လံာ်ယၡါယၤ 10:4 - Sgaw Karen Common Bible

⁴ သုကဘၣ်တၢ်မၤသံသုလၢတၢ်ဒုးတၢ်ယၤအပူၤ, မ့တမ့ၢ်, တၢ်ကတွံၢ်ထီၣ်ကွံာ်သုဒ်ပှၤဃိာ်ဖိတဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသး လၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 10:4 Iomraidhean Croise

လံာ်ယၡါယၤ 22:2

ဝ့ၢ်ဒီဝ့ၢ်ညါသီၣ်သထူၣ်ဘးလီ, ဒီးအိၣ်ပှဲၤဝဲဒီးတၢ်သီၣ်တၢ် သဲဒီးတၢ်ထိၣ်ဂဲၤသူၣ်ထီၣ်ဂဲၤသးန့ၣ်လီၤ. သုပှၤတဖၣ်လၢအသံတ့ၢ်လၢတၢ်ဒုးတၢ်ယၤအပူၤန့ၣ် တသံလၢအဒုးတၢ်အဃိဘၣ်.

လံာ်ယၡါယၤ 24:22

ကစၢ်ယွၤကပာ်ဖှိၣ်ကတံာ်ကတူာ်စီၤပၤတဖၣ်တပူၤဃီ, ဒ်ပှၤဃိာ်ဖိတဖၣ်လၢတၢ်ပူၤတပူၤအသိးန့ၣ်လီၤ. အဝဲကကးတံာ်အဝဲသ့ၣ်လၢဃိာ်ပူၤတုၤတၢ်စံၣ်ညီၣ်အဝဲသ့ၣ် အကတီၢ်ဟဲဝဲလီၤ.

လံာ်ယၡါယၤ 34:3

အဝဲသ့ၣ်အစိၣ်တဖၣ်တဘၣ်တၢ်ခူၣ်လီၤအီၤဘၣ်. ကအိၣ်ဒၣ်ဖဲန့ၣ်, အုၣ်သံကျၣ်သံနၢအုၣ်နၢပူး, ဒီးကစၢၢ်ကလိ တဖၣ်ကဂီၤဝဲဒီးတၢ်သွံၣ်လီၤ.

လံာ်ယၡါယၤ 5:25

ယွၤသးဒိၣ်အပှၤဂီၢ်မုၢ်ဒီးယူာ်ထီၣ်အစုလၢကစံၣ်ညီၣ်အဝဲသ့ၣ်အဂီၢ်လီၤ. ကစၢၢ်ကလိတဖၣ်ကဟူးဝးဝဲဒီးပှၤလၢအသံတဖၣ်အစိၣ်ကဘၣ်တၢ် ပာ်တ့ၢ်အီၤလၢကျဲခိၣ်ဒ်တၢ်တပှီာ်တပှာ်တဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးဒိၣ်ထီၣ်တကတၢၢ်ဒံးဘၣ်, ဒီးအစုကယၤထီၣ်ဒံးအ သးလၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 66:16

လၢမ့ၣ်အူဒီးနးန့ၣ်အဝဲကစံၣ်ညီၣ်ပှၤဂီၢ်မုၢ်လၢဟီၣ်ခိၣ်ချၢခဲလၢာ် လၢအထံၣ်ဘၣ်ဝဲလၢအတၢ်ကမၣ်အိၣ်, ဒီးပှၤအါဂၤကဘၣ်တၢ်မၤသံအီၤန့ၣ်လီၤ.

လံာ်ယၡါယၤ 9:11

ယွၤထိၣ်ဂဲၤတ့ၢ်အဒုၣ်အဒါတဖၣ်လၢကဒုးအဝဲသ့ၣ်အဂီၢ်န့ၣ်လီၤ.

လံာ်ယၡါယၤ 9:12

ကီၢ်စူၤရံလၢမုၢ်ထီၣ်တခီဒီးကီၢ်ဖလ့ၡသးလၢမုၢ်နုာ်တခီအိးထီၣ် တ့ၢ်အကိာ်ပူၤတဖၣ်လၢကအီၣ်ယူၢ်လီၤကွံာ်ကီၢ်အံၣ်စရ့လးလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်တ့ၢ်အသးဘၣ်. အစုယူာ်ထီၣ်ဒံးအသးလၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 9:16

ပှၤလၢအဆှၢပှၤသ့ၣ်တဖၣ်အံၤဆှၢကမၣ်တ့ၢ်အဝဲသ့ၣ်ဒီး မၤကဒံကဒါအဝဲသ့ၣ်လၢာ်လၢာ်ဆ့ဆ့လီၤ.

လံာ်ယၡါယၤ 9:17

လၢတၢ်န့ၣ်အဃိ, ယွၤတပျဲပူၤဖျဲးပှၤသးစၢ်ပိာ်ခွါနီတဂၤ ဘၣ်, ဒီးအဝဲတဒုးနဲၣ်တၢ်သးကညီၤလၢမုၣ် ကမဲဒီးဖိၣ်ဃဲနီတဂၤဘၣ်. အဂ့ၢ်ဒ်အံၤ, ပှၤခဲလၢာ်န့ၣ်အယွၤတအိၣ်ဘၣ်, အၢဝဲသီဝဲဒီးတၢ်ခဲလၢာ်လၢအစံးက တိၤဝဲန့ၣ်အၢဝဲသီဝဲလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသးလၢက စံၣ်ညီၣ်တၢ်အဂီၢ်လီၤ.

လံာ်ယၡါယၤ 9:20

လၢတၢ်လီၢ်ကိးပူၤဒဲးလၢထံကီၢ်အပူၤန့ၣ်, ပှၤဂုာ်န့ၢ်ထဲးန့ၢ်ဒီးအီၣ်တၢ်အီၣ်တစဲးဂ့ၤတမှဲးဂ့ၤလၢအထံၣ်န့ၢ်ဝဲသ့, ဘၣ်ဆၣ်ဒီးတၢ်သၣ်ဝံၤအသးတတုာ်နီတစုဘၣ်. အဝဲသ့ၣ်အီၣ်က့ၤဒၣ်လဲာ်အဖိတဖၣ်န့ၣ်လီၤ.

လံာ်ယၡါယၤ 9:21

ကီၢ်မနၤၡ့ၤဒီးကီၢ်အ့ဖရဲၣ်အပှၤတဖၣ်ဒုးလိာ်ယၤလိာ်အသး, ဒီးအဝဲသ့ၣ်ပာ်ဖှိၣ်အသးဒီးဒုးတၢ်ထီဒါကီၢ်ယူဒၤလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသး လၢကစံၣ်ညီၣ်တၢ်အဂီၢ်လီၤ.

လံာ်ယံးရမံယၤ 15:2

ဖဲအဝဲသ့ၣ်သံကွၢ်နၤလၢအဝဲသ့ၣ်ကဘၣ်လဲၤဖဲလဲၣ်န့ၣ်, တဲဘၣ် အဝဲသ့ၣ်လၢယစံးယဲဒ်အံၤတက့ၢ်. အဝဲသ့ၣ်တနီၤလၢကသံလၢတၢ်ဆူးတၢ်ဆါအဃိဃါမနၤန့ၣ်, ကလဲၤဆူတၢ်ဆူးတၢ်ဆါအအိၣ်, ပှၤအဂၤတဖၣ်လၢကသံလၢတၢ်ဒုးတၢ်ယၤအပူၤ ဃါမနၤန့ၣ်, ကလဲၤဆူတၢ်ဒုးတၢ်ယၤအပူၤ, ပှၤအဂၤတနီၤလၢကသံလၢတၢ်သၣ်ဝံၤလီၤဒိအဃိ ဃါမနၤန့ၣ်, ကလဲၤဆူတၢ်သၣ်ဝံၤလီၤဒိအအိၣ်, ပှၤအဂၤတဖၣ်လၢကဘၣ်တၢ်စိာ်မၢကဲကုၢ်အီၤဒ်ပှၤဘၣ်တၢ်စၢဃာ် တဖၣ်ဃါမနၤန့ၣ်, ကလဲၤဆူတၢ်စိာ်မၢကဲကုၢ်အလီၢ်န့ၣ်လီၤ.

လံာ်ယံးရမံယၤ 37:10

သုမ့ၢ်မၤနၢၤကွံာ်ပှၤဘၤဘူၤလိၣ်အသုးမုၢ်ဒီဖုညါတုၤလၢ အဝဲသ့ၣ်အဒဲတဖၣ်အပူၤအိၣ်မံလီၤတ့ၢ်ဒၣ်ထဲ ပှၤလၢအဘၣ်ဒိ ဘၣ်ထံးတဖၣ်ဧိၤဒၣ်လဲာ်န့ၣ်, ပှၤတဖၣ်န့ၣ်ကဂဲၤဆၢထၢၣ်ဒံးဝဲ ဒီးဒွဲၣ်အူထီၣ်ဝ့ၢ်အံၤလၢ မ့ၣ်အူလၢာ်လၢာ်ဆ့ဆ့န့ၣ်လီၤ.”

လံာ်ယံးရမံယၤ 4:8

လၢတၢ်န့ၣ်အဃိ, ကူထီၣ်ကၤထီၣ်တၢ်ကံးယာ်, ဘၣ်မိၣ်ဘၣ်မးဒီး ဟီၣ်တၢ်ယၢၤတၢ်တက့ၢ်. အဂ့ၢ်ဒ်အံၤ, ယွၤအတၢ်သးကဲၤ ဒိၣ်ထီၣ်, တဃၣ်ယံၤကွံာ်ဘၣ်အသးလၢကီၢ်ယူဒၤဘၣ်.

လံာ်ဟိၤၡ့ 9:12

ဘၣ်ဆၣ်အဝဲသ့ၣ်မ့ၢ်ဒုးဒိၣ်ထီၣ်ဖိသၣ်တဖၣ်ဒၣ်လဲာ်န့ၣ်, ယကဟံးန့ၢ်ကွံာ်အီၤဒီးတပာ်တ့ၢ်မူဒံးအီၤနီတဂၤဘၣ်. တုၤယစူးကွံာ်ညိကွံာ်ပှၤဂီၢ်မုၢ်အံၤန့ၣ်, တၢ်လီၤပျံၤလီၤဖုးတဖၣ်ကမၤအသးဒီးအဝဲသ့ၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:17

ဒီးယကဃၣ်ဒူချၢယသးလၢသုဒ်သိးသုကဘၣ်တၢ်မၤနၢၤသု ဒီးပှၤလၢအသးဟ့သုကပၢသုလီၤ. သုကပျံၤတၢ်ဖုးတၢ်တုၤဒၣ်လဲာ်ပှၤမ့ၢ်တလူၤသုဘၣ်ဆၣ်, သုကဃ့ၢ်လီၤ.

လံာ်သိၣ်လီၤသီလီၤတၢ် 32:30

ဘၣ်မနုၤအဃိပှၤတကထိဂၤဘၣ်တၢ်မၤနၢၤကွံာ်အီၤလၢပှၤတဂၤ, ဒီးပှၤတကလးဂၤလၢပှၤထဲခံဂၤဧိၤန့ၣ်လဲၣ်. ယွၤ, အဝဲသ့ၣ်အကစၢ်ယွၤလဲၤသဒၣ်ကွံာ်အဝဲသ့ၣ်လံ. အဝဲသ့ၣ်အကစၢ်ယွၤလၢအဒိၣ်ဝဲမုၢ်ဝဲန့ၣ်ဟ့ၣ်လီၤကွံာ်အဝဲ သ့ၣ်န့ၣ်လီၤ.