လံာ်ယၡါယၤ 11:12 - Sgaw Karen Common Bible

¹² ယွၤကယူာ်ထီၣ်တၢ်ပနီၣ်, နီၣ်တယၢ်လၢကဒုးနဲၣ်ပှၤကလုာ်တဖၣ် လၢအဝဲပာ်ဖှိၣ်က့ၤကဒီးကီၢ်အံၣ်စရ့လးဒီးကီၢ်ယူဒၤအပှၤဂီၢ်မုၢ် လၢအလီၤပြံလီၤပြါတဖၣ်ဒီးဟဲက့ၤစိာ်ကဒါက့ၤအဝဲသ့ၣ် လၢဟီၣ်ခိၣ်အသနၢၣ်လွံၢ်နၢၣ်န့ၣ်လီၤ.

လံာ်ယၡါယၤ 11:12 Iomraidhean Croise

စံးထီၣ်ပတြၢၤ 107:3

ပှၤတဖၣ်လၢအဝဲကိးဖှိၣ်က့ၤအီၤလၢ ထံကီၢ်တဖၣ် လၢမုၢ်ထီၣ်ဒီးလၢမုၢ်နုာ်, လၢကလံၤစိး ဒီးလၢကလံၤထံး, စံးတၢ်ဒ်အံၤတက့ၢ်.

စံးထီၣ်ပတြၢၤ 147:2

ယွၤသူၣ်ထီၣ်ဝ့ၢ်ယရူၤၡလ့ၣ်, အဝဲပာ်ဖှိၣ်က့ၤအံၣ်စရ့လး အပှၤဘၣ်တၢ်စိာ်မၢကဲကုၢ်အီၤန့ၣ်လီၤ.

စံးထီၣ်ပတြၢၤ 60:4

နဟ့ၣ်ပလီၢ်တ့ၢ်ပှၤတဖၣ်လၢ အယူးယီၣ်နၤ, ဒ်သိးကပူၤဖျဲးလၢ တၢ်ဟးဂူာ်ဟးဂီၤအဂီၢ်န့ၣ်လီၤ. စ့လၤ

စံးထီၣ်ပတြၢၤ 68:22

ယွၤစံးဝဲဒၣ်, “ယကဒုးဟဲက့ၤသုဒုၣ်သုဒါတဖၣ်လၢဘၤၡၣ်, ယကဒုးဟဲက့ၤအဝဲသ့ၣ်လၢပီၣ်လဲၣ်အတၢ်ယိာ်ပူၤ,

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 18:3

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်သ့ၣ်ဧၢ, ဒိကနၣ်တက့ၢ်. ကွၢ်တၢ်ပနီၣ်အနီၣ်တယၢ်လၢကဘၣ်တၢ်ယူာ်ထီၣ်အီၤ လၢကစၢၢ်တဖၣ်အဒီခိၣ်တက့ၢ်. ဒိကနၣ်ကွဲၤအသီၣ်ထီၣ်တက့ၢ်.

လံာ်ယၡါယၤ 24:16

လၢတၢ်လီၢ်အယံၤကတၢၢ်တဖၣ်လၢဟီၣ်ခိၣ်ချၢန့ၣ်, ပကနၢ်ဟူဘၣ်တၢ်သးဝံၣ်စံးထီၣ်ပတြၢၤအံၣ်စရ့လးပှၤအတီ အလိၤတကလုာ်အဂ့ၢ်န့ၣ်လီၤ. ဘၣ်ဆၣ်လၢယဂီၢ်န့ၣ်တၢ်မုၢ် လၢ်တအိၣ်ဘၣ်. ယဖှံၣ်လီၤဃဲၤလီၤပှီၢ်ပှီၢ်လီၤ. ပှၤလၢအသးတတီတဖၣ်န့ၣ်, သမၢဒံးဒၣ်တၢ်, ဒီးအဝဲသ့ၣ် သူၣ်တတီသးတလိၤန့ၣ်ယံာ်ထီၣ်အၢထီၣ်ဒီးအၢထီၣ်ဝဲလီၤ.

လံာ်ယၡါယၤ 27:13

တုၤမုၢ်တနံၤန့ၣ်ဟဲဝဲဒီး, ကွဲၤတဖျၢၣ်ကဘၣ်တၢ်အူထီၣ် အီၤလၢတၢ်ကိးက့ၤပှၤအံၣ်စရ့လးဖိခဲလၢာ်လၢဘၣ်တၢ်စိာ် မၢကဲကုၢ်အီၤလၢကီၢ်အၤၡူၢ်ဒီးကီၢ်အဲၤကူပတူးန့ၣ်လီၤ. အဝဲသ့ၣ်ကဟဲဒီးဘူၣ်ထီၣ်ဘါထီၣ်ယွၤလၢဝ့ၢ်ယရူၤၡလ့ၣ်, လၢအကစၢၢ်စီဆှံအလိၤန့ၣ်လီၤ.

လံာ်ယၡါယၤ 43:6

ယကတဲဘၣ်ကလံၤစိးလၢကပျဲအဝဲသ့ၣ်ဟးထီၣ်, ဒီးကလံၤထံးလၢအသုတတြီဃာ်အဝဲသ့ၣ်တဂ့ၤအဂီၢ်လီၤ. ပျဲယပှၤဂီၢ်မုၢ်ဟဲက့ၤကဒါက့ၤလၢထံယံၤကီၢ်ယံၤတဖၣ်ဒီးလၢ ဟီၣ်ခိၣ်ကိးသနၢၣ်ဒဲးန့ၣ်တက့ၢ်.

လံာ်ယၡါယၤ 49:22

ယွၤပၢဘၣ်တၢ်ခဲလၢာ်အကစၢ်စံးဘၣ်အပှၤဂီၢ်မုၢ်, ယကဒုးနဲၣ်တၢ်ပနီၣ်ဆူပှၤကလုာ်တဖၣ် ဒီးအဝဲသ့ၣ်ကဟဲဆှၢက့ၤသုဖိတဖၣ်ဆူဟံၣ်လီၤ.

လံာ်ယၡါယၤ 49:5

တချုးလၢယအိၣ်ဖျဲၣ်ထီၣ်ဒံးဘၣ်န့ၣ်, ယွၤဃုထၢပာ်ထီၣ်ယၤလီၤ. အဝဲဒုးကဲထီၣ်ယၤလၢအခ့အပှၤလၢကဟဲက့ၤစိာ်က့ၤအပှၤဂီၢ်မုၢ်, လၢယကဟဲက့ၤစိာ်က့ၤအံၣ်စရ့လးအပှၤဂီၢ်မုၢ်လၢ အလီၤပြံလီၤပြါတဖၣ်န့ၣ်လီၤ. ယွၤဟ့ၣ်ယၤတၢ်လၤတၢ်ကပီၤလီၤ. အဝဲဒၣ်မ့ၢ်ယတၢ်ဂံၢ်တၢ်ဘါအဂံၢ်ထံးလီၤ.

လံာ်ယၡါယၤ 54:7

“ယပာ်တ့ၢ်နၤထဲဆၢကတီၢ်တစိၢ်ဖိနာ်က့, လၢတၢ်အဲၣ်အဒိၣ်အယိာ်အပူၤ ယကဟံးန့ၢ်က့ၤနၤန့ၣ်လီၤ.

လံာ်ယၡါယၤ 56:8

ယွၤပၢဘၣ်တၢ်ခဲလၢာ်ကစၢ်, လၢအဟဲက့ၤစိာ်အပှၤဂီၢ်မုၢ် အံၣ်စရ့လးလၢတၢ်စိာ်မၢကဲကုၢ်အလီၢ်ဆူဟံၣ်န့ၣ်, အၢၣ်လီၤစ့ၢ်ကီးဝဲလၢကဟဲစိာ်ဒံးပှၤဂီၢ်မုၢ်အဂၤတဖၣ် လၢကဟဲပာ်ဖှိၣ်ဃုာ်အသးဒီးအဝဲသ့ၣ်န့ၣ်လီၤ.

လံာ်ယၡါယၤ 59:19

လၢမုၢ်ထီၣ်တုၤလၢမုၢ်နုာ်န့ၣ်ပှၤကိးဂၤ ဒဲးကပျံၤအီၤဒီးအတၢ်စိဒိၣ်ကမီၤဒိၣ်န့ၣ်လီၤ. အဝဲကဟဲဝဲဒ်ထံကျိတဘိလၢအယွၤသဖှိလီၤအသိး, ဒ်ကလံၤလၢအဆူၣ်ဝဲအသိးန့ၣ်လီၤ.

လံာ်ယၡါယၤ 60:4

ကွၢ်တရံးနဃၢၤဝးဝးဒီး ထံၣ်တၢ်လၢအမၤအသးန့ၣ်တက့ၢ်. နပှၤဂီၢ်မုၢ်ပာ်ဖှိၣ်အသးလၢအကဟဲက့ၤဆူဟံၣ်လံ. နဖိခွါတဖၣ်ကဟဲလၢတၢ်လီၢ်အယံၤ ဒီးနဖိမုၣ်တဖၣ်ကဘၣ်တၢ်စိာ်အီၤဒ်ဖိသၣ်အသိးလီၤ.

လံာ်ယၡါယၤ 62:10

ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, ဟးထီၣ်လၢဝ့ၢ်အချၢ ဒီးဘှီထီၣ်ကျဲမုၢ်တဘိလၢသုပှၤဂီၢ်မုၢ်လၢကဟဲက့ၤက ဒါက့ၤတဖၣ်အဂီၢ်တက့ၢ်. ကတဲာ်ကတီၤကျဲမုၢ်ဖးဒိၣ်တဘိ, မၤပျီကွံာ်လၢၢ်တဖၣ်တက့ၢ်. ပာ်လီၤတၢ်ပနီၣ်တမံၤဒ်သိးပှၤကလုာ်တဖၣ် ကသ့ၣ်ညါဝဲလၢ,

လံာ်ယၡါယၤ 66:19

ဒီးကသ့ၣ်ညါဝဲလၢယမ့ၢ်ပှၤတဂၤလၢအစံၣ်ညီၣ်အဝဲသ့ၣ်န့ၣ်လီၤ. ဘၣ်ဆၣ်ယကပျဲဖျဲးကွံာ်အဝဲသ့ၣ်တနီၤ, ဒီးဆှၢအဝဲသ့ၣ်ဆူပှၤကလုာ်တဖၣ်အအိၣ်ဒီးဆူထံကီၢ်အယံၤ တဖၣ်လၢအတနၢ်ဟူတ့ၢ်ဘၣ်ယတၢ်မံၤဟူသၣ်ဖျါမ့ၢ်ဂ့ၤ တထံၣ်တ့ၢ်ဘၣ်ယတၢ်ဒိၣ်တၢ်မုၢ်ဒီးယတၢ်စိတၢ်ကမီၤမ့ၢ်ဂ့ၤ ဒ်, ကီၢ်စပၤနံ, ကီၢ်လံးဘယၣ်, ဒီးကီၢ်လူၤဒံ, လၢအအိၣ်ဒီးအပှၤခးချံၣ်သ့တဖၣ်, ဒီးဆူကီၢ်တူၤဘလးဒီးကီၢ်ကြံး(စ်) န့ၣ်လီၤ. လၢပှၤကလုာ်တဖၣ်အံၤအကျါန့ၣ်, အဝဲသ့ၣ်ကစံးဘၣ်တဲဘၣ် ယတၢ်ဒိၣ်တၢ်မုၢ်န့ၣ်လီၤ.

လံာ်ယံးရမံယၤ 23:3

ယပှၤဂီၢ်မုၢ်လၢအအိၣ်တီၢ်ဒံးလၢထံကီၢ်တဖၣ်လၢယမၤလီၤပြံလီၤပြါတ့ၢ်အီၤအပူၤန့ၣ်, ယကပာ်ဖှိၣ်က့ၤအီၤဒီးယကဟဲက့ၤ စိာ်က့ၤအဝဲသ့ၣ်ဆူအထံအကီၢ်ဒၣ်ဝဲန့ၣ်လီၤ. အဝဲသ့ၣ်ကအိၣ်ဒီး အဖိအလံၤအါမးဒီးအနီၣ်ဂံၢ်ကအါထီၣ်ဂီၢ်ထီၣ်ဝဲန့ၣ်လီၤ.

လံာ်ယံးရမံယၤ 30:17

ယကဒုးအိၣ်ဆူၣ်အိၣ်ချ့ကဒီးသုလီၤ. ယကမၤဘျါက့ၤသု ပူၤလီၢ်ပူၤကျဲတဖၣ်န့ၣ်လီၤ. သုဒုၣ်သုဒါတဖၣ် မ့ၢ်စံးလၢ, ‘ဝ့ၢ်စံယိၣ်မ့ၢ်တၢ်ဘၣ်တၢၤကွံာ် အလီၢ်တပူၤ, ပှၤတကနၣ်ဃုာ်အီၤ နီတဂၤလၢၤဘၣ်’ ဒၣ်လဲာ်န့ၣ်, ယကမၤဘျါသုပူၤလီၢ်ပူၤကျဲ တဖၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 50:4

ယွၤစံးဝဲဒၣ်, “ဖဲတၢ်ဆၢကတီၢ်န့ၣ်ဟဲလံဒီး, ကီၢ်အံၣ်စရ့လးဒီး ကီၢ်ယူဒၤအပှၤဂီၢ်မုၢ်တဖၣ်ကဟဲဃုယၤ, အဝဲသ့ၣ်အကစၢ်ယွၤ, အိၣ်ဒီးမဲာ်ထံမဲာ်နိန့ၣ်လီၤ.

လံာ်ယံးရမံယၤ 51:12

ဟ့ၣ်လီၤတၢ်ပနီၣ်လၢ တၢ်ကထီၣ်ဒုးဝ့ၢ်ဘၤဘူၤလိၣ်အခိၣ်ဒူတဖၣ် အဂီၢ်န့ၣ်တက့ၢ်. မၤဆူၣ်ထီၣ်ပှၤပၢၤတၢ်ဖိအတိၤ, ဒီးပာ်လီၤပှၤခိးတၢ်ဖိတဖၣ်တက့ၢ်. ကတဲာ်ကတီၤပှၤခိးခူ သူၣ်တၢ်တဖၣ်တက့ၢ်. ယွၤမၤတ့ၢ်လံတၢ်လၢ အဝဲစံးဝဲလၢ ကမၤဘၣ်ကီၢ်ဘၤဘူၤလိၣ် အပှၤဂီၢ်မုၢ်န့ၣ်လီၤ.”

လံာ်ယဃ့းစက့လး 28:25

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကဟဲက့ၤစိာ်ကဒါက့ၤ ကီၢ်အံၣ်စရ့လးအပှၤဂီၢ်မုၢ်လၢထံကီၢ်တဖၣ်လၢယမၤလီၤပြံလီၤပြါ တ့ၢ်အဝဲသ့ၣ်ဒီးပှၤကလုာ်ခဲလၢာ်ကသ့ၣ်ညါဝဲလၢယမ့ၢ်တၢ်စီဆှံ န့ၣ်လီၤ. ကီၢ်အံၣ်စရ့လးအပှၤဂီၢ်မုၢ် ကအိၣ်ဆိးလၢ အထံကီၢ်ဒၣ်ဝဲအပူၤ, ထံကီၢ်တဘ့ၣ်လၢယဟ့ၣ်လီၤ တ့ၢ်ယခ့ယပှၤစီၤယၤကိာ်န့ၣ်လီၤ.

လံာ်ဟိၤၡ့ 1:11

ကီၢ်ယူဒၤအပှၤဂီၢ်မုၢ်ဒီးကီၢ်အံၣ်စရ့လးအပှၤဂီၢ်မုၢ်သ့ၣ်တဖၣ် ကပာ်ဖှိၣ်က့ၤကဒီးအသးန့ၣ်လီၤ. အဝဲသ့ၣ်ကဃုထၢပှၤအခိၣ်တ ဂၤလၢအဂီၢ်ဒၣ်ဝဲဒီးအဝဲသ့ၣ်ကဒိၣ်ထီၣ်အါထီၣ်ကဒီးအသီတ ဘျီဒီးကဘီၣ်ထီၣ်ညီထီၣ်လၢအထံအကီၢ်အပူၤန့ၣ်လီၤ. မ့ၢ်လီၤ, ယံးစရ့လးအမုၢ်တနံၤကမ့ၢ်မုၢ်နံၤအဒိၣ်တနံၤန့ၣ်လီၤ.

လံာ်ဟိၤၡ့ 2:2

ယဖိသ့ၣ်ဧၢ, ဃ့ကညးတၢ်ဒီးသုမိၢ်တက့ၢ်. အဝဲတမ့ၢ်လၢၤယမါဘၣ်ဒီးယတမ့ၢ်စ့ၢ်ကီးလၢၤအဝၤဘၣ်. သနာ်က့, ဃ့ကညးတၢ်ဒီးအီၤဒ်သိးကပာ်တ့ၢ်ကွံာ်အ တၢ်ကမၣ်မုၣ်ကမၣ်ခွါန့ၣ်ဒီးအတၢ်မၤဃဲသဲမုၣ်အတၢ်တက့ၢ်.

လံာ်စဖါနယၤ 3:10

ဒီးယပှၤဂီၢ်မုၢ်လၢအအိၣ်လီၤပြံလီၤပြါ လၢကီၢ်အယံၤဒ်ကီၢ်ကူၤၡးဒၣ်လဲာ်န့ၣ်ကဟဲစိာ်တၢ်လုၢ်တၢ်ပာ်တဖၣ် ဆူယအိၣ်န့ၣ်လီၤ.

လံာ်စကၤရယၤ 10:6

“ယကဒုးဂံၢ်ဆူၣ်ဘါဆူၣ်ကီၢ်ယူဒၤအပှၤဂီၢ်မုၢ်, ယကမၤပူၤမၤဖျဲးကီၢ်အံၣ်စရ့လးအပှၤဂီၢ်မုၢ်လီၤ. ယကအိၣ်ဒီးတၢ်သးကညီၤဘၣ်အဝဲသ့ၣ်, ဒီးဟဲက့ၤစိာ်ကဒါက့ၤအဝဲသ့ၣ်ခဲလၢာ်ဆူဟံၣ်လီၤ. အဝဲသ့ၣ်ကမၤအသးဒ်ပှၤလၢယတညိကွံာ်တ့ၢ်ဘၣ်အီၤနီတဘျီအသိး န့ၣ်လီၤ. ယမ့ၢ်ယွၤ, အဝဲသ့ၣ်အကစၢ်ယွၤ, ယကစံးဆၢအဝဲသ့ၣ်အတၢ်ထုကဖၣ်တဖၣ် လီၤ.

လံာ်စကၤရယၤ 8:7

ယကမၤပူၤမၤဖျဲးယပှၤဂီၢ်မုၢ်လၢကီၢ်တဖၣ်လၢ အဝဲသ့ၣ်ဘၣ်တၢ်လဲၤစိာ်ကွံာ်အီၤ,

လံာ်ယိၤဟၣ် 7:35

ပှၤယူဒၤဖိအခိၣ်အနၢ်တဖၣ်စံးကတိၤလိာ်သးတဂၤဒီးတဂၤ, “ပထံၣ်အီၤတသ့ဘၣ်န့ၣ်, မ့ၢ်အဝဲကလဲၤဝဲဆူလဲၣ်. မ့ၢ်အဝဲကလဲၤဆူပှၤကြံးခ် ဖိအဝ့ၢ်တဖၣ်ဖဲပပှၤကလုာ်အိၣ်ဝဲဒီး သိၣ်လိသီလိပှၤကြံးခ်ဖိတဖၣ်န့ၣ်ဧါ.

လံာ်သိၣ်လီၤသီလီၤတၢ် 32:26

ယကမၤဟးဂီၤကွံာ်အဝဲသ့ၣ်လၢာ်လၢာ်ဆ့ဆ့တုၤဒၣ်လဲာ်ပှၤတသ့ၣ် နီၣ်ထီၣ်က့ၤဘၣ်အဝဲသ့ၣ်နီတဂၤဘၣ်.

ယၤကိာ် 1:1

စီၤယၤကိာ်, ကစၢ်ယွၤဒီးကစၢ်ယ့ၣ်ၡူးခရံာ်အခ့အပှၤ, ကတိၤဒိၣ်ဒီးဆၢဂ့ၤဆၢဝါဘၣ်ပှၤတဆံခံဒူၣ်လၢအအိၣ် လၢတၢ်လီၤပြံလီၤပြါအပူၤန့ၣ်လီၤ.

လံာ်လီၣ်ဖျါ 5:9

အဝဲသ့ၣ်သးဝံၣ်တၢ်သးဝံၣ်အသီတယုၢ်, “နကြၢးဝဲဘၣ်ဝဲလၢနကဟံးန့ၢ်လံာ်ထူ ဒီးအိးထီၣ်အတၢ်စဲပနီၣ်ဃာ်တဖၣ်လီၤ. အဂ့ၢ်ဒ်အံၤနဘၣ်တၢ်မၤသံနၤ, ဒီးခီဖျိနသွံၣ်န့ၣ်, နပှ့ၤန့ၢ်ပှၤလၢဒူၣ်ဖိထၢဖိကိးဒူၣ်ဒဲးအပူၤ, လၢပှၤကတိၤကျိာ်အါကျိာ်အကျါ, လၢထံကီၢ်အါဘ့ၣ်အပူၤ, ဒီးပှၤကလုာ်အါကလုာ်အပူၤလၢကစၢ်ယွၤအဂီၢ် န့ၣ်လီၤ.

လံာ်လီၣ်ဖျါ 7:1

တၢ်မၤအသးတမံၤအံၤဝံၤအလီၢ်ခံန့ၣ်, ယထံၣ်ကလူးလွံၢ်ဂၤအိၣ်ဆၢထၢၣ်ဖဲဟီၣ်ခိၣ်အနၢၣ်လွံၢ်နၢၣ်, ဒီးဒ်သိးဟီၣ်ခိၣ်မ့ၢ်ဂ့ၤ, ပီၣ်လဲၣ်မ့ၢ်ဂ့ၤ, သ့ၣ်တထူၣ်ထူၣ်မ့ၢ်ဂ့ၤ, ကလံၤအသုတအူဘၣ်အီၤတဂ့ၤအဂီၢ်န့ၣ်တြီဃာ်ဝဲဒၣ်ကလံၤလွံၢ် ကျိၤန့ၣ်လီၤ.