လံာ်ဟိၤၡ့ 9:3 - Sgaw Karen Common Bible

³ ကီၢ်အံၣ်စရ့လးအပှၤဂီၢ်မုၢ်တအိၣ်တ့ၢ်ဘၣ်လၢယွၤအကီၢ် ပူၤလၢၤဘၣ်. မ့မ့ၢ်ကဘၣ်က့ၤကဒါက့ၤဆူကီၢ်အဲၤကူပတူးဒီးကဘၣ်အီၣ်တၢ်အီၣ် လၢတၢ်တြီအဝဲသ့ၣ်တဖၣ်လၢကဘၣ်ဟးဆှဲးဝဲလၢကီၢ်အၤၡူၢ်အပူၤ န့ၣ်လီၤ.

လံာ်ဟိၤၡ့ 9:3 Iomraidhean Croise

လံာ်စီၤပၤအခီၣ်ထံးတဘ့ၣ် 9:7

အန့ၣ်တစု, ယကသုးကွံာ်ယပှၤဂီၢ်မုၢ်အံၣ်စရ့လးလၢထံဧိၤကီၢ် ဧိၤလၢယဟ့ၣ်တ့ၢ်လံအီၤအပူၤန့ၣ်လီၤ. ယကပာ်လီၤတဲာ်ကွံာ်စ့ၢ်ကီးတၢ်လုၢ်ဟံၣ်လၢယမၤစီဆှံတ့ၢ်အီၤဒ် တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်န့ၣ်လီၤ. ပှၤဂီၢ်မုၢ်လၢတၢ်လီၢ်ကိးပူၤဒဲးကဒုၣ်ဒွဲၣ်ပယွဲကီၢ်အံၣ်စရ့လးဒီး ကပာ်အီၤဒ်တၢ်လီၤသးဘၣ်အၢန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:6

လၢအမ့ၢ်စီၤဟိၤၡ့ပၢတၢ်ခွံနံၣ်တနံၣ်န့ၣ်, ကီၢ်အၤၡူၢ်အစီၤပၤဖးဒိၣ်မၤန့ၢ်ၡၤမရံဒီးစိာ်ထီၣ်ကွံာ်ပှၤ အံၣ်စရ့လးဖိတဖၣ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤအဝဲသ့ၣ်ပှၤတနီၤလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကီၢ်ဆၣ်ကိစၣ်အပူၤ, ဒီးတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်ယံးရမံယၤ 16:18

ယကမၢအဝဲသ့ၣ်ဟ့ၣ်က့ၤတၢ်အပှ့ၤခံစး လၢအဝဲသ့ၣ်အတၢ်ဒဲးဘး ဒီးအတၢ်တတီတလိၤအဂီၢ်, မ့ၢ်လၢအဝဲသ့ၣ်မၤဘၣ်အၢဘၣ်သီ တ့ၢ်ယကီၢ်လၢတၢ်ဂီၤတၢ်ဖီၣ်တဖၣ်လၢအတၢ်မူတအိၣ်ဘၣ်ဒ်ပှၤ အစိၣ်တဖၣ်အသိး, ဒီးမၤပှဲၤအီၤဒီးအဝဲသ့ၣ်အကစၢ် ကဘျံးကဘျၣ်တဖၣ်အဃိန့ၣ်လီၤ.”

လံာ်ယံးရမံယၤ 2:7

ယဟဲစိာ်ထီၣ်အဝဲသ့ၣ်ဆူကီၢ်တဘ့ၣ်လၢ ဟီၣ်ခိၣ်ညၣ်ထ့ၣ်ဂ့ၤအပူၤ, ဒ်သိးအဝဲသ့ၣ်ကမုာ်လၤသးခုဘၣ်လၢကီၢ်န့ၣ် အတၢ်ကူးက့ၤအတၤသၣ်တဖၣ်ဒီးအတၢ်ဂ့ၤအဂၤတဖၣ်န့ၣ်လီၤ. ဘၣ်ဆၣ်ဒီးအဝဲသ့ၣ်မၤဟးဂီၤကွံာ်ယထံယကီၢ်, ဒီးမၤဘၣ်အၢထံကီၢ်လၢယဟ့ၣ်လီၤအီၤန့ၣ်လီၤ.

လံာ်သးသယုၢ်တၢ် 5:6

လၢပကန့ၢ်ဘၣ်တၢ်အီၣ်လၢဝဲလၢပကမူအဂီၢ်န့ၣ် ပလဲၤတ့ၢ်ဒီးဃ့အီၣ်တၢ်လၢ ကီၢ်အဲၤကူပတူးဒီးကီၢ်အၤၡူၢ်လီၤ.

လံာ်ယဃ့းစက့လး 4:13

ယွၤစံးဝဲဒၣ်, “အဝဲအံၤမ့ၢ်ကျဲအဒိအတဲာ်လၢပှၤအံၣ်စရ့လးဖိ တဖၣ်ကဘၣ်အီၣ်တၢ်အီၣ်လၢယူဒၤအတၢ်သိၣ်တၢ်သီတြီအီၤ, ဖဲယမၤလီၤပြံလီၤပြါအဝဲသ့ၣ်ဆူထံဂုၤကီၢ်ဂၤတဖၣ်အခါန့ၣ်လီၤ.”

လံာ်ဒၤနံးယ့လး 1:8

စီၤဒၤနံးယ့လးပာ်လီၤအသးလၢအသုတမၤဘၣ်အၢလီၤအသး ခီဖျိတၢ်အီၣ်စီၤပၤအတၢ်အီၣ်ဒီးအီစပံးထံလၢစီၤပၤအီဝဲဘၣ် အဃိ, ဃ့ကညးဝဲစီၤအၤၡပနးလၢကမၤစၢၤအီၤ,

လံာ်ဟိၤၡ့ 11:11

အဝဲသ့ၣ်ကဟဲလၢကီၢ်အဲၤကူပတူးတခီချ့ချ့ဒ်ထိၣ်တဖၣ် ယူၤဝဲအသိးဒီးလၢကီၢ်အၤၡူၢ်တခီဒ်ထိၣ်လွံၢ်တဖၣ်အသိးန့ၣ်လီၤ. ယကစိာ်က့ၤကဒီးအဝဲသ့ၣ်ဆူအဟံၣ်တဖၣ်လီၤ. ယၤ, ယွၤအံၤကတိၤလံတၢ်လံ.

လံာ်ဟိၤၡ့ 11:5

အဝဲသ့ၣ်ဂ့ၢ်လိာ်လၢကဟဲက့ၤဆူယအိၣ်, အဃိအဝဲသ့ၣ်ကဘၣ်က့ၤကဒါက့ၤဆူကီၢ်အဲၤကူပတူး, ဒီးကီၢ်အၤၡူၢ်ကပၢအဝဲသ့ၣ်န့ၣ်လီၤ.

လံာ်ဟိၤၡ့ 7:11

ကီၢ်အံၣ်စရ့လးမၤအသးဒံဝ့ၤဒံဝီၤဒ်ထိၣ်လွံၢ်လၢ အတၢ်သးဆးတအိၣ်တဘ့ၣ်အသိးလီၤ. အဆိကတၢၢ်အဝဲအပှၤဂီၢ်မုၢ်ဃ့တၢ်မၤစၢၤလၢကီၢ်အဲၤကူပတူးအအိၣ် ဝံၤဒီးအဝဲသ့ၣ်လဲၤဃ့ၢ်ဆူကီၢ်အၤၡူၢ်အအိၣ်န့ၣ်လီၤ.

လံာ်ဟိၤၡ့ 7:16

အဝဲသ့ၣ်ဃၣ်ယံၤကွံာ်ဒံးဒၣ်အသးလၢယအိၣ်, ဆူယွၤတဂၤ လၢအစိကမီၤတအိၣ်ဘၣ်အအိၣ်န့ၣ်လီၤ. တၢ်ပာ်ဂံၢ်ပာ်ဘါအဝဲသ့ၣ်တသ့ဘၣ်ဒ် သိးဒၣ်ချံၣ်လၢအက့ၣ်ကူတဆိအသိးန့ၣ်လီၤ. အဂ့ၢ်ဒ်အံၤ, အဝဲသ့ၣ်အပှၤခိၣ်တဖၣ်ကတိၤတၢ်လၢတၢ်ပာ်ကဖၢလၢသးအပူၤ, အဝဲသ့ၣ်ကသံလၢတၢ်သံဆူၣ်သံစိးတမံၤဒီးပှၤအဲၤကူပတူးဖိ တဖၣ်ကနံၤဘၣ်ဖၣ်လဲအီၤန့ၣ်လီၤ.

လံာ်ဟိၤၡ့ 8:13

အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဆူယၤဒီးအီၣ်တၢ်လုၢ်တၢ်ပာ် တဖၣ်အတၢ်ညၣ်န့ၣ်လီၤ. ဘၣ်ဆၣ်ယၤ, ယွၤတဘၣ်သူၣ်ဘၣ်သးလၢအဝဲသ့ၣ်ဘၣ်, ဒီးခဲကနံၣ်အံၤယကသ့ၣ်နီၣ်ထီၣ်အဝဲသ့ၣ်အတၢ်ဒဲးဘး တဖၣ်ဒီးစံၣ်ညီၣ်အဝဲသ့ၣ်လၢတၢ်န့ၣ်အဃိလီၤ. ယကဆှၢကဒါက့ၤအဝဲသ့ၣ်ဆူကီၢ်အဲၤကူပတူးန့ၣ်လီၤ.

လံာ်ဟိၤၡ့ 9:6

ဖဲတၢ်တတၢးတနါဟဲတုၤဃီၤဝဲဒီးပှၤဂီၢ်မုၢ်တဖၣ်လီၤပြံပြါ ကွံာ်ဝဲန့ၣ်, ပှၤအဲၤကူပတူးဖိတဖၣ်ကပာ်ဖှိၣ်အဝဲသ့ၣ်, လၢကခူၣ်လီၤကွံာ်အဝဲသ့ၣ်ဖဲဝ့ၢ်မဲဖ့းအပူၤန့ၣ်လီၤ. အဝဲသ့ၣ်အတၢ်လုၢ်ဒိၣ်ပှ့ၤဒိၣ်တဖၣ်လၢစ့ဒီးတၢ်လီၢ် တၢ်ကျဲတဖၣ်ဖဲတဘျီအဝဲသ့ၣ်အဟံၣ်တဖၣ်သူၣ်ထီၣ်တ့ၢ်အ သးန့ၣ်နီၣ်ဧိၤမံၤဧိၤဒီးတၤဆှူၣ်တပှီာ်တဖၣ်ကဒိၣ်ဘၢကွံာ်အီၤ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:28

အန့ၣ်တစု, ကီၢ်န့ၣ်တဟီထီၣ်ကွံာ်ဘၣ်သုဒ်အညိကွံာ်ပှၤကလုာ်တဖၣ်လၢ အအိၣ်ဆိပာ်စၢၤလၢသုမဲာ်ညါန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 20:22

ဒီးယွၤစံးဝဲဒၣ်, “သုဘၣ်တိၢ်န့ၢ်ယတၢ်သိၣ်တၢ်သီဒီးတၢ်မၤလိာ်တဖၣ်, ဒ်သိးသုသုတဘၣ်တၢ်ဘှိးထီၣ်ကွံာ်သုလၢကီၢ်က နၤဧၣ်လၢယဆှၢနုာ်သုဆူအပူၤတဂ့ၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:23

ဒီးသုဟီၣ်ခိၣ်န့ၣ်တဘၣ်တၢ်ဆါလီၤကွံာ်အီၤလီၤထူလီၤယိာ်ဘၣ်. အဂ့ၢ်ဒ်အံၤ, တမ့ၢ်သုတၢ်ဘၣ်. ဒီးသုမ့ၢ်ပှၤတခီဘီမုၢ်ဖိဒီးပှၤသမှံၤလၢယဂီၢ်လီၤ.

လံာ်ဧၤမိၣ် 7:17

မၤသးဒ်န့ၣ်ဒီးစီၤအမၤစယါဧၢ, ယွၤစံးဘၣ်နၤ, နမါကကဲထီၣ်ဃဲသဲမုၣ်လၢဝ့ၢ်ပူၤ, နဖိတဖၣ် ကသံလၢတၢ်ဒုးအပူၤလီၤ. နထံနကီၢ်ကဘၣ်တၢ်နီၤဖးကွံာ်အီၤဒီး ကဘၣ်တၢ်ဟ့ၣ်လီၤကွံာ်အီၤဆူပှၤဂၤန့ၣ်လီၤ. ဒီးနဲဒၣ်, နကစၢ်ဒၣ်နဲနကသံလၢကီၢ်တကဆှီဘၣ်တဘ့ၣ်အပူၤန့ၣ်လီၤ. ဒီးကီၢ်အံၣ်စရ့လးအပှၤဂီၢ်မုၢ်ကဘၣ်တၢ်စိာ်ထီၣ်ကွံာ်အီၤလၢ အကီၢ်ဒၣ်ဝဲအပူၤဆူတၢ်စိာ်မၢကဲကုၢ်အပူၤသပှၢ်တၢၢ်န့ၣ်လီၤ.

လံာ်မံကၤ 2:10

ဂဲၤဆၢထၢၣ်ဒီးဟးထီၣ်ကွံာ်တက့ၢ်. တၢ်ပူၤဖျဲးတအိၣ်လၢၤဘၣ်ဖဲအံၤဘၣ်. သုတၢ်ဒဲးဘးတဖၣ်ဒုးလီၤဘၣ်တၢ်စံၣ်ညီၣ်ဃါမနၤဖဲတၢ်လီၢ်အံၤဆူ တၢ်ဟးဂူာ်ဟးဂီၤလီၤ.

မၤတၢ် 10:14

ဘၣ်ဆၣ်ဒီးစီၤပ့းတရူးစံးဝဲဒၣ်, “ကစၢ်ဧၢ, ယတအီၣ်လ့ၤတက့ၤဘၣ်. တၢ်တမံၤလၢ်လၢ်လၢအဘၣ်တၢ်ပာ်အီၤလၢအတစီတဆှံဒီးတကဆှီ လၢတၢ်ကအီၣ်အီၤအဂီၢ်န့ၣ်, ယတအီၣ်တ့ၢ်ယဲနီတစုဘၣ်.”

လံာ်သိၣ်လီၤသီလီၤတၢ် 28:63

ဒ်သိးဒၣ်ယွၤမုာ်လၤသးခုတ့ၢ်လၢတၢ်မၤဘီၣ်ထီၣ်ညီထီၣ်သု အပူၤ, လၢတၢ်မၤအါထီၣ်သုနီၣ်ဂံၢ်အပူၤအသိးန့ၣ်, အဝဲကမုာ်လၤသးခုစ့ၢ်ကီးလၢတၢ်မၤဟးဂီၤသုအပူၤဒီးလၢတၢ် ဟဲစိာ်တၢ်ဟးဂီၤလၢသုလိၤအပူၤန့ၣ်လီၤ. သုကဘၣ်တၢ်ထဲးထုးထီၣ်ကွံာ်သုလၢကီၢ်တဘ့ၣ်လၢသုကဘၣ်မၤပှဲၤ အီၤအပူၤန့ၣ်လီၤ.

လံာ်သိၣ်လီၤသီလီၤတၢ် 28:68

ယွၤမ့ၢ်တစံးတ့ၢ်လၢကဆှၢကဒါက့ၤကဒီးသုဆူကီၢ်အဲၤကူပတူး ဒၣ်လဲာ်, အဝဲကဆှၢကဒါက့ၤသုဖဲန့ၣ်လၢကဘီတဖၣ်အပူၤလီၤ. ဖဲန့ၣ်သုကကျဲးစၢးဆါလီၤကွံာ်သုသးဆူသုဒုၣ်သုဒါတဖၣ် အစုပူၤဒ်ကုၢ်တဖၣ်အသိး, ဘၣ်ဆၣ်ပှၤလၢကအဲၣ်ဒိးပှ့ၤသု တအိၣ်ဘၣ်နီတဂၤဘၣ်.”

လံာ်သိၣ်လီၤသီလီၤတၢ် 4:26

ယကိးထီၣ်မူခိၣ်ဒီးဟီၣ်ခိၣ်ဒ်တၢ်အုၣ်အသးတဖၣ်လၢအထီဒါသု တနံၤအံၤလၢသုမ့ၢ်တစူၢ်ဘၣ်ယၤဘၣ်ဒီး, တယံာ်ဘၣ်န့ၣ်သုကဟါမၢ်ကွံာ်လၢကီၢ်တဘ့ၣ်အံၤအပူၤန့ၣ်လီၤ. သုတအိၣ်ဆိးဘၣ်ယံာ်ယံာ်ထၢထၢလၢကီၢ်တဘ့ၣ်အံၤလၢအအိၣ်လၢထံ ကျိယၢ်ဒ့ၣ်အဘးခီအပူၤလၢ, ဘူးတ့ၢ်မးလၢသုကမၤန့ၢ်အီၤလံန့ၣ်ဘၣ်. သုကဘၣ်တၢ်မၤဟးဂီၤ သုလၢာ်လၢာ်ဆ့ဆ့န့ၣ်လီၤ.

လံာ်စီၤယိၤၡူ 23:15

ဘၣ်ဆၣ်ဒ်အဝဲမၤလၢပှဲၤအတၢ်အၢၣ်လီၤဒီးသုကိးထံၣ်ဒဲး အသိးန့ၣ်, ဒ်န့ၣ်အသိး, အဝဲကမၤလၢပှဲၤအတၢ်မၤပျံၤမၤဖုးကိးထံၣ်ဒဲးလီၤ.