လံာ်ယၡါယၤ 11:4 - Sgaw Karen Common Bible

⁴ အဝဲကစံၣ်ညီၣ်ပှၤဖှီၣ်ဖိယာ်ဖိတဖၣ်တီတီလိၤလိၤ ဒီးဒီဒၣ်ခီၣ်ဆၢန့ၢ်ပှၤလၢအမၤစၢၤလီၤအသးတသ့တဖၣ် အတၢ်ခွဲးတၢ်ယာ်န့ၣ်လီၤ. လၢအတၢ်စိတၢ်ကမီၤအကလုၢ်န့ၣ်, ပှၤဂီၢ်မုၢ်ကဘၣ်တၢ်စံၣ်ညီၣ် အီၤ ဒီးပှၤအၢပှၤသီတဖၣ်ကသံဝဲလီၤ.

လံာ်ယၡါယၤ 11:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:15

စီၤဒၤဝံးပၢတၢ်လၢကီၢ်အံၣ်စရ့လးဒီကီၢ်ညါအဖီခိၣ်, ဒီးမၤလီၤတံၢ်ဝဲလၢ, အဝဲအပှၤဂီၢ်မုၢ်တဖၣ်ဘၣ်တၢ်မၤအီၤဒ်အကြၢးဝဲဘၣ်ဝဲ, အိၣ်ဒီးတၢ်စံၣ်ညီၣ်တီတဘိယူၢ်ဃီန့ၣ်လီၤ.

လံာ်စီၤယိၤဘး 15:30

အဝဲတပူၤဖျဲးဝဲလၢတၢ်ခံးတၢ်နၤန့ၣ်ဘၣ်. အဝဲကလီၤဂာ်ဒီးသ့ၣ် တထံးအဒ့လၢတဖၣ်မ့ၣ်အူအီၣ်ကွံာ်အီၤ, ဒီးအဒိးစၢ်တဖၣ်ကလံၤအူဒံကွံာ်အီၤအသိးန့ၣ်လီၤ.

လံာ်စီၤယိၤဘး 4:9

ဒီးကစၢ်ယွၤအတၢ်သးထီၣ်မၤဟးဂီၤကွံာ် အဝဲသ့ၣ်ဒ်ကလံၤမုၢ်အသိးန့ၣ်လီၤ.

စံးထီၣ်ပတြၢၤ 110:2

ယွၤကမၤလဲၢ်ထီၣ်နစီၤပၤအစိကမီၤ စးထီၣ်လၢစံယိၣ်န့ၣ်လီၤ. အဝဲစံးဝဲ, “ပၢတၢ်လၢနဒုၣ်နဒါတဖၣ်အဖီခိၣ်တက့ၢ်.”

စံးထီၣ်ပတြၢၤ 18:8

မ့ၣ်အူခုၣ်ဟဲထီၣ်လၢအနါဒ့အပူၤ, မ့ၣ်အူလၣ်ဒီးမ့ၣ်အူကဖးဟဲထီၣ်လၢအထးခိၣ်လီၤ.

စံးထီၣ်ပတြၢၤ 2:9

နကတီၢ်ကၢ်အဝဲသ့ၣ်လၢနီၣ်တီၢ်ထး, နကမၤသ့ၣ်ဖးအဝဲသ့ၣ်ဒ် သပၢၤဟီၣ်ခိၣ်အက့အခီအသိးန့ၣ်လီၤ.”

စံးထီၣ်ပတြၢၤ 76:10

ပှၤကညီအတၢ်သးထီၣ်န့ၣ် ကက တၢၢ်ဒၣ်လၢတၢ်စံးထီၣ်ပတြၢၤအါထီၣ်နၤဧိၤလီၤ. ဒီးပှၤလၢအအိၣ်မူတ့ၢ်ဒံး ဖဲတၢ်ဒုးတၢ်ယၤဝံၤတဖၣ်န့ၣ် ကတိၢ်န့ၢ်ဖံးဃာ်နဘူၣ်တဖၣ်လီၤ.

လံာ်ယၡါယၤ 1:17

ဒီးမၤလိမၤတၢ်အဘၣ်တက့ၢ်. တၢ်စံၣ်ညီၣ်တီမၤအသးကစီ ဒီဧါန့ၣ်, ပာ်သူၣ်ပာ်သးတက့ၢ်. မၤစၢၤပှၤလၢအဘၣ်တၢ်မၤ အၢမၤနးအီၤတဖၣ်တက့ၢ်. ဟ့ၣ်ဖိၣ်ဃဲတဖၣ်အတၢ်ခွဲးတၢ်ယာ်, ဒီးဒီဒၣ်အိၣ်ပှိၤမုၣ်ကမဲတဖၣ်တက့ၢ်.”

လံာ်ယၡါယၤ 13:11

ယွၤစံးဝဲဒၣ်, “ယကဟဲစိာ်န့ၢ်ဟီၣ်ခိၣ်လၢတၢ်ဟးဂီၤဒီးစံၣ်ညီၣ် ပှၤအၢပှၤသီခဲလၢာ်လၢအတၢ်ဒဲးဘးတဖၣ်အဃိလီၤ. ယကဆီၣ် လီၤပှၤကိးဂၤဒဲးလၢအပာ်ထီၣ်ထီအသး, ဒီးစံၣ်ညီၣ် ပှၤကိးဂၤဒဲးလၢအသးထီၣ်ထီဒီးအၢဝဲသီဝဲန့ၣ်လီၤ.

လံာ်ယၡါယၤ 14:30

ယွၤကမ့ၢ်ပှၤကွၢ်သိလၢအပှၤဖှီၣ်ဖိယာ်ဖိတဖၣ်အဂီၢ်ဒီးက ပျဲအဝဲသ့ၣ်အိၣ်မူလၢတၢ်ပူၤဖျဲးအလီၢ်လီၤ. ဘၣ်ဆၣ်ဒီး, အဝဲကဆှၢလီၤတၢ်သၣ်ဝံၤလီၤဒိလၢအလီၤပျံၤလီၤဖုးဖးဒိၣ် လၢသုဝဲပှၤဖလ့ၡသးဖိတဖၣ်အဖီခိၣ်ဒီးတပျဲသုကမူနီတဂၤဘၣ် န့ၣ်လီၤ.

လံာ်ယၡါယၤ 16:5

အန့ၣ်ဒီး, စီၤပၤဒၤဝံးအစၢၤအသွဲၣ်အကျါတဂၤကကဲစီၤပၤ, ဒီးအဝဲကပၢပှၤဂီၢ်မုၢ်လၢတၢ်သးတီဒီးတၢ်အဲၣ်တၢ်ကွံအပူၤလီၤ. တၢ်လၢအဘၣ်န့ၣ်, အဝဲကမၤဝဲချ့ချ့လီၤ. ဒီးတၢ်စံၣ်ညီၣ်တီ မၤအသးကစီဒီဧါန့ၣ်, ကကွၢ်ထွဲဝဲလီၤ.)

လံာ်ယၡါယၤ 2:4

အဝဲကမၤလိၤမၤဘၣ်တၢ်ဂ့ၢ်လိာ် ဘှီလိာ်လၢပှၤကလုာ်ဖးဒိၣ်တဖၣ်အကျါလီၤ. အဝဲသ့ၣ်ကပိာ်က့ၤအနးတဖၣ်ဆူထဲၣ်အကနၣ် ဒီးအဘီတဖၣ်ဆူဒီပဲာ်ဃိတၢ်တဖၣ်လီၤ. ပှၤကလုာ်တဖၣ်တလဲၤဒုးတၢ်ယၤတၢ်လၢၤဘၣ်, တကတဲာ်ကတီၤကဒီးအသးလၢတၢ်ဒုးသုးအဂီၢ်နီတစုလၢၤဘၣ်.

လံာ်ယၡါယၤ 26:6

ခဲအံၤပှၤလၢအဘၣ်တၢ်မၤနးမၤဖှီၣ်အီၤတဖၣ်, ဟးလၢအဖီခိၣ် ဒီးယီၢ်တံၢ်အီၤလၢအခီၣ်အဖီလာ်လီၤ.

လံာ်ယၡါယၤ 29:19

ပှၤဂီၢ်မုၢ်လၢအဖှီၣ်အယာ်ဒီးဆီၣ်လီၤအသးန့ၣ်ကထံၣ်န့ၢ်က့ၤ ကဒီးတၢ်သူၣ်ဖှံသးညီလၢယွၤ, အံၣ်စရ့လးအကစၢ်ယွၤစီဆှံ, ဟ့ၣ်လီၤဝဲန့ၣ်လီၤ.

လံာ်ယၡါယၤ 3:14

ယွၤဆှၢနုာ်အပှၤဂီၢ်မုၢ်အသူၣ်က့သးပှၢ်တဖၣ်ဒီးအခိၣ်အနၢ် တဖၣ်ဆူတၢ်စံၣ်ညီၣ်အပူၤ, ဒီးလိာ်ဘၢလိာ်ကွီၢ်ထီဒါအဝဲသ့ၣ်, စံးဝဲ, “သုဂုာ်ဆူၣ်ပျီဆူၣ်စပံးလီၢ်တဖၣ်, ဒီးသုဟံၣ်တဖၣ်ပှဲၤဝဲဒီးတၢ်လၢသု ဟံးန့ၢ်လၢပှၤဖှီၣ်ဖိယာ်ဖိတဖၣ်အအိၣ်လီၤ.

လံာ်ယၡါယၤ 30:28

အဝဲမၢလီၤကလံၤလၢအမဲာ်ညါဒ်ထံဒိၣ်ဘၢတၢ်လၢအစိာ် ကွံာ်တၢ်ခဲလၢာ်အသိးန့ၣ်လီၤ. ကလံၤအံၤအူပျီကွံာ်ပှၤ ကလုာ်တဖၣ်ဆူတၢ်ဟးဂီၤအပူၤဒီးအဝဲသ့ၣ်အတၢ်ကူၣ်ကျဲၤ အၢသီတဖၣ်ကတၢၢ်ကွံာ်ဝဲန့ၣ်လီၤ.

လံာ်ယၡါယၤ 30:31

ပှၤအၤၡူၢ်ဖိတဖၣ်ကပျံၤတၢ်ဖုးတၢ်ဖဲအဝဲသ့ၣ်နၢ်ဟူဘၣ်ယွၤ အကလုၢ်ဒီးကလၢၢ်ဘၣ်အတၢ်စံၣ်ညီၣ်အသဟီၣ်န့ၣ်လီၤ.

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်ယၡါယၤ 32:1

မုၢ်ကအိၣ်ဝဲတနံၤ, စီၤပၤတဂၤလၢ အပၢတၢ်လၢတၢ်မၤတီအကလုၢ်အပူၤ, ဒီးထံဖိကီၢ်ဖိခိၣ်နၢ်တဖၣ်လၢအပၢတၢ်လၢတၢ်စံၣ် ညီၣ်တီအပူၤန့ၣ်ကအိၣ်ထီၣ်ဝဲလီၤ.

လံာ်ယၡါယၤ 32:7

ပှၤဟးဂီၤဖိတဂၤအၢဝဲသီဝဲဒီးမၤတၢ်အၢတၢ်သီတဖၣ်လီၤ. အဝဲကူၣ်ကျဲၤဝဲဒ်သိးကမၤဟးဂီၤပှၤဖှီၣ်ဖိယာ်ဖိတဖၣ် လၢတၢ်လီတၢ်ဝ့ၤတဖၣ်ဒီးကတြီဃာ်အီၤလၢ ကမၤန့ၢ်တၢ်လၢအကြၢးဒိးန့ၢ်ဝဲတဖၣ်လီၤ.

လံာ်ယၡါယၤ 33:22

ယၢ်ထူၣ်ခဲလၢာ်လၢကဘီတဖၣ်န့ၣ်အလိၤတၢ်သူအီၤ တသ့လၢၤဘၣ်. ယၢ်လၣ်တဖၣ်တၢ်သလၣ်ထီၣ်အီၤတန့ၢ်လၢၤဘၣ်. ပကဂုာ်ဟံးန့ၢ်ဒုၣ်ဒါအသုးမုၢ်တဖၣ်အတၢ်ထူးတၢ်တီၤခဲလၢာ်, ဒီးတၢ်ကအိၣ်အါဝဲဂီၢ်ဝဲတုၤပှၤစုတဆူၣ်အခီၣ်တဂ့ၤတဖၣ်ဒၣ်လဲာ် မၤန့ၢ်တၢ်နီၤဟ့ၣ်တမံၤလၢအဝဲသ့ၣ်အဂီၢ်ကသ့ဝဲလီၤ.

လံာ်ယၡါယၤ 40:7

နီၣ်ဧိၤမံၤဧိၤဃ့ထီကွံာ်ဝဲဒီးဖီတဖၣ်လီၤညွံးလီၤဘီဝဲ ဖဲယွၤဆှၢလီၤကလံၤအူတၢ်လၢအဝဲသ့ၣ်အဖီခိၣ်န့ၣ်လီၤ. ပှၤဂီၢ်မုၢ်တအိၣ်ကၢအိၣ်ခိးအါန့ၢ်နီၣ်ဧိၤမံၤဧိၤဘၣ်.

လံာ်ယၡါယၤ 49:2

အဝဲဒုးကဲထီၣ်ယတၢ်ကတိၤတဖၣ်ဒ်နးတဘ့ၣ်လၢအကနၣ်အ့ၣ်ဝဲအသိး, ဒီးလၢအစုဒၣ်ဝဲန့ၣ်ဒီဒၣ်အိၣ်ပှိၤယၤလီၤ. အဝဲဒုးကဲထီၣ်ယၤဒ်ပျၢ်တဘိအသိး, အခိၣ်စူဂ့ၤမးဒီးအိၣ်ကတဲာ်ကတီၤအသးလၢတၢ်ကသူအီၤအဂီၢ်လီၤ.

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ယံးရမံယၤ 33:15

ဖဲတၢ်ဆၢကတီၢ်အဝဲန့ၣ်, ယကဃုထၢပှၤအတီအလိၤတဂၤလၢ အလီၤစၢၤလၢ စီၤဒၤဝံးဒ်စီၤပၤတဂၤအသိးန့ၣ်လီၤ. စီၤပၤအဝဲန့ၣ်ကမၤတၢ်လၢ အဘၣ်ဒီးတီဝဲလိၤဝဲ, လၢကီၢ်ဒီဘ့ၣ်ညါအပူၤန့ၣ်လီၤ.

လံာ်ယံးရမံယၤ 5:28

မ့ၢ်တၢ်လၢအမၤဘီၣ်ထီၣ်ညီထီၣ်အဝဲ သ့ၣ်ဒီးဒုးအီၣ်ဘျဲးအီၣ်ဘျဲးအီအီၤန့ၣ်လီၤ. အတၢ်မၤအၢမၤသီတၢ်တဖၣ်အကတၢၢ်ကတာ်တအိၣ်ဘၣ်. အဝဲသ့ၣ်တဟ့ၣ်ဘၣ်ပှၤဖိၣ်ဃဲတဖၣ်လၢ အတၢ်ခွဲးတၢ်ယာ်တဖၣ်မ့ၢ်ဂ့ၤတဒုးနဲၣ် ဘၣ်တၢ်စံၣ်ညီၣ်တီလၢပှၤလၢအဘၣ်တၢ် မၤနးမၤဖှီၣ်တဖၣ်မ့ၢ်ဂ့ၤအဂီၢ်ဘၣ်.

လံာ်ဟိၤၡ့ 6:5

လၢတၢ်န့ၣ်အဃိ, ယဘၣ်ဆှၢလီၤတ့ၢ်ယဝံတဖၣ်ဆူသုအိၣ်ဃုာ်ဒီး ယတၢ်ကစီၣ်လၢအမ့ၢ်တၢ်စံၣ်ညီၣ်ဒီးတၢ်မၤဟးဂီၤန့ၣ်လီၤ. တၢ်လၢယလိၣ်ဘၣ်လၢသုအိၣ်န့ၣ်အိၣ်ဖျါၡဲၡဲဒီးဖျါတြၢၤ ကလာ်လီၤ.

လံာ်စဖါနယၤ 2:3

ကယဲၢ်ပှၤလၢအဆီၣ်လီၤအသးလၢထံဧိၤကီၢ်ဧိၤအပူၤ, ပှၤလၢအစူၢ်အတၢ်မၤလိာ်တဖၣ်သ့ၣ်ဧၢ, ဃၣ်က့ၤသုသးဆူ ယွၤအအိၣ်တက့ၢ်. မၤတၢ်တီတၢ်လိၤဒီးဆီၣ်လီၤသုသးလၢယွၤအမဲာ်ညါန့ၣ်တက့ၢ်. ဘၣ်တဘၣ်မုၢ်တနံၤလၢယွၤပာ်ဖျါထီၣ်အတၢ်သးထီၣ်န့ၣ်သုကပူၤ ဖျဲးလၢအတၢ်စံၣ်ညီၣ်န့ၣ်လီၤ.

လံာ်မၤလကံ 4:6

အဝဲကပာ်ဖှိၣ်က့ၤပၢ်ဒီးဖိတဖၣ်တပူၤဃီကဒီးန့ၣ်လီၤ. မ့တမ့ၢ်ဘၣ်ဒီးယကဘၣ်ဟဲဒီးမၤဟးဂီၤကွံာ်သုထံဧိၤကီၢ်ဧိၤ န့ၣ်လီၤ.”

လံာ်မးသဲ 11:5

ပှၤအမဲာ်ဘျီၣ်တဖၣ်ထံၣ်ထီၣ်က့ၤတၢ်, ပှၤအခီၣ်ဟးဂီၤတဖၣ်ဟးထီၣ် က့ၤဝဲ, ပှၤဘၣ်တၢ်ဆါအၢတဖၣ်ဘျါက့ၤဝဲ, ပှၤအနၢ်တအၢတဖၣ်နၢ်ဟူထီၣ် က့ၤတၢ်ဒီးပှၤသံတဖၣ်ဘၣ်တၢ်ဒုးဂဲၤဆၢထၢၣ်က့ၤအီၤဒီးတၢ်သးခု ကစီၣ်ဘၣ်တၢ်စံၣ်တဲၤတဲလီၤအီၤဆူပှၤဖှီၣ်ဖိယာ်ဖိအအိၣ်လံ.

လံာ်မးသဲ 5:5

ပှၤလၢအသးစူၤဒီးဆီၣ်လီၤအသးတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, အဝဲသ့ၣ်ကဒိးန့ၢ်ဘၣ်တၢ်လၢ ကစၢ်ယွၤစံးပာ်လၢကဟ့ၣ်ဝဲခဲလၢာ်လီၤ.

မၤတၢ် 9:1

အကတီၢ်ဖဲန့ၣ်, စီၤစီလူးကတိၤပျံၤကတိၤဖုးဒံးကစၢ်အပျဲၢ်အဘီၣ် တဖၣ်လၢအကမၤသံအဝဲသ့ၣ်န့ၣ်လီၤ. အဝဲဒၣ်လဲၤဝဲဆူပှၤလုၢ်တၢ်အခိၣ်အဒိၣ်ကတၢၢ်အအိၣ်,

၂ ကရံၣ်သူး 10:1

ယၤ, စီၤပီလူး, ယသကွံၢ်ကညးတၢ်ဆူသုအိၣ်လၢယနီၢ် ကစၢ်ဒၣ်ယဲ, ယၤ, လၢပှၤစံးလၢအဆီၣ်လီၤအသးဒီးမၤအသး ကပုာ်ကပုာ်ဖဲအအိၣ်ဒီးသုအဆၢကတီၢ်, ဘၣ်ဆၣ်မၤအသးဆူၣ်ဆူၣ်ကိၤကိၤဖဲအအိၣ်ယံၤဒီးသုအဆၢ ကတီၢ်န့ၣ်လီၤ. ခီဖျိခရံာ်အတၢ်သူၣ်ဂ့ၤသးဝါဒီးတၢ်အဲၣ်တၢ် ကွံန့ၣ်, ယဃ့ကညးသုဒ်သိး

ကလၤတံ 5:23

တၢ်ဆီၣ်လီၤသး, ဒီးတၢ်ပၢၤသူၣ်ပၢၤသးတဖၣ်န့ၣ်လီၤ. တၢ်သိၣ်တၢ်သီလၢအကထီဒါတၢ်ဒ်သိးအံၤတဖၣ်တအိၣ် ဝဲနီတထံၣ်ဘၣ်.

၂ သ့းစၤလနံ 2:8

တုၤနုၤတစုတၢ်အၢတၢ်သီတဂၤန့ၣ်, ကဘၣ်တၢ်လီၣ်ဖျါထီၣ် အီၤလီၤ. ဘၣ်ဆၣ်ဒီးဖဲကစၢ်ယ့ၣ်ၡူးဟဲန့ၣ်, ကမၤသံအဝဲဒၣ်လၢအကိာ်ပူၤအတၢ်သါဒီးကမၤဟးဂီၤအီၤ ခီဖျိအတၢ်အိၣ်ဖျါထီၣ်ဒီးအတၢ်ဟဲန့ၣ်လီၤ.

တံတူး 3:2

စံးဘၣ်အဝဲသ့ၣ်လၢအသုတကတိၤအၢကတိၤသီပှၤနီတဂၤ တဂ့ၤ, မ့မ့ၢ်တခီကအိၣ်ဃူအိၣ်ဖိးဒီးရ့တံၤရ့သကိး, ဒီးထီဘိဒၣ်တၢ်ကဒုးနဲၣ်တၢ်ပာ်သးခုၣ်ခုၣ်မုာ်မုာ်လၢပှၤကိး ဂၤဒဲးအဖီခိၣ်န့ၣ်တက့ၢ်.

ယၤကိာ် 3:13

ပှၤလၢသုကျါအိၣ်ဝဲတဂၤဂၤလၢအကူၣ်သ့ဒီးသ့ၣ်ညါနၢ် ပၢၢ်တၢ်န့ၣ်ဧါ. အဝဲကဘၣ်ဒုးနဲၣ်တၢ်အံၤခီဖျိအတၢ်အိၣ်မူလၢ အဂ့ၤ, ဒီးခီဖျိအတၢ်မၤအဂ့ၤတဖၣ်လၢအမၤဝဲအိၣ်ဒီး တၢ်ဆီၣ်လီၤသးဒီးတၢ်ကူၣ်သ့န့ၣ်လီၤ.

လံာ်လီၣ်ဖျါ 1:16

အဝဲဒၣ်ဟံးဃာ်ဆၣ်နွံဖျၢၣ်လၢအစုထွဲပူၤ, ဒီးနးလၢအကနၣ် အိၣ်ခံကပၤ, ဟဲဖျိးထီၣ်လၢအကိာ်ပူၤလီၤ. အဝဲဒၣ်အမဲာ်သၣ် ကပြုၢ်ကပြီၤဝဲဒ်မုၢ်ကပီၤဖဲမုၢ်ထူၣ်ခါအဆၢကတီၢ်အသိးန့ၣ်လီၤ.

လံာ်လီၣ်ဖျါ 19:11

တုၤနုၤတစုယထံၣ်မူခိၣ်အိးထီၣ်အသး, ဒီးဖဲန့ၣ်ကသ့ၣ်ဖါဝါအိၣ်ဝဲဒၣ် တဒုလီၤ. ပှၤဒိးကသ့ၣ်တဂၤအံၤဘၣ်တၢ်ကိးအီၤလၢ ကလုၢ်တီဒီးတီလိၤန့ၣ်လီၤ. အဝဲဒၣ်စံၣ်ညီၣ်ဒီးဒုးအတၢ်ဒုးသုးတဖၣ်လၢတၢ်တီတၢ်လိၤ အပူၤလီၤ.

လံာ်လီၣ်ဖျါ 19:15

လၢအဝဲဒၣ်အကိာ်ပူၤန့ၣ် နးလၢအကနၣ်အ့ၣ်တဘ့ၣ် ဟဲဖျိးထီၣ်, ဒီးလၢနးအဝဲအံၤန့ၣ်အဝဲကမၤနၢၤထံဧိၤကီၢ် ဧိၤတဖၣ်လီၤ. အဝဲဒၣ်ကပၢအဝဲသ့ၣ်လၢနီၣ်တီၢ်ထး, ဒီးအဝဲကယီၢ်ထီၣ်စပံးထံလၢနီၣ်စံၢ်စပံးသၣ်အကျိးဘၣ် ဃးဒီးသ့တၢ်လၢာ်ကစၢ်ယွၤအတၢ်သးထီၣ်, အပူၤလီၤ.

လံာ်လီၣ်ဖျါ 2:16

ခဲကနံၣ်အံၤ, ဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ် တက့ၢ်. နမ့ၢ်တမၤဒ်န့ၣ်ဘၣ်ဒီး, တယံာ်ဘၣ်န့ၣ်ယကဟဲယဲဆူနအိၣ်ဒီးဒုးတၢ်ထီဒါပှၤသ့ၣ် တဖၣ်န့ၣ်လၢနးလၢအဟဲထီၣ်လၢယကိာ်ပူၤန့ၣ်လီၤ.