လံာ်ယၡါယၤ 10:15 - Sgaw Karen Common Bible

¹⁵ ဘၣ်ဆၣ်ဒီးယွၤစံးဝဲဒၣ်, “ကွါတဘ့ၣ်စံးလီၤအသးလၢအ ဒိၣ်န့ၣ်ဒံးပှၤလၢအသူအီၤတဂၤန့ၣ်ကသ့ဧါ. ထးဘူးတဲာ်မ့ၢ် အကါဒိၣ်န့ၣ်ဒံးပှၤလၢအဘူးတဲာ်တၢ်လၢအီၤတဂၤန့ၣ်ဧါ. နီၣ်တီၢ်တယၤထီၣ်ပှၤကညီတဂၤန့ၣ်ဘၣ်. မ့မ့ၢ်, ပှၤကညီယၤထီၣ်နီၣ်တီၢ်တခီန့ၣ်လီၤ.”

လံာ်ယၡါယၤ 10:15 Iomraidhean Croise

လံာ်ယၡါယၤ 10:5

ယွၤစံးဝဲဒၣ်, “ကီၢ်အၤၡူၢ်ဧၢ, ယသူကီၢ်အၤၡူၢ်ဒ်နီၣ်တီၢ် တဘိးအသိးလၢယကစံၣ်ညီၣ်ပှၤလၢယသးကဲၤထီၣ် ဘၣ်အီၤတဖၣ်အဂီၢ်လီၤ.”

လံာ်ယၡါယၤ 29:16

အဝဲသ့ၣ်ဘိးကဒါကွံာ်တၢ်ခဲလၢာ်န့ၣ်လီၤ. ပှၤတ့သပၢၤဒီးကပံာ်န့ၣ်အ ကါဒိၣ်လၢလဲၣ်တမံၤလဲၣ်. တၢ်တမံၤလၢပှၤကညီတဂၤမၤတ့ၢ်ဝဲန့ၣ်စံးဘၣ်အီၤလၢ, “နတမၤတ့ၢ်ယၤဘၣ်” မ့တမ့ၢ် “နမၤတၢ်မနုၤလဲၣ်န့ၣ်နတသ့ၣ် ညါဘၣ်” မ့ၢ်ကသ့ဧါ.

လံာ်ယၡါယၤ 37:23

ပှၤလၢနဒုၣ်ဒွဲၣ်ပယွဲဒီးနနံၤဘၣ်ဖၣ်လဲအီၤန့ၣ်နဆိကမိၣ်အမ့ၢ် မတၤလဲၣ်. နတယူးယီၣ်ပာ်ကဲတ့ၢ်ယၤ, အံၣ်စရ့လးအကစၢ်ယွၤစီဆှံတဂၤန့ၣ်ဘၣ်.

လံာ်ယၡါယၤ 45:9

သပၢၤဟီၣ်ခိၣ်တဖျၢၣ်ကတိၤဂ့ၢ်လိာ်တၢ်ဒီးပှၤလၢအတ့ အီၤဘၣ်ကဘူၣ်ဧါ. မ့ၢ်ဒၣ်သပၢၤတဖျၢၣ်လၢအလီၤဂာ်ဒီးသပၢၤအဂၤတဖၣ်ခဲလၢာ်လီၤ. ကပံာ်ဟီၣ်ခိၣ်သံကွၢ်ပှၤတ့သပၢၤလၢအမၤတၢ်မနုၤလဲၣ်န့ၣ်စ့ၢ် ကီးဧါ. သပၢၤဟီၣ်ခိၣ်ကဒူးကဒ့ၣ်တၢ်လၢပှၤလၢအတ့အီၤအတၢ်သ့ တၢ်ဘၣ်တအိၣ်ဘၣ်န့ၣ်ဧါ.

လံာ်ယၡါယၤ 7:20

ဖဲတၢ်ဆၢကတီၢ်အဝဲန့ၣ်တုၤဃီၤဝဲဒီး, ယွၤကဒိးလဲပှၤတံာ်ခိၣ် သူတဂၤလၢထံကျိဖရၤသးဝၢ်ဘးခီတခီ, လၢအမ့ၢ်ဝဲကီၢ်အၤၡူၢ် အစီၤပၤ, ဒီးအဝဲကလူၤကွံာ်သုခၣ်ဆူၣ်, ဒီးသုခိၣ်သူလၢ သုခိၣ်တဖၣ်အလိၤ, ဒီးသုဆူၣ်လၢသုနီၢ်ခိတဖၣ်အလိၤလီၤ.

လံာ်ယဃ့းစက့လး 28:9

ဖဲအဝဲသ့ၣ်ဟဲလၢ ကမၤသံနၤန့ၣ်မ့ၢ်နကစံးဒံး ဒၣ်လၢနမ့ၢ်ယွၤတဂၤန့ၣ်ဧါ. ဖဲနကွၢ်ဆၢၣ်မဲာ်ဘၣ်ဒီး ပှၤလၢကမၤသံနၤတဖၣ်န့ၣ်, နကမ့ၢ်ပှၤတဂၤလၢ အသံသ့ဒီးတမ့ၢ်ဘၣ် တၢ်စီတၢ်ဆှံလ့ၤတက့ၤဘၣ်န့ၣ်လီၤ.