လံာ်ယၡါယၤ 10:22 - Sgaw Karen Common Bible

²² ခဲအံၤ, ပှၤအံၣ်စရ့လးဖိမ့ၢ်အါဝဲဒ်မဲးဧိၤဟီၣ်ဧိၤလၢပီၣ်လဲၣ် အနံၤသနာ်က့, ကဟဲက့ၤကဒါက့ၤဒၣ်ထဲစှၤဂၤလီၤ. တၢ်မၤဟးဂီၤန့ၣ်အိၣ်ပာ်ပာ်စၢၤ လၢပှၤဂီၢ်မုၢ်အဂီၢ်ဒီးမ့ၢ်တၢ်လၢ အကြၢးအဘၣ်လၢအဝဲသ့ၣ်အ ဂီၢ်လၢလၢပှဲၤပှဲၤလီၤ.

လံာ်ယၡါယၤ 10:22 Iomraidhean Croise

လံာ်တၢ်ကဲထီၣ်အခီၣ်ထံး 18:25

နတဘၣ်မၤသံပှၤလၢတၢ်ကမၣ်တအိၣ်ဃုာ်ဒီးပှၤလၢအတၢ်ကမၣ်အိၣ်န့ၣ် သပှၢ်တၢၢ်ဘၣ်. တၢ်န့ၣ်တသ့ဘၣ်. နမၤတၢ်န့ၣ်တသ့ဘၣ်. နမ့ၢ်မၤဒီးပှၤလၢအတၢ်ကမၣ်တအိၣ်န့ၣ်ကဘၣ် တၢ်စံၣ်ညီၣ်အီၤဃုာ်ဒီးပှၤလၢအတၢ်ကမၣ်အိၣ်န့ၣ်လီၤ. တၢ်န့ၣ်တသ့ဘၣ်. ဟီၣ်ခိၣ်ဒီဘ့ၣ်ညါအစံၣ်ညီၣ်ကွီၢ်န့ၣ်ကဘၣ်မၤ တၢ်လၢတၢ်စံၣ်ညီၣ်တီအပူၤလီၤ.”

လံာ်စီၤပၤအခီၣ်ထံးတဘ့ၣ် 4:20

ကီၢ်ယူဒၤဒီးကီၢ်အံၣ်စရ့လးအပှၤဂီၢ်မုၢ်အနီၣ်ဂံၢ်အါဝဲဒ်မဲး ဧိၤဟီၣ်ဧိၤလၢပီၣ်လဲၣ်နံၤအသိးဒီးအဝဲသ့ၣ်အီၣ်တၢ်, အီတၢ်ဒီးသူၣ်ဖှံသးညီဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:31

ပှၤဂီၢ်မုၢ်ကအိၣ်ဒံးဝဲလၢဝ့ၢ်ယရူၤၡလ့ၣ်အပူၤဒီးလၢကစၢၢ်စံ ယိၣ်အဒီခိၣ်, ပှၤတဖၣ်လၢကအိၣ်လီၤတဲာ်တ့ၢ်ဒံး, မ့ၢ်လၢယွၤပာ်လီၤတ့ၢ်အသးလၢကဒုးကဲထီၣ်တၢ်အံၤအဃိန့ၣ်လီၤ.

လံာ်ယၡါယၤ 37:31

ပှၤလၢအအိၣ်မူတ့ၢ်ဒံးဝဲလၢကီၢ်ယူဒၤအပူၤတဖၣ်န့ၣ်ကဘီၣ်ထီၣ် ညီထီၣ်ဝဲဒ်တၢ်မုၢ်တၢ်ဘိတဖၣ်လၢအစဲၤလီၤအဂံၢ်ယိာ်ယိာ်ဆူ ဟီၣ်ခိၣ်လာ်ဒီးဟ့ၣ်ထီၣ်တၤသၣ်အသိးန့ၣ်လီၤ.

လံာ်ယၡါယၤ 46:3

ဒိကနၣ်ယၤတက့ၢ်, စီၤယၤကိာ်အစၢၤအသွဲၣ်, ပှၤအိၣ်လီၤတဲာ်ခဲလၢာ်လၢယပှၤဂီၢ်မုၢ်အကျါသ့ၣ်ဧၢ, ယသူၣ်အိၣ်သးအိၣ်တ့ၢ်သုစးထီၣ်လၢသုအိၣ်ဖျဲၣ်ထီၣ်အဆၢ ကတီၢ်လီၤ.

လံာ်ယၡါယၤ 48:19

သုစၢၤသုသွဲၣ်တဖၣ်ကအါဝဲဂီၢ်ဝဲဒ် မဲးအဖျၢၣ်တဖၣ်အသိး, ဒီးယကမၤလီၤတံၢ်တၢ်ဒ်သိးအဝဲသ့ၣ်အသုတဘၣ်တၢ်မၤဟးဂီၤအီၤ နီတစုတဂ့ၤအဂီၢ်န့ၣ်လီၤ.

လံာ်ယၡါယၤ 59:20

ယွၤစံးဘၣ်အပှၤဂီၢ်မုၢ်, “ယကဟဲဆူဝ့ၢ်ယရူၤၡလ့ၣ်လၢယကက ဟုကယာ်သုဒီးအုၣ်က့ၤခီၣ်က့ၤသုဝဲခဲလၢာ်လၢ အဃၣ်ကွံာ်အသးလၢအတၢ်ဒဲးဘးတဖၣ်န့ၣ်လီၤ.

လံာ်ယၡါယၤ 6:11

ယသံကွၢ်တၢ်ဒီးစံး, “ယွၤဧၢ, တၢ်ဒ်သိးအံၤကမၤဒံးအသး ဆံးယံာ်လဲၣ်.” အဝဲဒၣ်စံးဆၢယၤ, “တုၤလီၤလၢဝ့ၢ်တဖၣ် ဟးဂီၤကွံာ်ခဲလၢာ်ဒီးအိၣ်ကလီဝဲ, တုၤလီၤလၢဟံၣ်တဖၣ်ပှၤ တအိၣ်လၢအပူၤလၢၤဘၣ်, ဒီးတုၤလီၤလၢထံကီၢ်အနီၢ်ကစၢ်အံၤ အိၣ်သယုၢ်သညိဒီးလီၤဃီကွံာ်ဝဲတစုန့ၣ်လီၤ.

လံာ်ယၡါယၤ 6:13

လၢပှၤအဂၤတဆံအကျါပှၤမ့ၢ်အိၣ်လီၤတဲာ်တ့ၢ်ထဲတဂၤဧိၤ လၢထံကီၢ်အံၤအပူၤဒၣ်လဲာ်, အဝဲစ့ၢ်ကီးကဘၣ်တၢ်မၤဟးဂီၤ ကွံာ်အီၤလီၤ. အဝဲကလီၤဂာ်ဒ်သ့ထိးဖၣ်အခိၣ် ဆၢၣ်လၢအအိၣ်လီၤတဲာ်ဖဲတၢ်ကူၢ်လီၤအီၤဝံၤအလီၢ်ခံလီၤ.” (သ့ၣ်ခိၣ်ဆၢၣ်မ့ၢ်တၢ်ဒိလီၤတၢ်စးထီၣ်အသီတမံၤလၢယွၤ အပှၤဂီၢ်မုၢ်အဂီၢ်န့ၣ်လီၤ.)

လံာ်ယၡါယၤ 60:22

နဒူၣ်ဖိထၢဖိအဆံးကတၢၢ်ဒီး အဆီၣ်လီၤသးကတၢၢ်ဒၣ်လဲာ် ကကဲထီၣ်တၢ်အဒိၣ်ထဲသိးပှၤကလုာ်လၢ အဒိၣ်စိဒိၣ်ကမီၤတကလုာ်လီၤ. တုၤတၢ်ဆၢဂ့ၤကတီၢ်ဘၣ်ဟဲတုၤဝဲဒီး, ယကဒုးဟဲထီၣ်တၢ်အံၤချ့ချ့လီၤ. ယမ့ၢ်ယွၤလီၤ.”

လံာ်ယၡါယၤ 65:8

ယွၤစံးဝဲဒၣ်, “စပံးသၣ်လၢအဂ့ၤတဖၣ်န့ၣ်ပှၤ တမၤဟးဂီၤကွံာ်နီတဂၤဘၣ်. အခိၣ်တလိာ်, အဝဲသ့ၣ်ဒုးကဲထီၣ်စပံးထံလၢစပံးသၣ်တဖၣ်အံၤလီၤ. ဒ်န့ၣ်အသိးယတမၤဟးဂီၤယပှၤဂီၢ်မုၢ်ခဲလၢာ်ဘၣ်, ယကအုၣ်က့ၤခီၣ်က့ၤပှၤသ့ၣ်တဖၣ်လၢအမၤန့ၢ်ယၤ လၢတၢ်ခ့တၢ်ပှၤအတၢ်မၤန့ၣ်လီၤ.

လံာ်ယၡါယၤ 8:8

အဝဲသ့ၣ်ကသုးလီၤအသးချ့ချ့ဒီးခီဂာ်ကီၢ်ယူဒၤဒ်ထံဒိၣ်ခိၣ်ယွၤ လၢအထီၣ်ဘးတုၤဖံဘၣ်ခိၣ်ဒီးလုၣ်ဘၢတၢ်ခဲလၢာ်အသိးန့ၣ်လီၤ.” ယွၤအိၣ်ဒီးပှၤလီၤ. အဒံးဆ့လၢအယၤထီၣ်အသးတဖၣ်ဒီဒၣ် အိၣ်ပှိၤထံကီၢ်ဒီဘ့ၣ်လီၤ.

လံာ်ယံးရမံယၤ 3:14

ပှၤဂီၢ်မုၢ်လၢအသးတတီသ့ၣ်ဧၢ, ဟဲက့ၤကဒါက့ၤတက့ၢ်. သုဘၣ်ဃးဒီးယၤလီၤ. ယကဟံးန့ၢ်သုတဂၤစုာ်စုာ်လၢဝ့ၢ်တဝ့ၢ် ဘၣ်တဝ့ၢ်, ခံဂၤစုာ်စုာ်လၢဒူၣ်ထၢတဒူၣ်ဘၣ်တဒူၣ်, ဒီးယကဟဲစိာ်က့ၤသုဆူကစၢၢ်စံယိၣ်လီၤ.

လံာ်ယံးရမံယၤ 44:28

ဘၣ်ဆၣ်ဒီး သုဝဲစှၤဂၤကပူၤဖျဲးဒီး တၢ်သံဒီးဟဲက့ၤကဒါက့ၤ လၢ ကီၢ်အဲၤကူပတူးဆူ ကီၢ်ယူဒၤန့ၣ်လီၤ. အန့ၣ်တစု, ပှၤလၢအအိၣ်မူလီၤတဲာ်တဖၣ် ကသ့ၣ်ညါဝဲလၢ မတၤအတၢ်ကတိၤတဖၣ် လၢထီၣ်ပှဲၤထီၣ်လဲၣ်. ယၤဧါ, မ့တမ့ၢ်, အဝဲသ့ၣ်တဖၣ်ဧါ.

လံာ်ဒၤနံးယ့လး 9:27

ပှၤပၢတၢ်တဂၤန့ၣ်ကမၤတၢ်အၢၣ်လီၤအီလီၤအဂၢၢ်အကျၢၤ ဃုာ်ဒီးအပှၤအါဂၤလၢနွံနံၣ်အတီၢ်ပူၤန့ၣ်လီၤ. ဖဲနွံနံၣ်အကတီၢ်အံၤအဖးဖီနံၣ်ပူၤကွံာ် ဒီးကဆိကတီၢ်ကွံာ်တၢ်လုၢ်တၢ်ပာ်တဖၣ် ဒီးတၢ်လုၢ်မၤဘူၣ်တဖၣ်န့ၣ်လီၤ. ဒီးတၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်က လဲာ်ကဘၣ်တၢ်ပာ်ထီၣ်အီၤလၢတၢ်လုၢ်ဟံၣ်အပျိာ်အထီ ကတၢၢ်ဒီးကအိၣ်ဖဲန့ၣ်တုၤပှၤလၢအပာ်ထီၣ်အီၤဖဲန့ၣ် တဂၤန့ၣ်ဘၣ်သဂၢၢ်အမုၢ်နံၤလၢခံကတၢၢ်လၢကစၢ် ယွၤကတဲာ်ကတီၤပာ်စၢၤလၢအဂီၢ်န့ၣ်လီၤ.”

လံာ်ဟိၤၡ့ 1:10

ကီၢ်အံၣ်စရ့လးအပှၤဂီၢ်မုၢ်ကကဲထီၣ်ဝဲဒ်မဲးလၢပီၣ်လဲၣ်အသိး, အါန့ၢ်ဒံးတၢ်ဂံၢ်အီၤသ့မ့ၢ်ဂ့ၤ, တၢ်ဃီၣ်နီၣ်အီၤသ့မ့ၢ်ဂ့ၤန့ၣ်လီၤ. ခဲကနံၣ်အံၤ, ကစၢ်ယွၤစံးဘၣ်အဝဲသ့ၣ်, သုတမ့ၢ်လၢၤယပှၤဂီၢ်မုၢ်ဘၣ်. ဘၣ်ဆၣ်မုၢ်တနံၤကဟဲတုၤဃီၤဝဲဒၣ်ဖဲအဝဲကစံးဘၣ်အဝဲသ့ၣ်, သုဝဲသ့ၣ်အံၤ, သုမ့ၢ်ကစၢ်ယွၤလၢအမူဝဲတဂၤအဖိသ့ၣ်တဖၣ်လီၤ.

မၤတၢ် 17:31

အဂ့ၢ်ဒ်အံၤ, အဝဲပာ်ဂၢၢ်ပာ်ကျၢၤမုၢ်တနံၤလၢအကစံၣ်ညီၣ် ဟီၣ်ခိၣ်ဒီဘ့ၣ်လၢတၢ်တီတၢ်လိၤအပူၤ, ခီဖျိပှၤတဂၤလၢ အဃုထၢတ့ၢ်ဝဲန့ၣ်လီၤ. အဝဲဟ့ၣ်တ့ၢ်လံပှၤကိးဂၤဒဲးလၢတၢ်အုၣ်အသးဘၣ်ဃးဒီးတၢ် တမံၤအံၤအဂ့ၢ်ခီဖျိအဒုးဂဲၤဆၢထၢၣ်က့ၤပှၤအဝဲန့ၣ်လၢတၢ်သံ န့ၣ်လီၤ.”

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

လံာ်လီၣ်ဖျါ 20:8

ဒီးအဝဲဒၣ်ကဟးထီၣ်ဒ်သိးအကလီန့ၢ်ပှၤကလုာ်လၢ ထံဧိၤကီၢ်ဧိၤလၢအအိၣ်ရၤလီၤအသးသကုၤဟီၣ်ခိၣ်ဒီဘ့ၣ်ညါလၢ အမ့ၢ်ပှၤကိးဖိဒီးပှၤမကိးဖိလီၤ. မုၣ်ကီၤလံၢ်ကပာ်ဖှိၣ်အဝဲသ့ၣ်တပူၤဃီလၢတၢ်ဒုးသုးအဂီၢ်, အနီၣ်ဂံၢ်ကအါဝဲဒ်မဲးဧိၤဟီၣ်ဧိၤလၢပီၣ်လဲၣ်ကၢၢ်နံၤအသိး န့ၣ်လီၤ.