လံာ်ယၡါယၤ 1:4 - Sgaw Karen Common Bible

⁴ ပှၤတၢ်ဒဲးဘးဖိတကလုာ်, ပှၤဟးဂီၤဒီးပှၤအၢပှၤသီသ့ၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. သုတၢ်ဒဲးဘးတဖၣ်ထုး လီၤသုဒီးသုတတူၢ်လိာ်ကစၢ်, အံၣ်စရ့လးအကစၢ်ယွၤစီဆှံ ဘၣ်, ဒီးသုဒီသုချၢလၢအီၤလီၤ.

လံာ်ယၡါယၤ 1:4 Iomraidhean Croise

လံာ်တၢ်ကဲထီၣ်အခီၣ်ထံး 13:13

ပှၤဝ့ၢ်စဒိၣ်ဖိသ့ၣ်တဖၣ်န့ၣ်မ့ၢ်ပှၤအၢပှၤသီဒီးပှၤမၤတၢ်ဒဲး ဘးထီဒါယွၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:22

အဝဲညိကွံာ်ယွၤ, အဝဲအမိၢ်ပၢ်ဖံဖုလၢပျၢၤတဖၣ်အကစၢ်ယွၤ, ဒီးတစူၢ်ဘၣ်ယွၤအတၢ်မၤလိာ်တဖၣ်န့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 12:1

တဘျီဖဲစီၤရဃၤဘၣ်မၤဂၢၢ်ထီၣ်မၤကျၢၤထီၣ်ဝဲအဝဲအတၢ်စိ တၢ်ကမီၤဒ်စီၤပၤအသိးဝံၤအလီၢ်ခံန့ၣ်, အဝဲဒီးကယဲၢ်ပှၤဂီၢ်မုၢ်ခဲလၢာ်လဲၤသဒၣ်ကွံာ်ယူဒၤအတၢ်သိၣ်တၢ် သီလၢယွၤဟ့ၣ်လီၤဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 27:2

အဝဲမၤတ့ၢ်တၢ်လၢအဘၣ်ယွၤအသးဒ်အပၢ်မၤတ့ၢ်ဝဲအသိး, ဘၣ်ဆၣ်တၢ်ဒဲးဘးလၢအပၢ်မၤတ့ၢ်ဝဲလၢအမ့ၢ်တၢ်ဆူးကဲၤတၢ်နၢမူ လၢယွၤအတၢ်လုၢ်ဟံၣ်အပူၤန့ၣ်, အဝဲတမၤဝဲဘၣ်. မ့မ့ၢ်ပှၤဂီၢ်မုၢ်န့ၣ်, မၤဒံးဒၣ်တၢ်ဒဲးဘးအဖၢမုၢ်န့ၣ်လီၤ.

လံာ်စီၤနဃ့မယၤ 1:7

ပမၤတ့ၢ်တၢ်အၢတၢ်သီထီဒါနၤဒီးတမၤတၢ်လၢနမၤလိာ်ပှၤန့ၣ် ဘၣ်. ပတတိၢ်န့ၢ်တၢ်သိၣ်တၢ်သီလၢနဟ့ၣ်လီၤခီဖျိနခ့နပှၤစီၤမိၤၡ့ န့ၣ်ဘၣ်.

စံးထီၣ်ပတြၢၤ 58:3

ပှၤတတီတလိၤလဲၤကမၣ်တၢ်လၢအမိၢ်ဒၢလီၢ်အပူၤ, အဝဲသ့ၣ်မၤကမၣ်တၢ်ဒီးကတိၤကဘျံးကဘျၣ် တၢ်လၢအအိၣ်ဖျဲၣ်လံၤလံၤန့ၣ်လီၤ.

စံးထီၣ်ပတြၢၤ 71:22

ယကစံးထီၣ်ပတြၢၤစ့ၢ်ကီးနၤလၢသီတူၢ်, လၢနတၢ်မ့ၢ်တၢ်တီအဃိန့ၣ်လီၤ. ယကစၢ်ယွၤ. အံၣ်စရ့လးအတၢ်စီဆှံတဂၤဧၢ, ယကသးဝံၣ်စံးထီၣ်ပတြၢၤနၤလၢတနၢ်န့ၣ်လီၤ.

စံးထီၣ်ပတြၢၤ 78:40

အဝဲသ့ၣ်တဖၣ်န့ၣ်ပူထီၣ်အီၤ ဒီးမၤဆါအသးလၢပှၢ်မုၢ်ကနၢအပူၤပှဲၤဘျီလဲၣ်.

စံးထီၣ်ပတြၢၤ 78:41

အဝဲသ့ၣ်လ့ပစီကစၢ်ယွၤတဘျီဝံၤတဘျီဒီး မၤသးဒိၣ်ထီၣ်အံၣ်စရ့လးအကစၢ်ယွၤစီဆှံ တဂၤန့ၣ်လီၤ.

စံးထီၣ်ပတြၢၤ 78:57

မ့မ့ၢ်အဝဲသ့ၣ်ပူထီၣ်လီထီၣ်တၢ်ဒီး အသးတတီဘၣ်ဒ် အမိၢ်ပၢ်ဖံဖုလၢပျၢၤတဖၣ်အသိးဒီး တၢ်နာ်န့ၢ်အီၤတသ့ဘၣ်ဒ်သိးဒၣ်ပျၢ်လၢ အက့ၣ်အဘိန့ၣ်လီၤ.

စံးထီၣ်ပတြၢၤ 78:8

အဝဲသ့ၣ်တမ့ၢ်ကလီၤဂာ်ဒီးအပၢ်သ့ၣ်တဖၣ် လၢအပူထီၣ်တၢ်ဒီးအတၢ်ဒိကနၣ်တအိၣ်, ပှၤတစိၤလၢအတၢ်နာ်ယွၤတဂၢၢ်တကျၢၤ, ဒီးတအိၣ်လၢၤလၢတၢ်သးတီဒီးယွၤန့ၣ်ဘၣ်လီၤ.

စံးထီၣ်ပတြၢၤ 89:18

နဲဒၣ်ယွၤဧၢ, နဃုထၢပှၤ, ဒီဒၣ်အိၣ်ပှိၤပှၤ, နဲဒၣ်အံၣ်စရ့လးအကစၢ်ယွၤစီဆှံဧၢ, ဟ့ၣ်ပှၤပစီၤပၤတ က့ၢ်.

လံာ်တၢ်ဟးထီၣ်ကွံာ် 32:7

ယွၤစံးဘၣ်စီၤမိၤၡ့, “က့ၤလီၤကဒါက့ၤတဘျီဃီတက့ၢ်. အဂ့ၢ်ဒ်အံၤ, နပှၤဂီၢ်မုၢ်လၢနဆှၢထီၣ်အီၤလၢကီၢ်အဲၤကူပတူး န့ၣ်မၤလံတၢ်ဒဲးဘးဒီးညိကွံာ်ယၤလံ.

လံာ်ယၡါယၤ 1:23

နပှၤခိၣ်ပှၤနၢ်တဖၣ်န့ၣ်မ့ၢ်ပှၤပူထီၣ်တၢ်ဒီးမ့ၢ်တၢ်ဘျၣ်တဖၣ်အတံၤ သကိးလီၤ. အဝဲသ့ၣ်တူၢ်လိာ်တၢ်ဟ့ၣ်တဖၣ်ဒီးခိၣ်ဖးလာ်ဆှိးတဖၣ် ထီဘိလီၤ. အဝဲသ့ၣ်တဒီဒၣ်အိၣ်ပှိၤပှၤဖိၣ်ဃဲတဖၣ်လၢ ကွီၢ်ဘျီၣ်ပူၤမ့ၢ်ဂ့ၤ, တဒိကနၣ်ဝဲဒၣ်ဖဲမုၣ်ကမဲတဖၣ်ဆှၢထီၣ် အကွီၢ်မ့ၢ်ဂ့ၤနီတစုဘၣ်ဒီးပှၤမုၣ်ကမဲတဖၣ်အတၢ်လိာ်ကွီၢ်န့ၣ်, တဒိကနၣ်ဝဲဘၣ်.

လံာ်ယၡါယၤ 1:28

မ့မ့ၢ်, ပှၤလၢအမၤတၢ်ဒဲးဘးဒီးပူထီၣ်ထီဒါအီၤန့ၣ်, ကမၤလီၤသဘှံးဝဲကိးဂၤဒဲးလီၤ. အဝဲကမၤသံပှၤကိးဂၤဒဲး လၢအညိကွံာ်အီၤန့ၣ်လီၤ.

လံာ်ယၡါယၤ 10:6

ယမၢလီၤကီၢ်အၤၡူၢ်လၢကဒုးပှၤကလုာ်လၢအတယူးတယီၣ်ယွၤ, ပှၤလၢအမၤသးဒိၣ်ထီၣ်တ့ၢ်ယၤတဖၣ်လီၤ. ယမၢလီၤအဝဲသ့ၣ်လၢကဂုာ်န့ၢ်ဒီးဟုၣ်တၢ်ဒီးယီၢ်တံၢ်ပှၤတဖၣ် န့ၣ်ဒ်ဖၣ်ကမူၣ်လၢကျဲတဖၣ်အပူၤအသိးန့ၣ်လီၤ.

လံာ်ယၡါယၤ 12:6

မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်. အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ. ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”

လံာ်ယၡါယၤ 14:20

မ့ၢ်လၢနမၤဟးဂီၤနထံနကီၢ်ဒီးမၤသံနပှၤဒၣ်နဲတဖၣ်အဃိ, နတဘၣ်တၢ်ခူၣ်လီၤနၤဒ်စီၤပၤအဂၤတဖၣ်အသိးနီတစုဘၣ်. နဒူၣ်ဖိထၢဖိအအၢအသီတဖၣ်စ့ၢ်ကီးတအိၣ်မူတ့ၢ်ဘၣ်ဝဲဘၣ်.

လံာ်ယၡါယၤ 29:19

ပှၤဂီၢ်မုၢ်လၢအဖှီၣ်အယာ်ဒီးဆီၣ်လီၤအသးန့ၣ်ကထံၣ်န့ၢ်က့ၤ ကဒီးတၢ်သူၣ်ဖှံသးညီလၢယွၤ, အံၣ်စရ့လးအကစၢ်ယွၤစီဆှံ, ဟ့ၣ်လီၤဝဲန့ၣ်လီၤ.

လံာ်ယၡါယၤ 3:8

မ့ၢ်လီၤ. ဝ့ၢ်ယရူၤရှလ့ၣ်ဘၣ်တၢ်စံၣ်ညီၣ်ဃါမနၤလီၤ. ကီၢ်ယူဒၤကလီၤပှီၢ်ဝဲလီၤ. ကယဲၢ်တၢ်လၢအဝဲသ့ၣ်စံးဝဲဒီး မၤဝဲန့ၣ်မ့ၢ်တၢ်ထီဒါယွၤလီၤ. အဝဲသ့ၣ်ကတိၤတရီတပါယွၤ အကစၢ်ဒၣ်ဝဲဖျိဖျိဖျါဖျါလီၤ.

လံာ်ယၡါယၤ 30:1

ယွၤကတိၤလံတၢ်လံ. “ပှၤတဖၣ်လၢအပၢကီၢ်ယူဒၤန့ၣ် ကဘၣ်တၢ်စံၣ်ညီၣ်ဃါမနၤလၢတၢ်ပူထီၣ်ထီဒါယၤအဃိလီၤ. အဝဲသ့ၣ်ပိာ်ထွဲတၢ်တိာ်ကျဲၤတဖၣ်လၢယတမၤတ့ၢ်အီၤဒီး ဆဲးလီၤအမံၤလၢလံာ်ဃံၤဃာ်တဖၣ်အပူၤလၢအထီဒါတၢ်ဘၣ်ယသး, ဒီးပာ်ဖှိၣ်တၢ်ဒဲးဘးတမံၤလၢအဂၤတမံၤအဖီခိၣ်လီၤ.

လံာ်ယၡါယၤ 30:15

ယွၤပၢဘၣ်တၢ်ခဲလၢာ်ကစၢ်, အံၣ်စရ့လးအကစၢ်ယွၤစီဆှံ, စံးဘၣ်ပှၤဂီၢ်မုၢ်, “ဟဲက့ၤကဒါက့ၤဒီးပာ်သုတၢ်နာ်လၢ ယပူၤကစုဒုတက့ၢ်. အန့ၣ်ဒီး, သုဂံၢ်သုဘါကဆူၣ်ဒီးတၢ်အၢ တဘၣ်သုဘၣ်.” ဘၣ်ဆၣ်, သုဂ့ၢ်လိာ်လၢသုကမၤထွဲအီၤ အဂီၢ်လီၤ.

လံာ်ယၡါယၤ 30:9

အဝဲသ့ၣ်ပူထီၣ်ထီဒါကစၢ်ယွၤထီဘိ, လီတၢ်ထီဘိဒီးဂ့ၢ်လိာ် လၢအကဒိကနၣ်ယွၤအတၢ်သိၣ်လိသီလိတဖၣ်ထီဘိန့ၣ်လီၤ.

လံာ်ယၡါယၤ 31:2

အဝဲသ့ၣ်ညါတၢ်လၢအမၤဝဲန့ၣ်လီၤ. အဝဲမၢလီၤတၢ်ဟးဂူာ်ဟးဂီၤလီၤ. အဝဲမၤထွဲအတၢ်မၤပျံၤမၤဖုးလၢကစံၣ်ညီၣ်ပှၤ အၢပှၤသီတဖၣ်ဒီးပှၤလၢအဒီဒၣ်အိၣ်ပှိၤအဝဲသ့ၣ်န့ၣ်လီၤ.

လံာ်ယၡါယၤ 37:23

ပှၤလၢနဒုၣ်ဒွဲၣ်ပယွဲဒီးနနံၤဘၣ်ဖၣ်လဲအီၤန့ၣ်နဆိကမိၣ်အမ့ၢ် မတၤလဲၣ်. နတယူးယီၣ်ပာ်ကဲတ့ၢ်ယၤ, အံၣ်စရ့လးအကစၢ်ယွၤစီဆှံတဂၤန့ၣ်ဘၣ်.

လံာ်ယၡါယၤ 41:14

ယွၤစံးဝဲဒၣ်, “အံၣ်စရ့လးဧၢ, နဆံးဒီးနဂံၢ်နဘါစၢ်နာ်က့, ပျံၤတၢ်တဂ့ၤ. ယကမၤစၢၤနၤလီၤ. ယၤ, အံၣ်စရ့လးအကစၢ်ယွၤစီဆှံအံၤ, ယမ့ၢ်ပှၤတဂၤလၢအအုၣ်က့ၤ ခီၣ်က့ၤနၤလီၤ.

လံာ်ယၡါယၤ 41:16

နကကွံာ်ထီၣ်အဝဲသ့ၣ်လၢကလံၤကျါဒီးကလံၤကစိာ်ကွံာ်အဝဲသ့ၣ် လီၤ. ဒီးကလံၤမုၢ်ကမၤပြံမၤပြါအဝဲသ့ၣ်န့ၣ်လီၤ. အန့ၣ်ဒီး, နကသူၣ်ခုသးခုမ့ၢ်လၢယမ့ၢ်နကစၢ်ယွၤအဃိန့ၣ်လီၤ. နကစံးထီၣ်ပတြၢၤယၤ, အံၣ်စရ့လးအကစၢ်ယွၤစီဆှံအံၤလီၤ.

လံာ်ယၡါယၤ 41:20

ပှၤဂီၢ်မုၢ်ကထံၣ်တၢ်အံၤဒီးသ့ၣ်ညါဝဲလၢ ယၤ, ယွၤအံၤမၤတ့ၢ်တၢ်အံၤလီၤ. အဝဲသ့ၣ်ကနၢ်ပၢၢ်ထီၣ်ဝဲလၢအံၣ်စရ့လး အကစၢ်ယွၤစီဆှံဒုးကဲထီၣ်တၢ်အံၤလီၤ.”

လံာ်ယၡါယၤ 5:19

သုစံး, “ပျဲယွၤမၤချ့ချ့ဒီးမၤတၢ်လၢအစံးဝဲလၢအကမၤဝဲဒ်သိး ပကထံၣ်ဘၣ်အီၤအဂီၢ်တက့ၢ်. မ်အံၣ်စရ့လးအကစၢ်ယွၤစီဆှံမၤ ကဲထီၣ်လိၣ်ထီၣ်အတၢ်တိာ်ကျဲၤတဖၣ်တက့ၢ်. မ်ပကကွၢ်တၢ်မနုၤတမံၤအိၣ်လၢအသးပူၤလဲၣ်တက့ၢ်.”

လံာ်ယၡါယၤ 5:24

လၢတၢ်န့ၣ်အဃိအခဲအံၤ, ဒ်ဘုလီၢ်ဒီးကပံာ်ဃ့သွံးထီၣ်ကွံာ် ဒီးမ့ၣ်အူအီၣ်အီၤအသိး, သုဂံၢ်တဖၣ်ကအုၣ်ကကျၣ်ကွံာ် ဒီးသုသိၣ်သုဖီတဖၣ်ကဃ့ထီဒီးဒံကွံာ်ဝဲလီၤ. အဂ့ၢ်ဒ်အံၤ, သုညိကွံာ်တၢ်လၢယွၤသ့တၢ်လၢာ်ကစၢ်, အံၣ်စရ့လးအကစၢ်ယွၤစီဆှံ, သိၣ်လိတ့ၢ်ပှၤအဃိန့ၣ်လီၤ.

လံာ်ယၡါယၤ 57:17

ယသူၣ်ဒိၣ်သးဖျိးအဝဲသ့ၣ်မ့ၢ်လၢအတၢ်ဒဲးဘးဒီးအတၢ်သူၣ် လီသးကွံအဃိလီၤ. လၢတၢ်န့ၣ်အဃိယစံၣ်ညီၣ်အဝဲသ့ၣ်ဒီး ဟးသဒၣ်ကွံာ်အဝဲသ့ၣ်လီၤ. အန့ၣ်ဒၣ်လဲာ်, အဝဲသ့ၣ်အခိၣ် ကိၤဒီးလဲၤဒံးဒၣ်လၢအကျဲဒၣ်ဝဲန့ၣ်လီၤ.

လံာ်ယၡါယၤ 58:2

အဝဲသ့ၣ်ဘူၣ်ထီၣ်ဘါထီၣ်ယၤကိးနံၤဒဲး, စံးလီၤအသးလၢ အသးဆူၣ်လၢကသ့ၣ်ညါဘၣ်ယကျဲတဖၣ်ဒီးစူၢ်ယတၢ်သိၣ် တၢ်သီတဖၣ်အဂီၢ်လီၤ. အဝဲသ့ၣ်စံးဝဲလၢအအဲၣ်ဒိးယက ဟ့ၣ်အဝဲသ့ၣ်ထဲဒၣ်တၢ်သိၣ်တၢ်သီတဖၣ်ဒီးကသူၣ်မံသးမုာ် လၢအဘူၣ်ထီၣ်ဘါထီၣ်ဘၣ်ယၤန့ၣ်လီၤ.”

လံာ်ယၡါယၤ 65:11

မ့မ့ၢ်သုဝဲလၢအလဲၤသဒၣ်ယၤ, ပှၤလၢအတပာ်ကဲဘၣ် ယကစၢၢ်စီဆှံစံယိၣ်, ဒီးဘူၣ်ထီၣ်ဘါထီၣ်ကးဒီးမနံး, ကစၢ်တဖၣ်လၢအဟဲစိာ်တၢ်ဘူၣ်ဂ့ၤတီၢ်ဘၣ်ဒီးတၢ်ဟဲဝံဟဲစိာ်န့ၣ်, ကမ့ၢ်တၢ်လီၤဆီလၢအဂီၢ်လီၤ.

လံာ်ယၡါယၤ 65:3

အဝဲသ့ၣ်မၤသူၣ်ဒိၣ်သးဖျိးယၤတပယူာ်ဃီလၢတၢ်မဲာ်ဆှးတ အိၣ်ဘၣ်အပူၤလီၤ. အဝဲသ့ၣ်လုၢ်ထီၣ်ပှၤတစူၢ်တနာ်ယွၤအတၢ် လုၢ်တၢ်ပာ်တဖၣ်လၢတၤသၣ်လီၢ်စီဆှံတဖၣ်အပူၤ, ဒီးဆိၣ်ကဲၤတၢ်နၢမူလၢပှၤတစူၢ်တနာ်ယွၤအတၢ်လုၢ်လီၢ်တဖၣ် အဖီခိၣ်န့ၣ်လီၤ.

လံာ်ယၡါယၤ 9:17

လၢတၢ်န့ၣ်အဃိ, ယွၤတပျဲပူၤဖျဲးပှၤသးစၢ်ပိာ်ခွါနီတဂၤ ဘၣ်, ဒီးအဝဲတဒုးနဲၣ်တၢ်သးကညီၤလၢမုၣ် ကမဲဒီးဖိၣ်ဃဲနီတဂၤဘၣ်. အဂ့ၢ်ဒ်အံၤ, ပှၤခဲလၢာ်န့ၣ်အယွၤတအိၣ်ဘၣ်, အၢဝဲသီဝဲဒီးတၢ်ခဲလၢာ်လၢအစံးက တိၤဝဲန့ၣ်အၢဝဲသီဝဲလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသးလၢက စံၣ်ညီၣ်တၢ်အဂီၢ်လီၤ.

လံာ်ယံးရမံယၤ 15:6

သုဝဲပှၤဂီၢ်မုၢ်အံၤ, သုညိကွံာ်လံယၤလံ. သုဒီယၤလၢသုချၢန့ၣ်လီၤ. လၢတၢ်န့ၣ်အဃိယယၤထီၣ်ယစုဒီးမၤလီၤသဘှံးသု, မ့ၢ်လၢတၢ်ဘှံးယသးလၢတၢ်ပၢၤဃာ်ယတၢ်သးထီၣ်အဃိန့ၣ်လီၤ.

လံာ်ယံးရမံယၤ 2:13

အဂ့ၢ်ဒ်အံၤ, ယပှၤဂီၢ်မုၢ်မၤတ့ၢ်တၢ်ဒဲးဘးခံမံၤလၢအမ့ၢ်, အဝဲသ့ၣ်ဃၣ်ကွံာ်အသးလၢယၤ, လၢအမ့ၢ်ထံဆှံအထံမူထီၣ်ပၢၢ်, ဒီးအဝဲသ့ၣ်ခူၣ်ကမါတဖၣ်, ကမါလၢအတဲၤဖးအသးတဖၣ်ဒီးတၢ်ပဒၢးဃာ်ထံန့ၢ်တသ့လ့ၤတ က့ၤဘၣ်န့ၣ်လီၤ.

လံာ်ယံးရမံယၤ 2:17

ကီၢ်အံၣ်စရ့လးဧၢ, နဒုးဘၣ်လီၤဒၣ်နဲနသးလၢတၢ်အံၤလီၤ. နလဲၤသဒၣ်တ့ၢ်ယၤ, ယွၤနကစၢ်ယွၤ, ဖဲယဆှၢနၤလၢကျဲဒီဘိအဖၢမုၢ်လီၤ.

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်ယံးရမံယၤ 2:31

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယစံးဘၣ် တဲဘၣ်သုတက့ၢ်. မ့ၢ်ယလီၤဂာ်ဒီးမဲးမုၢ်ခိၣ်တတီၤလၢသုဂီၢ်, လီၤဂာ်ဒီးကီၢ်တဘ့ၣ်လၢအခံးဒီးလီၤပျံၤန့ၣ်ဧါ. ဘၣ်မနုၤအဃိ သုစံးလၢသုကမၤဖဲဒၣ်သုသး, ဒီးတဟဲက့ၤကဒါက့ၤလၢၤဘၣ် ဆူယအိၣ်နီတစုဘၣ်န့ၣ်လဲၣ်.

လံာ်ယံးရမံယၤ 2:33

သုသ့ၣ်ညါလီၤတံၢ်ကျဲလၢသုကလူၤဖီၣ်ပှၤလၢသုအဲၣ်အီၤတဖၣ်လီၤ. ပိာ်မုၣ်အအၢကတၢၢ်တဖၣ်ဒၣ်လဲာ်မၤလိန့ၢ်တၢ်လၢသုအိၣ်သ့ဝဲလီၤ.

လံာ်ယံးရမံယၤ 2:5

ယွၤစံးဝဲ, “သုမိၢ်ပၢ်ဖံဖုလၢပျၢၤတဖၣ်ပာ်တၢ်ကမၣ်ထီဒါ ယၤလၢမနုၤတမံၤအဃိန့ၣ်လဲၣ်. တၢ်မနုၤဒုးဃၣ်ကွံာ်အဝဲသ့ၣ်အသးလၢယၤန့ၣ်လဲၣ်. အဝဲသ့ၣ်ဘူၣ်ထီၣ်ဘါထီၣ်တ့ၢ်တၢ်ဂီၤတၢ်ဖှီၣ်လၢအမ့ၢ်တၢ် ကလီကလီတဖၣ် ဒီးအဝဲသ့ၣ်အကစၢ်ဒၣ်ဝဲကဲထီၣ်ပှၤကလီကလီတဖၣ်န့ၣ်လီၤ.

လံာ်ယံးရမံယၤ 32:32

မ့ၢ်လၢတၢ်အၢတၢ်သီ ခဲလၢာ်လၢ အဘၣ်တၢ်မၤတ့ၢ်အီၤလၢ ပှၤဂီၢ်မုၢ်လၢ ကီၢ်ယူဒၤဒီးဝ့ၢ်ယရူၤရှလ့ၣ်, ဃုာ်ဒီး အဝဲသ့ၣ်အစီၤပၤတဖၣ်ဒီး အခိၣ်အနၢ်တဖၣ်, ဒီးအပှၤလုၢ်တၢ်အခိၣ်တဖၣ်ဒီး အဝံတဖၣ်အဃိန့ၣ်လီၤ.

လံာ်ယံးရမံယၤ 50:29

“တဲဘၣ်ပှၤခးချံၣ်ဖိတဖၣ်လၢ ကလဲၤထီၣ်ဒုးကီၢ်ဘၤဘူၤလိၣ်တက့ၢ်. ဆှၢထီၣ်ပှၤကိးဂၤဒဲးလၢ အသူချံၣ်ခးချံၣ်သ့န့ၣ်တက့ၢ်. ကဝီၤဃာ်ဝ့ၢ်န့ၣ်ဒီး ပျဲပှၤဃ့ၢ်ထူၣ်ဖျဲးနီတဂၤတဂ့ၤ. ဟ့ၣ်ကၣ်ဆၢက့ၤအီၤ, လၢတၢ်လၢအမၤတ့ၢ်ဝဲခဲလၢာ်အဃိ, ဒီးမၤအီၤဒ်အမၤဘၣ်တ့ၢ်ပှၤအဂၤတဖၣ်အသိးန့ၣ်, အဂ့ၢ်ဒ်အံၤ, မၤတ့ၢ်တၢ်လၢ တၢ်ထီဒါယၤ, အံၣ်စရ့လးအပှၤစီဆှံတဂၤန့ၣ် လၢတၢ်ပာ်ကဖၢလၢသးအပူၤအဃိလီၤ.

လံာ်ယံးရမံယၤ 51:5

ယၤ, ယွၤကစၢ်ယွၤသ့တၢ်လၢာ်အံၤ, တစူးကွံာ်ညိကွံာ်ကီၢ်အံၣ်စရ့လးဒီးကီၢ်ယူဒၤဘၣ်. အဝဲသ့ၣ်မ့ၢ်မၤတ့ၢ်တၢ်ဒဲးဘးထီဒါယၤ, အံၣ်စရ့လးအတၢ်စီဆှံတဂၤ, ဒၣ်လဲာ်န့ၣ်, ယတညိကွံာ်ဘၣ်အဝဲသ့ၣ်ဘၣ်.

လံာ်ယံးရမံယၤ 7:19

ဘၣ်ဆၣ်ဒီး, မ့ၢ်ယမ့ၢ်နီၢ်နီၢ်ပှၤတဂၤလၢအဝဲသ့ၣ်မၤဘၣ်ဒိဘၣ်ထံးဝဲန့ၣ်ဧါ. တမ့ၢ်ဘၣ်. အဝဲသ့ၣ်မၤဘၣ်ဒိဘၣ်ထံးလီၤဒၣ်အသး ဒၣ်ဝဲဒီးမၤမဲာ်ဆှးလီၤက့ၤအသးဒၣ်ဝဲတခီန့ၣ်လီၤ.

လံာ်ယံးရမံယၤ 7:26

အန့ၣ်ဒၣ်လဲာ်, ပှၤတဒိကနၣ်တ့ၢ်တၢ်ဒီးတကနၣ်ဃုာ်တၢ်နီတဂၤဘၣ်. အခိၣ်တလိာ်, သုကဲထီၣ်ပှၤအခိၣ်ကိၤဒီးပူထီၣ်လီထီၣ်တၢ်အါန့ၢ်ဒံး သုမိၢ်သုပၢ်ဖံဖုလၢပျၢၤတဖၣ်တက့ၢ်န့ၣ်လီၤ.

လံာ်ယဃ့းစက့လး 14:5

တၢ်ဂီၤတၢ်ဖီၣ်တဖၣ်န့ၣ်ဃၣ်ကွံာ်လံပှၤအံၣ်စရ့လးဖိလၢ ယအိၣ်လံဘၣ်ဆၣ်ခီဖျိယတၢ်စံးဆၢန့ၣ်, ယမုၢ်လၢ်လၢယကမၤန့ၢ်က့ၤအဝဲသ့ၣ်အတၢ်သးတီဒီးယၤန့ၣ်လီၤ.

လံာ်ယဃ့းစက့လး 16:33

ပှၤဃဲသဲမုၣ်တဂၤန့ၣ်ဘၣ်တၢ်ဟ့ၣ်အီၤတၢ်အပှ့ၤလီၤ. မ့မ့ၢ်နဲနဟ့ၣ်တၢ်ဟ့ၣ်တဖၣ်ဆူပှၤလၢနအဲၣ်အီၤခဲလၢာ်ဒီးဟ့ၣ် အဝဲသ့ၣ်ခိၣ်ဖးလာ်ဆှိးလၢကဟဲလၢတၢ်လီၢ်ကိးပူၤဒဲးလၢ ကမံဃုာ်ဒီးနၤအဂီၢ်လီၤ.

လံာ်ယဃ့းစက့လး 16:45

နမ့ၢ်နီၢ်နီၢ်နမိၢ်အဖိမုၣ်န့ၣ်လီၤ. အဝဲသးဟ့အဝၤဒီးအဖိ တဖၣ်လီၤ. နလီၤဂာ်ဒီးနဒီပုၢ်ဝဲၢ်မုၣ်တဖၣ်လၢအသးဟ့ အဝၤတဖၣ်ဒီးအဖိတဖၣ်န့ၣ်လီၤ. နၤဒီးနဒီပုၢ်ဝဲၢ်မုၣ်ဝ့ၢ်တဖၣ်အိၣ်ဒီးမိၢ်တဂၤလၢအမ့ၢ်ပှၤ ဃ့ၤသးဖိဒီးသုပၢ်မ့ၢ်ပှၤအမိၢ်ဖိတဂၤန့ၣ်လီၤ.

လံာ်ဒၤနံးယ့လး 9:11

ပှၤအံၣ်စရ့လးဖိခဲလၢာ်လုၣ်သ့ၣ်ခါပတာ်လံနတၢ်သိၣ်တၢ် သီတဖၣ်ဒီးဂ့ၢ်လိာ်ဝဲဒ်သိးအသုတဒိကနၣ်ဘၣ်တၢ်လၢနကတိၤတ့ၢ် တဖၣ်တဂ့ၤန့ၣ်လီၤ. ပမၤတ့ၢ်တၢ်ဒဲးဘးထီဒါနၤလီၤ. မၤသးဒ်န့ၣ်ဒီးနဒုးလီၤဘၣ်ပှၤလၢတၢ်ဆိၣ်အၢဒ်အဘၣ်တၢ်ကွဲး တ့ၢ်အသးလၢနခ့နပှၤစီၤမိၤၡ့အတၢ်သိၣ်တၢ်သီအပူၤအသိးန့ၣ်လီၤ.

လံာ်စဖါနယၤ 1:6

ပှၤတဖၣ်လၢအဃၣ်ကဒါက့ၤအသးဆူအလီၢ်ခံဒီးတပိာ် လၢၤဘၣ်ယခံ, ပှၤတဖၣ်လၢအတဟဲဘၣ်ဆူယအိၣ်မ့ၢ်ဂ့ၤ, တသံကွၢ်ဘၣ်ယၤလၢယကပၢဆှၢအီၤမ့ၢ်ဂ့ၤန့ၣ် ယကမၤဟးဂီၤအီၤလီၤ.”

လံာ်တၢ်ဂံၢ် 32:14

ဒီးခဲအံၤသုဟံးန့ၢ်သုပၢ်တဖၣ်အလီၢ်, ပှၤတၢ်ဒဲးဘးဖိအသီတစိၤလၢကတဲာ်ကတီၤအသးဒ်သိးကဒုးလီၤဘၣ် ယွၤအတၢ်သးကဲၤထီၣ်ဆူၣ်လၢကီၢ်အံၣ်စရ့လးဖိအလိၤကဒီးန့ၣ်လီၤ.

လံာ်မးသဲ 11:28

ပှၤလၢတၢ်ဘှံးအသးဒီးဝံတၢ်ယိးတၢ်ဃၢခဲလၢာ်သ့ၣ်သုဧၢ, ဟဲဆူယအိၣ်တက့ၢ်. ဒီးယကဒုးအိၣ်ဘှံးသုလီၤ.

လံာ်မးသဲ 23:33

ဂုၢ်အၢဒီးဂုၢ်ဘီၣ်အီးအဖိသ့ၣ်ဧၢ, သုမုၢ်လၢ်လၢသုကပူၤဖျဲးထီၣ်လၢ လရာ်အတၢ်စံၣ်ညီၣ်ဃၣ်အပူၤန့ၣ်လၢကျဲဒ်လဲၣ်.

လံာ်မးသဲ 3:7

တုၤစီၤယိၤဟၣ်ထံၣ်ဘၣ်ပှၤဖၤရံၤၡဲဒီးပှၤစးဒူၤကဲအါဒံအါ ဂၤလၢအဟဲလၢကဒိးဘျၢအသးလၢထံအဂီၢ်န့ၣ်ဒီးစံးဘၣ်အဝဲသ့ၣ်, “ဂုၢ်ဘီၣ်အီးသ့ၣ်ဧၢ, မတၤဟ့ၣ်ပလီၢ်သုလၢသုကဃ့ၢ်ပူၤကွံာ်လၢ ကစၢ်ယွၤအတၢ်စံၣ်ညီၣ်လၢအကဟဲန့ၣ်လဲၣ်.

ရိမ့ၤ 8:7

လၢတၢ်န့ၣ်အဃိ, ပှၤဟီၣ်ခိၣ်ဖိတဂၤကဲထီၣ်ကစၢ်ယွၤ အဒုၣ်အဒါဖဲအဝဲအတၢ်ဆိကမိၣ်ဆိကမးဘၣ်တၢ်ပၢ ဆှၢအီၤလၢပှၤဟီၣ်ခိၣ်ဖိအန့ဆၢၣ်န့ၣ်လီၤ. အဂ့ၢ်ဒ်လဲၣ်န့ၣ် အဝဲတကစၢ်ယွၤအတၢ်သိၣ်တၢ်သီဘၣ်. နီၢ်နီၢ်န့ၣ်စူၢ်ဝဲ တကဲဘၣ်န့ၣ်လီၤ.

1 ကရံၣ်သူး 10:22

မ့တမ့ၢ်ဘၣ်ဒီး, မ့ၢ်ပအဲၣ်ဒိးမၤသးက့ၣ်ကစၢ်ဧါ. မ့ၢ်ပဆိကမိၣ်လၢပဂံၢ်ပဘါဆူၣ်န့ၢ်ဒံးအီၤတက့ၢ်ဧါ.

လံာ်သိၣ်လီၤသီလီၤတၢ် 29:25

ဒီးတၢ်စံးဆၢကမ့ၢ်ဝဲ, တၢ်န့ၣ်မ့ၢ်လၢယွၤအပှၤဂီၢ်မုၢ်မၤဟးဂီၤကွံာ်တၢ်အၢၣ်လီၤအီလီၤဒီးအီၤ, ယွၤ, လၢအမ့ၢ်အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤဖဲ အဝဲထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအခါအဃိန့ၣ်လီၤ.

လံာ်သိၣ်လီၤသီလီၤတၢ် 31:16

ယွၤစံးဘၣ်စီၤမိၤၡ့, “တယံာ်ဘၣ်န့ၣ်နကသံ, ဒီးဖဲနသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤလၢအသူၣ်တ တီသးတရၤဒီးယၤဘၣ်ဒီးကမၤဟးဂီၤကွံာ်တၢ်အၢၣ်လီၤအီလီၤလၢ ယကမၤတ့ၢ်ဒီးအဝဲသ့ၣ်န့ၣ်လီၤ. အဝဲသ့ၣ်ကလဲၤသဒၣ်ကွံာ်ယၤဒီးဘူၣ်ထီၣ်ဘါထီၣ်ပှၤတစူၢ်တနာ်ယွၤ တဖၣ်အကစၢ်တဖၣ်လၢအအိၣ်ဝဲလၢကီၢ်လၢအဝဲသ့ၣ်ကဘၣ်လဲၤနုာ်လီၤဝဲ တဘ့ၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 32:19

တုၤယွၤထံၣ်ဘၣ်တၢ်အံၤန့ၣ်, အဝဲအသးဒိၣ်ထီၣ်, ဒီးစူးကွံာ်ညိကွံာ်အဖိခွါတဖၣ်ဒီးအဖိမုၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 32:5

မ့မ့ၢ်, သုမ့ၢ်ပှၤသူၣ်တတီသးတရၤဒီးတကြၢးဝဲဘၣ်ဝဲလၢကမ့ၢ် အဝဲအပှၤဂီၢ်မုၢ်ဘၣ်, ပှၤကလုာ်လၢအမၤဒဲးဘးတၢ်ဒီးလီတၢ်ဝ့ၤတၢ်န့ၣ်လီၤ.

ကလီးစဲ 1:24

အခဲအံၤယသူၣ်ခုသးခုလၢယတူၢ်ဘၣ်တၢ်လၢသုဂီၢ်အဃိ လီၤ. အဂ့ၢ်ဒ်အံၤယတၢ်တူၢ်တၢ်လၢနီၢ်ခိနီၢ်ခီအံၤန့ၣ်, မ့ၢ်ယမၤလၢထီၣ်ပှဲၤထီၣ်တၢ်လၢအအိၣ်လီၤဖျဲၣ်လီၤဟိဒံးဝဲဘၣ် ဃးခရံာ်အတၢ်တူၢ်တၢ်လၢအနီၢ်ခိ, လၢအမ့ၢ်အတၢ်အိၣ်ဖှိၣ် အဂီၢ်န့ၣ်လီၤ.

လံာ်လီၣ်ဖျါ 18:5

အဂ့ၢ်ဒ်အံၤ, အဝဲအတၢ်ဒဲးဘးတဖၣ် အိၣ်ဖှိၣ်ထီၣ်အသးထီတုၤသိးမူခိၣ်, ဒီးကစၢ်ယွၤသ့ၣ်နီၣ်ထီၣ်အဝဲဒၣ် အကျဲအၢကျဲသီတဖၣ်လီၤ.

လံာ်ပှၤစံၣ်ညီၣ်ကွီၢ် 10:10

တုၤနုၤတစု, ပှၤအံၣ်စရ့လးဖိတဖၣ်ကိးထီၣ်ဆူယွၤအအိၣ်ဒီးစံး, “ပမၤတ့ၢ်တၢ်ဒဲးဘးထီဒါနၤလံ. အဂ့ၢ်ဒ်အံၤပညိကွံာ်တ့ၢ်နၤ, ပကစၢ်ယွၤဒီးဘူၣ်ထီၣ်ဘါထီၣ်ဘဧၤလးတဖၣ်န့ၣ်လီၤ.”