လံာ်ယၡါယၤ 1:29 - Sgaw Karen Common Bible

²⁹ မ့ၢ်လၢသုဘူၣ်ထီၣ်ဘါထီၣ်တ့ၢ်သ့ၣ်ထူၣ်တဖၣ်ဒီးသုသူၣ်လီၤတ့ၢ် ဘၣ်ဖီကရၢၢ်စီဆှံတဖၣ်ဒီး, သုသးကအုးလၢတၢ်န့ၣ်အဃိလီၤ.

လံာ်ယၡါယၤ 1:29 Iomraidhean Croise

လံာ်ယၡါယၤ 30:22

သုကဟံးန့ၢ်သုတၢ်ဂီၤတၢ်ဖီၣ်တဖၣ်လၢတၢ်ပီၤအီၤလၢစ့ကဘျၣ်, ဒီးသုတၢ်ဂီၤတၢ်ဖီၣ်တဖၣ်လၢအဘၣ်တၢ်ကးဘၢအီၤလၢထူ, ဒီးသုကဆူးကွံာ်အီၤဒ်တၢ်လီၤသးဘၣ်အၢအသိးဒီးစံး, “ဟးထီၣ်ကွံာ်လၢယမဲာ်ညါတက့ၢ်,” န့ၣ်လီၤ.

လံာ်ယၡါယၤ 31:7

တၢ်ဆၢကတီၢ်ဟဲတုၤဝဲဖဲသုခဲလၢာ်သုကစူးကွံာ်တၢ်ဒဲးဘး အတၢ်ဂီၤတၢ်ဖီၣ်တဖၣ်လၢသုမၤတ့ၢ်အီၤလၢစ့ဒီးထူန့ၣ်လီၤ.

လံာ်ယၡါယၤ 42:17

ကယဲၢ်ပှၤလၢအသန့ၤအသးလၢတၢ်ဂီၤ စိးပျၤအသးတဖၣ် ဒီးကိးတၢ်ဂီၤသိအသးတဖၣ်လၢအကစၢ်န့ၣ်, ကဘၣ်တၢ်မၤမဲာ်ဆှးအီၤနးနးကလဲာ်ဒီးအလၤကပီၤကလီၤမၢ်ကွံာ် ဝဲလီၤ.”

လံာ်ယၡါယၤ 45:16

ပှၤလၢအတ့တၢ်ဂီၤတၢ်ဖီၣ်တဖၣ်ကမဲာ်ဆှးခဲလၢာ်လီၤ. အဝဲသ့ၣ်ခဲလၢာ်ကဘၣ်တၢ်မၤမဲာ်ဆှးအီၤလီၤ.

လံာ်ယၡါယၤ 57:5

ဒ်ပှၤတစူၢ်တနာ်ယွၤတဖၣ်အသိးန့ၣ်, သုအိၣ်ဃုာ်လိာ်သုသးလၢသ့ၣ် စီဆှံတဖၣ်အဖီလာ်ဖဲတၢ်ဂီၤတၢ်ဖီၣ်တဖၣ်ဘၣ်တၢ်ဘါထီၣ်အီၤ န့ၣ်လီၤ. သုဟ့ၣ်လီၤသုဖိတဖၣ်ဒ်တၢ်လုၢ်တၢ်ပာ်တဖၣ်အသိးလၢလၢၢ် ပူၤလ့ပူၤတဖၣ်ဘူးဒီးထံကျိတကျိအထၣ်န့ၣ်လီၤ.

လံာ်ယၡါယၤ 65:3

အဝဲသ့ၣ်မၤသူၣ်ဒိၣ်သးဖျိးယၤတပယူာ်ဃီလၢတၢ်မဲာ်ဆှးတ အိၣ်ဘၣ်အပူၤလီၤ. အဝဲသ့ၣ်လုၢ်ထီၣ်ပှၤတစူၢ်တနာ်ယွၤအတၢ် လုၢ်တၢ်ပာ်တဖၣ်လၢတၤသၣ်လီၢ်စီဆှံတဖၣ်အပူၤ, ဒီးဆိၣ်ကဲၤတၢ်နၢမူလၢပှၤတစူၢ်တနာ်ယွၤအတၢ်လုၢ်လီၢ်တဖၣ် အဖီခိၣ်န့ၣ်လီၤ.

လံာ်ယၡါယၤ 66:17

ယွၤစံးဝဲဒၣ်, “တၢ်အကတၢၢ်ဘူးထီၣ်လၢပှၤလၢအမၤကဆှီ အသးလၢပှၤတစူၢ်တနာ်ယွၤအတၢ်ဘူၣ်တၢ်ဘါအဂီၢ်, ပှၤလၢအလဲၤသကိးတၢ်ဆူတၤသၣ်လီၢ်စီဆှံတဖၣ်, ဒီးပှၤလၢအအီၣ်ထိးညၣ်, ယုၢ်ညၣ်ဒီးတၢ်အီၣ်အဂၤလၢ အလီၤသးဘၣ်အၢတဖၣ်အဂီၢ်လံ.

လံာ်ယံးရမံယၤ 2:20

ယွၤပၢဘၣ်တၢ်ခဲလၢာ်ကစၢ်စံးဝဲ, “ကီၢ်အံၣ်စရ့လးဧၢ, နညိကွံာ်တ့ၢ်, ယတၢ်စိတၢ်ကမီၤလၢပျၢၤလံၤလံၤလီၤ. နဂ့ၢ်လိာ် လၢနကစူၢ်ယၤဒီးဘူၣ်ထီၣ်ဘါထီၣ်ယၤလီၤ. လၢတၢ်လူၢ်လၢ အထီကိးလူၢ်ဒဲးအလိၤဒီးလၢသ့ၣ်လၢအလါဟ့ကိးထူၣ်ဒဲးအဖီလာ် န့ၣ်, နဘူၣ်ထီၣ်ဘါထီၣ်ပှၤတစူၢ်တနာ်ယွၤ အကစၢ်တဖၣ်ဒီးမၤပှၤဃဲသဲမုၣ်အတၢ်မၤဖဲန့ၣ်လီၤ.

လံာ်ယံးရမံယၤ 3:6

ဖဲစီၤယိၤၡံယၤကဲထီၣ်စီၤပၤအဆၢကတီၢ်န့ၣ်, ယွၤစံးဘၣ်တ့ၢ်ယၤ, “ကီၢ်အံၣ်စရ့လး, ပိာ်မုၣ်လၢအသးတတီတဂၤ, မၤတ့ၢ်တၢ်မနုၤ လဲၣ်န့ၣ်မ့ၢ်နထံၣ်တ့ၢ်လံစ့ၢ်ကီးဧါ. အဝဲဃၣ်ယံၤကွံာ်အသးလၢ ယၤဒီးလၢကယဲၢ်တၢ်လူၢ်အထီကိးလူၢ်ဒဲးအလိၤဒီးကယဲၢ်သ့ၣ်လါဟ့ ကိးထူၣ်ဒဲးအဖီလာ်န့ၣ်, အဝဲမၤတ့ၢ်အသးဒ်ဃဲသဲမုၣ်တဂၤအ သိးန့ၣ်လီၤ.

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 36:31

သုကသ့ၣ်နီၣ်ထီၣ်က့ၤသုတၢ်မၤအအၢအသီဒီးတၢ်ကမၣ်တဖၣ်လၢ သုမၤဘၣ်တ့ၢ်အီၤဒီးသုကသးဘၣ်အၢလီၤက့ၤသုသးလၢသု တၢ်ဒဲးဘးတဖၣ်ဒီးသုတၢ်အၢတၢ်သီတဖၣ်အဃိန့ၣ်လီၤ.

လံာ်ယဃ့းစက့လး 6:13

တၢ်အစိၣ်တဖၣ်ကဘၣ်တၢ်မၤလီၤပြံ ပြါအီၤလၢတၢ်ဂီၤတၢ်ဖီၣ်တဖၣ် အကျါဒီးဝးတရံးတၢ်လုၢ်လီၢ်တဖၣ်, ကလီၤပြံလီၤပြါလၢတၢ်လူၢ်ထီၣ်ထီကိးလူၢ်ဒဲးအဒီခိၣ်, လၢကစၢၢ်ကိးဖျၢၣ်ဒဲးအဒီခိၣ်, လၢသ့ၣ်လၢအသံကစဲာ်ကိးထူၣ်ဒဲး အဖီလာ်ဒီးလၢသ့ထိးဖၣ်ဖးဒိၣ်ကိးထူၣ်ဒဲးအဖီလာ်, ဒီးလၢတၢ်လီၢ်ကိးပူၤဒဲးဖဲအဝဲသ့ၣ်ဆိၣ်ကဲၤတၢ်လုၢ်တၢ်ပာ် တဖၣ်ဆူအဝဲသ့ၣ်အတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ. တုၤနုၤတစုပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်ဟိၤၡ့ 14:3

ကီၢ်အၤၡူၢ်အုၣ်က့ၤခီၣ်က့ၤပှၤတသ့နီတစုဘၣ်. ဒီးတၢ်ဒုးအကသ့ၣ်တဖၣ်ကဟုကယာ်အိၣ်ပှိၤပှၤတသ့ဘၣ်. ပတတဲလၢၤပတၢ်ဂီၤတဖၣ်လၢသုမ့ၢ်ပကစၢ်ယွၤန့ၣ်လၢၤဘၣ်. အိ, ယွၤဧၢ, ဒုးနဲၣ်ဖျါထီၣ်နတၢ်သးကညီၤဆူပှၤတဖၣ်လၢတအိၣ်ဘၣ် ဒီးပှၤအဂၤနီတဂၤလၢအကဃၣ်ဝဲအသးဆူအအိၣ်န့ၣ်တက့ၢ်.

လံာ်ဟိၤၡ့ 14:8

ကီၢ်အံၣ်စရ့လးအပှၤဂီၢ်မုၢ်တဘၣ်ဃးလၢၤဒီးတၢ်ဂီၤတဖၣ်လၢကမၤ ဝဲအတၢ်န့ၣ်ဘၣ်. ယကစံးဆၢအဝဲသ့ၣ်အတၢ်ထုကဖၣ်ဒီးအံးထွဲကွၢ်ထွဲ အဝဲသ့ၣ်လီၤ. ဒ်သ့ၣ်ဆှိသံကစဲာ်တထံးအသိးယကဟ့ၣ်အဝဲသ့ၣ်လၢတၢ်ကဒုလီၤ. ယကမ့ၢ်တၢ်ဆိၣ်ဂ့ၤခဲလၢာ်အဂံၢ်ထံးလၢအဝဲသ့ၣ်အဂီၢ်လီၤ.

လံာ်ဟိၤၡ့ 4:13

လၢအတၢ်လီၢ်စီဆှံတဖၣ်လၢကစၢၢ်ဒီခိၣ်တဖၣ်န့ၣ်, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်, ဒီးလၢတၢ်လူၢ်ဒီခိၣ်တဖၣ် န့ၣ်အဝဲသ့ၣ်ဆိၣ်ကဲၤတၢ်နၢမူလၢသ့ၣ်သ့ထိးဖၣ်, သ့ၣ်လးဘန့ၤဒီးဃီၤမုၢ်ပျဲၤတဖၣ်လၢအထီဒီးသလၣ်လီၤအသးအဖီ လာ်, မ့ၢ်လၢအတၢ်ကဒုန့ၣ်မုာ်သူၣ်မုာ်သးဒိၣ်မးအဃိလီၤ. လၢတၢ်န့ၣ်အဃိ, သုဖိမုၣ်တဖၣ်မၤတၢ်ဒ်ပှၤဃဲသဲမုၣ်တဖၣ်ဒီးသုဒဲၣ်မုၣ်တဖၣ်မၤ တၢ်မၤကမၣ်မုၣ်ကမၣ်ခွါန့ၣ်လီၤ.

လံာ်ဟိၤၡ့ 4:19

အဝဲသ့ၣ်ကဘၣ်တၢ်စိာ်ကွံာ်အီၤလၢကလံၤဒီးအဝဲ သ့ၣ်ကဒိးဘၣ်တၢ်မဲာ်ဆှးလၢအတၢ်တစူၢ်တနာ်ယွၤအတၢ်လုၢ်တၢ်ပာ် တဖၣ်အဃိန့ၣ်လီၤ.

ရိမ့ၤ 6:21

တၢ်လၢသုမၤတ့ၢ်ဒီးသုမဲာ်ဆှးက့ၤလၢအဃိခဲအံၤ တဖၣ်အဘျုးလၢသုဂီၢ်အိၣ်မနုၤလဲၣ်. တၢ်တဖၣ်န့ၣ် အကတၢၢ်မ့ၢ်တၢ်သံလီၤ.