လံာ်ယၡါယၤ 1:30 - Sgaw Karen Common Bible

³⁰ သုကဃ့ထီၣ်ကွံာ်ဝဲဒ်သ့ထိးဖၣ်တထံးလၢအကသံဝဲအသိး, ဒီးဒ်ဖီကရၢၢ်တခါလၢပှၤတလူထံနီတဂၤအသိးလီၤ.

လံာ်ယၡါယၤ 1:30 Iomraidhean Croise

လံာ်တၢ်ကဲထီၣ်အခီၣ်ထံး 12:6

စီၤအၤဘြၣ်လဲၤခီဖျိထံကီၢ်န့ၣ်တုၤအဟဲတုၤဖဲသ့ၣ်စီဆှံ တထူၣ်လၢကစၢၢ်မိၤရံယၤ, တၢ်လီၢ်စီဆှံတတီၤလၢဝ့ၢ်ၡက့ၣ်န့ၣ် လီၤ. (အကတီၢ်ဖဲန့ၣ်ပှၤကနၤဧၣ်ဖိသ့ၣ်တဖၣ်အိၣ်ဒံးဝဲလၢကီၢ်န့ၣ် အပူၤလီၤ.)

လံာ်ယၡါယၤ 5:6

ယကပျဲနီၣ်ဧိၤမံၤဧိၤခဲဘၢအီၤလီၤ. ယတပဲာ်ဟိကဆှီစပံးမုၢ် တဖၣ်ဒီးဖျးကဖီထီၣ်ဟီၣ်ခိၣ်ဘၣ်. အခိၣ်တလိာ်ယကပျဲတၤဆှုၣ်တၤမဲကးဘၢအီၤလီၤ. ယကတြီဒၣ်လဲာ်တၢ်အၢၣ်တဖၣ် ဒ်သိးအသုတပျဲတၢ်စူၤလီၤလၢအဖီခိၣ်တဂ့ၤအဂီၢ်လီၤ.”

လံာ်ယၡါယၤ 58:11

ဒီးယကပၢဆှၢသုထီဘိဒီးမၤသးမံသးမုာ်သုလၢတၢ်အဂ့ၤ တဖၣ်လီၤ. ယကဟ့ၣ်သုတၢ်ဂံၢ်တၢ်ဘါဒီးတၢ်အိၣ်ဆူၣ်အိၣ် ချ့လီၤ. သုကလီၤဂာ်ဒ်တၤသၣ်လီၢ်လၢအဘၣ်စီၣ်ဘၣ်သ့တလီၢ်, ထံမူထီၣ်ပၢၢ်တပူၤလၢတလီၤသံးနီတစုဘၣ်အသိးန့ၣ်လီၤ.

လံာ်ယၡါယၤ 64:5

နတူၢ်လိာ်မုာ်ပှၤတဖၣ်လၢအထံၣ်န့ၢ်တၢ်သးခုလၢတၢ်မၤတၢ် အလိၤအဘၣ်, ပှၤတဖၣ်လၢအသ့ၣ်နီၣ်ထီၣ်ဝဲလၢနအဲၣ်ဒိး လၢအဝဲသ့ၣ်ကအိၣ်မူဝဲဒ်လဲၣ်န့ၣ်လီၤ. နသူၣ်ဒိၣ်သးဖျိးဘၣ်ပှၤ, ဘၣ်ဆၣ်ပမၤထွဲဒံးဒၣ်တၢ်ဒဲးဘးလီၤ. စးထီၣ်လၢပျၢၤလံၤလံၤန့ၣ်, နသးကဲၤထီၣ်ပှၤဒိၣ်ဒိၣ်မုၢ်မုၢ်ဒၣ်လဲာ်, ပတဆိတ့ၢ်လၢတၢ်မၤကမၣ်တၢ်န့ၣ်ဘၣ်.

လံာ်ယၡါယၤ 64:6

ပဝဲခဲလၢာ်အံၤပပှဲၤတ့ၢ်ဒီးတၢ်ဒဲးဘးတုၤပတၢ်မၤအဂ့ၤကတၢၢ် တဖၣ်ဒၣ်လဲာ်ဘၣ်အၢဘၣ်သီဝဲလၢာ်လၢာ်ဆ့ဆ့လီၤ. လၢပတၢ်ဒဲးဘးတဖၣ်အဃိပလီၤဂာ်ဒ်သ့ၣ်လၣ်တဖၣ်လၢအလီၤ ညွံးကွံာ်ဝဲဒီးဘၣ်တၢ်အူဒံကွံာ်အီၤလၢကလံၤအသိးန့ၣ်လီၤ.

လံာ်ယံးရမံယၤ 31:12

အဝဲသ့ၣ်ကဟဲဒီး သးဝံၣ်တၢ်လၢ တၢ်သးခုအပူၤလၢ ကစၢၢ်စံယိၣ် အဒီခိၣ်, ဒီးကမုာ်လၤသးခုဝဲဒီး ယတၢ်ဟ့ၣ်တဖၣ်, တၢ်ဟ့ၣ်တဖၣ် လၢအမ့ၢ်ဝဲဘုဧိၤဟုဧိၤဒီးစပံးထံဒီး သ့ၣ်စၤယံးအသိ ဒီးတၢ်ဟ့ၣ်တဖၣ်လၢ အမ့ၢ်သိဒီး ဂီၤဘုၣ်ဂီၤဖံးတဖၣ်န့ၣ်လီၤ. အဝဲသ့ၣ် ကလီၤဂာ်ဒီး တၤသၣ်လီၢ်တလီၢ်လၢပှၤဖှိၣ်န့ၢ်အီၤ ထံဂ့ၤဂ့ၤဘၣ်ဘၣ်, ဒီး အဝဲသ့ၣ်ကအိၣ်ဒီး တၢ်ခဲလၢာ်လၢ အလိၣ်ဘၣ်ဝဲန့ၣ်လီၤ.

လံာ်ယဃ့းစက့လး 17:24

ကယဲၢ်သ့ၣ်ခဲလၢာ်လၢထံကီၢ်န့ၣ်အပူၤကသ့ၣ်ညါဝဲလၢယမ့ၢ်ယွၤ လီၤ. ကကူာ်လီၤကွံာ်သ့ၣ်လၢအထီတဖၣ်ဒီးယမၤထီထီၣ်သ့ၣ်လၢ အဖုၣ်တဖၣ်လီၤ. ယမၤလီၤညွံးလီၤဘဲကွံာ်သ့ၣ်လၢအသံကစဲာ်တဖၣ်ဒီးဒုးကဲထီၣ် သ့ၣ်အဃ့တဖၣ်ဆူသ့ၣ်အသံကစဲာ်တဖၣ်လီၤ. ယၤယွၤအံၤကတိၤလံတၢ်လံ. ယကမၤတၢ်လၢယစံးတ့ၢ်ယဲ လၢယကမၤအီၤန့ၣ်လီၤ.”

လံာ်မးသဲ 21:19

အဝဲထံၣ်ချၢၣ်ဒၢတထူၣ်လၢကျဲကပၤဒီးလဲၤဝဲဆူအခီၣ်ထံး, ဘၣ်ဆၣ်တထံၣ်န့ၢ်အသၣ်နီတဖျၢၣ်ဘၣ်, ထံၣ်ဝဲထဲအလၣ်ဧိၤလီၤ. ဒီးအဝဲစံးဘၣ်သ့ၣ်န့ၣ်, “မ်နသုတသၣ်ထီၣ်နီတဘျီလၢၤတဂ့ၤ.” တဘျီဃီချၢၣ်ဒၢတထူၣ်န့ၣ်ဃ့ထီကွံာ်ဝဲလီၤ.