10

ယွၤစံးဘၣ်ဝ့ၢ်ယရူၤၡလ့ၣ်, “ပှၤတခီဘီမုၢ်ဖိတဖၣ်ကသူၣ်ထီၣ်ဘှီထီၣ်က့ၤ နဝ့ၢ်ခိၣ်ဒူတဖၣ် ဒီးအဝဲသ့ၣ်အစီၤပၤတဖၣ်ကမၤ နတၢ်ခ့တၢ်ပှၤအတၢ်မၤလီၤ. လၢယတၢ်သးထီၣ်အပူၤယစံၣ်ညီၣ်တ့ၢ်နၤလီၤ. ဘၣ်ဆၣ်ခဲအံၤယကဒုးနဲၣ်နၤယတၢ်ကွၢ်မဲာ်ဒီး တၢ်သးကညီၤနၤလီၤ.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်ယၡါယၤ 64:5

နတူၢ်လိာ်မုာ်ပှၤတဖၣ်လၢအထံၣ်န့ၢ်တၢ်သးခုလၢတၢ်မၤတၢ် အလိၤအဘၣ်, ပှၤတဖၣ်လၢအသ့ၣ်နီၣ်ထီၣ်ဝဲလၢနအဲၣ်ဒိး လၢအဝဲသ့ၣ်ကအိၣ်မူဝဲဒ်လဲၣ်န့ၣ်လီၤ. နသူၣ်ဒိၣ်သးဖျိးဘၣ်ပှၤ, ဘၣ်ဆၣ်ပမၤထွဲဒံးဒၣ်တၢ်ဒဲးဘးလီၤ. စးထီၣ်လၢပျၢၤလံၤလံၤန့ၣ်, နသးကဲၤထီၣ်ပှၤဒိၣ်ဒိၣ်မုၢ်မုၢ်ဒၣ်လဲာ်, ပတဆိတ့ၢ်လၢတၢ်မၤကမၣ်တၢ်န့ၣ်ဘၣ်.

လံာ်ယၡါယၤ 65:18

သူၣ်ခုသးခုဒီးသူၣ်ဖှံသးညီလီၤစိၤလီၤထီလၢတၢ်လၢယတ့လီၤ ပာ်လီၤအပူၤန့ၣ်တက့ၢ်. ဝ့ၢ်ယရူၤၡလ့ၣ်အသီလၢယတ့လီၤ အီၤအံၤကပှဲၤဒီးတၢ်သးခုဒီးအပှၤဂီၢ်မုၢ်ကသူၣ်ဖှံသးညီဝဲလီၤ.

လံာ်ယၡါယၤ 66:13

ယကမၤမုာ်သုလၢဝ့ၢ်ယရူၤၡလ့ၣ်အပူၤ, ဒ်မိၢ်တဂၤမၤမုာ်အဖိအသိးလီၤ.

လံာ်ယံးရမံယၤ 30:19

ပှၤဂီၢ်မုၢ်လၢ အအိၣ်ဆိးဝဲဖဲန့ၣ်, ကသးဝံၣ်စံးထီၣ်ပတြၢၤတၢ်, အဝဲသ့ၣ်ကကိးထီၣ်တၢ်လၢ တၢ်သးခုအပူၤန့ၣ်လီၤ. လၢယတၢ်ဆိၣ်ဂ့ၤအဃိန့ၣ်, အဝဲသ့ၣ်ကအါထီၣ်ဝဲလၢ အနီၣ်ဂံၢ်, ယတၢ်ဆိၣ်ဂ့ၤ ကဟဲစိာ်န့ၢ်အဝဲသ့ၣ်လၢ တၢ်လၤကပီၤ န့ၣ်လီၤ.

လံာ်ယံးရမံယၤ 31:13

အန့ၣ်ဒီး, မုၣ်လိၤဘိတဖၣ် ကဂဲၤကလံာ်ဝဲဒီးသးဖှံသးညီဝဲ, ဒီးပှၤပိာ်ခွါတဖၣ်, သးစၢ်ဂ့ၤသးပှၢ်ဂ့ၤ, ကသူၣ်ခုသးခုဝဲလီၤ. ယကမၤမုာ်မၤခုၣ်အဝဲသ့ၣ်, ဒီးဘိးဃၣ်အဝဲသ့ၣ် တၢ်ဟီၣ်တၢ်ယၢၤဆူ တၢ်သူၣ်ခုသးခု, အဝဲသ့ၣ်အတၢ်သူၣ်အုၣ်သးအုးဆူ တၢ်သူၣ်ဖှံသးညီန့ၣ်လီၤ.

လံာ်ဟိၤၡ့ 11:8

ကီၢ်အံၣ်စရ့လးဧၢ, ယပျဲစုပျၢ်ခီၣ်ကွံာ်နၤကသ့ဒ်လဲၣ်ယစူးကွံာ်ညိကွံာ်နၤကသ့ဒ်လဲၣ်. မ့ၢ်ယကမၤဟးဂီၤတ့ၢ်နၤဒ်ယမၤတ့ၢ်ဝ့ၢ်အၤဒမၤအသိးမ့ၢ်ဂ့ၤ, မၤဘၣ်နၤဒ်ယမၤတ့ၢ်ဝ့ၢ်စဘိအံၣ်အသိးမ့ၢ်ဂ့ၤတဘျီဘျီဧါ. တမ့ၢ်ယသးကပျဲယမၤတၢ်န့ၣ်ဘၣ်. ယတၢ်အဲၣ်နၤအံၤဆူၣ်ဒိၣ်မးလီၤ.

လံာ်ဟိၤၡ့ 6:1

ပှၤဂီၢ်မုၢ်စံးဝဲဒၣ်, မ်ပကဃၣ်ကဒါက့ၤပသးဆူယွၤအအိၣ်တက့ၢ်. အဝဲမၤဆါတ့ၢ်ပှၤဘၣ်ဆၣ်အဝဲကမၤဘျါက့ၤပှၤသပှၢ်ကတၢၢ်, အဝဲမၤဘၣ်ဒိဘၣ်ထံးပှၤဘၣ်ဆၣ်ကဘိၣ်ဘံထီၣ်ပပူၤလီၢ်တ ဖၣ်လီၤတမ့ၢ်ဘၣ်ဧါ.

လံာ်စကၤရယၤ 1:16

လၢတၢ်န့ၣ်အဃိ, ယဟဲက့ၤကဒါက့ၤဆူဝ့ၢ်ယရူၤရှလ့ၣ်လၢယကဒုး နဲၣ်တၢ်သးကညီၤဘၣ်ဝ့ၢ်အံၤန့ၣ်လီၤ. ယတၢ်လုၢ်ဟံၣ်ကဘၣ်တၢ်ပာ်ကဒါက့ၤအီၤ, ဖဲအအိၣ်တ့ၢ်ဝဲ အလီၢ်ဒီးဝ့ၢ်ကဘၣ်တၢ်ဘှီထီၣ်ကဒါက့ၤအီၤလီၤ.”

လံာ်စကၤရယၤ 14:20

ဖဲအဆၢကတီၢ်အဝဲန့ၣ်န့ၣ်, လၢကသ့ၣ်အကိာ်လိၤ, ပှ့ၤသၣ်အလိၤဒၣ်လဲာ်တၢ်ကကွဲးလီၤတၢ်ကတိၤလၢအစံးဝဲ, “ဘၣ်တၢ်ပာ်စီဆှံအီၤလၢယွၤအဂီၢ်လီၤ.” တၢ်တ့ၤတၢ်ဖီအသပၢၤတဖၣ်လၢတၢ်လုၢ်ဟံၣ်ပူၤန့ၣ်, ကစီဝဲဆှံဝဲဒ်သလၢတဖၣ်လၢတၢ်လုၢ်လီၢ်အမဲာ်ညါအသိးန့ၣ်လီၤ.

လံာ်စကၤရယၤ 14:9

အန့ၣ်ဒီးယွၤကကဲထီၣ်စီၤပၤလၢဟီၣ်ခိၣ်ဒီဘ့ၣ်ညါအဖီခိၣ်, ဒီးပှၤကိးဂၤဒဲးကဘူၣ်ထီၣ်ဘါထီၣ်အီၤဒ်ကစၢ်ယွၤအသိးဒီး ကသ့ၣ်ညါအီၤလၢအမံၤတယုၢ်ဃီန့ၣ်လီၤ.

လံာ်စကၤရယၤ 8:11

မ့မ့ၢ်ခဲကနံၣ်အံၤ, ပှၤကလုာ်အံၤအပှၤအိၣ်လီၤတဲာ်တဖၣ်, ယတမၤအီၤဒ်လၢညါအသိးဘၣ်.

လံာ်စကၤရယၤ 8:19

“တၢ်ဒုၣ်တၢ်အီၣ်တၢ်အီတဖၣ်လၢအဘၣ်တၢ်မၤအီၤလၢလါလွံၢ်လါ တလါ, လါယဲၢ်လါတလါ, လါနွံလါတလါ, ဒီးလါဆံဆဲၣ်လါတလါန့ၣ်ကကဲထီၣ်တၢ်သူၣ်ဖှံသးညီဒီး တၢ်သူၣ်ခုသးခုအဘူၣ်တဖၣ်လၢကီၢ်ယူဒၤအပှၤဂီၢ်မုၢ်အဂီၢ်လီၤ. ဒီးသုကဘၣ်အဲၣ်တၢ်မ့ၢ်တၢ်တီဒီးတၢ်ဃူတၢ်ဖိးန့ၣ်လီၤ.”

ရိမ့ၤ 11:15

အဂ့ၢ်ဒ်အံၤဖဲအဝဲသ့ၣ်ဘၣ်တၢ်ညိကွံာ်အီၤအဆၢကတီၢ်န့ၣ်, ကစၢ်ယွၤဒုးကဲထီၣ်ပှၤဟီၣ်ခိၣ်ဖိအဂၤတဖၣ်လၢအဒုၣ်အဒါဆူ အတံၤသကိးန့ၣ်လီၤ. မ့မ့ၢ်ဒ်န့ၣ်ဒီး, ဖဲအဝဲသ့ၣ်ဘၣ်တၢ်တူၢ်လိာ်အီၤ ဒီးတၢ်ကကဲထီၣ်အသးဒ်လဲၣ်. ကမ့ၢ်တၢ်ဂဲၤဆၢထၢၣ်သမူထီၣ်က့ၤ လၢတၢ်သံန့ၣ်လီၤ.