လံာ်ယၡါယၤ 10:1 - Sgaw Karen Common Bible

¹ သုဘၣ်တၢ်စံၣ်ညီၣ်ဃါမနၤလီၤ. သုဒုးအိၣ်ထီၣ်တၢ်သိၣ် တၢ်သီတတီတလိၤတဖၣ်လၢအမၤနးမၤဖှီၣ်ယပှၤဂီၢ်မုၢ်လီၤ.

လံာ်ယၡါယၤ 10:1 Iomraidhean Croise

လံာ်စီၤပၤအခီၣ်ထံးတဘ့ၣ် 21:13

လၢကမျၢၢ်အမဲာ်ညါန့ၣ်ပှၤအၢပှၤသီခံဂၤအုၣ်အသးထီဒါစီၤနၤ ဘိးလၢအဆိၣ်အၢကစၢ်ယွၤဒီးစီၤပၤန့ၣ်လီၤ. ဒီးလၢတၢ်န့ၣ်အဃိအဝဲဘၣ်တၢ်ထုးထီၣ်ကွံာ်အီၤဆူ ဝ့ၢ်အချၢဒီးကွံာ်သံကွံာ်အီၤလၢလၢၢ်န့ၣ်လီၤ.

စံးထီၣ်ပတြၢၤ 58:2

တမ့ၢ်ဘၣ်, သုဆိကမိၣ်ထဲတၢ်အၢလၢသုသးကံၢ်ပူၤ, သုစုဟ့ၣ်လီၤတၢ်မၤဆူၣ်လၢဟီၣ်ခိၣ်ချၢလီၤ.

လံာ်တၢ်ဟးထီၣ်ကွံာ် 23:3

ကွၢ်မဲာ်ပှၤဖှီၣ်ဖိယာ်ဖိတဂၤလၢအကွီၢ်ပူၤန့ၣ်တဂ့ၤ.

လံာ်တၢ်ဟးထီၣ်ကွံာ် 23:6

သမၢတၢ်စံၣ်ညီၣ်တီဖဲပှၤဖှီၣ်ဖိယာ်ဖိတဂၤဘၣ်တၢ်လိာ်ဘၢလိာ် ကွီၢ်အီၤအခါန့ၣ်တဂ့ၤ.

လံာ်ယၡါယၤ 29:21

ပှၤတဖၣ်လၢအကတိၤခဲၣ်သူခဲၣ်ဂီၤပှၤဂၤ, ပှၤတဖၣ်လၢအတြီတၢ်စံၣ်ညီၣ်ပှၤမၤ တၢ်ထီဒါပဒိၣ်သဲစးဒီးပှၤတဖၣ်လၢအလီတၢ် ဝ့ၤတၢ်ဒ်သိးပှၤသူၣ်လိၤသးဘျၢတဖၣ်ကဒိး န့ၢ်တၢ်စံၣ်ညီၣ်တီန့ၣ်ကစၢ်ယွၤကမၤဟးဂီၤအီၤလီၤ.

လံာ်ယၡါယၤ 3:11

ဘၣ်ဆၣ်, ပှၤအၢပှၤသီတဖၣ်ဘၣ်တၢ်စံၣ်ညီၣ်ဃါမနၤလီၤ. တၢ်လၢအဝဲသ့ၣ်မၤဘၣ်တ့ၢ်ပှၤတဖၣ်န့ၣ်ခဲအံၤတၢ်ကမၤဘၣ်က့ၤ အဝဲသ့ၣ်လီၤ.

လံာ်ယၡါယၤ 3:14

ယွၤဆှၢနုာ်အပှၤဂီၢ်မုၢ်အသူၣ်က့သးပှၢ်တဖၣ်ဒီးအခိၣ်အနၢ် တဖၣ်ဆူတၢ်စံၣ်ညီၣ်အပူၤ, ဒီးလိာ်ဘၢလိာ်ကွီၢ်ထီဒါအဝဲသ့ၣ်, စံးဝဲ, “သုဂုာ်ဆူၣ်ပျီဆူၣ်စပံးလီၢ်တဖၣ်, ဒီးသုဟံၣ်တဖၣ်ပှဲၤဝဲဒီးတၢ်လၢသု ဟံးန့ၢ်လၢပှၤဖှီၣ်ဖိယာ်ဖိတဖၣ်အအိၣ်လီၤ.

လံာ်ယၡါယၤ 5:11

သုဘၣ်တၢ်စံၣ်ညီၣ်ဃါမနၤလီၤ. သုပၢၢ်ထီၣ်လၢဂီၤထၢၣ်သၢဒ်သိး သုကစးထီၣ်အီသံးအဂီၢ်ဒီးသုမၤလၢာ်ဖးထီတၢ်ဆၢက တီၢ်လၢမုၢ်ဟါလၢတၢ်မူၤတၢ်ဘှီးအပူၤလီၤ.

လံာ်ယၡါယၤ 5:18

သုဘၣ်တၢ်စံၣ်ညီၣ်ဃါမနၤလီၤ. သုမၤထူၣ်ဖျဲးကွံာ်သုသးလၢတၢ် ဒဲးဘးတဖၣ်တန့ၢ်ဘၣ်.

လံာ်ယၡါယၤ 5:23

ဘၣ်ဆၣ်, ထဲလၢခိၣ်ဖးတခါအဃိသုပျဲပူၤပှၤလၢအတၢ်ကမၣ် အိၣ်တဖၣ်, ဒီးသုတြီဃာ်ပှၤလၢအတၢ်ကမၣ်တအိၣ်ဒ်သိး အသုတန့ၢ်ဘၣ်တၢ်စံၣ်ညီၣ်တီတဂ့ၤအဂီၢ်လီၤ.

လံာ်ယၡါယၤ 5:8

သုဘၣ်တၢ်စံၣ်ညီၣ်ဃါမနၤလီၤ. သုပှ့ၤအါထီၣ်ဟံၣ်ဃီဒီးစံာ်လီၢ် တဖၣ်ဒီးပာ်ဖှိၣ်အါထီၣ်အီၤဒီးတၢ်လၢအအိၣ်တ့ၢ်ဒီးသုလီၤ. တယံာ်လၢၤဘၣ်ဒီး, ပှၤအဂၤကအိၣ်ဆိးတၢ်အလီၢ်တအိၣ်လၢၤ ဘၣ်ဒီးပှၤအိၣ်လၢကီၢ်အံၤအပူၤန့ၣ်ကမ့ၢ်ဒၣ်ထဲသုဝဲတဖၣ်ဧိၤလီၤ.

လံာ်ယၡါယၤ 59:13

ပပူထီၣ်တ့ၢ်တၢ်ထီဒါနၤ, ပညိကွံာ်တ့ၢ်နၤ, ဒီးဂ့ၢ်လိာ်တ့ၢ်လၢ ပကပိာ်နခံအဂီၢ်လီၤ. ပမၤအၢမၤနးတ့ၢ်ပှၤဂၤတဖၣ်ဒီးဃၣ်ဒူ ချၢတ့ၢ်ပသးလၢနၤလီၤ. ပတၢ်ဆိကမိၣ်တဖၣ်ကမၣ်ဝဲ, ဒီးပတၢ်ကတိၤတဖၣ်အိၣ်ထဲတၢ်လီတၢ်ဝ့ၤလီၤ.

လံာ်ယၡါယၤ 59:4

သုလဲၤဆူကွီၢ်ဘျီၣ်, ဘၣ်ဆၣ်ဒီးသုတမၤန့ၢ်တၢ်စံၣ်ညီၣ် တီလၢသုအိၣ်တခီဘၣ်. သုသန့ၤထီၣ်သုသးလၢတၢ်လီ တၢ်ဝ့ၤတဖၣ်လၢသုကွီၢ်ကနၢၤအဂီၢ်လီၤ. သုမၤထွဲသုတၢ်ကူၣ်ကျဲၤတဖၣ်လၢကမၤဘၣ်ဒိဘၣ်ထံးပှၤဂၤ တဖၣ်အဂီၢ်န့ၣ်လီၤ.

လံာ်ယံးရမံယၤ 22:13

ပှၤတဂၤလၢအသူၣ်ထီၣ်အဟံၣ်လၢတၢ်စံၣ်ညီၣ်တတီဘၣ်အပူၤ, ဒီးမၤလဲၢ်ထီၣ်အီၤလၢတၢ်တတီတလိၤအပူၤ, ပှၤတဂၤလၢအမၢအထံဖိကီၢ်ဖိမၤတၢ် ဒီးတဟ့ၣ်ဘူးဟ့ၣ်လဲဝဲဘၣ်န့ၣ်, ကဘၣ်တၢ်စံၣ်ညီၣ်ဃါမနၤလီၤ.

လံာ်ဧၤမိၣ် 2:7

အဝဲသ့ၣ်ယီၢ်တံၢ်လီၤပှၤဂံၢ်စၢ်ဘါစၢ်ဒီးပှၤလၢတၢ်မၤစၢၤအီၤ တအိၣ်ဒီးဆီၣ်ဖျိးကွံာ်ပှၤဖှီၣ်ဖိယာ်ဖိလၢအကျဲန့ၣ်လီၤ. ပှၤတဂၤဒီးအပၢ်မံဃုာ်ဒီးကုၢ်ပိာ်မုၣ်တဂၤဃီဒီးမၤဘၣ် အၢဘၣ်သီယမံၤစီဆှံန့ၣ်လီၤ.

လံာ်မံကၤ 6:16

တၢ်အံၤကမၤအသးလီၤ. အဂ့ၢ်ဒ်အံၤ, သုမၤထွဲတ့ၢ်စီၤပၤစီၤဧိၢ်ရံၤဒီးအဖိခွါစီၤပၤစီၤ အၤဃာ်အလုၢ်အၢလၢ်သီတဖၣ်အခံလီၤ. သုလဲၤတၢ်လၢအဝဲသ့ၣ်အတၢ်သိၣ်တၢ်သီအကျဲတဖၣ်အပူၤဒီးတဆိ တ့ၢ်ဘၣ်သတးဒီးယကမၤဟးဂီၤသု ဒီးပှၤကိးဂၤကစူးကွံာ်ညိကွံာ်သုလီၤ. ဒီးယပှၤဂီၢ်မုၢ်လၢတၢ်လီၢ်ကိးပူၤဒဲးကသးဘၣ်အၢသုလီၤ.” revised 16-2-98

လံာ်ဃဘးကူာ် 2:12

ပှၤလၢအပာ်လီၤဝ့ၢ်တဖျၢၣ်အခီၣ်ထံးလၢတၢ်မၤသံမၤ ဝီဒီးသူၣ်ထီၣ်အီၤလၢတၢ်သရူးကမၣ်န့ၣ်, ကဘၣ်တၢ်စံၣ်ညီၣ် ဃါမနၤလီၤ.

လံာ်ဃဘးကူာ် 2:15

ကစၢ်ယွၤကစံၣ်ညီၣ်နၤဃါမနၤလီၤ. နမၤတ့ၢ်နဲဒ်သိးပှၤကလုာ်လၢနဃၢၤတဖၣ်ကအီစပံး ထံအလီခီလၢအဒိလီၤနတၢ်သးထီၣ်န့ၣ်လီၤ. နဒုးအီမူၤအီၤဒီး နမၤမဲာ်ဆှးအီၤလၢတၢ်ကွၢ်အဝဲသ့ၣ်အနီၢ်ခိအတၢ်အိၣ်ဘ့ၣ်ဆ့ တဖၣ်န့ၣ်လီၤ.

လံာ်ဃဘးကူာ် 2:19

ပှၤလၢအစံးဘၣ်သ့ၣ်တကူာ်, “ဖုးသံနီၣ်ထီၣ်တက့ၢ်,” မ့တမ့ၢ်လၢၢ်တလိၣ်, “ဂဲၤထၢၣ်တက့ၢ်,” န့ၣ်, ကဘၣ်တၢ်စံၣ်ညီၣ်ဃါမနၤလီၤ. တၢ်ဂီၤတၢ်ဖီၣ်တခါလီၣ်ဖျါ န့ၢ်သုတၢ်တမံၤမံၤကသ့ဧါ. ကဘၣ်တၢ်ပီၤအီၤလၢစ့ဒီးထူ, ဘၣ်ဆၣ်တၢ်မူတအိၣ်ဘၣ်လၢအပူၤဘၣ်.

လံာ်ဃဘးကူာ် 2:6

ပှၤလၢအဘၣ်တၢ်မၤနၢၤအီၤတဖၣ်ကကတိၤဆဲးအဲးဒီးဒုၣ်ဒွဲၣ်ပှၤလၢ အမၤနၢၤအီၤတဖၣ်လီၤ. အဝဲသ့ၣ်ကစံးဝဲ, “သုဟံးန့ၢ်တၢ်လၢအတမ့ၢ်ဘၣ်သုတၢ်, ဘၣ်ဆၣ်ဒီးသုဘၣ်တၢ်စံၣ် ညီၣ်ဃါမနၤလီၤ. မ့ၢ်သုကမၤထူးထီၣ်တီၤထီၣ်သုသးခီဖျိတၢ်မၤဆူၣ်ပှၤလၢအကမၢ် အိၣ်ဒီးသုတဖၣ်ကဘၣ်လိးက့ၤအကမၢ်န့ၣ်ဆံးယံာ်လဲၣ်.”

လံာ်ဃဘးကူာ် 2:9

ပှၤလၢအမၤထူးထီၣ်တီၤထီၣ်အဟံၣ်ဖိဃီဖိ, ဒီးကျဲးစၢးမၤပူၤ ဖျဲးအဟံၣ်ဒၣ်ဝဲလၢတၢ်မၤအၢမၤသီဒီးတၢ်လီၤပျံၤလီၤ ဖုးခီဖျိတၢ်ဂုာ်ဆူၣ်ပျီဆူၣ်န့ၣ်, ကဘၣ်တၢ်စံၣ်ညီၣ်ဃါမနၤလီၤ.

လံာ်မးသဲ 11:21

“ဝ့ၢ်ဃၤရၤစံၣ်ဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. ဝ့ၢ်ဘ့ၤသစဲဒၤဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. တၢ်လီၤလးတဖၣ်လၢအဘၣ်တၢ်မၤတ့ၢ်အီၤလၢသုပူၤန့ၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်ထါယၢၣ်ဒီးဝ့ၢ်စံဒိၣ်အပူၤဒီး, ပှၤဝ့ၢ်ဖိတဖၣ်ကကူထီၣ်သိးထီၣ်တ့ၢ်ထၢၣ်တၢ်ကံးယာ် ဒီးဖှံလီၤတ့ၢ်အသးဒီးဖၣ်ဆါဒ်သိးကပာ်ဖျါထီၣ် အတၢ်ပီၢ်ယၢ်လီၤက့ၤအသးဃဲးဃဲးလံန့ၣ်လီၤ.

လံာ်မးသဲ 23:23

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုဟ့ၣ်ယွၤပၢၢ်တုၤလၢ တၢ်နၢမူနၢဆှီဒ်ဟီၣ်ဝီၤသွ့, စးမူဒီးစံယၤသ့ၣ်တဖၣ်အတၢ်ဆံဆဲၣ်ပူတပူဘၣ်ဆၣ်ဒီး, တၢ်လၢအကါဒိၣ်နီၢ်နီၢ်ဘၣ်ဃးဒီးတၢ်သိၣ်တၢ်သီဒ်တၢ်စံၣ်ညီၣ်တီ, တၢ်သူၣ်ကညီၤသးကညီၤဒီးတၢ်သူၣ်တီသးတီတဖၣ်န့ၣ်, သုတကနၣ်ဃုာ်အီၤဘၣ်. တၢ်တဖၣ်အံၤ သုဂ့ၤမၤထွဲ, တအိၣ်ဘၣ်ဒီး တၢ်ကွၢ်ကပာ်ကွံာ်တၢ်အဂၤတဖၣ်ဘၣ်န့ၣ်လီၤ.

လံာ်မးသဲ 23:27

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုမၤသုသးလီၤဂာ်ဒီးတၢ်သွၣ်ခိၣ်ပူၤလၢအဘၣ်တၢ်ဖှူဝါထီၣ် အီၤလီၤ. လၢအချၢတခီဖျါဃံလၤ, ဘၣ်ဆၣ်အအိပူၤတခီပှဲၤဒီးပှၤသံအဃံအကွဲဒီးတၢ်အစိၣ် အတၢ်အုၣ်တၢ်ကျၣ်တဖၣ်လီၤ.

လံာ်မးသဲ 23:29

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုဘှီန့ၢ်တၢ်သွၣ်ခိၣ်ပူၤအဂ့ၤလၢဝံတဖၣ်အဂီၢ်, ဒီးသုကယၢကယဲတၢ်ပနီၣ်လၢတၢ်သူၣ်ထီၣ်အီၤလၢ တၢ်သ့ၣ်နီၣ်ပှၤတီပှၤလိၤတဖၣ်အဂီၢ်,

လံာ်မးသဲ 26:24

ပှၤကညီဖိခွါအံၤကဘၣ်သံဝဲ ဒ်တၢ်ကွဲးအသးစီဆှံစံးတ့ၢ်ဝဲ အသိးလီၤ. ဘၣ်ဆၣ်ဒီး, ပှၤကညီလၢအဆါလီၤကွံာ်ပှၤကညီဖိခွါအံၤကဘၣ်အဖှီၣ်ဆံးဒိၣ် လဲၣ်. အဝဲမ့ၢ်တအိၣ်ဖျဲၣ်ထီၣ်ဘၣ်န့ၣ်, ကဂ့ၤဒိၣ်ဒၣ်တၢ်တက့ၢ်လၢအဂီၢ်လီၤ.”

လံာ်လူၤကၣ် 11:52

သုဘၣ်အဖှီၣ်ဆံးဒိၣ်လဲၣ်, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီသ့ၣ်ဧၢ, သုပၢၤဃာ်လံနီၣ်ဝံာ်ခံလၢတၢ်ကအိးထီၣ်တၢ်သ့ၣ်ညါနၢ်ပၢၢ် အဟံၣ်တဖျၢၣ်န့ၣ်အတြဲၤအဂီၢ်လၢသုအိၣ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်. ဒီးပှၤသ့ၣ်တဖၣ်လၢအဂုာ်ကျဲးစၢးလဲၤနုာ်ဝဲန့ၣ်သုတြီအီၤလီၤ.”

လံာ်ယိၤဟၣ် 19:6

တုၤပှၤလုၢ်တၢ်အခိၣ်အဒိၣ်တဖၣ်ဒီးတၢ်လုၢ်ဟံၣ်အပှၤပၢၤတၢ် တဖၣ်ထံၣ်ယ့ၣ်ၡူးဒီး, အဝဲသ့ၣ်ကိးပသူထီၣ်ဒီးစံးဝဲဒၣ်, “ပျၤထီအီၤလၢထူၣ်စုညါအလိၤ, ပျၤထီအီၤလၢထူၣ်စုညါ အလိၤတက့ၢ်.” စီၤပံၤလးစံးဘၣ်အဝဲသ့ၣ်, “မ့မ့ၢ်ဒ်န့ၣ်ဒီး, ဟဲဟံးန့ၢ်အီၤ ဒီးပျၤထီကွံာ်အီၤလၢထူၣ်စုညါအလိၤလၢသုကစၢ်ဒၣ်သုဝဲ တက့ၢ်. ယဲယတထံၣ်န့ၢ်တၢ်အဂ့ၢ်အခၢးလၢယကစံၣ်ညီၣ်အီၤ အဂီၢ်နီတမံၤဘၣ်.”

လံာ်ယိၤဟၣ် 9:22

အမိၢ်အပၢ်တဖၣ်စံးဆၢတၢ်ဒ်အံၤမ့ၢ်လၢအပျံၤပှၤယူဒၤဖိအခိၣ် အနၢ်တဖၣ်လၢအပာ်လီၤတ့ၢ်လံအသးလၢပှၤတဂၤလၢ်လၢ်လၢ အစံးလၢအနာ်ယ့ၣ်ၡူးမ့ၢ်ခရံာ်န့ၣ်, ကဘၣ်တၢ်ဟီထီၣ်ကွံာ်အီၤလၢဘူၣ်ဘျီၣ်ပူၤအဃိန့ၣ်လီၤ.

ယူဒၤ 1:11

မ့ၢ်တၢ်လီၤပျံၤလီၤဖုးလၢအဝဲသ့ၣ်အဂီၢ်ဆံးဒိၣ်လဲၣ်. အဝဲသ့ၣ်ပိာ်ကျဲလၢစီၤကၤယံၣ်ပိာ်ဝဲန့ၣ်လီၤ. လၢကျိၣ်စ့အဃိအဝဲသ့ၣ်ဟ့ၣ်လီၤကွံာ်အသး ဆူတၢ်ကမၣ်လၢစီၤဘံးလၣ်မၤတ့ၢ်ဝဲအပူၤန့ၣ်လီၤ. အဝဲသ့ၣ်ပူထီၣ်တၢ်ဒ်စီၤကိၤရးပူထီၣ်တ့ၢ်တၢ် အသိး, ဒီးအဝဲသ့ၣ်ဘၣ်တၢ်မၤဟးဂီၤအီၤဒ်အဝဲအသိးလီၤ.