လံာ်ယၡါယၤ 11:3 - Sgaw Karen Common Bible

³ ဒီးကမုာ်လၤဝဲလၢတၢ်စူၢ်အီၤအပူၤလီၤ. အဝဲတစံၣ်ညီၣ်တၢ်ဒ်တၢ်အဖျါလၢခိမ့ၢ်ဂ့ၤ, ဒ်တၢ်ဟူထီသါလီၤပစံၣ်ပစိအသိးမ့ၢ်ဂ့ၤန့ၣ်ဘၣ်.

လံာ်ယၡါယၤ 11:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:17

တၢ်ဒိၣ်ဧၢ, ယစံးလီၤယသးလၢနတၢ်အၢၣ်လီၤအီလီၤန့ၣ်, ကမၤပူၤဖျဲးယၤလီၤ. အဂ့ၢ်ဒ်အံၤ, စီၤပၤန့ၣ်လီၤဂာ်ဒီးကစၢ်ယွၤအကလူးတဂၤဒီးနီၤ ဖးတၢ်ဂ့ၤဒီးတၢ်အၢအဆၢသ့ဝဲဒၣ်န့ၣ်လီၤ. မ်ယွၤ, နကစၢ်ယွၤအိၣ်ဒီးနၤတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 14:8

စီၤပၤစံးဝဲဒၣ်, “က့ၤက့ၤဆူနဟံၣ်တက့ၢ်. ယကကွၢ်သုးကျဲၤတၢ်ဂ့ၢ်အံၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 3:28

တုၤအံၣ်စရ့လးအပှၤဂီၢ်မုၢ်နၢ်ဟူဘၣ်စီၤၡလိၤမိၤအတၢ်စံၣ်ညီၣ် န့ၣ်အဝဲသ့ၣ်ခဲလၢာ်ပှဲၤဝဲဒီးအတၢ်ယူးယီၣ်ပာ်ကဲအီၤဒိၣ်ဒိၣ် မုၢ်မုၢ်မ့ၢ်လၢအဝဲသ့ၣ်, သ့ၣ်ညါဝဲလၢကစၢ်ယွၤဟ့ၣ်လီၤလံအီၤတၢ်ကူၣ်သ့လၢကမၤဘၣ်လီၢ် ဘၣ်စးတၢ်ဂ့ၢ်လိာ်ဘှီလိာ်တီတီလိၤလိၤအဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:9

လၢတၢ်န့ၣ်အဃိဟ့ၣ်လီၤယၤတၢ်ကူၣ်သ့လၢယလိၣ်ဘၣ်အီၤဒ်သိး ယကပၢနပှၤဂီၢ်မုၢ်လၢတၢ်စံၣ်ညီၣ်တီအပူၤဒီးယကသ့ၣ်ညါနီၤဖးတၢ်ဂ့ၤ ဒီးတၢ်အၢအဆၢန့ၣ်တက့ၢ်. မ့တမ့ၢ်ဘၣ်ဒ်န့ၣ်ဒီးယပၢနပှၤဂီၢ်မုၢ်ဖးဒိၣ်အံၤကသ့ဝဲတစုစုဒ်လဲၣ်.”

လံာ်စီၤယိၤဘး 12:11

ဘၣ်ဆၣ်ဒ်နပျ့ၤသးခုအီၣ်တၢ်အီၣ်အသိးန့ၣ်, နနၢ်သးခုနၢ်ဟူတၢ်ကတိၤတဖၣ်န့ၣ်လီၤ.

လံာ်စီၤယိၤဘး 34:3

တၢ်အီၣ်လၢအဝံၣ်အဘဲန့ၣ်တုၤသုအီၣ်ကွၢ်ဒီးသုသ့ၣ်ညါ အီၤလီၤ. ဘၣ်ဆၣ်ဒီးတၢ်ကူၣ်သ့အတၢ်ကတိၤန့ၣ်တုၤသုနၢ်ဟူ အီၤဒီးသုတသ့ၣ်ညါဘၣ်.

တၢ်ကတိၤဒိ. 2:5

နမ့ၢ်မၤဒ်န့ၣ်ဒီးနကသ့ၣ်ညါတၢ်ပျံၤယွၤအခီပညီမ့ၢ်တၢ်မနုၤ မနုၤလဲၣ်ဒီးနတၢ်မၤလိဘၣ်ဃးဒီးကစၢ်ယွၤကကဲထီၣ်လိၣ်ထီၣ် ဝဲလီၤ.

တၢ်ကတိၤဒိ. 2:9

နမ့ၢ်ဒိကနၣ်ယၤဒီးနကနၢ်ပၢၢ်တၢ်လၢအဘၣ်, တၢ်စံၣ်ညီၣ်တီ, ဒီးတၢ်လၢအကြၢးဝဲဘၣ်ဝဲန့ၣ်လီၤ.

လံာ်ယၡါယၤ 33:6

ဒီးဟ့ၣ်ပှၤကလုာ်လၢတၢ်အိၣ်ဂၢၢ်ဆိးကျၢၤန့ၣ်လီၤ. အဝဲကဟုကယာ်အပှၤဂီၢ်မုၢ်ဒီးဟ့ၣ်အဝဲသ့ၣ် လၢတၢ်ကူၣ်သ့ဒီးတၢ်သ့ၣ်ညါထီဘိလီၤ. အတၢ်လုၢ်ဒိၣ်ပှ့ၤဒိၣ်အဒိၣ်ကတၢၢ်မ့ၢ်ဝဲအဝဲသ့ၣ်အတၢ်ယူး ယီၣ်ယွၤန့ၣ်လီၤ.

လံာ်ယဃ့းစက့လး 45:8

တၢ်ကဝီၤအံၤကမ့ၢ်တၢ်နီၤဖးလၢစီၤပၤဖိခွါလၢအပၢတၢ်ကမၤန့ၢ် အီၤလၢကီၢ်အံၣ်စရ့လးအပူၤ, ဒ်သိးအဝဲသုတမၤနးမၤဖှီၣ် လၢၤပှၤဂီၢ်မုၢ်လၢၤတဂ့ၤ, မ့မ့ၢ်ကပျဲတၢ်လီၢ်လၢအဂၤလၢအအိၣ် လီၤတဲာ်လၢထံကီၢ်အပူၤခဲလၢာ်ဘၣ်ဃးဒီးပှၤအံၣ်စရ့လးဖိအဒူၣ် တဖၣ်အဂီၢ်န့ၣ်လီၤ.

လံာ်မံကၤ 4:3

ယွၤကမၤဃူမၤဖိးတၢ်ထီဒုၣ်ဒါလိာ်အသးလၢပှၤကလုာ်တဖၣ်အကျါ, ဒီးလၢတၢ်စိကမီၤဖးဒိၣ်အယံၤအဘူးတဖၣ်အကျါလီၤ. အဝဲသ့ၣ်ကပိာ်က့ၤအနးတဖၣ်ဆူထဲၣ်အကနၣ်တဖၣ်ဒီးဘီတဖၣ်ဆူဒီ ပဲာ်ဃိတၢ်တဖၣ်လီၤ. ပှၤကလုာ်တဖၣ်တလဲၤကဒီးဆူတၢ်ဒုးသုးဒီးတကတဲာ်ကတီၤကဒီး အသးလၢၤလၢတၢ်ဒုးအဂီၢ်နီတဘျီလၢၤဘၣ်.

လံာ်လူၤကၣ် 2:52

ဒီးယ့ၣ်ၡူးဒိၣ်ထီၣ်လၢနီၢ်ခိဒီးလၢတၢ်ကူၣ်ဘၣ်ကူၣ်သ့ခံမံၤလၢာ်, ဒီးလၢတၢ်ဘၣ်ကစၢ်ယွၤအသးဒီးပှၤကညီအသးအပူၤန့ၣ်လီၤ.

လံာ်ယိၤဟၣ် 2:25

ဒီးအလီၢ်တအိၣ်လၢပှၤတဂၤဂ့ၤတဂၤဂ့ၤကစံးဘၣ်တဲဘၣ် အီၤလၢပှၤကညီအဂ့ၢ်န့ၣ်ဘၣ်. အဂ့ၢ်ဒ်အံၤ, အနီၢ်ကစၢ်ဒၣ်ဝဲသ့ၣ်ညါတၢ်လၢအအိၣ်လၢ ပှၤကညီအသးကံၢ်ပူၤန့ၣ်လီၤ.

လံာ်ယိၤဟၣ် 7:24

တဘၣ်စံၣ်ညီၣ်ပှၤဒ်တၢ်အိၣ်ဖျါအသိးလၢၤတဂ့ၤ. မ့မ့ၢ်စံၣ်ညီၣ်တၢ်ဒ်တၢ်မ့ၢ်တၢ်တီအိၣ်ဝဲအသိးန့ၣ် တက့ၢ်.”

ဧ့ၤဘြံၤ 5:14

ဘၣ်ဆၣ်ဒီးတၢ်အသံးအကာ်မ့ၢ်လၢပှၤဒိၣ်တုာ်ခိၣ်ပှဲၤ အဂီၢ်, ပှၤလၢအအိၣ်ကတဲာ်ကတီၤတ့ၢ်လံအသးခီဖျိ အပဲာ်ဖးနီၤဖးညီနုၢ်တၢ်ဂ့ၤဒီးတၢ်အၢအဆၢန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:7

ဘၣ်ဆၣ်ဒီးယွၤစံးဘၣ်အီၤ, “ကနၣ်ဃုာ်အဂီၤထီဒီးဒိၣ်တၢ်ဂ့ၤ ဆံးအါဆံးအါန့ၣ်တဂ့ၤ. ယညိကွံာ်အီၤလီၤ. အဂ့ၢ်ဒ်အံၤ, ယတစံၣ်ညီၣ်တၢ်ဒ်ပှၤကညီစံၣ်ညီၣ်တၢ်အသိးဘၣ်. ပှၤကညီကွၢ်တၢ်အက့ၢ်အဂီၤလၢခိလီၤ. မ့မ့ၢ်ယကွၢ်အသူၣ်အသးန့ၣ်လီၤ.”