လံာ်ယၡါယၤ 11:15 - Sgaw Karen Common Bible

¹⁵ ယွၤကမၤဃ့ထီကွံာ်စူအဲးအပီၣ်လဲၣ်က့ၣ်ကျီၤ, ဒီးကဟဲစိာ်ကလံၤအကိၢ်ဒ်သိးအကမၤဃ့ထီကွံာ်ထံကျိဖရၤသး, ဒီးကပာ်တီၢ်ဝဲထံကျိဆံးဖိနွံကျိဒ် သိးပှၤတဂၤဂ့ၤတဂၤဂ့ၤလဲၤခီဂာ်အီၤကသ့အဂီၢ်လီၤ.

လံာ်ယၡါယၤ 11:15 Iomraidhean Croise

လံာ်တၢ်ဟးထီၣ်ကွံာ် 14:21

စီၤမိၤၡ့ယူာ်ထီၣ်အစုလၢပီၣ်လဲၣ်အဖီခိၣ်ဒီးယွၤနီၣ်ကဒါ က့ၤပီၣ်လဲၣ်ခီဖျိကလံၤဆူၣ်လၢမုၢ်ထီၣ်တခီန့ၣ်လီၤ. ကလံၤန့ၣ်အူတၢ်သီတနၤကျၢၤတုၤပီၣ်လဲၣ်ကဲထီၣ်ဟီၣ်ခိၣ်ဃ့ထီလီၤ. ထံနီၤဖးလီၤအသးခံခီ,

လံာ်တၢ်ဟးထီၣ်ကွံာ် 14:22

ဒီးပှၤအံၣ်စရ့လးဖိတဖၣ်လဲၤခီဂာ်ပီၣ်လဲၣ်လၢဟီၣ်ခိၣ်ဃ့ထီ အလိၤအိၣ်ဒီးထံအဒူၣ်ခံခီယၢ်ခီန့ၣ်လီၤ.

လံာ်တၢ်ဟးထီၣ်ကွံာ် 14:29

မ့မ့ၢ်ပှၤအံၣ်စရ့လးဖိတဖၣ်ဟးဝဲလၢဟီၣ်ခိၣ်ဃ့ထီအဖီခိၣ် ခီဂာ်ပီၣ်လဲၣ်လၢအအိၣ်ဒီးထံအဒူၣ်ခံခီန့ၣ်လီၤ.

လံာ်ယၡါယၤ 19:16

တၢ်ဆၢကတီၢ်ဟဲဝဲဖဲပှၤအဲၤကူပတူးဖိတဖၣ်ကပျံၤတၢ်ဒ်ပိာ် မုၣ်တဖၣ်အသိးလီၤ. အဝဲသ့ၣ်ကကနိးကစုာ်လၢတၢ်ပျံၤတၢ် ဖုးဖးဒိၣ်အပူၤဖဲအဝဲသ့ၣ်ထံၣ်ဝဲလၢယွၤသ့တၢ်လၢာ်ကစၢ်ယူာ် ထီၣ်အစုလၢကစံၣ်ညီၣ်အဝဲသ့ၣ်အဂီၢ်အခါန့ၣ်လီၤ.

လံာ်ယၡါယၤ 43:16

ပူၤကွံာ်လၢညါယံာ်တ့ၢ်မးလံန့ၣ်, ယွၤမ့ၢ်တ့ၢ်ကျဲမုၢ်တဘိ ခီဖျိပီၣ်လဲၣ်, ကျဲဖိတဘိခီဖျိထံသဝံးအပူၤလီၤ.

လံာ်ယၡါယၤ 44:27

ထဲတၢ်ဟ့ၣ်လီၤတၢ်ကလုၢ်တဘီဧိၤန့ၣ်ယဒုးဃ့ထီကွံာ်ပီၣ်လဲၣ် န့ၣ်လီၤ.

လံာ်ယၡါယၤ 50:2

ဘၣ်မနုၤယပှၤဂီၢ်မုၢ်တဟူးတဂဲၤဖဲယလဲၤတ့ၢ်ဆူ အဝဲသ့ၣ်အအိၣ်လၢယကအုၣ်က့ၤခီၣ်က့ၤအီၤ အခါန့ၣ်လဲၣ်. ဘၣ်မနုၤအဝဲသ့ၣ်တကိးဆၢဖဲယကိးထီၣ်အီၤန့ၣ်လဲၣ်. မ့ၢ်ယဂံၢ်စၢ်ဘါစၢ်ကဲာ်ဆိးလၢယကအုၣ်က့ၤခီၣ်က့ၤအီၤအဂီၢ်န့ၣ်ဧါ. ယမၤဃ့ထီကွံာ်ပီၣ်လဲၣ်လၢယကလုၢ်တဘီဒၣ်လဲာ်သ့ဝဲဒီးယဘိး ကဒါကွံာ်ထံကျိတဖၣ်ဆူမဲးမုၢ်ခိၣ်, ဒ်သိးညၣ်လၢထံကျိပူၤတဖၣ်ကသံဝဲလၢထံတအိၣ်ဘၣ်အဃိလီၤ.

လံာ်ယၡါယၤ 51:11

ပှၤတဖၣ်လၢနမၤပူၤဖျဲးတ့ၢ်အီၤန့ၣ် ကလဲၤတုၤဝ့ၢ်ယရူၤရှလ့ၣ် လၢတၢ်သူၣ်ဖှံသးညီအပူၤ ဒီးကသးဝံၣ်တၢ်ဒီးကကိးထီၣ် ဝဲလၢတၢ်သူၣ်ခုသးခုအဂ့ၢ်န့ၣ်လီၤ. အဝဲသ့ၣ်ကသူၣ်ဖှံသးညီလီၤစိၤလီၤဃၣ် ဒီးပူၤဖျဲးကွံာ်ဒီးတၢ်ဘၣ်မိၣ်ဘၣ်မးဒီးတၢ်သူၣ် အုးသးအုးလီၤထူလီၤယိာ်န့ၣ်လီၤ.

လံာ်ယၡါယၤ 63:12

ယွၤလၢအမၤတ့ၢ်တၢ်အဒိၣ်တဖၣ်လၢအစိကမီၤဒၣ်ဝဲအပူၤခီဖျိ စီၤမိၤၡ့, နီၤဖးပီၣ်လဲၣ်အထံတဖၣ်ဒီးဆှၢအပှၤ ဂီၢ်မုၢ်လၢထံယိာ်အပူၤဒ်သိးအကမၤန့ၢ်အမံၤအထူအယိာ်လၢအဂီၢ် ဒၣ်ဝဲန့ၣ်အိၣ်ဖဲလဲၣ်.”

လံာ်ယၡါယၤ 7:20

ဖဲတၢ်ဆၢကတီၢ်အဝဲန့ၣ်တုၤဃီၤဝဲဒီး, ယွၤကဒိးလဲပှၤတံာ်ခိၣ် သူတဂၤလၢထံကျိဖရၤသးဝၢ်ဘးခီတခီ, လၢအမ့ၢ်ဝဲကီၢ်အၤၡူၢ် အစီၤပၤ, ဒီးအဝဲကလူၤကွံာ်သုခၣ်ဆူၣ်, ဒီးသုခိၣ်သူလၢ သုခိၣ်တဖၣ်အလိၤ, ဒီးသုဆူၣ်လၢသုနီၢ်ခိတဖၣ်အလိၤလီၤ.

လံာ်ယၡါယၤ 8:7

ယၤ, ယွၤအံၤ, ယကမၢလီၤကီၢ်အၤၡူၢ်အစီၤပၤဖးဒိၣ်ဒီးအသုးမုၢ် သံၣ်ဘိခဲလၢာ်လၢကဒုးကီၢ်ယူဒၤလီၤ. အဝဲသ့ၣ်ကလဲၤထီၣ်ဝဲဒ်ထံကျိဖရၤ သးအထံဒိၣ်ခိၣ်ယွၤဒီးလုၣ်ဘၢ ကွံာ်ကယဲၢ်အထံကၢၢ်နံၤခဲလၢာ်အသိးန့ၣ်လီၤ.

လံာ်ယဃ့းစက့လး 29:10

မ့ၢ်လၢနစံးလၢထံကျိနံၤ လါမ့ၢ်နတၢ်ဒီးနမၤအီၤလၢ ကစၢ်ဒၣ်နဲအဃိ, ယမ့ၢ်နဒုၣ်နဒါဒီးနထံကျိနံၤလါ အဒုၣ်အဒါန့ၣ်လီၤ. ယကဒုးကဲထီၣ် ကီၢ်အဲၤကူပတူးဒီဘ့ၣ်လၢ တၢ်လီၢ်တတီၤလၢအအိၣ်လီၤဃီ, စးထီၣ်လၢ ဝ့ၢ်မံးကဒိးလးလၢ ကလံၤစိးတကပၤတုၤဆူစဝ့နၤလၢကလံၤထံးတခီ, ဒီကျဲညါပၢၢ်တုၤလၢပှၤကူၤၡးဖိတဖၣ်အထံဆၢကီၢ်ဆၢန့ၣ်လီၤ.

လံာ်ယဃ့းစက့လး 30:12

ယကမၤဃ့ထီကွံာ်ထံကျိနံၤလါဒီး ပာ်လီၤကီၢ်အဲၤကူပတူးလၢပှၤအၢ ပှၤသီတဖၣ်အစိကမီၤအဖီလာ်န့ၣ်လီၤ. ပှၤတခီဘီမုၢ်ဖိတဖၣ် ကမၤဟးဂူာ်ဟးဂီၤကွံာ်ထံကီၢ်ဒီဘ့ၣ်ညါန့ၣ်လီၤ.” ယၤ, ယွၤကတိၤလံတၢ်လံ.

လံာ်စကၤရယၤ 10:11

ဖဲအဝဲသ့ၣ်ခီဂာ်အတၢ်ကီတၢ်ခဲအပီၣ်လဲၣ်န့ၣ်, ယဲဒၣ်, ယွၤ, ယကတီၢ်လပီတဖၣ် ဒီးထံကျိနံၤလါအတၢ်ယိာ်အထံကလီၤသံးကွံာ် ခဲလၢာ်လီၤ. ကီၢ်အၤၡူၢ်လၢအပာ်ထီၣ်ထီအသးန့ၣ် ကဘၣ်တၢ်ဆီၣ်လီၤကွံာ်အီၤ, ဒီးကီၢ်အဲၤကူပတူးလၢအဂံၢ်ဆူၣ်ဘါဆူၣ်အစိကမီၤကဟးဂီၤန့ၢ် အီၤလီၤ.

လံာ်လီၣ်ဖျါ 16:12

တုၤနုၤတစုကလူးဃုဂၤတဂၤဂၢ်လီၤအသလၢလၢထံကျိဖးဒိၣ် ဖရၤသးအပူၤလီၤ. ထံကျိဃ့ထီကွံာ်ဝဲ, ဒ်သိးအကဒုးအိၣ်ထီၣ်ကျဲလၢစီၤပၤလၢအဟဲလၢမုၢ်ထီၣ် တဖၣ်အဂီၢ်န့ၣ်လီၤ.