လံာ်ဟိၤၡ့ 9:1 - Sgaw Karen Common Bible

¹ ကီၢ်အံၣ်စရ့လးအပှၤဂီၢ်မုၢ်ဧၢ, ပာ်ကတီၢ်သု တၢ်မၤမူးမၤပွဲလၢအလီၤဂာ်ဒ်ပှၤဘါတၢ်ဂီၤတဖၣ်အသိးန့ၣ်တ က့ၢ်. သုဃၣ်ကပၤကွံာ်သုသးလၢသုကစၢ်ယွၤဒီးသု တသူၣ်တီသးရၤတ့ၢ်ဒီးအီၤဘၣ်. လၢကီၢ်ဒီဘ့ၣ်ညါအံၤသုဆါလီၤကွံာ်သုသးဒ် ပှၤဃဲသဲမုၣ်တဖၣ်အသိးဆူကစၢ်ဘဧၤလးအအိၣ်ဒီးသုအဲၣ်တ့ၢ် ဘုခ့လၢသုဆိကမိၣ်လၢအဝဲဟ့ၣ်သုလၢတၢ်ဘူးတၢ်လဲအဂီၢ်န့ၣ် လီၤ.

လံာ်ဟိၤၡ့ 9:1 Iomraidhean Croise

စံးထီၣ်ပတြၢၤ 73:27

အဂ့ၢ်ဒ်အံၤ, ကွၢ်ကွၢ်, ပှၤလၢအအိၣ်ယံၤဒီးနၤန့ၣ် ကတုၤလၢတၢ်ဟးဂီၤလီၤ. နကမၤဟးဂီၤကွံာ်ပှၤလၢအသးတတီဒီးနၤန့ၣ်လီၤ.

လံာ်ယၡါယၤ 17:11

ဘၣ်ဆၣ်ဒီး, အဝဲသ့ၣ်မ့ၢ်မဲထီၣ်ဒီးဘိၣ်ထီၣ်ဖးထီၣ်ဒၣ်လဲာ်, မုၢ်တဂီၤဃီလၢနသူၣ်လီၤအဝဲသ့ၣ်န့ၣ်, နတကူးက့ၤဘၣ်တၢ်ဘၣ်ဒီး နတပာ်ဖှိၣ်ဘၣ်တၢ်ဘၣ်. ကအိၣ်ဒၣ်ထဲတၢ်ကိၢ်တၢ်ဂီၤဒီး တၢ်ဆါလၢတၢ်မၤဘျါအီၤတန့ၢ်ဘၣ်န့ၣ်လီၤ.

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်ယံးရမံယၤ 2:20

ယွၤပၢဘၣ်တၢ်ခဲလၢာ်ကစၢ်စံးဝဲ, “ကီၢ်အံၣ်စရ့လးဧၢ, နညိကွံာ်တ့ၢ်, ယတၢ်စိတၢ်ကမီၤလၢပျၢၤလံၤလံၤလီၤ. နဂ့ၢ်လိာ် လၢနကစူၢ်ယၤဒီးဘူၣ်ထီၣ်ဘါထီၣ်ယၤလီၤ. လၢတၢ်လူၢ်လၢ အထီကိးလူၢ်ဒဲးအလိၤဒီးလၢသ့ၣ်လၢအလါဟ့ကိးထူၣ်ဒဲးအဖီလာ် န့ၣ်, နဘူၣ်ထီၣ်ဘါထီၣ်ပှၤတစူၢ်တနာ်ယွၤ အကစၢ်တဖၣ်ဒီးမၤပှၤဃဲသဲမုၣ်အတၢ်မၤဖဲန့ၣ်လီၤ.

လံာ်ယံးရမံယၤ 44:17

ပကမၤတၢ်ခဲလၢာ်လၢ ပစံးတ့ၢ်လၢပကမၤအီၤန့ၣ်လီၤ. ပကလုၢ်ထီၣ်တၢ်လုၢ်တဖၣ်ဆူ ပကစၢ်မုၣ်လၢအမ့ၢ်, မူခိၣ်အနီၢ်ပၤမုၣ်, ဒီးပကလူလီၤတၢ်လုၢ်စပံးထံလၢ အဂီၢ်, ဒ်ပဝဲဒီး ပမိၢ်ပၢ်ဖံဖုလၢပျၢၤတဖၣ်, ပစီၤပၤဒီး ပခိၣ်ပနၢ်တဖၣ် ညီနုၢ်မၤတ့ၢ်ဝဲလၢကီၢ်ယူဒၤအဝ့ၢ်တဖၣ်အပူၤဒီး ဝ့ၢ်ယရူၤၡလ့ၣ်အကျဲမုၢ်ကျဲဘိတဖၣ်အပူၤအသိးန့ၣ်လီၤ. အန့ၣ်ဒီး, ပကအိၣ်ဒီးတၢ်အီၣ်အါအါဂီၢ်ဂီၢ်, ပကဘီၣ်ထီၣ်ညီထီၣ်ဒီး ပတၢ်ကီတၢ်ခဲတအိၣ်နီတမံၤလၢၤဘၣ်.

လံာ်သးသယုၢ်တၢ် 4:21

နံၤထီၣ်ဆူညါ, ကီၢ်အဒိၣ်ဒီးကီၢ်ဧူးစးအပှၤဂီၢ်မုၢ်သ့ၣ်ဧၢ, မ်သုသးခုဖဲသုမၤသ့ဒံးန့ၣ်တက့ၢ်. သုတၢ်နးတၢ်ဖှီၣ်ဟဲစ့ၢ်ကီးဝဲလံ. သုဝဲစ့ၢ်ကီးသုကကနုၤ ကဆဲဘ့ၣ်ဆ့လၢတၢ်မဲာ်တြီၢ်မဲာ်ဆှးအပူၤန့ၣ်လီၤ.

လံာ်ယဃ့းစက့လး 16:15

ဘၣ်ဆၣ်ဒီးနဟံးန့ၢ်နတၢ်ခွဲးတၢ်ယာ်လၢတၢ်နတၢ်ဃံတၢ်လၤဒီး နတၢ်မံၤဟူသၣ်ဖျါအဖီခိၣ်, လၢနကမံဃုာ်ဒီးပှၤကိးဂၤဒဲးလၢအဟဲဆူနအိၣ်အဂီၢ်န့ၣ်လီၤ.

လံာ်ယဃ့းစက့လး 16:30

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. “နမၤတ့ၢ်တၢ်အံၤခဲလၢာ်ဒ်ပှၤဃဲသဲမုၣ်တဂၤလၢအတၢ်မဲာ်ဆှး တအိၣ်ဘၣ်အသိးန့ၣ်လီၤ.

လံာ်ယဃ့းစက့လး 20:32

သုပာ်လီၤတ့ၢ်သုသးလၢသုကအဲၣ်ဒိးလီၤဂာ်ဒ်ပှၤကလုာ်တဖၣ်, ဒ်ပှၤဂီၢ်မုၢ်လၢအိၣ်ဝဲဆိးဝဲလၢထံကီၢ်အဂၤတဖၣ်အပူၤ, ဒီးဘူၣ်ထီၣ်ဘါထီၣ်သ့ၣ်တဖၣ်ဒီးလၢၢ်တဖၣ်န့ၣ်လီၤ. ဘၣ်ဆၣ်တၢ်န့ၣ်တမ့ၢ်ကမၤအသးနီတဘျီဘၣ်.

လံာ်ယဃ့းစက့လး 21:10

ဘၣ်တၢ်ကျ့အ့ၣ်အီၤလၢကမၤဝံၤတၢ်အဂီၢ်, ဘၣ်တၢ်ထူးကတြ့ၣ်အီၤလၢကကပြုၢ်ထီၣ်ဒ်လီဝၢ်ဒံး အသိးအဂီၢ်န့ၣ်လီၤ. တၢ်သူၣ်ဖှံသးညီအိၣ်ဖဲန့ၣ်တသ့ဘၣ်, မ့ၢ်လၢယပှၤဂီၢ်မုၢ်တဖၣ်တပးကဲကယဲၢ်တၢ်ဟ့ၣ် ပလီၢ်ဒီးတၢ်စံၣ်ညီၣ်အဃိန့ၣ်လီၤ.

လံာ်ဟိၤၡ့ 10:5

ပှၤဂီၢ်မုၢ်လၢအအိၣ်လၢဝ့ၢ်ၡၤမရံကပျံၤတၢ်ဖုးတၢ်ဒီး ကသူၣ်အုးသးအုးလၢဂီၤဖံးထူအတၢ်လီၤမၢ်ကွံာ်လၢဝ့ၢ် ဘ့ၤသ့လးအဃိန့ၣ်လီၤ. အဝဲသ့ၣ်ဒီးပှၤလုၢ်တၢ်အခိၣ်တဖၣ်လၢအမၤတၢ်လၢတၢ်ဂီၤတၢ်ဖီၣ် အဂီၢ်ကဟီၣ်တၢ်ယၢၤတၢ်လၢအဃိန့ၣ်လီၤ. အဝဲသ့ၣ်ကဟီၣ်တၢ်ယၢၤတၢ်ဖဲထူကပြုၢ်ကပြီၤတဖၣ်ဘၣ်တၢ်အိးကွံာ် အီၤအခါန့ၣ်လီၤ.

လံာ်ဟိၤၡ့ 2:12

ယကမၤဟးဂီၤကွံာ်အစပံးမုၢ်တဖၣ်ဒီးအချၢၣ်ဒၢအထူၣ်တ ဖၣ်လၢအစံးဝဲလၢပှၤလၢအအဲၣ်အီၤတဖၣ်ဟ့ၣ်တ့ၢ်အီၤလၢအဝဲမၤတၢ် ခ့တၢ်ပှၤအတၢ်မၤလၢအဝဲသ့ၣ်တဖၣ်အဂီၢ်အဃိန့ၣ်လီၤ. ယကဒုးကဲထီၣ်အစပံးလီၢ်ဒီးတၤသၣ်အလီၢ်တဖၣ်ဆူပှၢ်မုၢ်ကနၢတတီၤ, ဒီးဆၣ်ဖိကီၢ်ဖိအမံၤတဖၣ်ကမၤဟးဂီၤကွံာ်အဝဲသ့ၣ်တဖၣ်န့ၣ်လီၤ.

လံာ်ဟိၤၡ့ 4:12

အဝဲသ့ၣ်ဃ့တၢ်လီၣ်ဖျါတဖၣ်လၢသ့ၣ်ကျီၣ်တကျီၣ်အအိၣ်လီၤ. သ့ၣ်တဒ့တဲဘၣ်အဝဲသ့ၣ်တၢ်လၢအဝဲသ့ၣ်အဲၣ်ဒိးသ့ၣ်ညါ န့ၣ်လီၤ. အဝဲသ့ၣ်လဲၤသဒၣ်ကွံာ်ယၤလံ. ဒ်ပိာ်မုၣ်တဂၤလၢအကဲထီၣ်ပှၤ ဃဲသဲမုၣ်အသိးအဝဲသ့ၣ်ဟ့ၣ်လီၤကွံာ်အသးဆူယွၤအဂၤတဖၣ်အအိၣ် လံ.

လံာ်ဟိၤၡ့ 5:4

တၢ်အၢတၢ်သီလၢပှၤဂီၢ်မုၢ်တဖၣ်မၤဝဲန့ၣ် တြီဃာ်အဝဲသ့ၣ်လၢကဟဲက့ၤကဒါက့ၤဆူကစၢ်ယွၤအအိၣ်လီၤ. တၢ်ဘါတၢ်ဂီၤတၢ်ဖီၣ်အိၣ်ဒီးအစိကမီၤတမံၤလၢအဟံးဃာ် အဝဲသ့ၣ်, ဒီးအဝဲသ့ၣ်တအိၣ်လၢၤဒီးတၢ်အၢၣ်လီၤသ့ၣ်ညါယွၤဘၣ်.

လံာ်ဟိၤၡ့ 5:7

အဝဲသ့ၣ်တဖၣ်အသးတတီတ့ၢ်ဒီးယွၤဘၣ်. အဝဲသ့ၣ်အဖိတဖၣ်စ့ၢ်ကီးတဘၣ်ဃးဒီးယွၤဘၣ်. လၢတၢ်န့ၣ်အဃိ, ခဲကနံၣ်အံၤအဝဲသ့ၣ်ဒီးအထံအကီၢ်တဖၣ်ကဘၣ်တၢ်မၤဟးဂီၤအီၤလၢ အဆိအချ့လီၤ.

လံာ်ဧၤမိၣ် 3:2

“လၢပှၤကလုာ်ခဲလၢာ်လၢဟီၣ်ခိၣ်ချၢအကျါန့ၣ်, သုမ့ၢ်ပှၤထဲတကလုာ်ဧိၤလၢယသ့ၣ်ညါတ့ၢ်ယဲဒီးအံးထွဲကွၢ်ထွဲ တ့ၢ်န့ၣ်လီၤ. တၢ်န့ၣ်မ့ၢ်တၢ်လၢအဒုးကဲထီၣ်သုတၢ်ကမၣ်လၢတၢ် လီၤပျံၤလီၤဖုးဖးဒိၣ်ဒီးလၢတၢ်န့ၣ်အဃိယဘၣ်စံၣ်ညီၣ်သုလၢ တၢ်န့ၣ်တဖၣ်အဂ့ၢ်လီၤ.”

လံာ်ဧၤမိၣ် 4:5

ဒီးလုၢ်ထီၣ်သုကိၣ်လၢတၢ်စံးဘျုးစံးဖှိၣ်အပူၤဆူကစၢ်ယွၤ, ဒီးကတိၤကဖၢလၢလီၤသုသးလၢသုတၢ်လုၢ်လီၤဆီတဖၣ်အဃိန့ၣ်တက့ၢ်. အအံၤမ့ၢ်တၢ်လၢသုအဲၣ်မၤအီၤန့ၣ်လီၤ.

လံာ်ဧၤမိၣ် 6:13

သုပတြၢၤလီၤသုသးလၢသုမၤနၢၤဝ့ၢ်လိဒတၢ်အခီပညီ “တၢ်ကလီကလီ,” ဒီးသုတၢ်ကတိၤဒိၣ်လီၤသုကိာ်ဒီးစံး, “ပဟံးန့ၢ်နၢၤတဖၣ်လၢပဂီၢ်လၢပဂံၢ်ပဘါဒၣ်ပဝဲလီၤ.”

လံာ်ဧၤမိၣ် 8:10

ယကဘိးကဒါကွံာ်သုတၢ်ဘူၣ်တၢ်ဘါအမူးတဖၣ်ဆူတၢ်သံတၢ်ပှၢ် ဒီးလဲလိာ်ကွံာ်သုတၢ်သးခုအတၢ်သးဝံၣ်ဆူတၢ်သူၣ်အုးသးအုး အတၢ်ဟီၣ်တၢ်ယၢၤတဖၣ်န့ၣ်လီၤ. ယကမၤတုၤသုလူၤကျိသုခိၣ် တဖၣ်ဒီးသိးထီၣ်ထၢၣ်တၢ်ကံးညၣ်ဒီးသုကလီၤဂာ်ဒီးမိၢ်ပၢ်လၢ အဟီၣ်အယၢၤလၢအဖိခွါအိၣ်ထဲတဂၤဧိၤအဃိန့ၣ်လီၤ. မုၢ်တနံၤန့ၣ်ကခၣ်တုၤတၢ်အကတၢၢ်န့ၣ်လီၤ.

ယၤကိာ် 4:16

ဘၣ်ဆၣ်ဒီး, ခဲအံၤသုပာ်ကဖၢလၢသုသးဒီးသုကတိၤဒိၣ် ကတိၤသွါတၢ်လီၤ. တၢ်ကတိၤဒ်န့ၣ်သိးခဲလၢာ်ကမၣ်ဝဲလီၤ.

ယၤကိာ် 5:1

ဒီးခဲအံၤသုဝဲလၢအထူးအတီၤသ့ၣ်ဧၢ, ကနၣ်တၢ်လၢယကတဲ ဘၣ်သုတက့ၢ်. ဟီၣ်တၢ်ယၢၤတၢ်လၢတၢ်နးတၢ်ဖှီၣ်တဖၣ်လၢအကဟဲ ဘၣ်သုအဃိတက့ၢ်.