လံာ်ယၡါယၤ 1:1 - Sgaw Karen Common Bible

¹ လံာ်အံၤအိၣ်ဃုာ်ဒီးတၢ်ကစီၣ်ဘၣ်ဃးကီၢ်ယူဒၤ ဒီးဝ့ၢ်ယရူၤၡလ့ၣ်အဂ့ၢ်လၢကစၢ်ယွၤလီၣ်ဖျါထီၣ်တ့ၢ်ဆူစီၤအၤမိာ် အဖိခွါဝံယၡါယၤဖဲစီၤဧူးစံယါ, စီၤယိၤသၣ်, စီၤအၤဃး, ဒီးစီၤ ဃံးစကံယၤမ့ၢ်စီၤပၤတဖၣ်လၢကီၢ်ယူဒၤအဆၢကတီၢ်န့ၣ်လီၤ.

လံာ်ယၡါယၤ 1:1 Iomraidhean Croise

လံာ်စီၤပၤခံဘ့ၣ်တဘ့ၣ် 15:1

လၢကီၢ်အံၣ်စရ့လးအစီၤပၤယၤရၤဘၣ်ခံဂၤတဂၤပၢတၢ်ခံဆံနွံ နံၣ်တနံၣ်အပူၤန့ၣ်စီၤအမၤစယါအဖိခွါစီၤဧူးစံယါကဲထီၣ်, ကီၢ်ယူဒၤအစီၤပၤ,

လံာ်စီၤပၤခံဘ့ၣ်တဘ့ၣ် 15:13

လၢကီၢ်ယူဒၤအစီၤပၤဧူးစံယါပၢတၢ်သၢဆံခွံနံၣ်တနံၣ်အပူၤ န့ၣ်, စီၤယၤဘ့ၣ်အဖိခွါစီၤၡၤလူၣ်ကဲထီၣ်ကီၢ်အံၣ်စရ့လးအစီၤပၤ, ဒီးအဝဲပၢတၢ်လၢၡၤမရံအပူၤတလါန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:32

လၢစီၤရမါလယၤအဖိခွါစီၤပ့ကးပၢတၢ်ဒ်စီၤပၤလၢကီၢ်အံၣ် စရ့လးအပူၤခံနံၣ်တနံၣ်န့ၣ်စီၤဧူးစံယါအဖိခွါစီၤယိၤသၣ် ကဲထီၣ်ကီၢ်ယူဒၤအစီၤပၤ,

လံာ်စီၤပၤခံဘ့ၣ်တဘ့ၣ် 15:7

စီၤဧူးစံယါသံဝဲဒီးဘၣ်တၢ်ခူၣ်လီၤကွံာ်အီၤလၢစီၤပၤအတၢ် သွၣ်ခိၣ်လၢစီၤဒၤဝံးအဝ့ၢ်ပူၤ, ဒီးအဝဲအဖိခွါစီၤယိၤသၣ်ကဲထီၣ်စီၤပၤလၢအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 18:1

လၢစီၤအ့လၤအဖိခွါစီၤဟိၤၡ့ပၢတၢ်ဒ်ကီၢ်အံၣ်စရ့လးအစီၤ ပၤအသိးသၢနံၣ်တနံၣ်အပူၤန့ၣ်စီၤအၤဃးအဖိခွါစီၤဃံးစကံ ယၤကဲထီၣ်ကီၢ်ယူဒၤအစီၤပၤ,

လံာ်စီၤပၤခံဘ့ၣ်တဘ့ၣ် 19:2

အဝဲမၢလီၤပှၤကွၢ်ထွဲနူၢ်ဧိၤစီၤဧိၤအခိၣ်စီၤအ့ၤလယါကံၣ်, ကွီၢ်ဘျီၣ်အပှၤကွဲးလံာ်ဒိၣ်စီၤၡ့ၤဘနၤဒီးပှၤလုၢ်တၢ်အခိၣ် အဒိၣ်တဖၣ်ဒ်သိးကလဲၤဆူစီၤအၤမိးအဖိခွါဝံယၡါယၤအအိၣ်န့ၣ် လီၤ. အဝဲသ့ၣ်စ့ၢ်ကီးကူသိးဝဲထၢၣ်တၢ်ကံးညာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:1

ကယဲၢ်ကီၢ်ယူဒၤအပှၤဂီၢ်မုၢ်ဃုထၢစီၤအမၤစယါအဖိခွါစီၤဧူး စံယါလၢအသးအိၣ်တဆံဃုနံၣ်တဂၤလၢကကဲထီၣ်စီၤပၤလၢအပၢ် အလီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:22

စီၤအၤမိာ်အဖိခွါဝံယၡါယၤကွဲးနီၣ်ကွဲးဃါကယဲၢ်တၢ်အဂၤ တဖၣ်လၢစီၤဧူးစံယါမၤတ့ၢ်ဝဲဖဲအဝဲပၢတၢ်အကတီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 27:1

စီၤယိၤသၣ်ကဲထီၣ်စီၤပၤဖဲအသးအိၣ်ခံဆံယဲၢ်နံၣ်, ဒီးပၢတ့ၢ်တၢ်လၢဝ့ၢ်ယရူၤၡလ့ၣ်အပူၤတဆံဃုနံၣ်န့ၣ်လီၤ. အဝဲအမိၢ်မ့ၢ်ဝဲစီၤစၤဒိးအဖိမုၣ်နီၢ်ယရူၡၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:1

စီၤအၤဃးကဲထီၣ်စီၤပၤဖဲအသးအိၣ်အနံၣ်ခံဆံဒီးအဝဲပၢတ့ၢ် တၢ်လၢဝ့ၢ်ယရူၤၡလ့ၣ်အပူၤတဆံဃုနံၣ်န့ၣ်လီၤ. အဝဲတလူၤပိာ်ထွဲဘၣ်အပၢ်ဖးဒိၣ်လၢပျၢၤစီၤပၤစီၤဒၤဝံးအဒိဂ့ၤ တဲာ်ဘၣ်အခံန့ၣ်ဘၣ်. အခိၣ်တလိာ်အဝဲမၤတၢ်လၢအတဘၣ်ယွၤ အသး,

လံာ်ကွဲးနီၣ်တၢ်ခံဘ့ၣ်တဘ့ၣ် 29:33

အဝဲသ့ၣ်ဟဲစိာ်စ့ၢ်ကီးဂီၤဖံးဖါအဒုဃုကယၤ, သိအဒုသၢကထိ ဒ်တၢ်လုၢ်တၢ်ပာ်တဖၣ်လၢပှၤဂီၢ်မုၢ်ကအီၣ်ဝဲအဂီၢ်န့ၣ်လီၤ.

စံးထီၣ်ပတြၢၤ 89:19

လၢပျၢၤ, နကတိၤတၢ်ဒီးနပှၤတီပှၤလိၤတဖၣ်လၢ တၢ်ထံၣ်လၢညါခီအပူၤ, ဒီးနစံး, “ယဟ့ၣ်လီၤလံပှၤသုးဖိ မံၤဟူသၣ်ဖျါတဂၤလၢ တၢ်မၤစၢၤ, ယဟ့ၣ်လီၤလံလီၢ်ပစိာ်ဆူပှၤတဂၤ လၢယဃုထၢအီၤလၢ ပှၤဂီၤမုၢ်အကျါလံ.

လံာ်ယၡါယၤ 13:1

အအံၤမ့ၢ်တၢ်ကစီၣ်ဘၣ်ဃးကီၢ်ဘၤဘူၤလိၣ်အဂ့ၢ်, လၢစီၤအၤမိာ်အဖိခွါစီၤယၡါယၤဒိးန့ၢ်ဘၣ်ဝဲလၢကစၢ်ယွၤ အအိၣ်န့ၣ်လီၤ.

လံာ်ယၡါယၤ 2:1

အအံၤမ့ၢ်တၢ်ကစီၣ်လၢကစၢ်ယွၤဟ့ၣ်လီၤ စီၤအၤမိာ်အဖိခွါဝံယၡါယၤဘၣ်ဃးဒီး ကီၢ်ယူဒၤဒီးဝ့ၢ်ယရူၤရှလ့ၣ်အဂ့ၢ်န့ၣ်လီၤ.

လံာ်ယၡါယၤ 20:2

တချုးတၢ်အံၤသၢနံၣ်န့ၣ်, ယွၤစံးဘၣ်တ့ၢ်စီၤအၤမိာ်အဖိခွါ စီၤယၡါယၤလၢကဘ့ၣ်လီၤအခီၣ်ဖံးဒီးထၢၣ်တၢ်ကံးယာ်လၢ အကၤဝဲန့ၣ်လီၤ. အဝဲဒိကနၣ်ဝဲ, ဒီးဟးဝ့ၤဝီၤအိၣ်ဘ့ၣ်ဆ့ အိၣ်ဘ့ၣ်ခီၣ်န့ၣ်လီၤ.

လံာ်ယၡါယၤ 21:2

ယထံၣ်တ့ၢ်တၢ်ထံၣ်လၢညါခီဘၣ်ဃးတၢ်မၤအသးအၢအၢ သီသီတဖၣ်, တၢ်ထံၣ်လၢညါခီဘၣ်ဃးတၢ် ဟ့ၣ်လီၤကွံာ်ဒီးတၢ်မၤဟးဂီၤတၢ်လီၤ. ကီၢ်ဧ့ၤလၣ်အသုးမုၢ်ဧၢ, လဲၤဒုးတၢ်တက့ၢ်. ကီၢ်မၤဒဲအသုး မုၢ်ဧၢ, ကဝီၤဃာ်ဝ့ၢ်တဖၣ်န့ၣ်တက့ၢ်. ကစၢ်ယွၤကမၤကတၢၢ် ကွံာ်တၢ်နးတၢ်ဖှီၣ်လၢကီၢ်ဘၤဘူၤလိၣ်ဒုးအိၣ်ထီၣ်ဝဲန့ၣ်လီၤ.

လံာ်ယၡါယၤ 37:2

အဝဲမၢလီၤစီၤအ့လယါကံၣ်, ပဒိၣ်လၢအပၢၤစီၤပၤအနူၢ်အစီၤ, စီၤၡ့ၤဘနၤလၢအမ့ၢ်ကွီၢ်ဘျီၣ်အနဲၣ်ရွဲၣ်, ဒီးအပှၤလုၢ်တၢ်အခိၣ် အဒိၣ်သူၣ်က့သးပှၢ်တဖၣ်န့ၣ်ဆူစီၤအၤမိာ်အဖိခွါဝံယၡါယၤ အအိၣ်လီၤ. အဝဲသ့ၣ်စ့ၢ်ကီးကူကၤဆ့ထၢၣ်တၢ်ကံးယာ်န့ၣ်လီၤ.

လံာ်ယၡါယၤ 38:1

ဖဲတၢ်ဆၢကတီၢ်အံၤအဘၢၣ်ကဝီၤန့ၣ်, စီၤပၤဃံးစကံယၤဆါထီၣ် ဘူးတ့ၢ်မးကသံဝဲလီၤ. စီၤအၤမိာ်အဖိခွါဝံယၡါယၤလဲၤဆူအ အိၣ်ဒီးစံးဘၣ်အီၤ, “ယွၤစံးဘၣ်နၤဒ်သိးနကကတဲာ်ကတီၤတၢ်ခဲ လၢာ်လၢအဂ့ၢ်အဝီဒၣ်ဝဲလီၤ. အဂ့ၢ်ဒ်အံၤ, နတအိၣ်ဆူၣ်အိၣ်ချ့ထီၣ်က့ၤလၢၤဘၣ်. ကတဲာ်ကတီၤနသးလၢ နကသံတက့ၢ်.”

လံာ်ယၡါယၤ 40:9

ဝ့ၢ်ယရူၤၡလ့ၣ်ဧၢ, လဲၤထီၣ်ဆူကစၢၢ်ထီၣ်ထီတဖျၢၣ်အလိၤ ဒီးတဲဖျါတၢ်သးခုကစီၣ်တက့ၢ်. ကိးထီၣ်လၢနကလုၢ်ဖးဒိၣ်တက့ၢ်. စံယိၣ်ဧၢ, ဘိးဘၣ်သ့ၣ်ညါတၢ်သးခုကစီၣ်တက့ၢ်. ကတိၤထီၣ်တၢ်ဒီးပျံၤတၢ်တဂ့ၤ. တဲဘၣ်ကီၢ်ယူဒၤအဝ့ၢ်တဖၣ် လၢအဝဲသ့ၣ်အကစၢ်ယွၤဟဲဝဲလံ.

လံာ်ယၡါယၤ 6:1

လၢစီၤပၤဧူးစံယါသံဝဲအနံၣ်န့ၣ်, ယထံၣ်ဘၣ်ယွၤလီၤ. အဝဲဆ့ၣ်နီၤဝဲလၢအလီၢ်ပစိာ်အဖီခိၣ်, အိၣ်ထီၣ်ထီဝဲဒီးတၢ်ပာ် ထီၣ်ထီအီၤ, ဒီးအဆ့ကၤဖးဒိၣ်မၤပှဲၤတၢ်လုၢ်ဟံၣ်ဒီဖျၢၣ်လီၤ.

လံာ်ယၡါယၤ 7:1

ဖဲစီၤပၤအၤဃးလၢအမ့ၢ်စီၤယိၤသၣ်အဖိခွါ, ဒီးစီၤဧူးစံယါအလံၤခွါ, ပၢကီၢ်ယူဒၤအဆၢကတီၢ်န့ၣ်, တၢ်ဒုးကဲထီၣ်ဝဲလီၤ. ကီၢ်စူၤရံအစီၤပၤရစံၣ်ဒီးကီၢ်အံၣ်စရ့လး အစီၤပၤပ့ကးလၢအမ့ၢ်စီၤရမါလယၤအဖိခွါဟဲထီၣ်ဒုးဝ့ၢ်ယရူၤ ၡလ့ၣ်လီၤ. ဘၣ်ဆၣ်ဒီးဒုးဝဲတန့ၢ်ဘၣ်.

လံာ်ယံးရမံယၤ 23:16

ယွၤသ့တၢ်လၢာ်စံးဘၣ်ဝ့ၢ်ယရူၤၡလ့ၣ်အပှၤဂီၢ်မုၢ်, “ဒိကနၣ်တၢ်လၢဝံတဖၣ်စံးကတိၤဝဲန့ၣ်တဂ့ၤ. အဝဲသ့ၣ်မၤပှဲၤသုဒီးတၢ်မုၢ်လၢ်လၢအတတီဘၣ်တဖၣ်န့ၣ်လီၤ. အဝဲသ့ၣ်တဲဘၣ်သုတၢ်လၢအဆိကမိၣ်ထီၣ်ဒၣ်ဝဲ, ဒီးတမ့ၢ်ဘၣ်တၢ်လၢယစံးတ့ၢ်တဖၣ်န့ၣ်ဘၣ်.

လံာ်ယဃ့းစက့လး 1:1

လၢသၢဆံနံၣ်တနံၣ်, လွံၢ်လါတလါ, လါထီၣ်ယဲၢ်သီတသီန့ၣ်, ယၤ, စီၤဘူၤစံအဖိခွါ, ပှၤလုၢ်တၢ်အခိၣ်စီၤယဃ့းစက့လး အိၣ်ဆိးဒီးပှၤယူဒၤဖိလၢတၢ်စိာ်မၢကဲကုၢ်အီၤတဖၣ်လၢထံ ကျိကဘၢ်အနံၤလၢကီၢ်ဘၤဘူၤလိၣ်အပူၤလီၤ. မူကပိာ်လိၤအိးထီၣ်အသးဒီးယထံၣ်တၢ်ထံၣ်လၢညါခီတမံၤဘၣ်ဃး ဒီးကစၢ်ယွၤလီၤ.

လံာ်ဟိၤၡ့ 1:1

အအံၤမ့ၢ်တၢ်ကစီၣ်လၢယွၤဟ့ၣ်စီၤဘ့ၤရံအဖိခွါစီၤဟိၤၡ့ ဖဲစီၤပၤစီၤဧူးစံယၤ, စီၤယိၤသၣ်, စီၤအၤဃာ်, စီၤဃံးစကံ ယၤတဖၣ်ပၢတၢ်လၢကီၢ်ယူဒၤအပူၤ, ဒီးလၢအံၣ်စရ့လးကီၢ်ပူၤတခီ စီၤပၤစီၤယိၤအၣ်အဖိခွါစီၤယၤရၤဘၣ်ပၢတၢ်အဆၢကတီၢ်န့ၣ် လီၤ.

လံာ်ဧၤမိၣ် 1:1

တၢ်တဖၣ်အံၤမ့ၢ်ပှၤကွၢ်သိစီၤဧၤမိၣ်လၢဝ့ၢ်တကိၤ, အတၢ်ကတိၤတဖၣ်န့ၣ်လီၤ. တချုးလၢဟီၣ်ခိၣ်ဟူးဝးဒံးဘၣ်ခံနံၣ်, ဖဲစီၤပၤဧူးစံယါမ့ၢ်ကီၢ်ယူဒၤအစီၤပၤဒီးစီၤယိၤအၣ်အဖိ ခွါစီၤယၤရၤဘၣ်မ့ၢ်ကီၢ်အံၣ်စရ့လးအစီၤပၤန့ၣ်, ကစၢ်ယွၤလီၣ်ဖျါထီၣ်ကယဲၢ်တၢ်အံၤခဲလၢာ်ဘၣ်ဃးဒီး ကီၢ်အံၣ်စရ့လးဆူစီၤဧၤမိၣ်န့ၣ်လီၤ.

လံာ်ဧၤမိၣ် 4:5

ဒီးလုၢ်ထီၣ်သုကိၣ်လၢတၢ်စံးဘျုးစံးဖှိၣ်အပူၤဆူကစၢ်ယွၤ, ဒီးကတိၤကဖၢလၢလီၤသုသးလၢသုတၢ်လုၢ်လီၤဆီတဖၣ်အဃိန့ၣ်တက့ၢ်. အအံၤမ့ၢ်တၢ်လၢသုအဲၣ်မၤအီၤန့ၣ်လီၤ.

လံာ်မံကၤ 1:1

ဖဲစီၤယိၤသၣ်, စီၤအၤဃာ်ဒီးစီၤဃံးစကံယၤတဖၣ်မ့ၢ်ကီၢ်ယူ ဒၤအစီၤပၤအကတီၢ်န့ၣ်ယွၤဟ့ၣ်လီၤတၢ်ကစီၣ်အံၤဆူဝံမံကၤ, ပှၤလၢဝ့ၢ်မိရၤၡးတခီလီၤ. ယွၤလီၣ်ဖျါထီၣ်တၢ်ဂ့ၢ်ခဲလၢာ်အံၤဘၣ်ဃးဒီးၡၤမရံဒီး ဝ့ၢ်ယရူၤၡလ့ၣ်ဆူဝံမံကၤန့ၣ်လီၤ.

လံာ်နၤဃူၣ် 1:1

တၢ်အံၤမ့ၢ်တၢ်ကစီၣ်လၢအဘၣ်ဃးဒီးဝ့ၢ်နံၤနဝ့အဂ့ၢ်လီၤ. ဒီးမ့ၢ်တၢ်ကွဲးနီၣ်ကွဲးဃါပှၤအ့လကိၤၡးဖိစီၤနၤဃူၣ် အတၢ်ထံၣ်လၢညါခီန့ၣ်လီၤ.

လံာ်ဃဘးကူာ် 2:2

ဒီးယွၤဟ့ၣ်တ့ၢ်ယၤတၢ်စံးဆၢဒ်အံၤ, “တၢ်လၢယဒုးထံၣ်နၤန့ၣ် ကွဲးအီၤဖျါဖျါလၢလၢၢ်ဘ့ၣ်ဘၣ်တဖၣ်အလိၤ, ဒ်သိးတၢ်ဖးအီၤကသ့ညီညီအဂီၢ်တက့ၢ်.

လံာ်တၢ်ဂံၢ် 12:6

ဒီးယွၤစံးဝဲဒၣ်, “ခဲအံၤဒိကနၣ်တၢ်လၢယကစံးယဲန့ၣ်တက့ၢ်. ဖဲဝံတဖၣ်အိၣ်လၢသုကျါန့ၣ်ယလီၣ်ဖျါယသးဆူအဝဲသ့ၣ်အအိၣ်လၢ တၢ်ထံၣ်လၢညါခီတဖၣ်အပူၤဒီးကတိၤတၢ်ဆူအဝဲသ့ၣ်အအိၣ်လၢတၢ် မံမီၢ်တဖၣ်အပူၤန့ၣ်လီၤ.

လံာ်တၢ်ဂံၢ် 24:16

မတၤနၢ်ဟူတၢ်လၢကစၢ်ယွၤစံးဝဲဒီးဒိးန့ၢ်တၢ်သ့ၣ်ညါလၢအဟဲ လၢတၢ်ထီကတၢၢ်တဂၤအအိၣ်သ့န့ၣ်လဲၣ် လၢမဲာ်ချံစီၣ်ဝဲၤကဲၤတဖၣ်အပူၤ, ယထံၣ်တၢ်လၢသးတမံၤ, တၢ်ထံၣ်လၢညါခီလၢအဟဲလၢသ့တၢ်လၢာ်ကစၢ်ယွၤအအိၣ်န့ၣ်လီၤ.

လံာ်တၢ်ဂံၢ် 24:4

မတၤနၢ်ဟူတၢ်လၢကစၢ်ယွၤစံးဝဲသ့န့ၣ်လဲၣ်. လၢမဲာ်ချံစီၣ်ဝဲၤ ကဲၤတဖၣ်န့ၣ်ယထံၣ်တၢ်လၢသးတမံၤ, တၢ်ထံၣ်လၢညါခီတမံၤလၢအဟဲလၢသ့တၢ်လၢာ်ကစၢ်ယွၤတဂၤ အအိၣ်န့ၣ်လီၤ.

လံာ်မးသဲ 17:9

ဒီးဟဲက့ၤလီၤဝဲလၢကစၢၢ်လိၤအဖၢမုၢ်ဒီး, ယ့ၣ်ၡူးမၤလိာ်အဝဲသ့ၣ်ဒီးစံး, “တချုးလၢပှၤကညီဖိခွါဂဲၤဆၢထၢၣ်က့ၤလၢတၢ်သံဒံးဘၣ် န့ၣ်, တၢ်လၢသုထံၣ်ဘၣ်အံၤ, တဘၣ်စံးဘၣ်တဲဘၣ်ပှၤနီတဂၤတဂ့ၤ.”

မၤတၢ် 10:17

ဖဲစီၤပ့းတရူးကွၢ်ဆိကမိၣ်ဝဲဘၣ်ဃးကစၢ်သးအိၣ်စံးဘၣ်အီၤ တၢ်မနုၤခီဖျိတၢ်ထံၣ်တၢ်လၢညါခီတမံၤအံၤအဖၢမုၢ်န့ၣ်, ပှၤလၢစီၤကန့လံးဆှၢလီၤဝဲတဖၣ်ဃုသ့ၣ်ညါဒီးထံၣ်န့ၢ်လံစီၤၡံမိၣ် အဟံၣ်, ဒီးအိၣ်ဆၢထၢၣ်ဝဲခဲကနံၣ်အံၤဖဲကျဲစၢၤအမဲာ်ညါန့ၣ်လီၤ.

မၤတၢ် 26:19

ဒီးလၢတၢ်န့ၣ်အဃိ, စီၤပၤအကြံးပၤဧၢ, ယတိၢ်န့ၢ်ဒီးမၤထွဲတၢ်အကလုၢ်လၢယနၢ်ဟူဘၣ်ယဲခီဖျိတၢ်ထံၣ် တၢ်လၢညါခီလၢအဟဲလီၤလၢမူခိၣ်န့ၣ်လီၤ.

၂ ကရံၣ်သူး 12:1

မ့တမ့ၢ်တၢ်လၢအဘျုးအိၣ်ဖှိၣ်အိၣ်သနာ်က့, ယကဘၣ် ကတိၤတၢ်ကဖၢလၢလီၤ. ဘၣ်ဆၣ်ဒီးခဲကနံၣ်အံၤယကကတိၤတၢ်ဘၣ်ဃးတၢ်ထံၣ် တၢ်လၢညါခီဒီးတၢ်လီၣ်ဖျါတဖၣ်လၢကစၢ်ဟ့ၣ်ယၤန့ၣ်လီၤ.

၂ ပ့းတရူး 1:21

အဂ့ၢ်ဒ်လဲၣ်န့ၣ်, ဝံအတၢ်ကစီၣ်တဟဲလၢပှၤကညီ အတၢ်ဘၣ်အသးဒၣ်ဝဲနီတဘျီဘၣ်. မ့မ့ၢ်ဒ်သးစီဆှံ ပၢၤဒီးထိၣ်ဂဲၤအသးအသိး, အဝဲသ့ၣ်ကတိၤတၢ်ကစီၣ်လၢ အဟဲလၢကစၢ်ယွၤအအိၣ်န့ၣ်လီၤ.