လံာ်ယၡါယၤ 1:3 - Sgaw Karen Common Bible

³ ဂီၤဘုၣ်ဂီၤဖံးသ့ၣ်ညါအကစၢ်, ဒီးကသ့ၣ်ယီၤတဖၣ်သ့ၣ်ညါ အကစၢ်လုၢ်အီၣ်လုၢ်အီအီၤဖဲလဲၣ်န့ၣ်လီၤ. ဘၣ်ဆၣ်တၢ်အံၤအါ န့ၢ်ဒံးတၢ်လၢယပှၤဂီၢ်မုၢ်အံၣ်စရ့လးသ့ၣ်ညါဝဲန့ၣ်လီၤ. အဝဲသ့ၣ်တနၢ်ပၢၢ်ဒၣ်လဲာ်ဘၣ်.”

လံာ်ယၡါယၤ 1:3 Iomraidhean Croise

စံးထီၣ်ပတြၢၤ 94:8

ယပှၤဂီၢ်မုၢ်ဧၢ, သုကဲထီၣ်ပှၤဟးဂီၤဖိထဲသိးန့ၣ်ဧါ. သ့ဒ်လဲၣ်. သုကမၤလိန့ၢ်တၢ်အခါဖဲလဲၣ်.

တၢ်ကတိၤဒိ. 28:5

ပှၤအၢပှၤသီတဖၣ်တသ့ၣ်ညါတၢ်စံၣ်ညီၣ်တီဘၣ်. မ့မ့ၢ်ပှၤလၢအဘူၣ်ထီၣ်ဘါထီၣ်ယွၤန့ၣ်, သ့ၣ်ညါဝဲဂ့ၤဂ့ၤလီၤ.

တၢ်ကတိၤဒိ. 6:6

ပှၤလၢအကၢၣ်တဖၣ်ကြၢးမၤန့ၢ်တၢ်မၤလိတမံၤလၢတၢၢ်ဧိၤတြၤဧိၤ အတၢ်အိၣ်မူအကျဲန့ၣ်လီၤ.

လံာ်ယၡါယၤ 27:11

သ့ၣ်အဒ့တဖၣ်ဃ့ထီဒီးကၢ်လီၤကွံာ်ဝဲ, ဒီးပိာ်မုၣ်တဖၣ်ထၢ ဖှိၣ်အီၤလၢသ့ၣ်မုၣ်ခံအဂီၢ်လီၤ. အဂ့ၢ်ဒ်အံၤ, ပှၤဂီၢ်မုၢ်တနၢ်ပၢၢ် တၢ်နီတမံၤဘၣ်. ကစၢ်ယွၤလၢအမ့ၢ်အဝဲသ့ၣ်အတၢ်ဘၣ် တ့ကစၢ်တသးကညီၤဘၣ်အဝဲသ့ၣ်မ့ၢ်ဂ့ၤတပာ်ဖျါအတၢ်ကွၢ်မဲာ် အဝဲသ့ၣ်မ့ၢ်ဂ့ၤဘၣ်.

လံာ်ယၡါယၤ 42:20

ကီၢ်အံၣ်စရ့လးဧၢ, နထံၣ်တ့ၢ်တၢ်အါမးလံ. ဘၣ်ဆၣ်တၢ်အံၤအခီပညီအိၣ်လၢနဂီၢ်ဒ်လဲၣ်. နအိၣ်ဒီးနနၢ်တဖၣ်လၢနကနၢ်ဟူတၢ်အဂီၢ်, ဘၣ်ဆၣ်ဒီးတၢ်လၢနနၢ်ဟူတ့ၢ်နီၢ်နီၢ်န့ၣ် မ့ၢ်တၢ်မနုၤလဲၣ်.”

လံာ်ယၡါယၤ 44:18

ပှၤဒ်န့ၣ်သိးတဖၣ်ဟးဂီၤနးနးကလဲာ်လၢတသ့ၣ်ညါတၢ်လၢအဝဲသ့ၣ် မၤဝဲအဂ့ၢ်အဃိန့ၣ်လီၤ. အဝဲသ့ၣ်ဘံၣ်ဃးအမဲာ်ဒီးကးတံၢ်အသးတြီတၢ်မ့ၢ်တၢ်တီန့ၣ်လီၤ.

လံာ်ယၡါယၤ 5:12

လၢသုတၢ်အီၣ်အမူးတဖၣ်အပူၤသုအိၣ်ဒီးတနၢ်သီတူၢ်, ဒၢဧိၤမိၤဧိၤ, ပံဧိၤတြၤဧိၤဒီးစပံးထံလီၤ. ဘၣ်ဆၣ်သုတနၢ်ပၢၢ်တၢ်လၢယွၤမၤဝဲန့ၣ်ဘၣ်.

လံာ်ယၡါယၤ 5:13

သတးဒီးသုကဘၣ်တၢ်စိာ်ကွံာ်သုဒ်ပှၤဃိာ်ဖိတဖၣ်အသိးလီၤ. သုခိၣ်သုနၢ်တဖၣ်ကသၣ်ဝံၤလီၤဒိသံဝဲလီၤ. ဒီးပှၤမုၢ်ဆ့ၣ်မုၢ်ဂီၤတဖၣ်ကသံလၢတၢ်သူအသးလၢထံအဃိလီၤ.

လံာ်ယၡါယၤ 56:11

အဝဲသ့ၣ်လီၤဂာ်ဒီးထွံၣ်တဖၣ်လၢသးကွံတၢ်အီၣ်ဒီးအီၣ်တၢ် တလၢအီၣ်နီတစုဘၣ်န့ၣ်လီၤ. ခိၣ်နၢ်တဖၣ်အံၤအတၢ်သ့ၣ်ညါ နၢ်ပၢၢ်တအိၣ်ဘၣ်. အဝဲသ့ၣ်ကိးဂၤဒဲးမၤတၢ်ဒ်တၢ်သးအိၣ် ဒၣ်ဝဲအသိးဒီးဃုအဘျုးဒၣ်ဝဲန့ၣ်လီၤ.

လံာ်ယံးရမံယၤ 10:14

တၢ်ထံၣ်ဘၣ်တၢ်အံၤဒုးကလၢၢ်ဘၣ်ပှၤကညီလၢအတၢ်ဟးဂီၤဒီး အတၢ်သူၣ်တထံသးတဆးန့ၣ်လီၤ. ပှၤလၢအမၤတၢ်ဂီၤတၢ်ဖီၣ်တဖၣ်န့ၣ်, မဲာ်ဆှးဝဲ မ့ၢ်လၢကစၢ်တဖၣ်လၢမၤအိၣ်ထီၣ်ဝဲတဖၣ်မ့ၢ်ဒၣ် တၢ်ကဘျံးကဘျၣ်ဒီးအတၢ်သါတအိၣ်ဘၣ် အဃိန့ၣ်လီၤ.

လံာ်ယံးရမံယၤ 10:8

အဝဲသ့ၣ်ခဲလၢာ်မ့ၢ်ပှၤအမၢးဒီးပှၤဟးဂီၤဖိတဖၣ်လီၤ. လၢတၢ်ဂီၤတၢ်ဖီၣ်တဖၣ်လၢတၢ်မၤအီၤလၢသ့ၣ်အအိၣ်န့ၣ်, အဝဲသ့ၣ်မၤလိန့ၢ်တၢ်မနုၤကသ့လဲၣ်.

လံာ်ယံးရမံယၤ 35:16

စီၤယိၤနဒာ်အစၢၤအသွဲၣ်တဖၣ် စူၢ်တ့ၢ်တၢ်မၤလိာ် လၢအမိၢ်ပၢ်ဖံဖုလၢပျၢၤတဖၣ် ဟ့ၣ်လီၤတ့ၢ် အဝဲသ့ၣ်, ဘၣ် ဆၣ်ဒီး သုဝဲပှၤဂီၢ်မုၢ်သုတစူၢ်ယၤဘၣ်.

လံာ်ယံးရမံယၤ 4:22

ယွၤစံးဝဲဒၣ်, “ယပှၤဂီၢ်မုၢ်တဖၣ်အံၤမၢးဒိၣ်မးဒီး တသ့ၣ်ညါယၤဘၣ်. အဝဲသ့ၣ်လီၤဂာ်ဒီးဖိသၣ်လၢသးတဆးတဖၣ် ဒီးအတၢ်သ့ၣ်ညါနၢ်ပၢၢ်တအိၣ်နီတမံၤဘၣ်. အဝဲသ့ၣ်မ့ၢ်ပှၤစဲၣ်နိးတဖၣ်, လၢတၢ်မၤတၢ်အၢအပူၤဘၣ် ဆၣ်လၢတၢ်မၤတၢ်ဂ့ၤန့ၣ်, အဝဲသ့ၣ်ဃၣ်ကွံာ်ဝဲလီၤ.”

လံာ်ယံးရမံယၤ 50:6

ယပှၤဂီၢ်မုၢ်တဖၣ်န့ၣ်လီၤဂာ်ဒ်သိလၢ အပှၤကွၢ်သိတဖၣ် ပျဲအဝဲသ့ၣ်လီၤမၢ်ကွံာ်လၢ ကစၢၢ်ကလိတဖၣ်အကျါအသိး န့ၣ်လီၤ. အဝဲသ့ၣ်ဟးဝ့ၤဝီၤဒ်သိတဖၣ်အသိးလၢ ကစၢၢ်တဖျၢၣ်ဆူအဂၤတဖျၢၣ်, ဒီးအဝဲသ့ၣ်သးပ့ၤနီၣ်ကွံာ်အဟံၣ်အိၣ်ဖဲလဲၣ်န့ၣ်လီၤ.

လံာ်ယံးရမံယၤ 8:7

ထိၣ်ဒိၣ်ထီကိာ်တဖၣ်ဒၣ်လဲာ်သ့ၣ်ညါတၢ်ဆၢကတီၢ်လၢကဟဲက့ၤကဒါ က့ၤဝဲလီၤ. ထိၣ်လွံၢ်တဖၣ်, ထိၣ်ဘျ့ၣ်ဘျီၣ်တဖၣ်, ဒီးထိၣ်ယိးကွါတဖၣ်သ့ၣ်ညါတၢ်ဆၢက တီၢ်လၢအဝဲသ့ၣ်ကဘၣ်သုးလီၢ်သုးကျဲန့ၣ်လီၤ. ဘၣ်ဆၣ်ဒီးသုဝဲယပှၤဂီၢ်မုၢ်သ့ၣ်ဧၢ, ယပၢသုဒီးတၢ်စူၢ်တၢ်နာ်အတၢ် သိၣ်တၢ်သီမနုၤလဲၣ်န့ၣ်, သုတသ့ၣ်ညါဘၣ်.

လံာ်ယဃ့းစက့လး 16:30

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. “နမၤတ့ၢ်တၢ်အံၤခဲလၢာ်ဒ်ပှၤဃဲသဲမုၣ်တဂၤလၢအတၢ်မဲာ်ဆှး တအိၣ်ဘၣ်အသိးန့ၣ်လီၤ.

လံာ်ဒၤနံးယ့လး 9:11

ပှၤအံၣ်စရ့လးဖိခဲလၢာ်လုၣ်သ့ၣ်ခါပတာ်လံနတၢ်သိၣ်တၢ် သီတဖၣ်ဒီးဂ့ၢ်လိာ်ဝဲဒ်သိးအသုတဒိကနၣ်ဘၣ်တၢ်လၢနကတိၤတ့ၢ် တဖၣ်တဂ့ၤန့ၣ်လီၤ. ပမၤတ့ၢ်တၢ်ဒဲးဘးထီဒါနၤလီၤ. မၤသးဒ်န့ၣ်ဒီးနဒုးလီၤဘၣ်ပှၤလၢတၢ်ဆိၣ်အၢဒ်အဘၣ်တၢ်ကွဲး တ့ၢ်အသးလၢနခ့နပှၤစီၤမိၤၡ့အတၢ်သိၣ်တၢ်သီအပူၤအသိးန့ၣ်လီၤ.

လံာ်ဟိၤၡ့ 2:8

အဝဲတအၢၣ်လီၤသ့ၣ်ညါဝဲနီတစုလၢယမ့ၢ်ပှၤတဂၤ လၢအဟ့ၣ်တ့ၢ်အီၤဘုဧိၤဟုဧိၤ, စပံးထံ, သိဧိၤချါဧိၤဒီး ကယဲၢ်စ့ဒီးထူလၢအသူတ့ၢ်ဝဲလၢတၢ်သူၣ်ထီၣ်ဘါထီၣ်ဘၤဧလး အပူၤန့ၣ်ဘၣ်.

လံာ်မးသဲ 13:19

ပှၤလၢအနၢ်ဟူတၢ်ကစီၣ်ဘၣ်ဃးဒီးဘီမုၢ်ဘၣ်ဆၣ်တနၢ်ပၢၢ်ဝဲ တဖၣ်န့ၣ်, လီၤဂာ်ဒီးတၢ်ချံလၢအလီၤဘၣ်လၢကျဲအသရ့ၤထံးလီၤ. တၢ်အၢတၢ်သီတဂၤန့ၣ်ဟဲဒီးဂုာ်န့ၢ်ကွံာ်တၢ်လၢအဘၣ်တၢ်ဖှံလီၤလၢ အဝဲသ့ၣ်အသးပူၤလီၤ.

ရိမ့ၤ 1:28

မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.

၂ ပ့းတရူး 3:5

အဝဲသ့ၣ်ပာ်သးပ့ၤနီၣ်စဲဃဲၤဒၣ်အသးလၢတၢ်မ့ၢ်တၢ်တီ တမံၤလၢအမ့ၢ်ဝဲလၢထံးလၢသီလံၤလံၤကစၢ်ယွၤခါလီၤ အကလုၢ်ဒီးမူခိၣ်ဒီးဟီၣ်ခိၣ်ကဲထီၣ်ဝဲန့ၣ်လီၤ. ဟီၣ်ခိၣ်ဟဲကဲထီၣ်လၢထံကျါဒီးခီဖျိထံအံၤ,