လံာ်ယၡါယၤ 1:21 - Sgaw Karen Common Bible

²¹ ဝ့ၢ်လၢတဘျီအကလုၢ်တီဝဲန့ၣ်, အိၣ်မူမၤဝဲဒ်ဃဲသဲမုၣ်တဂၤ အသိးလီၤ. တဘျီန့ၣ်, ပှဲၤဝဲဒီးပှၤတီပှၤလိၤတဖၣ်, ဘၣ်ဆၣ်ခဲအံၤအိၣ်တီၢ်ဒၣ်ထဲပှၤ မၤသံတၢ်တဖၣ်လီၤ.

လံာ်ယၡါယၤ 1:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:15

စီၤဒၤဝံးပၢတၢ်လၢကီၢ်အံၣ်စရ့လးဒီကီၢ်ညါအဖီခိၣ်, ဒီးမၤလီၤတံၢ်ဝဲလၢ, အဝဲအပှၤဂီၢ်မုၢ်တဖၣ်ဘၣ်တၢ်မၤအီၤဒ်အကြၢးဝဲဘၣ်ဝဲ, အိၣ်ဒီးတၢ်စံၣ်ညီၣ်တီတဘိယူၢ်ဃီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 19:9

အဝဲဟ့ၣ်လီၤအဝဲသ့ၣ်လၢတၢ်သိၣ်လိနဲၣ်ယုၤတဖၣ်ဒ်လၢလာ်အံၤန့ၣ် လီၤ. “သုကဘၣ်မၤသုမူသုဒါတဖၣ်လၢတၢ်ယူးယီၣ်ပာ်ကဲယွၤအပူၤ, စူၢ်အီၤအိၣ်ဒီးတၢ်သူၣ်တီသးရၤလၢတၢ်ခဲလၢာ်လၢသုမၤအီၤ အပူၤန့ၣ်လီၤ.

လံာ်စီၤနဃ့မယၤ 11:1

ပှၤခိၣ်ပှၤနၢ်တဖၣ်သူၣ်လီၤဆီလီၤအသးလၢဝ့ၢ်ယရူၤၡလ့ၣ်အပူၤ, ဒီးပှၤဂီၢ်မုၢ်အိၣ်လီၤတဲာ်တဖၣ်ဖီၣ်တၢ်ဖးတဖၣ်လၢကဃုထၢဒူၣ် ဖိထၢဖိတဒူၣ်လၢကယဲၢ်ဒူၣ်ဖိထၢဖိတဆံဒူၣ်စုာ်စုာ်အပူၤဒ်သိး ကလဲၤဒီးအိၣ်ဝဲဆိးဝဲလၢဝ့ၢ်ယရူၤရှလ့ၣ်ဝ့ၢ်စီဆှံအပူၤ, ဖဲပှၤအိၣ်လီၤတဲာ်အဂၤတဖၣ်ကဘၣ်လဲၤအိၣ်လၢဝ့ၢ်အဂၤတဖၣ်အပူၤ အခါန့ၣ်လီၤ.

စံးထီၣ်ပတြၢၤ 46:4

ထံကျိလၢအအိၣ်ဒီးအထံဖးဒ့ဖိသ့ၣ်တဖၣ်န့ၣ် မၤသးခုကစၢ်ယွၤအဝ့ၢ်, တၢ်ထီကတၢၢ်တဂၤ အတၢ်အိၣ်တၢ်ဆိးအလီၢ်စီဆှံန့ၣ်လီၤ.

စံးထီၣ်ပတြၢၤ 48:1

ယွၤန့ၣ်ဒိၣ်ဝဲ, ဒီးကဘၣ်တၢ်စံးထီၣ်ပတြၢၤအီၤအဒိၣ်အအါ လၢပကစၢ်ယွၤအဝ့ၢ်ပူၤ, လၢအကစၢၢ်စီဆှံအလိၤန့ၣ်လီၤ.

စံးထီၣ်ပတြၢၤ 48:8

ပနၢ်ဟူတ့ၢ်တၢ်လၢကစၢ်ယွၤမၤဝဲ, ဒီးပထံၣ်တ့ၢ်တၢ်အံၤ လၢယွၤလၢအအိၣ်ဒီးတၢ်စိတၢ်ကမီၤ, ပကစၢ်ယွၤအဝ့ၢ်ပူၤန့ၣ်လီၤ. ယွၤကပၢၤဃာ်ဝ့ၢ်အံၤလၢတၢ်ပူၤဖျဲးထီဘိန့ၣ်လီၤ. စ့လၤ

လံာ်ယၡါယၤ 1:22

ယရူၤၡလ့ၣ်ဧၢ, တဘျီန့ၣ်နလီၤဂာ်ဒ်စ့အသိး, ဘၣ်ဆၣ်အခဲအံၤနလုၢ်နပှ့ၤတအိၣ်ဘၣ်. တဘျီန့ၣ်နလီၤဂာ်ဒီးစပံး ထံလၢအဂ့ၤ, ဘၣ်ဆၣ်အခဲအံၤနမ့ၢ်ဒၣ်ထဲထံလီၤ.

လံာ်ယၡါယၤ 26:10

နသးကညီၤဘၣ်ပှၤအအၢအသီတဖၣ်ဒၣ်လဲာ်, အဝဲသ့ၣ်တမၤလိန့ၢ်တၢ်အဘၣ်နီတစုဘၣ်. လၢပှၤဂီၢ်မုၢ်အတီအလိၤအကီၢ် တဘ့ၣ်အံၤအပူၤဒၣ်လဲာ်, အဝဲသ့ၣ်မၤဒံးတၢ်ကမၣ်လီၤ. အဝဲသ့ၣ်ဂ့ၢ်လိာ်လၢကသ့ၣ်ညါ ပာ်ကဲနတၢ်ဒိၣ်တၢ်မုၢ်လီၤ.

လံာ်ယၡါယၤ 48:2

အန့ၣ်ဒၣ်လဲာ်, သုပာ်ကဖၢလၢလီၤသုသးလၢသုကစံး လၢသုမ့ၢ်ဝ့ၢ်စီဆှံအထံဖိကီၢ်ဖိတဖၣ် ဒီးလၢသုသန့ၤသုသးလၢ ကီၢ်အံၣ်စရ့လးအကစၢ်ယွၤလၢ အမံၤမ့ၢ်ဝဲသ့တၢ်လၢာ်အယွၤအဂီၢ်န့ၣ်လီၤ.

လံာ်ယၡါယၤ 5:7

ကီၢ်အံၣ်စရ့လးမ့ၢ်ယွၤသ့တၢ်လၢာ်အစပံးလီၢ် ဒီးကီၢ်ယူဒၤအပှၤဂီၢ်မုၢ်မ့ၢ်စပံးမုၢ်လၢ အဝဲသူၣ်လီၤဖျးလီၤဝဲလီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်လၢအဂ့ၤ, ဘၣ်ဆၣ်အခိၣ်တလိာ်န့ၣ်, အဝဲသ့ၣ်မၤသံမၤဝီတၢ်လီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်အဘၣ်, ဘၣ်ဆၣ်ဒီးပှၤလၢအဝဲသ့ၣ်မၤအၢမၤသီတ့ၢ်တဖၣ်ကိးထီၣ်လၢတၢ် စံၣ်ညီၣ်တီအဂီၢ်လီၤ.

လံာ်ယၡါယၤ 59:14

တၢ်စံၣ်ညီၣ်တီဘၣ်တၢ်နီၣ်ထီၣ်ကွံာ်အီၤ, ဒီးတၢ်အလိၤအဘၣ် ဟဲသုးဘူးအသးတသ့ဘၣ်. တၢ်မ့ၢ်တၢ်တီအခီၣ်ဘၣ်တိၢ်လၢ ကမျၢၢ်တၢ်လီၢ်လီၤပျီ, ဒီးတၢ်တီတၢ်လိၤတထံၣ်န့ၢ်အလီၢ်ဖဲန့ၣ် ဘၣ်.

လံာ်ယၡါယၤ 59:15

တၢ်တီတၢ်လိၤအိၣ်ဆံးဝဲစှၤဝဲဒိၣ်မးတုၤဒၣ်လဲာ်ပှၤတဂၤဂ့ၤ တဂၤဂ့ၤလၢအဆိကတီၢ်မၤတၢ်အၢန့ၣ်, ကဲထီၣ်ဒါခီ ပှၤလၢတၢ်မၤနၢၤမၤအၢမၤသီအီၤန့ၣ်လီၤ.” ယွၤထံၣ်တ့ၢ်တၢ်အံၤ, ဒီးအဝဲအသူၣ်တမုာ်သးတခုၣ်ဘၣ် လၢတၢ်စံၣ်ညီၣ်တီတအိၣ်နီတမံၤဘၣ်အဃိလီၤ.

လံာ်ယၡါယၤ 59:3

သုတၢ်ကမၣ်အိၣ်ဝဲလၢတၢ်လီတၢ်ဝ့ၤ, တၢ်မၤတၢ်လၢတၢ်စု ဆူၣ်ခီၣ်တကး, ဒီးတၢ်မၤသံမၤဝီတၢ်အဃိလီၤ.

လံာ်ယံးရမံယၤ 3:1

ယွၤစံးဝဲ, “ပှၤတဂၤမ့ၢ်ပာ်မၢ်အမါ, ဒီးအမါဟးသဒၣ်အီၤဒီး ကဲထီၣ်ပှၤအဂၤတဂၤအမါဒီး, အဝဲဟံးန့ၢ်က့ၤကဒီးအီၤတသ့ လၢၤဘၣ်. တၢ်အံၤကမၤဘၣ်အၢထံကီၢ်လၢာ်လၢာ်ဆ့ဆ့လီၤ. ဘၣ်ဆၣ်ဒီးကီၢ်အံၣ်စရ့လးဧၢ, နအိၣ်တ့ၢ်ဒီးပှၤလၢနအဲၣ်အီၤအါ ဂၤ, ဒီးအခဲအံၤတခီနအဲၣ်ဒိးဟဲက့ၤကဒါက့ၤဆူယအိၣ်လီၤ.

လံာ်ဟိၤၡ့ 11:12

ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ကဝီၤဃာ်ယၤဒီး တၢ်လီတၢ်ဝ့ၤတဖၣ်ဒီးတၢ်ကတိၤကဘျံးကဘျၣ်, ဒီးကီၢ်ယူဒၤအပှၤဂီၢ်မုၢ်ပူထီၣ်ဒံးတၢ်ထီဒါယၤ, တၢ်သူၣ်တီသးရၤဒီးတၢ်စီဆှံအကစၢ်ယွၤန့ၣ်လီၤ.

လံာ်ဟိၤၡ့ 2:5

အဝဲအနီၢ်ကစၢ်ဒၣ်ဝဲစံးဝဲ, ယကလဲၤဆူပှၤလၢယအဲၣ်အီၤသ့ၣ်တဖၣ်အအိၣ်, အဝဲသ့ၣ်ဟ့ၣ်ယၤလၢတၢ်အီၣ်ဒီးထံ, သိဆူၣ်ဒီးတၢ်ကံးယာ်လုၣ်, သိဧိၤချါဧိၤဒီးစပံးထံလီၤ.

လံာ်ဃဘးကူာ် 1:4

တၢ်သိၣ်တၢ်သီစၢ်လီၤဝဲဒီးတဂိာ်တသီၣ်လၢၤဘၣ်. ဒီးတၢ်စံၣ်ညီၣ်တီတမၤလၢၤအသးနီတစုဘၣ်. ပှၤတတီတလိၤ တဖၣ်မၤနၢၤပှၤတီပှၤလိၤတဖၣ်ဒီးတၢ်စံၣ်ညီၣ် တီဘၣ်တၢ်ဘိးကဒါကွံာ်အီၤလီၤ.

လံာ်စကၤရယၤ 8:3

ယကဟဲက့ၤကဒါက့ၤဆူဝ့ၢ်ယရူၤၡလ့ၣ်, ယဝ့ၢ်စီဆှံ, ဒီးအိၣ်ဆိးဖဲန့ၣ်လီၤ. ကဘၣ်တၢ်သ့ၣ်ညါအီၤဒ်ဝ့ၢ်လၢအသူၣ်တီ သးရၤ, ဒီးသ့တၢ်လၢာ်ယွၤအကစၢၢ်ကဘၣ်တၢ်ကိးအီၤလၢကစၢၢ်စီဆှံန့ၣ် လီၤ.

လံာ်လူၤကၣ် 13:34

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်, ဒီးပှၤစိာ်တၢ်ကစီၣ်လၢကစၢ်ယွၤဆှၢလီၤဝဲဆူနအိၣ်တဖၣ်န့ၣ် နကွံာ်သံအီၤလၢလၢၢ်လီၤ. ဆၢကတီၢ်အိၣ်ဝဲအဘျီတဖၣ်အဘျီဖဲယသး အိၣ်ဖိးဟုနပှၤဂီၢ်မုၢ်တဖၣ်, ဒ်ဆီမိၢ်ပှၢ်တဘ့ၣ်ဒုးအိၣ်ဖှိၣ်အဖိတဖၣ်လၢ အဒံးဆ့အဖီလာ်န့ၣ်အသိး, ဘၣ်ဆၣ်ဒီးနတပျဲယၤဘၣ်.

မၤတၢ် 7:52

ဝံလၢသုမိၢ်ပၢ်ဖံဖုလၢပျၢၤတဖၣ်တမၤအၢမၤနးအီၤဘၣ်န့ၣ်, မ့ၢ်အအိၣ်တဂၤဂၤဧါ. အဝဲသ့ၣ်မၤသံတ့ၢ်ကစၢ်ယွၤအပှၤစိာ်တၢ်ကစီၣ်တဖၣ်လၢအကတိၤ ဆိပာ်စၢၤဘၣ်ဃးကစၢ်ယွၤအခ့အပှၤလၢအတီအလိၤတဂၤ အတၢ်ဟဲအဂ့ၢ်, ဒီးခဲကနံၣ်အံၤသုဝဲသ့ၣ်သုဆါလီၤကွံာ်ဒီးမၤသံကွံာ် အဝဲဒၣ်န့ၣ်လီၤ.

ဧ့ၤဘြံၤ 12:22

မ့မ့ၢ်သုဝဲသုဟဲဆူကစၢၢ်စံယိၣ်, ဒီးဆူကစၢ်ယွၤလၢအမူဝဲတဂၤ အဝ့ၢ်, ယရူၤၡလ့ၣ်လၢအဘၣ်ဃးဒီးမူခိၣ်, အိၣ်ဃုာ်ဒီးကလူးလၢပှၤဂံၢ်အီၤတလၢာ်ဘၣ်အအိၣ်,

လံာ်လီၣ်ဖျါ 11:2

မ့မ့ၢ်ဂၢၤလၢအချၢတကပၤန့ၣ်, တဘၣ်ထိၣ်ကွၢ်အီၤတဂ့ၤ, အဂ့ၢ်ဒ်အံၤ, အဝဲသ့ၣ်ဘၣ်တၢ်ဟ့ၣ်လီၤတ့ၢ်အီၤဆူပှၤကလုာ်ဂၤ တဖၣ်လၢအကယီၢ်တံၢ်ဝ့ၢ်စီဆှံတဖျၢၣ်န့ၣ်လၢလွံၢ်ဆံခံလါ အတီၢ်ပူၤလီၤ.

လံာ်လီၣ်ဖျါ 11:8

ဒီးအဝဲသ့ၣ်အစိၣ်ကအိၣ်မံလီၤလၢဝ့ၢ်ဖးဒိၣ်တဖျၢၣ်ဖဲ အကစၢ်ဘၣ်တၢ်ပျၤထီအီၤလၢထူၣ်စုညါအလိၤန့ၣ် အကျဲမုၢ်ခိၣ်လီၤ. ဝ့ၢ်တဖျၢၣ်န့ၣ်အမံၤလၢအပာ်ဖျါထီၣ်တၢ်ခီဖျိ တၢ်အဒိအတဲာ်မ့ၢ်ဝဲစဒိၣ်, မ့တမ့ၢ်အဲၤကူပတူးလီၤ.

လံာ်လီၣ်ဖျါ 17:1

တုၤနုၤတစု, ကလူးနွံဂၤလၢအအိၣ်ဒီးသလၢနွံဖျၢၣ်န့ၣ် အကျါတဂၤဟဲဆူယအိၣ်ဒီးစံးဝဲ, “ဟဲ, ဒီးယကဒုးနဲၣ်နၤလၢဃဲသဲမုၣ်မံၤဟူသၣ်ဖျါတဂၤ, ဝ့ၢ်ဖးဒိၣ်တဖျၢၣ်လၢအဘၣ်တၢ်သူၣ်ထီၣ်အီၤဘူးဒီးထံကျိအါဘိန့ၣ်လီၤ. ကဘၣ်တၢ်စံၣ်ညီၣ်အီၤဒ်လဲၣ်န့ၣ်လီၤ.