လံာ်ဟိၤၡ့ 9:9 - Sgaw Karen Common Bible

⁹ တၢ်လၢအဝဲသ့ၣ်မၤဝဲန့ၣ်မ့ၢ်ဒၣ်တၢ်အၢတၢ်သီလၢအတၢ်မုၢ်လၢ် တအိၣ်ဘၣ်ဒ်သိးဒၣ်လၢအဝဲသ့ၣ်အိၣ်တ့ၢ်လၢဝ့ၢ်ကံးဘဧးအခါန့ၣ် လီၤ. ကစၢ်ယွၤကသ့ၣ်နီၣ်ထီၣ်အဝဲသ့ၣ်အတၢ်ဒဲးဘးတဖၣ်ဒီးစံၣ်ညီၣ် အဝဲသ့ၣ်လၢတၢ်အံၤအဃိန့ၣ်လီၤ.

လံာ်ဟိၤၡ့ 9:9 Iomraidhean Croise

လံာ်တၢ်ဟးထီၣ်ကွံာ် 32:7

ယွၤစံးဘၣ်စီၤမိၤၡ့, “က့ၤလီၤကဒါက့ၤတဘျီဃီတက့ၢ်. အဂ့ၢ်ဒ်အံၤ, နပှၤဂီၢ်မုၢ်လၢနဆှၢထီၣ်အီၤလၢကီၢ်အဲၤကူပတူး န့ၣ်မၤလံတၢ်ဒဲးဘးဒီးညိကွံာ်ယၤလံ.

လံာ်ယၡါယၤ 24:5

ပှၤဂီၢ်မုၢ်မၤဘၣ်အၢတ့ၢ်ဟီၣ်ခိၣ်ခီဖျိတၢ်လုၣ်သ့ၣ်ခါပတာ် ကစၢ်ယွၤအတၢ်သိၣ်တၢ်သီတဖၣ်ဒီးတၢ်မၤဟးဂီၤကွံာ် တၢ်အၢၣ်လီၤလၢအမၤတ့ၢ်ဝဲလၢကဘၣ်အိၣ်လီၤ ထူလီၤယိာ်န့ၣ်လီၤ.

လံာ်ယၡါယၤ 31:6

ယွၤစံးဝဲဒၣ်, “အံၣ်စရ့လးအပှၤဂီၢ်မုၢ်သ့ၣ်ဧၢ, သုမၤတ့ၢ်တၢ်ဒဲးဘးထီဒါယၤဒီးသုထီဒါယၤလီၤ. ဘၣ်ဆၣ်အခဲအံၤ, ဟဲက့ၤဆူယအိၣ်တက့ၢ်.

လံာ်ယံးရမံယၤ 14:10

ယွၤစံးတၢ်ဘၣ်ဃးပှၤဂီၢ်မုၢ်သ့ၣ်တဖၣ်ဒ်အံၤ, “အဝဲသ့ၣ်အဲၣ်ဒိး ထွးထီၣ်ဃ့ၢ်ကွံာ်လၢယအိၣ်, ဒီးအဝဲသ့ၣ်တပၢၤအသးလၢၤဘၣ်. လၢတၢ်န့ၣ်အဃိ, ယတဘၣ်သူၣ်ဘၣ်သးအဝဲသ့ၣ်လၢၤဘၣ်. ယကသ့ၣ်နီၣ်ထီၣ်တၢ်ကမၣ်တဖၣ်လၢအဝဲသ့ၣ်မၤတ့ၢ်ဝဲဒီးစံၣ်ညီၣ် အဝဲသ့ၣ်လၢအတၢ်ဒဲးဘးတဖၣ်အဃိန့ၣ်လီၤ.”

လံာ်ယဃ့းစက့လး 21:28

ပှၤကညီလၢအသံသ့ဧၢ, ကတိၤတၢ်လၢဝံအကျိာ်တက့ၢ်. ဘိးဘၣ်သ့ၣ်ညါတၢ်လၢယၤ, ယွၤပၢဘၣ်တၢ်ခဲလၢာ်ကစၢ်ယွၤကစံးဘၣ် ပှၤဧၤမိၣ်ဖိတဖၣ်, ပှၤတဖၣ်လၢအကတိၤဒုၣ်ဒွဲၣ်ပှၤအံၣ်စရ့လးဖိန့ၣ် တက့ၢ်. စံးဘၣ်အဝဲသ့ၣ်ဒ်အံၤတက့ၢ်. နးတဘ့ၣ်အိၣ်ကတဲာ်ကတီၤလံအသးလၢကမၤဟးဂီၤကွံာ်တၢ် အဂီၢ်လံ. ဘၣ်တၢ်ထူးကတြ့ၣ်ထီၣ်အီၤလၢမၤသံတၢ်အဂီၢ်, လၢကကပြုၢ်ထီၣ်ဒ်လီဝၢ်ဒံးအသိးအဂီၢ်န့ၣ်လီၤ.

လံာ်ဟိၤၡ့ 10:9

ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်တဆိကတီၢ်မၤတၢ် ဒဲးဘးထီဒါယၤ, စးထီၣ်ဒၣ်လၢအဝဲသ့ၣ်အတၢ်ဒဲးဘးဖဲဝ့ၢ်ကံးဘဧးအခါလံၤလံၤန့ၣ်လီၤ. လၢတၢ်န့ၣ်အဃိ တၢ်ဒုးဖဲဝ့ၢ်ကံးဘဧးန့ၣ်ကလူၤပိာ်ထွဲအဝဲသ့ၣ်အခံန့ၣ်လီၤ.

လံာ်ဟိၤၡ့ 4:9

သုကတူၢ်ဘၣ်တၢ်စံၣ်ညီၣ်တမံၤဃီဒ်ပှၤဂီၢ်မုၢ်အသိး, ယကစံၣ်ညီၣ်သုဒီးယကမၢသုဟ့ၣ်တၢ်အပှ့ၤလၢတၢ်အၢတၢ် သီလၢသုမၤအဂီၢ်န့ၣ်လီၤ.

လံာ်ဟိၤၡ့ 5:8

အူထီၣ်တၢ်ဒုးတၢ်ယၤအကွဲၤတဖၣ်လၢဝ့ၢ်ကံးဘဧၤအပူၤတက့ၢ်. မၤသီၣ်ထီၣ်တၢ်မၤဖုးမၤပျီၢ်လၢဝ့ၢ်ရၤမါအပူၤတက့ၢ်. ကိးသတြီထီၣ်တၢ်ဒုးတၢ်ယၤအကလုၢ်လၢဝ့ၢ်ဘ့ၤသအၤဝ့ၣ်တက့ၢ်. လဲၤဆူတၢ်ဒုးအပူၤဘံၣ်ယၤမံၣ်အပှၤပိာ်ခွါသ့ၣ်ဧၢ.

လံာ်ဟိၤၡ့ 7:2

ယကသ့ၣ်နီၣ်ထီၣ်တၢ်အၢတၢ်သီတဖၣ်အံၤလီၤန့ၣ်, အဝဲသ့ၣ်တဆိကမိၣ်ထီၣ်ဝဲနီတဘျီဘၣ်. မ့မ့ၢ်အဝဲသ့ၣ်အတၢ်ဒဲးဘးတဖၣ်အိၣ်ကဝီၤဃးအဝဲသ့ၣ်, ဒီးအိၣ်လၢယမဲာ်ညါတထံၣ်ဃီလီၤ.

လံာ်ဟိၤၡ့ 8:13

အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဆူယၤဒီးအီၣ်တၢ်လုၢ်တၢ်ပာ် တဖၣ်အတၢ်ညၣ်န့ၣ်လီၤ. ဘၣ်ဆၣ်ယၤ, ယွၤတဘၣ်သူၣ်ဘၣ်သးလၢအဝဲသ့ၣ်ဘၣ်, ဒီးခဲကနံၣ်အံၤယကသ့ၣ်နီၣ်ထီၣ်အဝဲသ့ၣ်အတၢ်ဒဲးဘး တဖၣ်ဒီးစံၣ်ညီၣ်အဝဲသ့ၣ်လၢတၢ်န့ၣ်အဃိလီၤ. ယကဆှၢကဒါက့ၤအဝဲသ့ၣ်ဆူကီၢ်အဲၤကူပတူးန့ၣ်လီၤ.

လံာ်ဟိၤၡ့ 9:8

ကစၢ်ယွၤမၢလီၤယၤဒ်ဝံတဂၤလၢအကဟ့ၣ်ပလီၢ်အပှၤဂီၢ်မုၢ်အံၣ်စရ့ လးအသိးန့ၣ်လီၤ. အန့ၣ်ဒၣ်လဲာ်, ဖဲယလဲၤတပူၤလၢ်လၢ်န့ၣ်သုပာ်လီၤပျံၤသကွီၤလၢ ယဂီၢ်ဒ်ထိၣ်တဘ့ၣ်အသိးန့ၣ်လီၤ. လၢကစၢ်ယွၤအတၢ်လုၢ်ဟံၣ်အပူၤဒၣ်လဲာ်ပှၤဂီၢ်မုၢ်တဖၣ်မ့ၢ်ဝဲဝံ အဒုၣ်အဒါတဖၣ်န့ၣ်လီၤ.

လံာ်စဖါနယၤ 3:7

ယဆိကမိၣ်တ့ၢ်လၢတုၤတၢ်မၤအသးဒ်န့ၣ်ဒီးယပှၤဂီၢ်မုၢ် ကပာ်ကဲယၤဒီးတူၢ်လိာ်ယတၢ်သိၣ်တၢ်ဘျၢဒ်သိးအသု တသးပ့ၤနီၣ်တၢ်မၤလိလၢယသိၣ်လိအဝဲသ့ၣ်လ့ၤတက့ၤန့ၣ်လီၤ. ဘၣ်ဆၣ်ဒီးလၢတၢ်စွံကတုၤအပူၤမၤဒံးတၢ်ဒဲးဘးဒ်လၢညါ အသိးန့ၣ်လီၤ.”

လံာ်ပှၤစံၣ်ညီၣ်ကွီၢ် 19:12

ဘၣ်ဆၣ်ဒီးအကစၢ်စံးဘၣ်အီၤ, “ဝ့ၢ်တဝ့ၢ်လၢတမ့ၢ်ပှၤအံၣ်စရ့လး ဖိအဝ့ၢ်န့ၣ်ပတအိၣ်ကတီၢ်ဘၣ်.

လံာ်ပှၤစံၣ်ညီၣ်ကွီၢ် 19:16

ဖဲအဝဲသ့ၣ်အိၣ်ဖဲန့ၣ်အဖၢမုၢ်ပှၤသးပှၢ်လၢအမၤတၢ်လၢစံာ်ပျီပူၤတဂၤဟဲက့ၤဖဲမုၢ်ဟါလီၤအကတီၢ်န့ၣ်လီၤ. အဝဲအထံးအခံမ့ၢ်ဝဲလၢအ့ဖရဲၣ်အကစၢၢ်ကလိဘၣ်ဆၣ်ဒီးခဲအံၤ အိၣ်ဝဲဖဲဝ့ၢ်ကံဘဧၤန့ၣ်လီၤ. (ပှၤအဂၤတဖၣ်လၢတၢ်လီၢ်ဖဲန့ၣ်မ့ၢ်ပှၤဘံၣ်ယၤမံၣ်ဖိန့ၣ်လီၤ.)

လံာ်ပှၤစံၣ်ညီၣ်ကွီၢ် 19:22

ဖဲအဝဲသ့ၣ်သူၣ်ဖှံသးညီအကတီၢ်န့ၣ်သတူၢ်ကလာ်ပှၤအလုၢ် အလၢ်တဂ့ၤလၢဝ့ၢ်ပူၤတနီၤကဝီၤဃာ်ဟံၣ်န့ၣ်ဒီးဒိတကျိာ်တြဲၤလီၤ. အဝဲသ့ၣ်စံးဘၣ်ပှၤသးပှၢ်န့ၣ်, “ဟဲကိးထီၣ်ပှၤတဂၤလၢအဟဲက့ၤပိာ်နခံဆူနဟံၣ်တက့ၢ်. ပအဲၣ်ဒိးမံဃုာ်ဒီးအီၤလီၤ.”

လံာ်ပှၤစံၣ်ညီၣ်ကွီၢ် 20:43

ဒီးပှၤအံၣ်စရ့လးဖိတဖၣ်ကဝီၤန့ၢ်အဒုၣ်အဒါဒီးလူၤဝဲဒီး မၤသံဝဲတုၤလၢတၢ်လီၢ်တတီၤဖဲဝ့ၢ်ကံးဘဧၤအမုၢ်ထီၣ်န့ၣ်လီၤ.