လံာ်ဟိၤၡ့ 9:12 - Sgaw Karen Common Bible

¹² ဘၣ်ဆၣ်အဝဲသ့ၣ်မ့ၢ်ဒုးဒိၣ်ထီၣ်ဖိသၣ်တဖၣ်ဒၣ်လဲာ်န့ၣ်, ယကဟံးန့ၢ်ကွံာ်အီၤဒီးတပာ်တ့ၢ်မူဒံးအီၤနီတဂၤဘၣ်. တုၤယစူးကွံာ်ညိကွံာ်ပှၤဂီၢ်မုၢ်အံၤန့ၣ်, တၢ်လီၤပျံၤလီၤဖုးတဖၣ်ကမၤအသးဒီးအဝဲသ့ၣ်န့ၣ်လီၤ.

လံာ်ဟိၤၡ့ 9:12 Iomraidhean Croise

လံာ်စီၤပၤခံဘ့ၣ်တဘ့ၣ် 17:18

ယွၤအသးဒိၣ်ထီၣ်ပှၤအံၣ်စရ့လးဖိတဖၣ်ဒီးဟီထီၣ်ကွံာ်အဝဲသ့ၣ် လၢအမဲာ်ညါ, ပာ်တ့ၢ်ဒၣ်ထဲကီၢ်ယူဒၤအဘီအမုၢ်ဧိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:23

တုၤလၢ, လၢခံကတၢၢ်ယွၤနီၣ်ထီၣ်ဟီထီၣ်ကွံာ်အဝဲသ့ၣ်လၢအမဲာ် ညါ, ဒ်အဝဲဟ့ၣ်ပလီၢ်တ့ၢ်ဝဲခီဖျိအခ့အပှၤဝံတဖၣ်လၢကမၤဝဲဒၣ်န့ၣ် လီၤ. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်ဘၣ်တၢ်စိာ်မၢကဲကုၢ် ကွံာ်အီၤဆူကီၢ်အၤၡူၢ်အပူၤဖဲအဝဲသ့ၣ်အိၣ်ဆိးဒံးဝဲန့ၣ်လီၤ.

လံာ်စီၤယိၤဘး 27:14

အဝဲသ့ၣ်ကအိၣ်ဝဲဒီးအဖိခွါအါဂၤဘၣ်ဆၣ်ကဘၣ်တၢ်မၤ သံကွံာ်အီၤခဲလၢာ်လၢတၢ်ဒုးတၢ်ယၤအပူၤန့ၣ်လီၤ. အဖိသ့ၣ်တဖၣ်တဘျဲးအီၣ်ဘျဲးအီနီတဘျီဘၣ်န့ၣ်လီၤ.

လံာ်ယံးရမံယၤ 15:7

လၢဝ့ၢ်ကိးဝ့ၢ်ဒဲးလၢကီၢ်အံၤအပူၤန့ၣ်, ယကွံာ်လီၤသုဆူကလံၤကျါဒ်ဘုလီၢ်အသိးန့ၣ်လီၤ. ယပှၤဂီၢ်မုၢ်ဧၢ, ယမၤဟးဂီၤကွံာ်သု, န့ၣ်လီၤ. ယမၤသံသုဖိတဖၣ် မ့ၢ်လၢသုတဆိကတီၢ်သုတၢ်အၢတၢ်သီအကျဲတဖၣ်အဃိန့ၣ်လီၤ.

လံာ်ယံးရမံယၤ 6:8

ပှၤဝ့ၢ်ယရူၤရှလ့ၣ်ဖိသ့ၣ်ဧၢ, မ်တၢ်ကီတၢ်ခဲတဖၣ်အံၤကမ့ၢ်တၢ် ဟ့ၣ်ပလီၢ်တမံၤလၢသုဂီၢ်တက့ၢ်. မ့တမ့ၢ်ဘၣ်ဒီး, ယကပာ်လီၤတဲာ်ကွံာ်သုလီၤ. ယကဘိးကဒါကွံာ်သုဝ့ၢ်အံၤ ဆူမဲးမုၢ်ခိၣ်တတီၤ, တၢ်လီၢ်တတီၤဖဲပှၤတအိၣ်နီတဂၤဘၣ်န့ၣ်လီၤ.”

လံာ်သးသယုၢ်တၢ် 2:20

ယွၤဧၢ, ဘၣ်မနုၤနစံၣ်ညီၣ်ပှၤဒ်သိးအံၤလဲၣ်, ကွၢ်ဆိကမိၣ်တၢ်တက့ၢ်. ပိာ်မုၣ်တဖၣ်အီၣ်က့ၤအဖိဆံးတဖၣ်လၢအအဲၣ်ဝဲအဖံးအညၣ်အနီၢ်ခိ ကသ့ဒ်လဲၣ်. ပှၤလုၢ်တၢ်အခိၣ်တဖၣ်ဒီးဝံတဖၣ်ဘၣ်တၢ်မၤသံအီၤလၢတၢ်လုၢ်ဟံၣ် ဒၣ်ဝဲအပူၤကကြၢးဝဲဒ်လဲၣ်.

လံာ်သးသယုၢ်တၢ် 2:22

နကွဲမုာ်တ့ၢ်ယဒုၣ်ယဒါတဖၣ်ဒ်သိးကမၤတၢ်လီၤပျံၤလီၤဖုးအမူး ဖးဒိၣ်ဝးတရံးယၤ, ဒီးလၢနတၢ်သးထီၣ်အမုၢ်တနံၤန့ၣ်ပှၤပူၤဖျဲးတန့ၢ်ဘၣ်နီ တဂၤဘၣ်. အဝဲသ့ၣ်မၤသံယဖိတဖၣ်လၢ ယလုၢ်ဒိၣ်ထီၣ်ဒီးအဲၣ်တ့ၢ်အီၤန့ၣ်လီၤ.

လံာ်ဟိၤၡ့ 7:13

အဝဲသ့ၣ်ကဘၣ်တၢ်စံၣ်ညီၣ်ဃါမနၤန့ၣ်လီၤ. အဝဲသ့ၣ်ပာ်တ့ၢ်ကွံာ်ယၤဒီးပူထီၣ်ထီဒါယၤန့ၣ်လီၤ. အဝဲသ့ၣ်ကဘၣ်တၢ်မၤဟးဂီၤကွံာ်အီၤလီၤ. ယအဲၣ်ဒိးအုၣ်က့ၤခီၣ်က့ၤအဝဲသ့ၣ်ဘၣ်ဆၣ်အဝဲသ့ၣ်အတၢ်ဘါထီၣ်ယၤ န့ၣ်တမ့ၢ်ဝဲတီဝဲဒၣ်ဘၣ်.

လံာ်ဟိၤၡ့ 9:13

ယွၤဧၢ, ယထံၣ်ဘၣ်အဝဲသ့ၣ်အဖိတဖၣ်ဘၣ်တၢ်လူၤခးဒီးမၤ သံကွံာ်အီၤန့ၣ်လီၤ.

လံာ်ဟိၤၡ့ 9:16

ကီၢ်အံၣ်စရ့လးအပှၤဂီၢ်မုၢ်အံၤလီၤဂာ်ဒ်တၢ်မုၢ်တမုၢ်လၢ အဂံၢ်တဖၣ်ဃ့ထီကွံာ်ဝဲဒီးတသၣ်ထီၣ်နီတဖျၢၣ်ဘၣ်အသိး န့ၣ်လီၤ. အဝဲသ့ၣ်တအိၣ်ဒီးအဖိတဖၣ်ဘၣ်. ဒီးမ့ၢ်အိၣ်ဒၣ်လဲာ်န့ၣ်ယကမၤသံကွံာ်အဖိတဖၣ်လၢအအဲၣ်ဝဲဒိၣ် မးန့ၣ်လီၤ.

လံာ်မၤလကံ 2:12

မ်ယွၤသုးကွံာ်ပှၤလၢအမၤတၢ်ဒ်သိးအံၤလၢပှၤအံၣ်စရ့လးဖိ အတၢ်ကရၢကရိအပူၤ, ဒီးအသုတပျဲအမၤသကိးတၢ်ဒီးပပှၤကလုာ်လၢအတၢ်ဟဲစိာ်တၢ်လုၢ် ဆူယွၤသ့တၢ်လၢာ်အအိၣ်နီတဘျီလၢၤတဂ့ၤ.

လံာ်တၢ်ဂံၢ် 14:34

သုကတူၢ်ဘၣ်တၢ်လၢအကြၢးဝဲဘၣ်ဝဲဒီးသုတၢ်ဒဲးဘးလၢအနံၣ် လွံၢ်ဆံအတီၢ်ပူၤ, တနံၣ်လၢအသီလွံၢ်ဆံစုာ်စုာ်အဂီၢ်လၢသုသူတ့ၢ်အီၤလၢတၢ်ဃု ထံၣ်သ့ၣ်ညါကီၢ်အဂီၢ်န့ၣ်လီၤ. သုကသ့ၣ်ညါယဘၣ်ထီဒါသုအခီပညီဒ်လဲၣ်န့ၣ်လီၤ.

လံာ်တၢ်ဂံၢ် 26:65

ယွၤစံးတ့ၢ်လၢအဝဲသ့ၣ်ကိးဂၤဒဲးန့ၣ်ကဘၣ်သံ ဝဲလၢပှၢ်မုၢ်ကနၢအပူၤဒီးကအိၣ်တ့ၢ်ဝဲထဲစီၤယဖူန့ၤအဖိခွါ စီၤကၤလ့းဒီးစီၤနိၣ်အဖိခွါစီၤယိၤၡူဧိၤန့ၣ်လီၤ.

လံာ်သိၣ်လီၤသီလီၤတၢ် 28:18

ယွၤကဆိၣ်အၢသုခီဖျိဟ့ၣ်သုလၢဖိတဖၣ်ထဲစှၤဂၤ, တၢ်မုၢ်တၢ်ဘိ, တၤသူတၤသၣ်ထဲတဆံးတက့ၢ်ဒီးဂီၤဘုၣ်ဂီၤဖံး ဒီးသိထဲစှၤကိာ်ဧိၤန့ၣ်လီၤ.

လံာ်သိၣ်လီၤသီလီၤတၢ် 28:32

သုဖိခွါတဖၣ်ဒီးဖိမုၣ်တဖၣ်ကဘၣ်တၢ်ဟ့ၣ်လီၤကွံာ်အီၤဆူပှၤ ထံဂၤကီၢ်ဂၤတဖၣ်အစုပူၤဒ်ကုၢ်တဖၣ်အသိးဖဲသုကွၢ်အီၤအဖၢမုၢ်ဒၣ်လဲာ်လီၤ. ကိးမုၢ်နံၤဒဲးန့ၣ်သုမဲာ်ချံတဖၣ်ကလီၤဘှံးကွံာ်ကလီကလီလၢ တၢ်ခိးကွၢ်တၢ်ကလီကလီလၢသုဖိတဖၣ်အတၢ်ဟဲက့ၤကဒါက့ၤအဂီၢ် န့ၣ်လီၤ.

လံာ်သိၣ်လီၤသီလီၤတၢ် 31:17

တုၤတၢ်မၤအသးဒီး, ယကသးဒိၣ်ထီၣ်ဘၣ်အဝဲသ့ၣ်, ယကဲၤသဒၣ်ကွံာ်အဝဲသ့ၣ်ဒီးအဝဲသ့ၣ်ကဘၣ်တၢ်မၤဟးဂီၤကွံာ်အီၤ လီၤ. တၢ်တတၢးတနါတဖၣ်လၢအလီၤပျံၤအါမံၤကလီၤဘၣ်လၢအဝဲသ့ၣ်အ လိၤ, ဒီးအန့ၣ်တစုအဝဲသ့ၣ်ကသ့ၣ်ညါနီၣ်ဝဲလၢတၢ်တဖၣ်အံၤမၤအသးဒီး အဝဲသ့ၣ်မ့ၢ်လၢ, ယၤ, အဝဲသ့ၣ်အကစၢ်ယွၤတအိၣ်လၢၤဘၣ်ဒီးအဝဲသ့ၣ်အဃိ န့ၣ်လီၤ.

လံာ်သိၣ်လီၤသီလီၤတၢ် 32:25

တၢ်ဒုးတၢ်ယၤကဟဲစိာ်တၢ်သံလၢကျဲတဖၣ်အပူၤ, တၢ်လီၤပျံၤလီၤဖုးတဖၣ်ကမၤဒၢၣ်တၢ်လၢဟံၣ်တဖၣ်အပူၤလီၤ. ပိာ်ခွါသးစၢ်တဖၣ်ဒီးပိာ်မုၣ်သးစၢ်တဖၣ်ကသံဝဲ ဒီးဖိသၣ်ဆံးတဖၣ်မ့ၢ်ဂ့ၤ, ပှၤသးပှၢ်တဖၣ်မ့ၢ်ဂ့ၤဒၣ်လဲာ်, တၢ်တပာ်မူတ့ၢ်လၢၤအီၤဘၣ်.

လံာ်ပှၤစံၣ်ညီၣ်ကွီၢ် 4:16

စီၤဘါရးလူၤထွဲလ့ၣ်ကဟၣ်ဒုးသုးတဖၣ်ဒီးပှၤသုးဖိတဖၣ်အခံ တုၤဆူပှၤကလုာ်ဂၤတဖၣ်အဝ့ၢ်ဃရိၡ့းဒီးစီၤစံစရၤအသုးမုၢ် ဒီဖုဘၣ်တၢ်မၤသံကွံာ်အီၤခဲလၢာ်လီၤ. ပှၤတအိၣ်လီၤတဲာ်ဘၣ်နီတဂၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 16:14

ယွၤအသးမုၢ်စီဆှံဟးထီၣ်ကွံာ်လၢစီၤစီလူးအအိၣ်ဒီးသးအအၢ တဖျၢၣ်လၢအဘၣ်တၢ်ဆှၢလီၤအီၤလၢယွၤန့ၣ်မၤနးမၤဖှီၣ်အီၤ လီၤ.