လံာ်ဟိၤၡ့ 9:11 - Sgaw Karen Common Bible

¹¹ ကီၢ်အံၣ်စရ့လးအတၢ်ဒိၣ်တၢ်မုၢ်ကယူၤကွံာ်ဒ်ထိၣ် တဘ့ၣ်အသိးဒီးဖိတဖၣ်တအိၣ်ဖျဲၣ်ထီၣ်လၢအဂီၢ်လၢၤဘၣ်. ပိာ်မုၣ်တဖၣ်တအိၣ်ဟုးအိၣ်သးထီၣ်လၢၤဘၣ်ဒီးဖိသၣ်တဖၣ် တဘၣ်တၢ်ဒၢထီၣ်အီၤလၢၤဘၣ်.

လံာ်ဟိၤၡ့ 9:11 Iomraidhean Croise

လံာ်တၢ်ကဲထီၣ်အခီၣ်ထံး 41:52

အဝဲစံးစ့ၢ်ကီးဝဲ, “ကစၢ်ယွၤဟ့ၣ်လံယၤလၢဖိတဖၣ်လၢယတၢ်ဘၣ် ကိၢ်ဘၣ်ဂီၤအကီၢ်ပူၤလံ.” လၢတၢ်န့ၣ်အဃိအဝဲယုၢ်န့ၢ်အဖိခွါခံဂၤတဂၤအမံၤလၢစီၤအ့ ဖရဲၣ်လီၤ.

လံာ်တၢ်ကဲထီၣ်အခီၣ်ထံး 49:22

စီၤယိၤသးလီၤဂာ်ဒီးကသ့ၣ်ယီၤအရၢၢ်တဒုလၢထံထီၣ်ပၢၢ်တပူၤအ ဃၢၤ, ကသ့ၣ်ဖိအရၢၢ်တဒုလၢတၢ်လူၢ်တလူၢ်အဒီခိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:23

စီၤစီလူးအဖိမုၣ်နီၢ်မံၤကါလးန့ၣ်အဖိတအိၣ်ဘၣ်နီတဂၤ, နီတစုဘၣ်.

လံာ်စီၤယိၤဘး 18:5

မ့ၢ်မးပှၤတတီတလိၤဘၣ်အတၢ်ကပီၤန့ၣ်တၢ်ကမၤလီၤပံာ်ဒံးဒၣ် အီၤ, ဒီးအမ့ၣ်အူလၣ်တကဲၤကပီၤကဒီးလၢၤဘၣ်.

စံးထီၣ်ပတြၢၤ 58:8

မ်အလီၤဂာ်ဒ်ချိၣ်လၢအပှံၢ်လီၤဝဲဒီးဟါမၢ်ကွံာ်အသိး, ဒီးဒ်ဖိသၣ်လီၤလူးတဂၤအသိး မ်အသုတထံၣ်ဘၣ်မုၢ်နီတစုတဂ့ၤ.

လံာ်ပှၤစံၣ်တဲၤတဲလီၤတၢ် 6:3

ပှၤတဂၤကအိၣ်ဒီးအဖိတကယၤဂၤဒီးအိၣ်မူအါနံၣ်အါလါ, ဘၣ်ဆၣ်အဝဲအိၣ်မူယံာ်ထဲလဲၣ်နာ်က့, မ့ၢ်တန့ၢ်ဘၣ်တၢ်သူၣ်ဖှံသးညီလၢအဂီၢ်ဒၣ်ဝဲဒီးမ့ၢ်တန့ၢ်ဘၣ် တၢ်ခူၣ်လီၤဘျၢအီၤဂ့ၤဂ့ၤဘၣ်ဘၣ်ဒီး, ယစံးယဲလၢဖိသၣ်တဂၤ အိၣ်ဖျဲၣ်ထီၣ်လၢအသံန့ၣ်ဂ့ၤဒိၣ်တက့ၢ်လီၤ.

လံာ်ယၡါယၤ 17:3

ကီၢ်အံၣ်စရ့လးအတိာ်ဧိၤတာ်ဧိၤတအိၣ်လၢၤဘၣ်ဒီးဝ့ၢ်ဒၤမ့ၤစ့း အတၢ်သဘျ့ကလီၤမၢ်ကွံာ်န့ၢ်အီၤလီၤ. ပှၤစူၤရံဖိတဖၣ်လၢအအိၣ်မူတ့ၢ်ဒံးဝဲန့ၣ်ကအိၣ်လၢတၢ်မဲာ်ဆှးအပူၤဒ် ပှၤအံၣ်စရ့လးဖိတဖၣ်အသိးလီၤ. ယၤ, ယွၤသ့တၢ်လၢာ်ကစၢ်ကတိၤလံ တၢ်လံ.”

လံာ်ဟိၤၡ့ 10:5

ပှၤဂီၢ်မုၢ်လၢအအိၣ်လၢဝ့ၢ်ၡၤမရံကပျံၤတၢ်ဖုးတၢ်ဒီး ကသူၣ်အုးသးအုးလၢဂီၤဖံးထူအတၢ်လီၤမၢ်ကွံာ်လၢဝ့ၢ် ဘ့ၤသ့လးအဃိန့ၣ်လီၤ. အဝဲသ့ၣ်ဒီးပှၤလုၢ်တၢ်အခိၣ်တဖၣ်လၢအမၤတၢ်လၢတၢ်ဂီၤတၢ်ဖီၣ် အဂီၢ်ကဟီၣ်တၢ်ယၢၤတၢ်လၢအဃိန့ၣ်လီၤ. အဝဲသ့ၣ်ကဟီၣ်တၢ်ယၢၤတၢ်ဖဲထူကပြုၢ်ကပြီၤတဖၣ်ဘၣ်တၢ်အိးကွံာ် အီၤအခါန့ၣ်လီၤ.

လံာ်ဟိၤၡ့ 4:7

ထဲသိးဒီးသုပှၤလုၢ်တၢ်အခိၣ်တဖၣ်အါထီၣ်ဝဲအသိးန့ၣ်သုတၢ် ဒဲးဘးထီဒါယၤအါထီၣ်ဝဲလီၤ. ဒီးလၢတၢ်န့ၣ်အဃိ ယကဘိးကဒါကွံာ်သုလၤကပီၤဆူတၢ်မဲာ်ဆှးန့ၣ်လီၤ.

လံာ်ဟိၤၡ့ 5:9

တၢ်စံၣ်ညီၣ်အမုၢ်တနံၤန့ၣ်ဟဲဝဲလံ, ဒီးကီၢ်အံၣ်စရ့လးကဘၣ်တၢ် မၤဟးဂီၤအီၤလီၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, တၢ်အံၤကမၤအသးသပှၢ်တၢၢ်လီၤ.

လံာ်ဟိၤၡ့ 9:14

ယကဘၣ်ဃ့နၤလၢနကဘၣ်မၤပှၤဂီၢ်မုၢ်အံၤဒ်လဲၣ်. မၤတူာ်ဖိအပှၤပိာ်မုၣ်တဖၣ်တက့ၢ်. မၤဒ်သိးအဝဲသ့ၣ်ဒုးအီၣ်အဖိဆံး တဖၣ်အနုၢ်ထံသုတသ့တဂ့ၤန့ၣ်တက့ၢ်.

လံာ်ဧၤမိၣ် 1:13

ဒီးယွၤစံးဝဲဒၣ်, “ပှၤကီၢ်ဧၤမိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်န့ၣ်လီၤ. လၢအဝဲသ့ၣ်တၢ်ဒုးတၢ်ယၤတဖၣ်ဒ်သိးကမၤလဲၢ်ထီၣ်အကီၢ်အဃၢၤအဂီၢ် အပူၤန့ၣ်, ကွဲးသ့ၣ်ဖးဒၣ်လဲာ်ကီၢ်ကံးလဧးအပိာ်မုၣ်လၢအဒၢတဖၣ် အဟၢဖၢန့ၣ်လီၤ.

လံာ်လူၤကၣ် 23:29

အဂ့ၢ်ဒ်အံၤ, မုၢ်နံၤမုၢ်သီတဖၣ်ကဟဲဝဲဖဲပှၤကစံး, ‘ပိာ်မုၣ်လၢအဖိတအိၣ်နီတစု, လၢအတဒၢထီၣ်နီတစု, ဒီးတဒုးအီၣ်နုၢ်ဘၣ်ဖိသၣ်နီတစုတဖၣ်န့ၣ်, ဘၣ်ဆိၣ်ဂ့ၤဆံးဒိၣ်လဲၣ်’ န့ၣ်လီၤ.

လံာ်သိၣ်လီၤသီလီၤတၢ် 28:18

ယွၤကဆိၣ်အၢသုခီဖျိဟ့ၣ်သုလၢဖိတဖၣ်ထဲစှၤဂၤ, တၢ်မုၢ်တၢ်ဘိ, တၤသူတၤသၣ်ထဲတဆံးတက့ၢ်ဒီးဂီၤဘုၣ်ဂီၤဖံး ဒီးသိထဲစှၤကိာ်ဧိၤန့ၣ်လီၤ.

လံာ်သိၣ်လီၤသီလီၤတၢ် 28:57

ဖဲဒုၣ်ဒါတဖၣ်ဟဲကဝီၤဃာ်အဝဲအဝ့ၢ်န့ၣ်, အဝဲကအိၣ်လၢတၢ်ကီတၢ် ခဲနးမးလၢတၢ်မုၢ်လၢ်လၢာ်ကွံာ်အပူၤလၢတၢ်အီၣ်အဃိ, တုၤဒၣ်လဲာ်အဝဲကအီၣ်ကွံာ်ခူသူၣ်အဖိဆံးလၢအအိၣ်ဖျဲၣ်ထီၣ်သီ သီဒီးအဟံၣ်လီၢ်စ့ၢ်ကီးန့ၣ်လီၤ. အဝဲတနီၤဟ့ၣ်ဘၣ်တၢ်တဖၣ်န့ၣ်ဆူအဝၤလၢအအဲၣ်ဝဲမ့ၢ်ဂ့ၤ, ဆူအဖိတဂၤဂၤမ့ၢ်ဂ့ၤန့ၣ်ဘၣ်.

လံာ်သိၣ်လီၤသီလီၤတၢ် 33:17

စီၤယိၤသးအိၣ်ဒီးဂီၤဖံးဖါတဒုအတၢ်ဂံၢ်တၢ်ဘါ, ဂီၤဖံးဖါလၢအရၢၢ်အစၢၢ်တစုအနၢၤတဖၣ်လီၤ. အဝဲအနၢၤတဖၣ်န့ၣ်မ့ၢ်ဒ်မနၤၡ့ၣ်အကထိတဖၣ် ဒီးအ့ဖရဲၣ်အကလးတဖၣ်အသိးန့ၣ်လီၤ. အဝဲဘျၢၣ်ပှၤကလုာ်တဖၣ်လၢနၢၤတဖၣ်န့ၣ်, ဒီးဆီၣ်လီၤကွံာ်အဝဲသ့ၣ်တုၤလၢဟီၣ်ခိၣ်အကတၢၢ်တဖၣ်န့ၣ်လီၤ.”