လံာ်ယၡါယၤ 1:13 - Sgaw Karen Common Bible

¹³ သုဟဲစိာ်သုတၢ်လုၢ်မၤဘူၣ်တဖၣ်န့ၣ်အဘျုးတအိၣ် ဘၣ်. တၢ်နၢမူတဖၣ်လၢသုဒွဲၣ်ထီၣ်အီၤန့ၣ်ယသးဘၣ် အၢဘၣ်သီအီၤလီၤ. သုလါထီၣ်သီအမူးတဖၣ်, သုမုၢ်အိၣ်ဘှံးအနံၤတဖၣ်ဒီးသုတၢ်ဘူၣ်တၢ်ဘါ အတၢ်ရ့လိာ်မုာ်လိာ်တဖၣ်, ယတူၢ်အီၤတပှဲၤဘၣ်. သုတၢ်ဒဲးဘးတၣ်မၤဟးဂီၤကွံာ်တၢ်န့ၣ်တဖၣ်ခဲလၢာ်လီၤ.

လံာ်ယၡါယၤ 1:13 Iomraidhean Croise

လံာ်စီၤပၤခံဘ့ၣ်တဘ့ၣ် 4:23

အဝၤသံကွၢ်အီၤ, “ဘၣ်မနုၤလၢနကဘၣ်လဲၤတၢ်တနံၤအံၤန့ၣ်လဲၣ်. တနံၤအံၤတမ့ၢ်မုၢ်အိၣ်ဘှံးနံၤမ့ၢ်ဂ့ၤ, လါထီၣ်သီအနံၤအမူး မ့ၢ်ဂ့ၤန့ၣ်ဘၣ်.” ပိာ်မုၣ်န့ၣ်စံးဆၢအီၤ, “အတွးတအိၣ်ဘၣ်.”

လံာ်ကွဲးနီၣ်တၢ်အခီၣ်ထံးတဘ့ၣ် 23:31

ဒီးဖဲတၢ်လုၢ်မၤဘူၣ်ဆူယွၤတဖၣ်, ဘၣ်တၢ်ဆူးကဲၤအီၤလၢမုၢ် အိၣ်ဘှံးနံၤ, ဒီးလါထီၣ်သီအမူးဒီးမူးအဂၤတဖၣ်အဂီၢ်အခါန့ၣ်လီၤ. တၢ်သိၣ်တၢ်ဘျၢလၢတၢ်ဘူၣ်ထီၣ်ဘါထီၣ်ယွၤကိးကတီၢ်ဒဲးအတၢ်မၤ အဂီၢ်ဘၣ်တၢ်ပာ်လီၤအီၤလီၤတံၢ်လီၤဆဲးန့ၣ်လီၤ. ပှၤလ့ၤဝံဖိတဖၣ်ဘၣ်တၢ်ဟ့ၣ်မူဟ့ၣ်ဒါအီၤလၢတၢ်ဘူၣ်ထီၣ်ဘါ ထီၣ်ယွၤကိးဆၢကိးကတီၢ်ဒဲးအဂီၢ်န့ၣ်လီၤ.

စံးထီၣ်ပတြၢၤ 78:40

အဝဲသ့ၣ်တဖၣ်န့ၣ်ပူထီၣ်အီၤ ဒီးမၤဆါအသးလၢပှၢ်မုၢ်ကနၢအပူၤပှဲၤဘျီလဲၣ်.

လံာ်တၢ်ဟးထီၣ်ကွံာ် 12:16

ဒီးလၢအခီၣ်ထံးတသီဒီးနွံသီတသီန့ၣ်သုကဘၣ်ပာ်ဖှိၣ်ထီၣ်သု သးလၢတၢ်ဘူၣ်ထီၣ်ဘါထီၣ်အဂီၢ်လီၤ. လၢမုၢ်နံၤတဖၣ်န့ၣ်အတီၢ်ပူၤသုတဘၣ်မၤတၢ်နီတမံၤဘၣ်. ဘၣ်ဆၣ်ဒီးသုကတဲာ်ကတီၤတၢ်အီၣ်တၢ်အီသ့ဝဲလီၤ.

တၢ်ကတိၤဒိ. 21:27

ယွၤသးဘၣ်အၢပှၤတတီတလိၤတဖၣ်အတၢ်လုၢ်ထီၣ်အီၤတၢ်လုၢ်တၢ်ပာ်တ ဖၣ်, ဒီးလီၤဆီဒၣ်တၢ်ဖဲအဝဲသ့ၣ်မၤအီၤလၢလၢတၢ်တိာ်သူၣ်ပာ်သး အအၢအသီလၢအမၢန့ၢ်ဆီၣ်ခံအီၤတဖၣ်အပူၤအခါန့ၣ်လီၤ.

တၢ်ကတိၤဒိ. 7:14

“ယမၤတ့ၢ်ယတၢ်လုၢ်မၤဘူၣ်တဖၣ်တနံၤအံၤဒီးအိၣ်ဒီးတၢ်ညၣ်လၢ တၢ်လုၢ်တၢ်ပာ်တဖၣ်အဂီၢ်န့ၣ်လီၤ.

လံာ်ယၡါယၤ 66:23

လၢလါထီၣ်သီအဘူၣ်ကိးဘျီဒဲးဒီးမုၢ်အိၣ်ဘှံးနံၤကိးဘျီဒဲး န့ၣ်, ပှၤကလုာ်ခဲလၢာ်အပှၤဂီၢ်မုၢ်ကဟဲဒ်သိးကဘူၣ်ထီၣ်ဘါ ထီၣ်ယၤဖဲဝ့ၢ်ယရူၤၡလ့ၣ်အပူၤအံၤလီၤ.” ယွၤစံးဝဲဒၣ်.

လံာ်ယၡါယၤ 66:3

ပှၤဂီၢ်မုၢ်မၤတၢ်ဒ်တၢ်ဘၣ်အသးဒၣ်ဝဲအသိးလီၤ. တၢ်မၤသံကျီၢ်ဖါတဒုလၢတၢ်လုၢ်တၢ်ပာ်တမံၤအဂီၢ်မ့ၢ်ဂ့ၤ, တၢ်လုၢ်ပှၤကညီတဂၤမ့ၢ်ဂ့ၤ, တၢ်လုၢ်ထီၣ်သိဖိတဒုမ့ၢ်ဂ့ၤ, တၢ်ဘိးကၢ်ကွံာ်ထွံၣ်တဒုအကိာ်မ့ၢ်ဂ့ၤ, တၢ်လုၢ်ထီၣ်ဘုဧိၤဟုဧိၤအတၢ်မၤဘူၣ်တမံၤမ့ၢ်ဂ့ၤ, တၢ်လုၢ်ထီၣ်ထိးအသွံၣ်မ့ၢ်ဂ့ၤ, တၢ်လုၢ်ထီၣ်တၢ်နၢမူမ့ၢ်ဂ့ၤ, တၢ်ထုကဖၣ်ဆူတၢ်ဂီၤတၢ်ဖီၣ်မ့ၢ်ဂ့ၤ, တၢ်ခဲလၢာ်အံၤမ့ၢ်ဒၣ်တၢ်ဒ်သိးသိးလၢအဝဲသ့ၣ်အဂီၢ်န့ၣ်လီၤ. အဝဲသ့ၣ်မုာ်လၤသးခုဝဲလၢတၢ်ဘူၣ်ထီၣ်ဘါထီၣ်အကျဲတဖၣ် လၢအလီၤသးဘၣ်အၢအံၤအပူၤန့ၣ်လီၤ.

လံာ်သးသယုၢ်တၢ် 2:6

ဒိလီၤသဘှံးကွံာ်ဝဲတၢ်လုၢ်ဟံၣ်ဖဲပဘူၣ်ထီၣ်ဘါထီၣ်တ့ၢ်အီၤ န့ၣ်လီၤ. ဆိကတီၢ်ကွံာ်ဝဲမုၢ်နံၤစီဆှံတဖၣ်ဒီးမုၢ်အိၣ်ဘှံးအနံၤတဖၣ် လီၤ. စီၤပၤဒီးပှၤလုၢ်တၢ်အခိၣ်ကလၢၢ်ဘၣ်အတၢ်သးဒိၣ် အသဟီၣ်ဒ်သိးသိးလီၤ.

လံာ်ယဃ့းစက့လး 20:39

ယွၤပၢဘၣ်တၢ်ခဲလၢာ်ကစၢ်, ကစၢ်စံးဝဲ, “ဒီးခဲကနံၣ်အံၤသုဝဲ ပှၤအံၣ်စရ့လးဖိခဲလၢာ်သ့ၣ်သုဧၢ, မၤဖဲသုသးတက့ၢ်. လဲၤဆၣ်ခီ ဒီးမၤသုတၢ်ဂီၤတၢ်ဖီၣ်တဖၣ်အတၢ်မၤတက့ၢ်. ဘၣ်ဆၣ်ယဟ့ၣ်ပလီၢ်သုလၢ, တၢ်အံၤဝံၤအလီၢ်ခံန့ၣ်သုကဘၣ်စူၢ်ယၤ ဒီးသုတၢ်မၤဘၣ်အၢယမံၤစီဆှံအလၤကပီၤခီဖျိတၢ်လုၢ်ထီၣ်တၢ် ဟ့ၣ်တဖၣ်ဆူသုတၢ်ဂီၤတၢ်ဖီၣ်တဖၣ်အအိၣ်န့ၣ်သုကဘၣ်ဆိ ကတီၢ်အီၤန့ၣ်လီၤ.

လံာ်ဟိၤၡ့ 2:11

ယကမၤကတၢၢ်ကွံာ်ကယဲၢ်အဝဲဒၣ်အမူးဧိၤပွဲဧိၤတဖၣ်လၢအမ့ၢ်, တနံၣ်တဘျီဒီးတလါတဘျီအဘူၣ်တဖၣ်ဒီးအမုၢ်အိၣ်ဘှံးနံၤအဘူၣ်တဖၣ်, ကယဲၢ်အတၢ်ဘူၣ်တၢ်ဘါအတၢ်အိၣ်ဖှိၣ်တဖၣ်န့ၣ်လီၤ.

လံာ်ယိၤအ့လး 1:14

ဘိးဘၣ်သ့ၣ်ညါလၢတၢ်ဒုၣ်တၢ်အီၣ်တၢ်အီအဂီၢ်, ကိးတၢ်အိၣ်ဖှိၣ်ရိဖှိၣ်, ကိးဖှိၣ်ပှၤခိၣ်ပှၤနၢ်တဖၣ် ဒီးယူဒၤအပှၤဂီၢ်မုၢ်ခဲလၢာ် ဆူယွၤအတၢ်လုၢ်ဟံၣ်အပူၤဒီးကိးထီၣ်ဆူ ယွၤအအိၣ်တက့ၢ်.

လံာ်ယိၤအ့လး 2:15

အူထီၣ်ကွဲၤလၢကစၢၢ်စံယိၣ်အလိၤဘိးဘၣ်သ့ၣ်ညါ လၢတၢ်ဒုၣ်တၢ်အီၣ်တၢ်အီတမံၤအဂီၢ်ဒီးကိးတၢ်အိၣ်ဖှိၣ်ရိဖှိၣ် တခါတက့ၢ်.

လံာ်တၢ်ဘူၣ်ထီၣ်ဘါထီၣ် 26:31

ဒီးယကမၤဟးဂီၤကွံာ်သုဝ့ၢ်တဖၣ်, သုတၢ်ဘူၣ်တၢ်ဘါအလီၢ်တဖၣ် ဒီးယတတူၢ်လိာ်သုတၢ်လုၢ်တၢ်ပာ်တဖၣ်န့ၣ်ဘၣ်.

လံာ်မၤလကံ 1:10

တၢ်သုးမုၢ်ဂီၢ်မုၢ်အယွၤစံးဝဲ, “ယအဲၣ်ဒိးပှၤလၢသုကျါတဂၤကကးတံာ်ဃာ်တၢ်လုၢ်ဟံၣ် အတြဲၤတဖၣ်ဒ်သိးကတြီဃာ်သုလၢတၢ်မၤကဲၤထီၣ်မ့ၣ်အူလၢ အဘျုးတအိၣ်ဘၣ်လၢယတၢ်လုၢ်လီၢ်အဖီခိၣ်န့ၣ်လီၤ. ယတဘၣ်သူၣ်ဘၣ်သးသုဘၣ်. ဒီးယတတူၢ်လိာ်တၢ်လုၢ်တၢ်ပာ်လၢသုဟဲစိာ်န့ၢ်ယၤန့ၣ်ဘၣ်.

လံာ်မးသဲ 15:9

အဝဲသ့ၣ်အတၢ်ဘူၣ်ထီၣ်ဘါထီၣ်ယၤန့ၣ် အဘျုးတအိၣ်ဘၣ်. အဂ့ၢ်ဒ်အံၤ, အဝဲသ့ၣ်သိၣ်လီၤသီလီၤတၢ်သိၣ်တၢ်သီလၢ ပှၤကညီဒုးအိၣ်ထီၣ်တဖၣ်, ဒ်အမ့ၢ်ယတၢ်မၤလိာ်တဖၣ်အသိးအဃိလီၤ’ ” (ၡါ. ၂၉:၁၃).

လံာ်လူၤကၣ် 11:42

ပှၤဖၤရံၤၡဲသ့ၣ်ဧၢ, သုဘၣ်အဖှီၣ်ဆံးဒိၣ်လဲၣ်. ဟီၣ်ဝီၤသွ့, ဒီးပံကနၣ်အဒိးဒီးကသံၣ်အမုၢ်အဂၤတမံၤလၢ်လၢ်န့ၣ် သုဟ့ၣ်မၤဘူၣ်ဆူကစၢ်ယွၤအအိၣ်အပူတဆံန့ၣ်တပူလီၤ. ဘၣ်ဆၣ်သုကွၢ်ကပာ်တၢ်စံၣ်ညီတီဒီးတၢ်အဲၣ်ကစၢ်ယွၤလီၤ. တၢ်သ့ၣ်တဖၣ်အံၤ, သုကြၢးအိၣ်မူထွဲအခံ, ဒီးသုတကြၢးကွၢ်ကပာ်ကွံာ်စ့ၢ်ကီးတၢ်အဂၤတဖၣ်န့ၣ်ဘၣ်.

1 ကရံၣ်သူး 11:17

မ့မ့ၢ်, ဖဲလၢအဘၣ်ဃးဒီးတၢ်သိၣ်လိနဲၣ်ကျဲလၢလာ်တဖၣ်န့ၣ်, ယတစံးထီၣ်ပတြၢၤသုဘၣ်. အဂ့ၢ်ဒ်အံၤ, သုတၢ်အိၣ်ဖှိၣ်ဘူၣ် သကိးဘါသကိးတၢ်န့ၣ်, မၤအၢတၢ်နီၢ်နီၢ်အါန့ၢ်အမၤဂ့ၤတၢ်နီၢ်နီၢ် တက့ၢ်လီၤ.

အ့းဖ့းစူး 4:30

တဘၣ်မၤသးအုးယွၤအသးစီဆှံတဂ့ၤ. အဂ့ၢ်ဒ်အံၤယွၤအသးစီဆှံမ့ၢ်ကစၢ်ယွၤအတၢ်စဲပနီၣ်ဃာ် သုလၢတၢ်အုၣ်က့ၤခီၣ်က့ၤအမုၢ်တနံၤအဂီၢ်န့ၣ်လီၤ.

ဖံလံးပံၤ 1:15

မ့ၢ်ဒၣ်ကယၢာ်, အဝဲသ့ၣ်တနီၤစံၣ်တဲၤတဲလီၤခရံာ်အဂ့ၢ်မ့ၢ်လၢ အဝဲသ့ၣ်အသးက့ၣ်, ဒီးအ့ၣ်လိာ်ဆိးက့လိာ်အသး, ဘၣ်ဆၣ်ဒီးအဂၤတနီၤစံၣ်တဲၤတဲလီၤတၢ်လၢတၢ်ပာ်လီၤ သးတီတီလိၤလိၤအပူၤန့ၣ်လီၤ.