လံာ်ယၡါယၤ 10:34 - Sgaw Karen Common Bible

³⁴ ယွၤကကျီလီၤကွံာ်အီၤဒ်သ့ၣ်တဖၣ်လၢသ့ၣ်ပှၢ်အသးကံၢ်ပူၤ ဘၣ်တၢ်ကူာ်လီၤအီၤလၢကွါအသိး, ဒီးကမၤအသးဒၣ်လဲာ်ဒ်လဘၤနိၣ် အသ့ၣ်အဂ့ၤကတၢၢ်တဖၣ်လီၤတကူၢ်ဝဲအသိးန့ၣ်လီၤ.

လံာ်ယၡါယၤ 10:34 Iomraidhean Croise

စံးထီၣ်ပတြၢၤ 103:20

အကလူးလၢအဂံၢ်ဆူၣ်ဘါဆူၣ်, ဒီးမၤအတၢ်, ဒီးကနၣ်အတၢ်ကတိၤအသီၣ်သ့ၣ်ဧၢ, စံးထီၣ်ပတြၢၤယွၤတက့ၢ်.

လံာ်ယၡါယၤ 10:18

သ့ၣ်ဒိၣ်ပှၢ်ဂ့ၤဒီးစံာ်လီၢ်လၢဟီၣ်ခိၣ်ညၣ်ထ့ၣ်ဂ့ၤတဖၣ်ကဘၣ်တၢ် မၤဟးဂီၤကွံာ်အီၤလၢာ်လၢာ်ဆ့ဆ့, ဒ်တၢ်ဆါလၢအမၤသံ တၢ်သ့တမံၤမၤဟးဂီၤကွံာ်ပှၤကညီတဂၤသ့ဝဲအသိးန့ၣ်လီၤ.

လံာ်ယၡါယၤ 2:13

အဝဲကမၤဟးဂီၤကီၢ်လဘၤနိၣ်အသ့ၣ်ဆှိအ့ရ့းလၢအထီတဖၣ် ဒီးသ့ၣ်သ့ထိးဖၣ်ခဲလၢာ်လၢကီၢ်ဘၤၡၣ်အပူၤလီၤ.

လံာ်ယၡါယၤ 31:8

ကီၢ်အၤၡူၢ်ကဘၣ်တၢ်မၤဟးဂီၤအီၤလၢတၢ်ဒုးအပူၤ, ဘၣ်ဆၣ်တမ့ၢ်လၢပှၤကညီအတၢ်စိကမီၤဘၣ်. ပှၤအၤၡူၢ်ဖိတဖၣ်ကထွးထီၣ်ဃ့ၢ်ကွံာ်လၢတၢ်ဒုးဒီးအဝဲသ့ၣ် အပှၤသးစၢ်တဖၣ်ကဘၣ်တၢ်ဒုးကဲထီၣ်အီၤလၢကုၢ်တဖၣ်န့ၣ်လီၤ.

လံာ်ယၡါယၤ 33:9

ထံဧိၤကီၢ်ဧိၤန့ၣ်အိၣ်ကလီဒီးအိၣ်သယုၢ်ဝဲလီၤ. ကီၢ်လဘၤနိၣ်အသ့ၣ်ဒိၣ်ပှၢ်တီၣ်တဖၣ်လီၤညွံးလီၤဘဲကွံာ်ဝဲ, ၡၤရိၣ်အတြီၤလၢဟီၣ်ခိၣ်ညၣ်ထ့ၣ်ဂ့ၤတဖၣ်လီၤဂာ်ဒ်မဲးမုၢ်ခိၣ် တပူၤအသိး, သ့ၣ်အထူၣ်တဖၣ်လၢကီၢ်ဘၤၡၣ်ဒီးကစၢၢ် ကၢ်မ့ၤလးအလိၤန့ၣ်အလၣ်တဖၣ်လီၤဆှုကွံာ်ဝဲလီၤ.

လံာ်ယၡါယၤ 37:24

နမၢလီၤနခ့နပှၤတဖၣ်လၢက, ကတိၤဒိၣ်အကိာ်လၢယမဲာ်ညါဒီးစံးဝဲ လၢနမၤန့ၢ်မၤနၢၤကစၢၢ်အထီကတၢၢ်တဖၣ်လၢကီၢ်လဘၤနိၣ်အပူၤန့ၣ် လၢနလ့ၣ်ကဟၣ်ခဲလၢာ်န့ၣ်လီၤ. နကတိၤဒိၣ်လီၤနသးလၢ, ဖဲန့ၣ်, နကူာ်လီၤကွံာ်သ့ၣ်ဆှိအ့ရ့းအထီကတၢၢ်တဖၣ်ဒီးသ့ၣ်ဆှိအဂ့ၤ ကတၢၢ်တဖၣ်, ဒီးနလဲၤတုၤတ့ၢ်လံလၢသ့ၣ်ဒိၣ်ပှၢ်တီၢ်အယိာ် ကတၢၢ်တတီၤလံန့ၣ်လီၤ.

လံာ်ယၡါယၤ 37:36

ယွၤအကလူးတဂၤလဲၤဆူပှၤအၤၡူၢ်ဖိတဖၣ်သူၣ်ဒဲအလီၢ်ဒီးမၤသံ သုးဖိတကလီၢ်ဃိးကလးယဲၢ်ကထိဂၤန့ၣ်လီၤ. လၢခံတနံၤဂီၤဂီၤန့ၣ်, အဝဲသ့ၣ်အိၣ်စူၣ်လီၤအသးဖဲန့ၣ်ဒီးသံဝဲခဲလၢာ်န့ၣ်လီၤ.

လံာ်ယံးရမံယၤ 22:7

ယဆှၢလီၤပှၤကညီတဖၣ်လၢကမၤဟးဂီၤကွံာ်အီၤန့ၣ်လီၤ. အဝဲသ့ၣ်ခဲလၢာ်ကဟဲစိာ်အကွါတဖၣ်, ကကူာ်လီၤကွံာ်အသ့ၣ်ဆှိ အ့ရ့းအထူၣ်အဃံအလၤတဖၣ်, ဒီးကွံာ်လီၤကွံာ်အီၤဆူမ့ၣ်အူ အပူၤန့ၣ်လီၤ.

လံာ်ယံးရမံယၤ 48:2

ကီၢ်မိၤအးအတၢ်လီၤဘီလီၤမုၢ်တအိၣ်ဘၢၤဘၣ်. ဒုၣ်ဒါဒုးန့ၢ်ကွံာ်လံ ဝ့ၢ်ဃ့ၡဘိၣ် ဒီးကူၣ်ထီၣ်ဝဲလၢ ကမၤဟးဂီၤကွံာ် ကီၢ်မိၤအးအပှၤကလုာ်န့ၣ်လီၤ. ဝ့ၢ်မးဒမၣ်ကဘၣ်တၢ်မၤဘှ့ၣ်ဘှီၣ်ကွံာ်အီၤ, သုးမုၢ်တဖၣ်ကလဲၤထီၣ်ဒုးတၢ်ထီဒါအီၤလီၤ.

လံာ်ယဃ့းစက့လး 31:3

နလီၤဂာ်ဒီးသ့ၣ်ဆှိအ့းရ့းတထံးလၢကီၢ်လဘၤနိၣ်, လၢအအိၣ်ဒီး အဒ့ဃံလၤကဒုဂ့ၤမးတဖၣ်, သ့ၣ်တထူၣ်လၢအထီဝဲတုၤထီၣ်ဘး လၢတၢ်အၢၣ်တဖၣ်န့ၣ်လီၤ.

လံာ်ဒၤနံးယ့လး 4:23

နဲဒၣ်စီၤပၤထံၣ်ဘၣ်ကလူးဟဲလီၤလၢမူခိၣ်တဂၤလၢအအိၣ်ဒီး တၢ်သူၣ်ပ့ၢ်သးဆှါဒီးတၢ်မဲာ်စီၣ်နါစီၣ်စံးဝဲဒၣ်, ကူာ်လီၤကွံာ် သ့ၣ်တထံးန့ၣ်ဒီးမၤဟးဂီၤကွံာ်အီၤတက့ၢ်. မ့မ့ၢ်အခိၣ်ဆၢၣ်အိၣ်ဒီးအ ဂံၢ်တဖၣ်လၢဟီၣ်ခိၣ်လာ်န့ၣ်စၢဃးအီၤလၢထးသွဲဒီးတိၢ်ဘီအပျံၤဒီးပာ်တ့ၢ် အီၤလၢတပံၢ်တမါတဖၣ်အကျါလၢပျီပူၤတက့ၢ်. ပှၤတဂၤန့ၣ် ကဘၣ်စီၣ်ဒၣ်ဝဲလၢမူခိၣ်အပစီၤထံဒီးမ်အအိၣ်ဒၣ်ဝဲလၢ ဆၣ်ဖိကီၢ်ဖိတဖၣ်အသိးအကျါတုၤအယံာ်နွံနံၣ်တက့ၢ်န့ၣ်,’

လံာ်နၤဃူၣ် 1:12

တၢ်အံၤမ့ၢ်တၢ်လၢယွၤစံးဘၣ်အပှၤဂီၢ်မုၢ်အံၣ်စရ့လး, “ပှၤအၤၡူၢ်ဖိသ့ၣ်တဖၣ်အဂံၢ်အဘါမ့ၢ်ဆူၣ်ဒီးမ့ၢ်အါဝဲဂီၢ်ဝဲဘၣ်ဆၣ်, အဝဲသ့ၣ်ကဘၣ်တၢ်မၤဟးဂီၤကွံာ်အီၤဒီးကဟါမၢ်ကွံာ်ဝဲဒၣ်န့ၣ်လီၤ. ယပှၤဂီၢ်မုၢ်ဧၢ, ယမၤနးမၤဖှီၣ်တ့ၢ်သုဘၣ်ဆၣ်ယတမၤကဒီးလၢၤဘၣ်.

၂ သ့းစၤလနံ 1:7

အဝဲဒၣ်ကမၤမုာ်ထီၣ်က့ၤသုဝဲလၢအတူၢ်ဘၣ်တၢ်နး တၢ်ဖှီၣ်, ဒီးပဝဲဒၣ်စ့ၢ်ကီးလီၤ. အဝဲဒၣ်ကမၤတၢ်အံၤဖဲကစၢ်ယ့ၣ်ၡူးအိၣ်ဖျါထီၣ်လၢမူခိၣ်ဃုာ် ဒီးအကလူးလၢအအိၣ်ဒီးအစိအကမီၤတဖၣ်,

၂ ပ့းတရူး 2:11

ကလူးလၢအဂံၢ်ဆူၣ်ဘါဆူၣ်ဒီးအစိကမီၤဒိၣ်န့ၢ်ဒံးသရၣ် အဘျၣ်တဖၣ်အံၤဒၣ်လဲာ်, တပာ်တၢ်ကမၣ်ဒီးဒုၣ်ဒွဲၣ်အဝဲသ့ၣ်လၢကစၢ်ယွၤအမဲာ်ညါန့ၣ်ဘၣ်.

လံာ်လီၣ်ဖျါ 10:1

တၢ်န့ၣ်ဝံၤအလီၢ်ခံ, ယထံၣ်ဘၣ်ကလူးလၢအဂံၢ်ဆူၣ်ဘါဆူၣ်အဂၤတဂၤဟဲလီၤ လၢမူခိၣ်န့ၣ်လီၤ. အဝဲဒၣ်ဘၣ်တၢ်ကးဘၢဃာ်အီၤလၢတၢ်အၢၣ် တလိၣ်, ဒီးအိၣ်ဝဲဒီးတၢၢ်ကွဲၤတဘိလၢအအိၣ်ဝးတရံးအဝဲဒၣ် အခိၣ်န့ၣ်လီၤ. အဝဲအမဲာ်သၣ်လီၤဂာ်လၢမုၢ်, ဒီးအခီၣ်လီၤဂာ်လၢမ့ၣ်အူအထူၣ်တဖၣ်လီၤ.

လံာ်လီၣ်ဖျါ 18:21

တုၤနုၤတစုကလူးလၢအဂံၢ်ဆူၣ်ဘါဆူၣ်တဂၤဟံးထီၣ်လၢၢ်လၢ အဒိၣ်ထဲသိးဆၢၣ်ဂူာ်လၢၢ်တဖျၢၣ်, ဒီးကွံာ်လီၤအီၤဆူပီၣ်လဲၣ် အပူၤ, ဒီးစံးဝဲ, “လၢကျဲဒ်အံၤအပူၤ, ဝ့ၢ်ဖးဒိၣ်ဘၤဘူၤလိၣ် ကဘၣ်တၢ်တ့ၢ်လီၤအီၤဆူၣ်ဆူၣ်ကလဲာ်, ဒီးတၢ်တထံၣ်န့ၢ်အီၤနီတစုလၢၤဘၣ်လီၤ.