လံာ်ယၡါယၤ 1:18 - Sgaw Karen Common Bible

¹⁸ ယွၤစံးဝဲဒၣ်, “ခဲကနံၣ်အံၤ, မ်ပမၤလိၤမၤဘၣ်သကိးတၢ်ဂ့ၢ် န့ၣ်တက့ၢ်. သုဘၣ်အၢဘၣ်သီဂီၤဆှုၣ်ကလာ်လၢတၢ်ဒဲးဘးအဃိ, ဘၣ်ဆၣ်ဒီးယကသ့စီသုဝါဒ်မူခိၣ်ဖီအသိးလီၤ. သုတၢ်ဘၣ်အၢတဖၣ် မ့ၢ်ဂီၤဆှုၣ်ကလာ်နာ်က့သုကဝါဒ်သိအဆူၣ်အသိးလီၤ.

လံာ်ယၡါယၤ 1:18 Iomraidhean Croise

လံာ်စီၤယိၤဘး 9:33

ဘၣ်ဆၣ်ပှၤကဆၢထၢၣ်လၢပဘၢၣ်စၢၤတအိၣ်နီတဂၤ, ပှၤလၢကစံၣ်ညီၣ်ကစၢ်ယွၤဒီးယၤ တအိၣ်နီတဂၤဘၣ်.

စံးထီၣ်ပတြၢၤ 51:7

မၤကဆှီယၤလၢကဖျီၣ်အ့စိးတက့ၢ်. ဒီးယကကဆှီထီၣ်လီၤ. သ့စီယၤတက့ၢ်, ဒီးယကဝါန့ၢ်မူခိၣ်ဖီလီၤ.

စံးထီၣ်ပတြၢၤ 51:9

ပာ်တဒၢနမဲာ်လၢယတၢ်ဒဲးဘး, ဒီးတြူာ်ကွံာ်ယတၢ်အၢတၢ်သီခဲလၢာ်န့ၣ်တက့ၢ်.

လံာ်ယၡါယၤ 1:23

နပှၤခိၣ်ပှၤနၢ်တဖၣ်န့ၣ်မ့ၢ်ပှၤပူထီၣ်တၢ်ဒီးမ့ၢ်တၢ်ဘျၣ်တဖၣ်အတံၤ သကိးလီၤ. အဝဲသ့ၣ်တူၢ်လိာ်တၢ်ဟ့ၣ်တဖၣ်ဒီးခိၣ်ဖးလာ်ဆှိးတဖၣ် ထီဘိလီၤ. အဝဲသ့ၣ်တဒီဒၣ်အိၣ်ပှိၤပှၤဖိၣ်ဃဲတဖၣ်လၢ ကွီၢ်ဘျီၣ်ပူၤမ့ၢ်ဂ့ၤ, တဒိကနၣ်ဝဲဒၣ်ဖဲမုၣ်ကမဲတဖၣ်ဆှၢထီၣ် အကွီၢ်မ့ၢ်ဂ့ၤနီတစုဘၣ်ဒီးပှၤမုၣ်ကမဲတဖၣ်အတၢ်လိာ်ကွီၢ်န့ၣ်, တဒိကနၣ်ဝဲဘၣ်.

လံာ်ယၡါယၤ 3:13

ယွၤအိၣ်ကတဲာ်ကတီၤအသးလၢကတဲဖျါထီၣ်အကွီၢ်, ဒီးအိၣ်ကတဲာ်ကတီၤအသးလၢကစံၣ်ညီၣ်အပှၤဂီၢ်မုၢ်လီၤ.

လံာ်ယၡါယၤ 41:1

ကစၢ်ယွၤစံးဝဲ, “ကီၢ်လၢအယံၤတဖၣ်ဧၢ, အိၣ်ဘှီၣ်ကလာ်ဒီးဒိကနၣ်ယၤတက့ၢ်. အိၣ်ကတဲာ်ကတီၤသုသးလၢသုကပာ်ဖျါထီၣ်သုတၢ်ဂ့ၢ်လၢကွီၢ်ဘျီၣ် ပူၤတက့ၢ်. သုကအိၣ်ဒီးသုတၢ်ခွဲးတၢ်ယာ်လၢသုကကတိၤတၢ်အဂီၢ်လီၤ. မ်ပကဟဲပာ်ဖှိၣ်သကိးပသးလၢပကစံၣ်ညီၣ်နီၤဖးမတၤအတၢ်ဘၣ်လဲၣ် န့ၣ်တက့ၢ်.

လံာ်ယၡါယၤ 41:21

ယွၤ, အံၣ်စရ့လးအစီၤပၤစံးတၢ်အံၤလီၤ. “သုဝဲပှၤကလုာ်တဖၣ်အကစၢ်တဖၣ်, ဟ့ၣ်ထီၣ်သုတၢ်ဂ့ၢ်တက့ၢ်. ဟဲစိာ်သုတၢ်ကတိၤဂ့ၢ်လိာ်အဂ့ၤကတၢၢ်တဖၣ်လၢအအိၣ်ဒီးသု တက့ၢ်.

လံာ်ယၡါယၤ 44:22

ယတြူာ်ကွံာ်နတၢ်ဒဲးဘးတဖၣ်ဒ်တၢ်အၢၣ်အသိးလီၤ. ဟဲက့ၤကဒါက့ၤဆူယအိၣ်တက့ၢ်. ယမ့ၢ်ပှၤတဂၤလၢ အအုၣ်က့ၤခီၣ်က့ၤနၤလီၤ.

လံာ်ယၡါယၤ 50:8

အဂ့ၢ်ဒ်အံၤ, ကစၢ်ယွၤအိၣ်ဘူးဒီးယၤ, ဒီးအဝဲကဒုးနဲၣ်ဖျါဝဲလၢယတၢ်ကမၣ်တအိၣ်ဘၣ်လီၤ. ပှၤလိာ်ကွီၢ်ထီဒါယၤဘူၣ်ကအိၣ်တဂၤဂၤဧါ. မ်ပကလဲၤသကိးဆူကွီၢ်ဘျီၣ်တက့ၢ်. မ်အဟဲစိာ်အတၢ်လိာ်ဘၢလိာ်ကွီၢ်အဂ့ၢ်တက့ၢ်.

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယံးရမံယၤ 2:5

ယွၤစံးဝဲ, “သုမိၢ်ပၢ်ဖံဖုလၢပျၢၤတဖၣ်ပာ်တၢ်ကမၣ်ထီဒါ ယၤလၢမနုၤတမံၤအဃိန့ၣ်လဲၣ်. တၢ်မနုၤဒုးဃၣ်ကွံာ်အဝဲသ့ၣ်အသးလၢယၤန့ၣ်လဲၣ်. အဝဲသ့ၣ်ဘူၣ်ထီၣ်ဘါထီၣ်တ့ၢ်တၢ်ဂီၤတၢ်ဖှီၣ်လၢအမ့ၢ်တၢ် ကလီကလီတဖၣ် ဒီးအဝဲသ့ၣ်အကစၢ်ဒၣ်ဝဲကဲထီၣ်ပှၤကလီကလီတဖၣ်န့ၣ်လီၤ.

လံာ်ယဃ့းစက့လး 18:27

ဖဲပှၤအၢပှၤသီတဂၤဆိကတီၢ်မၤတၢ်ဒဲးဘးဒီးမၤတၢ်အဘၣ်ဒီး ဂ့ၤဝဲန့ၣ်, အဝဲအုၣ်က့ၤခီၣ်က့ၤအသးသမူဒၣ်ဝဲန့ၣ်လီၤ.

လံာ်ယဃ့းစက့လး 33:16

ယကပျၢ်ကွံာ်တၢ်ဒဲးဘးတဖၣ်လၢအဝဲမၤတ့ၢ်ဝဲ, ဒီးအဝဲကမူဝဲ, မ့ၢ်လၢအဝဲမၤတ့ၢ်တၢ်လၢအဘၣ်ဒီး ဂ့ၤဝဲအဃိန့ၣ်လီၤ.

လံာ်မံကၤ 6:2

သုဝဲဒၣ်ကစၢၢ်တဖၣ်, ဒီးဟီၣ်ခိၣ်အခီၣ်ထံးလၢအအိၣ်လီၤထူ လီၤယိာ်သ့ၣ်ဧၢ, ဒိကနၣ်ယွၤအကွီၢ်တက့ၢ်. ယွၤအိၣ်ဒီးအကွီၢ်တမံၤထီဒါအပှၤဂီၢ်မုၢ်လီၤ. အဝဲကပာ်ဖျါထီၣ်တၢ်ဂ့ၢ်ထီဒါအံၣ်စရ့လးတမံၤလီၤ.

မၤတၢ် 17:2

ဒ်အဝဲဒၣ်အလုၢ်အလၢ်အိၣ်ဝဲအသိး, စီၤပီလူးလဲၤဆူဘူၣ်ဘျီၣ်လၢအမ့ၢ်တၢ်ဘါအလီၢ်ဒီးဖဲန့ၣ်, လၢပှၤယူဒၤဖိအမုၢ်အိၣ်ဘှံးနံၤသၢဘျီအတီၢ်ပူၤ, အဝဲဒၣ်ဂ့ၢ်လိာ်ဘှီလိာ်တၢ်ဒီးပှၤကမျၢၢ်တဖၣ်အိၣ်ဒီးတၢ်ယၢၤ ထီၣ်ဒီး

မၤတၢ် 18:4

ပှၤယူဒၤဖိအမုၢ်အိၣ်ဘှံးနံၤကိးဘျီဒဲးန့ၣ်, အဝဲဒၣ်ကတိၤဂ့ၢ်လိာ်ဘှီလိာ်တၢ်ဖဲဘူၣ်ဘျီၣ်လၢအမ့ၢ်တၢ်ဘါ အလီၢ်, ဒီးဂုာ်ကျဲးစၢးဝဲဒ်သိးပှၤယူဒၤဖိဒီးပှၤကြံးခ်ဖိ ခံဖုလၢာ်ကနာ်တၢ်အဂီၢ်လီၤ.

မၤတၢ် 24:25

ဘၣ်ဆၣ်ဒီးဖဲစီၤပီလူးကတိၤကဒီးတၢ်ဘၣ်ဃးတၢ်ဂ့ၤတၢ်ဝါ, တၢ်ပၢၤသူၣ်ပၢၤသးဒီးမုၢ်စံၣ်ညီၣ်နံၤလၢအကဟဲအဂ့ၢ်န့ၣ်, စီၤဖ့လံးပျံၤတၢ်ဒီးစံးဝဲ, “နက့ၤသ့လံ. ယတၢ်ဆၢကတီၢ်မ့ၢ်အိၣ်န့ၣ်, ယကကိးဒံးနၤလီၤ.”

ရိမ့ၤ 5:20

တၢ်သိၣ်တၢ်သီဘၣ်တၢ်ဒုးအိၣ်ထီၣ်အီၤဒ်သိးတၢ်မၤ ကမၣ်တၢ်ကအါထီၣ်အဂီၢ်လီၤ. ဘၣ်ဆၣ်ဒီး, ဖဲတၢ်ဒဲးဘး အါထီၣ်ဝဲန့ၣ်, ကစၢ်ယွၤအဘျုးအဖှိၣ်အါထီၣ်ဒိၣ်န့ၢ် အန့ၣ်တက့ၢ်လီၤ.

လံာ်လီၣ်ဖျါ 7:14

“ယတသ့ၣ်ညါဘၣ်, တၢ်ဒိၣ်ဧၢ, နသ့ၣ်ညါနဲလီၤ” ယစံးဆၢယဲ. အဝဲဒၣ်စံးဘၣ်ယၤ, “ပှၤသ့ၣ်တဖၣ်အံၤမ့ၢ်ပှၤတဖၣ်လၢ အလဲၤခီဖျိဘၣ်တၢ်မၤအၢမၤနးလီၤပျံၤလီၤဖုးတမံၤန့ၣ်လီၤ. အဝဲသ့ၣ်သ့စီကွံာ်တ့ၢ်ဝဲအဆ့ကၤဖးထီတဖၣ်, ဒီးမၤဝါထီၣ်အီၤလၢသိဖိတဒုန့ၣ်အသွံၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:7

ခဲအံၤဆၢထၢၣ်ဖဲသုအိၣ်အလီၢ်ဒီး ယကဆှိးသုလၢယွၤအမဲာ်ညါခီဖျိတၢ်မၤသ့ၣ်နီၣ်သုလၢ ကယဲၢ်တၢ်မၤအဒိၣ်အဆူၣ်လၢယွၤမၤတ့ၢ် လၢကအုၣ်က့ၤခီၣ်က့ၤသုဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ.