လံာ်ဟိၤၡ့ 9:4 - Sgaw Karen Common Bible

⁴ လၢတခီထံတခီကီၢ်တဖၣ်အပူၤန့ၣ်, အဝဲသ့ၣ်လုၢ်ထီၣ်အစပံးထံ အတၢ်လုၢ်တၢ်ပာ်တဖၣ်မ့ၢ်ဂ့ၤ, ဟဲစိာ်ဃီၤအတၢ်လုၢ်တၢ်ပာ်တ ဖၣ်မ့ၢ်ဂ့ၤဆူယွၤအအိၣ်တသ့လၢၤဘၣ်. အဝဲသ့ၣ်အတၢ်အီၣ်ကမၤတကဆှီဘၣ် ပှၤလၢအအီၣ်အီၤကိးဂၤဒဲးဒ်တၢ်အီၣ်လၢအဘၣ်တၢ်အီၣ်အီၤဖဲတၢ် သံတၢ်ပှၢ်အလီၢ်တဖၣ်အသိးန့ၣ်လီၤ. တၢ်န့ၣ်အဘျုးကအိၣ်ဒၣ်ထဲလၢကဒုးသးမံက့ၤပှၤလၢအတၢ်သၣ်ဝံၤ သၣ်စ့ၤန့ၣ်လီၤ. လဲၤစိာ်အီၤဆူယွၤအတၢ်လုၢ်ဟံၣ်အပူၤဒ်တၢ်လုၢ်တၢ်ပာ်အသိးတသ့ ဘၣ်နီတမံၤဘၣ်.

လံာ်ဟိၤၡ့ 9:4 Iomraidhean Croise

လံာ်တၢ်ဟးထီၣ်ကွံာ် 29:40

ဃုာ်ဒီးသိဖိအခီၣ်ထံးတဒုန့ၣ်မၤဘူၣ်ဘုကၠူၣ်အကမူၣ်အဂ့ၤ ကတၢၢ်လၢအဃၢတအ့စရိးဃါဃုာ်အသးလၢသ့ၣ်စၤယံးအသိတဟံၣ်လွံၢ် ပူတပူတက့ၢ်. လူလီၤစပံးထံဟံၣ်လွံၢ်ပူတပူဒ်တၢ်မၤဘူၣ်တမံၤအသိးတက့ၢ်.

လံာ်တၢ်ဟးထီၣ်ကွံာ် 40:23

ဒီးလၢအဖီခိၣ်န့ၣ်ပာ်ထီၣ်ကိၣ်လၢတၢ်လုၢ်ထီၣ်ဆူယွၤအအိၣ်, ဒ်ယွၤမၤလိာ်တ့ၢ်ဝဲအသိးန့ၣ်လီၤ.

လံာ်ယၡါယၤ 57:6

သုဟံးန့ၢ်လၢၢ်လၢအဘျ့တဖၣ်ဖဲန့ၣ်ဒီးဘူၣ်ထီၣ်ဘါထီၣ်အဝဲ သ့ၣ်ဒ်ကစၢ်တဖၣ်အသိးလီၤ. သုလူလီၤစပံးထံဒ်တၢ်မၤဘူၣ် ဆူအဝဲသ့ၣ်ဒီးဟဲစိာ်န့ၢ်အဝဲသ့ၣ်လၢဘုဧိၤဟုဧိၤဒ်တၢ်မၤဘူၣ် တဖၣ်အသိးလီၤ. မ့ၢ်သုဆိကမိၣ်လၢယကမုာ်သူၣ်မုာ်သးလၢ တၢ်အံၤခဲလၢာ်န့ၣ်ဧါ.

လံာ်ယၡါယၤ 66:3

ပှၤဂီၢ်မုၢ်မၤတၢ်ဒ်တၢ်ဘၣ်အသးဒၣ်ဝဲအသိးလီၤ. တၢ်မၤသံကျီၢ်ဖါတဒုလၢတၢ်လုၢ်တၢ်ပာ်တမံၤအဂီၢ်မ့ၢ်ဂ့ၤ, တၢ်လုၢ်ပှၤကညီတဂၤမ့ၢ်ဂ့ၤ, တၢ်လုၢ်ထီၣ်သိဖိတဒုမ့ၢ်ဂ့ၤ, တၢ်ဘိးကၢ်ကွံာ်ထွံၣ်တဒုအကိာ်မ့ၢ်ဂ့ၤ, တၢ်လုၢ်ထီၣ်ဘုဧိၤဟုဧိၤအတၢ်မၤဘူၣ်တမံၤမ့ၢ်ဂ့ၤ, တၢ်လုၢ်ထီၣ်ထိးအသွံၣ်မ့ၢ်ဂ့ၤ, တၢ်လုၢ်ထီၣ်တၢ်နၢမူမ့ၢ်ဂ့ၤ, တၢ်ထုကဖၣ်ဆူတၢ်ဂီၤတၢ်ဖီၣ်မ့ၢ်ဂ့ၤ, တၢ်ခဲလၢာ်အံၤမ့ၢ်ဒၣ်တၢ်ဒ်သိးသိးလၢအဝဲသ့ၣ်အဂီၢ်န့ၣ်လီၤ. အဝဲသ့ၣ်မုာ်လၤသးခုဝဲလၢတၢ်ဘူၣ်ထီၣ်ဘါထီၣ်အကျဲတဖၣ် လၢအလီၤသးဘၣ်အၢအံၤအပူၤန့ၣ်လီၤ.

လံာ်ယံးရမံယၤ 16:7

ပှၤတအီၣ်ဃုာ်တၢ်မ့ၢ်ဂ့ၤ, အီဃုာ်တၢ်မ့ၢ်ဂ့ၤနီတဂၤဒီးပှၤတဂၤ ဂၤလၢတၢ်မၤမုာ်ထီၣ်က့ၤအဂီၢ်ဖဲပှၤလၢအအဲၣ်ဝဲတဂၤသံန့ၣ်ဘၣ်. လၢပှၤတဂၤလၢအပၢ်သံအဃိမ့ၢ်ဂ့ၤ, အမိၢ်သံအဃိမ့ၢ်ဂ့ၤအဂီၢ်ဒၣ် လဲာ်, ပှၤတဒုးနဲၣ်အတၢ်သူၣ်ဘၣ်ဒိသးဘၣ်ထံးနီတဂၤဘၣ်.

လံာ်ယံးရမံယၤ 6:20

တၢ်နၢမူလၢအဝဲသ့ၣ်ဟဲစိာ်န့ၢ်ယၤလၢကီၢ်ၡဘၤမ့ၢ်ဂ့ၤ, ဒီးတၢ်နၢမူနၢဆှီတဖၣ်လၢထံကီၢ်လၢအယံၤတဘ့ၣ်မ့ၢ်ဂ့ၤ, ယတအဲၣ်ဒိးဘၣ်. ယတတူၢ်လိာ်အဝဲသ့ၣ်အတၢ်မၤ ဘူၣ်မၤတီၢ်တဖၣ်မ့ၢ်ဂ့ၤ, ယတသးမုာ်သးခုလၢအဝဲသ့ၣ် အတၢ်လုၢ်တၢ်ပာ်တဖၣ်အဃိမ့ၢ်ဂ့ၤန့ၣ်ဘၣ်.

လံာ်ယဃ့းစက့လး 24:17

ပျဲနတၢ်ဟီၣ်သါသကူးဘၣ်တၢ်နၢ်ဟူအီၤတဂ့ၤ. လဲၤတၢ်လၢတၢ်တဖၢၣ်ဘၣ်နခိၣ်မ့ၢ်ဂ့ၤ, တၢ်တဒိးဘၣ်ခီၣ်ဖံးမ့ၢ် ဂ့ၤဒ်အမ့ၢ်တၢ်သးအုးအပနီၣ်တမံၤအသိးတဂ့ၤ. ကျၢၢ်ဘၢနမဲာ်မ့ၢ်ဂ့ၤ, အီၣ်တၢ်အီၣ်လၢပှၤဘၣ်မိၣ်ဘၣ်မးတဖၣ်အီၣ်ဝဲမ့ၢ်ဂ့ၤန့ၣ်တဂ့ၤ.”

လံာ်ယဃ့းစက့လး 24:22

အန့ၣ်တစု, သုကမၤတၢ်လၢယမၤတ့ၢ်အီၤန့ၣ်လီၤ. သုတဘၣ်ကျၢၢ်ဘၢသုမဲာ်တဖၣ်မ့ၢ်ဂ့ၤ, အီၣ်တၢ်အီၣ်လၢပှၤဘၣ်မိၣ် ဘၣ်မးတဖၣ်အီၣ်ဝဲမ့ၢ်ဂ့ၤန့ၣ်တဂ့ၤ.

လံာ်ဒၤနံးယ့လး 1:8

စီၤဒၤနံးယ့လးပာ်လီၤအသးလၢအသုတမၤဘၣ်အၢလီၤအသး ခီဖျိတၢ်အီၣ်စီၤပၤအတၢ်အီၣ်ဒီးအီစပံးထံလၢစီၤပၤအီဝဲဘၣ် အဃိ, ဃ့ကညးဝဲစီၤအၤၡပနးလၢကမၤစၢၤအီၤ,

လံာ်ဟိၤၡ့ 3:4

လၢကျဲဒ်အံၤအသိးန့ၣ်, ကီၢ်အံၣ်စရ့လးအပှၤဂီၢ်မုၢ်ကဘၣ်အိၣ်ဝဲ အါနံၣ်အါလါ, တအိၣ်ဘၣ်ဒီးစီၤပၤတဖၣ်မ့ၢ်ဂ့ၤ, ခိၣ်နၢ်တဖၣ်မ့ၢ်ဂ့ၤ, တအိၣ်ဘၣ်ဒီးတၢ်လုၢ်တၢ်ပာ်တဖၣ်မ့ၢ်ဂ့ၤ, လၢၢ်ထူၣ်စီဆှံတဖၣ်မ့ၢ်ဂ့ၤ, အ့ဖိးမ့ၢ်ဂ့ၤ, တၢ်ဂီၤတရၤဖးမ့ၢ်ဂ့ၤ, လၢကသံကွၢ်ဒီးသ့ၣ်ညါကစၢ်အတၢ်ဘၣ်အသးအဂီၢ်ဘၣ်လီၤ.

လံာ်ဟိၤၡ့ 7:16

အဝဲသ့ၣ်ဃၣ်ယံၤကွံာ်ဒံးဒၣ်အသးလၢယအိၣ်, ဆူယွၤတဂၤ လၢအစိကမီၤတအိၣ်ဘၣ်အအိၣ်န့ၣ်လီၤ. တၢ်ပာ်ဂံၢ်ပာ်ဘါအဝဲသ့ၣ်တသ့ဘၣ်ဒ် သိးဒၣ်ချံၣ်လၢအက့ၣ်ကူတဆိအသိးန့ၣ်လီၤ. အဂ့ၢ်ဒ်အံၤ, အဝဲသ့ၣ်အပှၤခိၣ်တဖၣ်ကတိၤတၢ်လၢတၢ်ပာ်ကဖၢလၢသးအပူၤ, အဝဲသ့ၣ်ကသံလၢတၢ်သံဆူၣ်သံစိးတမံၤဒီးပှၤအဲၤကူပတူးဖိ တဖၣ်ကနံၤဘၣ်ဖၣ်လဲအီၤန့ၣ်လီၤ.

လံာ်ဟိၤၡ့ 8:13

အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဆူယၤဒီးအီၣ်တၢ်လုၢ်တၢ်ပာ် တဖၣ်အတၢ်ညၣ်န့ၣ်လီၤ. ဘၣ်ဆၣ်ယၤ, ယွၤတဘၣ်သူၣ်ဘၣ်သးလၢအဝဲသ့ၣ်ဘၣ်, ဒီးခဲကနံၣ်အံၤယကသ့ၣ်နီၣ်ထီၣ်အဝဲသ့ၣ်အတၢ်ဒဲးဘး တဖၣ်ဒီးစံၣ်ညီၣ်အဝဲသ့ၣ်လၢတၢ်န့ၣ်အဃိလီၤ. ယကဆှၢကဒါက့ၤအဝဲသ့ၣ်ဆူကီၢ်အဲၤကူပတူးန့ၣ်လီၤ.

လံာ်ယိၤအ့လး 1:13

ပှၤလုၢ်တၢ်အခိၣ်လၢအမၤတၢ်လၢတၢ်လုၢ်လီၢ်သ့ၣ်ဧၢ, ကူထီၣ်သိးထီၣ်တၢ်သူၣ်အုးသးအုးအဆ့ကၤဒီးဟီၣ်တက့ၢ်. လဲၤနုာ်ဆူယွၤအတၢ်လုၢ်ဟံၣ်ပူၤဒီးသူၣ်အုးသးအုးသီတနၤ ကျၢၤတက့ၢ်. ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤတအိၣ်ဝဲဒၣ်လၢတၢ်ကလုၢ်ထီၣ်အီၤ ဆူသုကစၢ်ယွၤအအိၣ်န့ၣ်ဘၣ်.

လံာ်ယိၤအ့လး 1:9

ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤတအိၣ်ဝဲဒၣ်လၢတၢ်ကလုၢ်ထီၣ်အီၤလၢတၢ်လုၢ်ဟံၣ် အပူၤန့ၣ်ဘၣ်. ပှၤလုၢ်တၢ်အခိၣ်တဖၣ်သူၣ်အုးသးအုးဝဲဒၣ်လၢတအိၣ်ဘၣ်ဒီးတၢ် လုၢ်တၢ်ပာ်နီတမံၤလၢကလုၢ်ထီၣ်ဝဲလၢကစၢ်အဂီၢ်ဘၣ်အဃိလီၤ.

လံာ်ယိၤအ့လး 2:14

ဘၣ်သ့ၣ်သ့ၣ်ယွၤ, သုကစၢ်ယွၤကလဲလိာ်အတၢ်ပာ်လီၤသး ဒီးဆိၣ်ဂ့ၤသုလၢတၢ်မုၢ်တၢ်ဘိအါအါဂီၢ်ဂီၢ်န့ၣ်လီၤ. တုၤနုၤတစုသုလုၢ်ထီၣ်အီၤလၢဘုဧိၤဟုဧိၤဒီးစပံးထံကသ့ ဝဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:11

တၢ်ကိးမံၤဒဲးလၢအမူဝဲန့ၣ်အသးသမူအိၣ်လၢတၢ်သွံၣ်အ ပူၤလီၤ. မၤသးဒ်န့ၣ်ဒီး, ယွၤမၤလိာ်ဝဲလၢတၢ်သွံၣ်ခဲလၢာ်ကဘၣ်တၢ်လူ လီၤအီၤလၢတၢ်လုၢ်လီၢ်အဖီခိၣ်လၢတၢ်တြူာ်ကွံာ်ပှၤဂီၢ်မုၢ်အတၢ် ဒဲဘးတဖၣ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:21

ပှၤလုၢ်တၢ်အခိၣ်စီၤအၤဟရိၣ်အစၢၤအသွဲၣ်လၢအအိၣ်ဒီးနီၢ်ခိ အက့ၢ်အဂီၤအတၢ်လီၤတူာ်လီၤကာ်တဖၣ်န့ၣ်တဘၣ်လုၢ်ထီၣ်တၢ်လုၢ်မ့ၣ်အူဘၣ်.

လံာ်တၢ်ဘူၣ်ထီၣ်ဘါထီၣ် 21:6

ဒီးကဘၣ်စီဆှံဝဲဒီးတဘၣ်မၤတရီတပါယမံၤဘၣ်. အဂ့ၢ်ဒ်အံၤ, လုၢ်ထီၣ်တၢ်လုၢ်မ့ၣ်အူဆူယအိၣ်အဃိ ဒီးအဝဲကဘၣ်စီဆှံဝဲဒၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:8

ပှၤဂီၢ်မုၢ်ကဘၣ်ပာ်ပှၤလုၢ်တၢ်အခိၣ်ဒ်အမ့ၢ်ပှၤစီဆှံလီၤ. အဂ့ၢ်ဒ်အံၤ, လုၢ်ထီၣ်တၢ်လုၢ်မ့ၣ်အူဆူယအိၣ်လီၤ. ယမ့ၢ်ယွၤ, ယစီဆှံယဲဒီးယမၤစီဆှံယပှၤဂီၢ်မုၢ်န့ၣ်လီၤ.

လံာ်ဧၤမိၣ် 5:22

တုၤသုဟဲစိာ်န့ၢ်ယၤတၢ်လုၢ်မ့ၣ်အူတဖၣ်ဒီးတၢ်လုၢ်ဘုဧိၤဟုဧိၤ တဖၣ်န့ၣ်ယတတူၢ်လိာ်ဘၣ်အီၤဘၣ်. ဒီးဆၣ်ဖိကီၢ်ဖိတဖၣ်လၢသုမၤဘီၣ်ထီၣ်တ့ၢ်အီၤလၢသုကဟဲစိာ် ဆူယအိၣ်ဒ်တၢ်မၤဘူၣ်တဖၣ်န့ၣ်, ယတတူၢ်လိာ်ဘၣ်အီၤဘၣ်.

လံာ်မၤလကံ 2:13

အအံၤမ့ၢ်တၢ်အဂၤတမံၤလၢသုမၤန့ၣ်လီၤ. သုမၤလီၤဘျၢကွံာ်ယွၤအတၢ်လုၢ်လီၢ်လၢမဲာ်ထံမဲာ်နိ, တၢ်ဟီၣ်တၢ်ယၢၤဒီးတၢ်ကအုကစွါမ့ၢ်လၢအတတူၢ်လိာ်လၢၤဘၣ်တၢ်လုၢ် တဖၣ်လၢသုဟဲစိာ်ဆူအအိၣ်အဃိလီၤ.

လံာ်တၢ်ဂံၢ် 19:11

ပှၤတဂၤလၢ်လၢ်လၢအထိးဘၣ်တၢ်သံစိၣ်တခါန့ၣ်ကဲထီၣ်တၢ် တကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အသိးနွံသီန့ၣ်လီၤ.

လံာ်တၢ်ဂံၢ် 4:7

အဝဲသ့ၣ်ကဘၣ်သလၣ်လီၤတၢ်ကံးယာ်အလွဲၢ်လါအဲးတခီလၢ တၢ်လုၢ်ထီၣ်ကိၣ်ဆူယွၤအအိၣ်အစီၢ်နီၤခိၣ်အလိၤဒီးလၢ အဖီခိၣ်န့ၣ်ပာ်ထီၣ်လီခီတဖၣ်, တၢ်နၢမူအသလၢတဖၣ်, တၢ်လုၢ်အသလၢတဖၣ်ဒီးကိတဖၣ်လၢတၢ်ဒၢနုာ် တၢ်လုၢ်စပံးထံန့ၣ်လီၤ. ကိၣ်ကဘၣ်အိၣ်လၢစီၢ်နီၤခိၣ်အဖီခိၣ်တဘိယူၢ်ဃီန့ၣ်လီၤ.

လံာ်ယိၤဟၣ် 6:51

ယဲဒၣ်အံၤယမ့ၢ်ကိၣ်မူလၢအဟဲလီၤလၢမူခိၣ် န့ၣ်လီၤ. ပှၤတဂၤလၢ်လၢ်လၢအအီၣ်ကိၣ်အံၤန့ၣ်, ကမူဝဲလီၤထူလီၤယိာ်န့ၣ်လီၤ. ကိၣ်လၢယကဟ့ၣ်လီၤအီၤ န့ၣ်, မ့ၢ်ယညၣ်လၢယဟ့ၣ်လီၤလၢပှၤဟီၣ်ခိၣ်ဖိကမူဝဲအဂီၢ် န့ၣ်လီၤ.”

လံာ်သိၣ်လီၤသီလီၤတၢ် 26:14

ဖဲယအိၣ်ဒီးတၢ်သူၣ်အုးသးအုးအခါန့ၣ်ယတအီၣ်တၢ်န့ၣ်နီ တစဲးဘၣ်, ယတဟံးန့ၢ်အီၤနီတစဲးလၢယဟံၣ်ပူၤဖဲယတကဆှီ ဘၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးအခါဘၣ်. ဒီးယတဟ့ၣ်လီၤအီၤဒ်တၢ်မၤဘူၣ်အသိးဆူပှၤသံန့ၣ်နီတစဲးဘၣ်. ယစူၢ်နၤ, ယွၤဧၢ, ယမၤတၢ်ခဲလၢာ်ဒ်နတၢ်မၤလိာ်တ့ၢ်အသိးဘၣ်ဃး တၢ်ဆံဆဲၣ်ပူတပူန့ၣ်လီၤ.