လံာ်ယၡါယၤ 1:23 - Sgaw Karen Common Bible

²³ နပှၤခိၣ်ပှၤနၢ်တဖၣ်န့ၣ်မ့ၢ်ပှၤပူထီၣ်တၢ်ဒီးမ့ၢ်တၢ်ဘျၣ်တဖၣ်အတံၤ သကိးလီၤ. အဝဲသ့ၣ်တူၢ်လိာ်တၢ်ဟ့ၣ်တဖၣ်ဒီးခိၣ်ဖးလာ်ဆှိးတဖၣ် ထီဘိလီၤ. အဝဲသ့ၣ်တဒီဒၣ်အိၣ်ပှိၤပှၤဖိၣ်ဃဲတဖၣ်လၢ ကွီၢ်ဘျီၣ်ပူၤမ့ၢ်ဂ့ၤ, တဒိကနၣ်ဝဲဒၣ်ဖဲမုၣ်ကမဲတဖၣ်ဆှၢထီၣ် အကွီၢ်မ့ၢ်ဂ့ၤနီတစုဘၣ်ဒီးပှၤမုၣ်ကမဲတဖၣ်အတၢ်လိာ်ကွီၢ်န့ၣ်, တဒိကနၣ်ဝဲဘၣ်.

လံာ်ယၡါယၤ 1:23 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:14

အါန့ၢ်အန့ၣ်ကီၢ်ယူဒၤအခိၣ်အနၢ်တဖၣ်, ပှၤလုၢ်တၢ်အခိၣ်တဖၣ်ဒီး ပှၤဂီၢ်မုၢ်, ပိာ်ထွဲပှၤကလုာ်လၢအအိၣ်ဝးတရံးအဝဲသ့ၣ်အတၢ်မၤဒဲးဘးအဒိ အတဲာ်တဖၣ်အခံ, ခီဖျိတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်, ဒီးလၢတၢ်န့ၣ်အဃိအဝဲသ့ၣ်မၤဘၣ်အၢယွၤအတၢ်လုၢ်ဟံၣ်လၢယွၤ အနီၢ်ကစၢ်ဒၣ်ဝဲပာ်ကဆှီတ့ၢ်ဝဲန့ၣ်လီၤ.

လံာ်တၢ်ဟးထီၣ်ကွံာ် 23:8

တူၢ်လိာ်ခိၣ်ဖးလာ်ဆှိးတဂ့ၤ. အဂ့ၢ်ဒ်အံၤ, ခိၣ်ဖးလာ်ဆှိးမၤဘျီၣ်ပှၤအမဲာ်ဒ်သိးအသုတထံၣ်တၢ်အဘၣ်ဒီးမၤ ဟးဂီၤပှၤလၢအတၢ်ကမၣ်တအိၣ်ဘၣ်တဖၣ်အကွီၢ်န့ၣ်လီၤ.

တၢ်ကတိၤဒိ. 17:23

စံၣ်ညီၣ်ကွီၢ်တတီတတြၢ်တဖၣ်တူၢ်လိာ်တၢ်ဟ့ၣ်ခူသူၣ်ခိၣ်ဖး လာ်ဆှိးလီၤ. အန့ၣ်ဒီးတၢ်စံၣ်ညီၣ်တီတမၤအသးဘၣ်.

တၢ်ကတိၤဒိ. 29:24

ပှၤလၢအဒီတံၤဒီသကိးဒီးပှၤဟုၣ်တၢ်ဖိန့ၣ်, သးဟ့လီၤအသးဒၣ်ဝဲလီၤ. အဝဲမ့ၢ်တဲတၢ်မ့ၢ်တၢ်တီလၢကွီၢ်ဘျီၣ်ဒီး, ကဘၣ်တၢ်စံၣ်ညီၣ်အီၤလီၤ. ဒီးအဝဲမ့ၢ်တတဲတၢ်မ့ၢ်တၢ်တီဘၣ်ဒီး, ယွၤကဆိၣ်အၢအီၤလီၤ.

လံာ်ယၡါယၤ 1:17

ဒီးမၤလိမၤတၢ်အဘၣ်တက့ၢ်. တၢ်စံၣ်ညီၣ်တီမၤအသးကစီ ဒီဧါန့ၣ်, ပာ်သူၣ်ပာ်သးတက့ၢ်. မၤစၢၤပှၤလၢအဘၣ်တၢ်မၤ အၢမၤနးအီၤတဖၣ်တက့ၢ်. ဟ့ၣ်ဖိၣ်ဃဲတဖၣ်အတၢ်ခွဲးတၢ်ယာ်, ဒီးဒီဒၣ်အိၣ်ပှိၤမုၣ်ကမဲတဖၣ်တက့ၢ်.”

လံာ်ယၡါယၤ 1:18

ယွၤစံးဝဲဒၣ်, “ခဲကနံၣ်အံၤ, မ်ပမၤလိၤမၤဘၣ်သကိးတၢ်ဂ့ၢ် န့ၣ်တက့ၢ်. သုဘၣ်အၢဘၣ်သီဂီၤဆှုၣ်ကလာ်လၢတၢ်ဒဲးဘးအဃိ, ဘၣ်ဆၣ်ဒီးယကသ့စီသုဝါဒ်မူခိၣ်ဖီအသိးလီၤ. သုတၢ်ဘၣ်အၢတဖၣ် မ့ၢ်ဂီၤဆှုၣ်ကလာ်နာ်က့သုကဝါဒ်သိအဆူၣ်အသိးလီၤ.

လံာ်ယၡါယၤ 1:22

ယရူၤၡလ့ၣ်ဧၢ, တဘျီန့ၣ်နလီၤဂာ်ဒ်စ့အသိး, ဘၣ်ဆၣ်အခဲအံၤနလုၢ်နပှ့ၤတအိၣ်ဘၣ်. တဘျီန့ၣ်နလီၤဂာ်ဒီးစပံး ထံလၢအဂ့ၤ, ဘၣ်ဆၣ်အခဲအံၤနမ့ၢ်ဒၣ်ထဲထံလီၤ.

လံာ်ယၡါယၤ 28:14

ခဲအံၤ, သုဝဲလၢအပာ်ထီၣ်ထီအသးဒီးပၢတၢ်ဖဲအံၤလၢဝ့ၢ် ယရူၤၡလ့ၣ်အပှၤဂီၢ်မုၢ်အဖီခိၣ်သ့ၣ်ဧၢ, ဒိကနၣ်တၢ်လၢယွၤစံး ဝဲန့ၣ်တက့ၢ်.

လံာ်ယၡါယၤ 3:14

ယွၤဆှၢနုာ်အပှၤဂီၢ်မုၢ်အသူၣ်က့သးပှၢ်တဖၣ်ဒီးအခိၣ်အနၢ် တဖၣ်ဆူတၢ်စံၣ်ညီၣ်အပူၤ, ဒီးလိာ်ဘၢလိာ်ကွီၢ်ထီဒါအဝဲသ့ၣ်, စံးဝဲ, “သုဂုာ်ဆူၣ်ပျီဆူၣ်စပံးလီၢ်တဖၣ်, ဒီးသုဟံၣ်တဖၣ်ပှဲၤဝဲဒီးတၢ်လၢသု ဟံးန့ၢ်လၢပှၤဖှီၣ်ဖိယာ်ဖိတဖၣ်အအိၣ်လီၤ.

လံာ်ယၡါယၤ 30:1

ယွၤကတိၤလံတၢ်လံ. “ပှၤတဖၣ်လၢအပၢကီၢ်ယူဒၤန့ၣ် ကဘၣ်တၢ်စံၣ်ညီၣ်ဃါမနၤလၢတၢ်ပူထီၣ်ထီဒါယၤအဃိလီၤ. အဝဲသ့ၣ်ပိာ်ထွဲတၢ်တိာ်ကျဲၤတဖၣ်လၢယတမၤတ့ၢ်အီၤဒီး ဆဲးလီၤအမံၤလၢလံာ်ဃံၤဃာ်တဖၣ်အပူၤလၢအထီဒါတၢ်ဘၣ်ယသး, ဒီးပာ်ဖှိၣ်တၢ်ဒဲးဘးတမံၤလၢအဂၤတမံၤအဖီခိၣ်လီၤ.

လံာ်ယၡါယၤ 33:15

သုမ့ၢ်စံးဒီးမၤတၢ်လၢအဘၣ်န့ၣ်, သုထူၣ်ဖျဲးထီၣ်ကွံာ်သ့လီၤ. သူသုစိကမီၤလၢသုကလီန့ၢ်ပှၤဖှီၣ်ဖိယာ်ဖိဒီးတူၢ်လိာ်ခိၣ်ဖး လာ်ဆှိးတဂ့ၤ. မၤဃုာ်ဒီးပှၤလၢအကူၣ်ကျဲၤတၢ်မၤသံမၤဝီမ့ၢ်ဂ့ၤ, တၢ်အၢတၢ်သီအဂၤတဖၣ်မ့ၢ်ဂ့ၤန့ၣ်တဂ့ၤ.

လံာ်ယၡါယၤ 5:23

ဘၣ်ဆၣ်, ထဲလၢခိၣ်ဖးတခါအဃိသုပျဲပူၤပှၤလၢအတၢ်ကမၣ် အိၣ်တဖၣ်, ဒီးသုတြီဃာ်ပှၤလၢအတၢ်ကမၣ်တအိၣ်ဒ်သိး အသုတန့ၢ်ဘၣ်တၢ်စံၣ်ညီၣ်တီတဂ့ၤအဂီၢ်လီၤ.

လံာ်ယၡါယၤ 65:2

ယအိၣ်ကတဲာ်ကတီၤယသးထီဘိလၢယကတူၢ်လိာ်မုာ် ယပှၤဂီၢ်မုၢ်လၢအခိၣ်ကိၤလၢအမၤကမၣ်တၢ်ဒီးလဲၤလၢ အဝဲသ့ၣ်အကျဲဒၣ်ဝဲန့ၣ်လီၤ.

လံာ်ယံးရမံယၤ 22:17

မ့မ့ၢ်နဲနထံၣ်သ့ဒၣ်ထဲနတၢ်သး စဲတဖၣ်လၢနတၢ်အဲၣ်လီၤနသးအပူၤန့ၣ်လီၤ. နမၤသံပှၤလၢအတၢ်ကမၣ်တအိၣ်တဖၣ် ဒီးမၤနးမၤဖှီၣ်ဆူၣ်နပှၤဂီၢ်မုၢ်န့ၣ်လီၤ. ယွၤကတိၤလံတၢ်လံ.”

လံာ်ယံးရမံယၤ 32:32

မ့ၢ်လၢတၢ်အၢတၢ်သီ ခဲလၢာ်လၢ အဘၣ်တၢ်မၤတ့ၢ်အီၤလၢ ပှၤဂီၢ်မုၢ်လၢ ကီၢ်ယူဒၤဒီးဝ့ၢ်ယရူၤရှလ့ၣ်, ဃုာ်ဒီး အဝဲသ့ၣ်အစီၤပၤတဖၣ်ဒီး အခိၣ်အနၢ်တဖၣ်, ဒီးအပှၤလုၢ်တၢ်အခိၣ်တဖၣ်ဒီး အဝံတဖၣ်အဃိန့ၣ်လီၤ.

လံာ်ယံးရမံယၤ 4:17

ဒီးအဝဲသ့ၣ်ကကဝီၤဃာ်ဝ့ၢ်ယရူၤၡလ့ၣ်ဒ်ပှၤတဖၣ်လၢအအိၣ်ခိး ပၢၤဃာ်စံာ်ပျီတဘ့ၣ်အသိး, မ့ၢ်လၢအပှၤဂီၢ်မုၢ်တဖၣ်ထီဒါယွၤ အဃိလီၤ. ယွၤကတိၤလံတၢ်လံ.

လံာ်ယံးရမံယၤ 5:5

ယကလဲၤဆူပှၤတဖၣ်လၢအအိၣ်စိအိၣ်ကမီၤအအိၣ် ဒီးကတိၤတၢ်ဒီးအဝဲသ့ၣ်လီၤ. သပှၢ်ကတၢၢ်, အဝဲသ့ၣ်, သ့ၣ်ညါအကစၢ်ယွၤလိၣ်ဘၣ်တၢ်မနုၤလဲၣ်, ဒီးယွၤသးအိၣ်လၢအဝဲသ့ၣ်ကမၤတၢ်မနုၤလဲၣ်န့ၣ်လီၤ.” ဘၣ်ဆၣ်ဒီး, အဝဲသ့ၣ်ခဲလၢာ်ညိကွံာ်ယွၤအတၢ်န့ၢ်စိန့ၢ်ကမီၤ ဒီးဂ့ၢ်လိာ်လၢကစူၢ်အီၤန့ၣ်လီၤ.

လံာ်ယံးရမံယၤ 5:6

လၢတၢ်န့ၣ်အဃိ, ခ့ယုၢ်တဖၣ်လၢသ့ၣ်ဒိၣ်ပှၢ် ထီၣ်အပူၤကမၤသံကွံာ်အဝဲသ့ၣ်, ထွံၣ်မံၤတဖၣ်လၢမဲးမုၢ်ခိၣ်ကအ့ၣ်ဖှီအဝဲသ့ၣ်ဆူ အက့အခီ, ဒီးခ့စံၣ်ပိၣ်တဖၣ်ကဟးဝ့ၤဝီၤကစုဒုသကုၤအဝဲသ့ၣ် အဝ့ၢ်တဖၣ်အပူၤန့ၣ်လီၤ. ပှၤဂီၢ်မုၢ်တဖၣ်အံၤမ့ၢ်ဟးထီၣ်ဒီး, အဝဲသ့ၣ်ကဘၣ် တၢ်အ့ၣ်ဖှီလီၤကလဲအီၤ မ့ၢ်လၢအတၢ်ဒဲးဘးတဖၣ်အိၣ်အါအါဂီၢ်ဂီၢ် ဒီးတဘျီဝံၤတဘျီ, အဝဲသ့ၣ်ဃၣ်ကွံာ်တ့ၢ်အသးလၢကစၢ်ယွၤအအိၣ်အဃိန့ၣ်လီၤ.

လံာ်ယဃ့းစက့လး 22:27

တၢ်ပၢတၢ်ပြးအပဒိၣ်ပပှၢ်တဖၣ်လီၤဂာ်ဒ်ထွံၣ်မံၤတဖၣ်လၢအအ့ၣ်ဖှီ ကွံာ်ဆၣ်ဖိကီၢ်ဖိတဖၣ်လၢအမၤသံတ့ၢ်ဝဲအသိးန့ၣ်လီၤ. အဝဲသ့ၣ်မၤသံတၢ်ဒ်သိးကထူးထီၣ်တီၤထီၣ်ဝဲအဂီၢ်န့ၣ်လီၤ.

လံာ်ဟိၤၡ့ 4:18

ဖဲအအီလုၣ်ကိစပံးထံဝံၤန့ၣ်, အဝဲသ့ၣ်မုာ်လၤလၢတၢ်မၤဃဲသဲ မုၣ်အတၢ်မၤအပူၤ, ဘၣ်သူၣ်ဘၣ်သးလၢကမၤလၤကပီၤတၢ်မဲာ်ဆှးန့ၣ် လီၤ.

လံာ်ဟိၤၡ့ 5:10

ယွၤစံးဝဲဒၣ်, ယသးဒိၣ်ထီၣ်, မ့ၢ်လၢကီၢ်ယူဒၤအခိၣ်အနၢ်တဖၣ် နုာ်လီၤဒုးတ့ၢ်ကီၢ်အံၣ်စရ့လးဒီးဟုၣ်ကွံာ်ထံကီၢ်လၢအအိၣ် အဃိန့ၣ်လီၤ. လၢတၢ်န့ၣ်အဃိ, ယကလူလီၤတၢ်စံၣ်ညီၣ်လၢအဝဲသ့ၣ်တဖၣ်အဖီခိၣ်ဒ် ထံလုၣ်ဘၢတၢ်အသိးန့ၣ်လီၤ.

လံာ်ဟိၤၡ့ 9:15

ယွၤစံးဝဲဒၣ်, အဝဲသ့ၣ်အတၢ်အၢတၢ်သီခဲလၢာ်န့ၣ်စးထီၣ်အသးလၢဝ့ၢ်ကံး လကၤလးလီၤ. တၢ်န့ၣ်မ့ၢ်တၢ်လီၢ်ဖဲယစးထီၣ်သးဟ့ အဝဲသ့ၣ်လီၤ. ဒီးမ့ၢ်လၢတၢ်အၢလၢအဝဲသ့ၣ်မၤဝဲအဃိန့ၣ် ယကဒုးဟးထီၣ်ကွံာ်အီၤလၢယကီၢ်ပူၤန့ၣ်လီၤ. ယတအဲၣ်လၢၤအဝဲသ့ၣ်နီတစုဘၣ်. အဝဲသ့ၣ်အပှၤခိၣ်ပှၤနၢ်တဖၣ်ခဲလၢာ်ပူထီၣ်ထီဒါယၤန့ၣ်လီၤ.

လံာ်ဧၤမိၣ် 5:12

ယသ့ၣ်ညါသုတၢ်ဒဲးဘးတဖၣ်အၢဝဲသီ ဝဲဆံးဒိၣ်လဲၣ်ဒီးသုမၤတ့ၢ်တၢ်သရူးကမၣ်တဖၣ်ဆံးအါလဲၣ်န့ၣ် လီၤ. သုမၤအၢမၤနးပှၤတီပှၤလိၤ, ဟံးန့ၢ်ခိၣ်ဖးလာ်ဆှိးတဖၣ်ဒီး တြီပှၤဖှီၣ်ဖိယာ်ဖိလၢအကဒိးန့ၢ်တၢ်စံၣ်ညီၣ်တီလၢကွီၢ် ဘျီၣ်တဖၣ်အပူၤန့ၣ်လီၤ.

လံာ်မံကၤ 3:11

ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

လံာ်မံကၤ 3:9

ပှၤလၢအပၢဘၣ်ကီၢ်အံၣ်စရ့လးတဖၣ်, ပှၤလၢအသးဟ့တၢ်စံၣ်ညီၣ်တီဒီးဘိးကဒါကွံာ်တၢ် အဘၣ်ဆူတၢ်ကမၣ်သ့ၣ်ဧၢ, ဒိကနၣ်တက့ၢ်.

လံာ်မံကၤ 6:12

သုပှၤထူးပှၤတီၤတဖၣ်န့ၣ်ဃုဆူၣ်အဘျုး လၢပှၤဖှီၣ်ဖိယာ်ဖိအဖီခိၣ်ဒီးသုဝဲခဲလၢာ် သုမ့ၢ်ပှၤလီတၢ်ဖိတဖၣ်လီၤ.

လံာ်မံကၤ 7:3

အဝဲသ့ၣ်ခဲလၢာ်မ့ၢ်ပှၤစဲၣ်နီးလၢတၢ်မၤတၢ်အၢန့ၣ်လီၤ. ပဒိၣ်ဖးဒိၣ်တဖၣ်ဒီးပှၤစံၣ်ညီၣ်ကွီၢ်တဖၣ်ဃ့ခိၣ်ဖးလာ် ဆှိးတဖၣ်လီၤ. ပှၤဟံးစိဟံးကမီၤတဲဘၣ်အဝဲသ့ၣ်တၢ်လၢအသးလီဝဲသတးဒီးအဝဲ သ့ၣ်ကူၣ်ထီၣ်သကိးတၢ်အၢလီၤ.

လံာ်စကၤရယၤ 7:10

မၤနၢၤမၤပ့ၤပှၤမုၣ်ကမဲတဖၣ်, ပှၤဖိၣ်ဃဲတဖၣ်, ပှၤတခီဘီမုၢ်ဖိ, လၢအအိၣ်လၢသုကျါတဖၣ်မ့ၢ်ဂ့ၤ, ပှၤအဂၤလၢအလိၣ်တၢ်မၤစၢၤမ့ၢ်ဂ့ၤန့ၣ်တဂ့ၤ. ကူၣ်ထီၣ်တၢ်မၤဆါလိာ်သးတဂၤဒီးတဂၤအကျဲတဖၣ်တဂ့ၤ

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်တၢ်ဂံၢ် 22:7

မၤသးဒ်န့ၣ်ဒီးပှၤမိၤအးဖိဒီးပှၤမံးဒယၣ်ဖိအခိၣ်အနၢ်တဖၣ် စိာ်ထီၣ်တၢ်အဘူးအလဲလၢတၢ်ဆိၣ်အၢအဂီၢ်ဒီးလဲၤဆူ စီၤဘံးလၣ်အအိၣ်ဒီးတဲဘၣ်အီၤလၢစီၤဘၤလးအတၢ်ကစီၣ်န့ၣ်လီၤ.

လံာ်မးသဲ 21:13

ဒီးစံးဘၣ်အဝဲသ့ၣ်, “တၢ်ကွဲးအသးစီဆှံစံးဝဲလၢကစၢ်ယွၤစံးဝဲဒၣ်, ‘ယဟံၣ်ကဘၣ်တၢ်ကိးအီၤလၢတၢ်ထုကဖၣ်အဟံၣ်လီၤ.’ ဘၣ်ဆၣ်ဒီး, သုဒုးကဲထီၣ်အီၤလၢတၢ်ဟုၣ်တၢ်ဘျၣ်တဖၣ်အတၢ်အိၣ်ခူ သူၣ်အလီၢ်တပူၤလီၤ” (ၡါ. ၅၆:၇; ယံး ၇:၁၁).

လံာ်မၢ်ကူး 11:17

အန့ၣ်ဝံၤအဝဲဒၣ်သိၣ်လီၤသီလီၤပှၤသ့ၣ်တဖၣ်ဒီးစံး, “တၢ်ကွဲးအသးစီဆှံပာ်ဖျါထီၣ်ကစၢ်ယွၤစံးဝဲ, ယတၢ်လုၢ်ဟံၣ်ကဘၣ်မ့ၢ်ပှၤကလုာ်ခဲလၢာ်အတၢ်ထုကဖၣ်အဟံၣ်လီၤ. ဘၣ်ဆၣ်ဒီးသုမၤကဲထီၣ်အီၤလၢတၢ်လီၢ်တပူၤလၢတမျိးတမျာ်တဖၣ်ကအိၣ် ခူသူၣ်အဂီၢ်လံ.”

လံာ်လူၤကၣ် 19:46

ဒီးစံးဘၣ်အဝဲသ့ၣ်, “တၢ်ကွဲးအသးစီဆှံပာ်ဖျါလၢကစၢ်ယွၤစံးဝဲ, ‘ယဟံၣ်ကဘၣ်တၢ်ကိးအီၤလၢတၢ်ထုကဖၣ်အဟံၣ်လီၤ.’ ဘၣ်ဆၣ်ဒီးသုဒုးကဲထီၣ်အီၤလၢတၢ်ဟုၣ်တၢ်ဘျၣ်တဖၣ်အတၢ်အိၣ် ခူသူၣ်အလီၢ်အကျဲလံ.”

လံာ်လူၤကၣ် 24:27

ဒီးယ့ၣ်ၡူးတဲနၢ်ပၢၢ်အဝဲသ့ၣ်ဘၣ်ဃးတၢ်လၢအဘၣ်တၢ် စံးတ့ၢ်လၢအဂ့ၢ်လၢတၢ်ကွဲးအသးစီဆှံခဲလၢာ်အပူၤ, စးထီၣ်လၢလံာ်မိၤၡ့တဖၣ်ဒီးဝံခဲလၢာ်အတၢ်ကွဲးတဖၣ်န့ၣ်လီၤ.

လံာ်သိၣ်လီၤသီလီၤတၢ် 16:19

တၢ်စံၣ်ညီၣ်တတီတဘၣ်အိၣ်ဒီးအဝဲသ့ၣ်မ့ၢ်ဂ့ၤ, အဝဲသ့ၣ်တဘၣ်အိၣ်ဒီးတၢ်ကွၢ်မဲာ်မ့ၢ်ဂ့ၤလၢအတၢ်စံၣ်ညီၣ်တဖၣ် အပူၤဘၣ်. ဒီးအဝဲသ့ၣ်တဘၣ်တူၢ်လိာ်ခိၣ်ဖးလာ်ဆှိးဘၣ်. အဂ့ၢ်ဒ်အံၤ, ခိၣ်ဖးတဖၣ်န့ၣ်မၤဘျီၣ်ပှၤကူၣ်သ့ဒီးပှၤတီပှၤလိၤတဖၣ်အမဲာ်, ဒီးဒုးကဲထီၣ်အဝဲသ့ၣ်လၢပှၤဟ့ၣ်လီၤတၢ် စံၣ်ညီၣ်လၢအတတီတဖၣ်န့ၣ်လီၤ.

ယၤကိာ် 1:27

တၢ်လၢပၢ်ကစၢ်ယွၤပာ်ဝဲလၢအမ့ၢ်တၢ်အကဆှီဒီးတၢ်ဘူၣ်တၢ် ဘါနီၢ်နီၢ်န့ၣ်မ့ၢ်ဝဲ, တၢ်အံးက့ၤကွၢ်က့ၤဖိၣ်ဃဲဒီးမုၣ်ကမဲတဖၣ်လၢ အတၢ်နးတၢ်ဖှီၣ်အပူၤဒီးတၢ်ပၢၤလီၤက့ၤပသးဒ်သိးပသုတဘၣ် တၢ်မၤဘၣ်အၢပှၤလၢဟီၣ်ခိၣ်အဃံၣ်အမူးတဖၣ်တဂ့ၤအဂီၢ် န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:3

ဘၣ်ဆၣ်ဒီး, အဝဲသ့ၣ်တမၤထွဲအပၢ်အဒိအတဲာ်ဘၣ်. အဝဲသ့ၣ်အသးစဲဒၣ်ထဲလၢကမၤန့ၢ်တိၢ်ဧိၤစ့ဧိၤန့ၣ်လီၤ. လၢတၢ်န့ၣ်အဃိအဝဲသ့ၣ်တူၢ်လိာ်ခိၣ်ဖးလာ်ဆှိးတဖၣ်ဒီးတစံၣ် ညီၣ်တဲာ်တၢ်ဂ့ၢ်တၢ်ကျိၤတဖၣ်လၢတၢ်သူၣ်တီသးလိၤအပူၤဘၣ်လီၤ.