လံာ်ဟိၤၡ့ 8:2 - Sgaw Karen Common Bible

² အဝဲသ့ၣ်မ့ၢ်ကိးယၤလၢအကစၢ်ယွၤ, ဒီးမ့ၢ်စံးဝဲလၢအမ့ၢ်ယပှၤဂီၢ်မုၢ်ဒီးသ့ၣ်ညါယၤဒၣ်လဲာ်,

လံာ်ဟိၤၡ့ 8:2 Iomraidhean Croise

လံာ်စီၤပၤခံဘ့ၣ်တဘ့ၣ် 10:16

ဒီးစံးဝဲ, “ဟဲပိာ်ယခံဒီးကွၢ်လၢနကစၢ်ဒၣ်နဲလၢမ့ၢ်ယတီ ဒီးယွၤထဲလဲၣ်န့ၣ်တက့ၢ်.” ဒီးအဝဲသ့ၣ်လဲၤဒိးသကိးလ့ၣ်ကဟၣ်ဆူဝ့ၢ်ၡၤမရံန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:29

ဘၣ်ဆၣ်အဝဲမၤဒိးစီၤပၤယၤရဘၣ်, အတၢ်ဒဲးဘးန့ၣ်လီၤ. စီၤယၤရၤဘၣ်မ့ၢ်ပှၤလၢအဆှၢဃီၤကီၢ်အံၣ်စရ့လးဆူတၢ်ဒဲးဘး အပူၤခီဖျိတၢ်ဘူၣ်ထီၣ်ဘါထီၣ်ဂီၤဖံးထူတဖၣ်လၢအဝဲပာ်ထီၣ် ဝဲဖဲဝ့ၢ်ဘ့ၤသ့လးဒီးဝ့ၢ်ဒၣ်အပူၤန့ၣ်လီၤ.

လံာ်ယံးရမံယၤ 7:4

ဆိကတီၢ်သုတၢ်နာ်တၢ်လီတၢ်ဝ့ၤအတၢ်ကတိၤလီၤတၢ်တဖၣ်လၢ အစံးဝဲ, ပပူၤဖျဲးပဝဲလီၤ. အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ် လီၤ,’ န့ၣ်တက့ၢ်.

လံာ်ဟိၤၡ့ 5:15

ယကဟးသဒၣ်ကွံာ်ယပှၤဂီၢ်မုၢ်တုၤဒၣ်လၢအဝဲသ့ၣ်တူၢ်ဘၣ် တၢ်နးတၢ်ဖှီၣ်ကလၢဝဲလၢအတၢ်ဒဲးဘးတဖၣ်အဂီၢ်ဒီးဟဲ ဃုက့ၤယၤတစုန့ၣ်လီၤ. ဘၣ်သ့ၣ်သ့ၣ်လၢအဝဲသ့ၣ် အတၢ်နးတၢ်ဖှီၣ်အပူၤန့ၣ်, အဝဲသ့ၣ်ကဂုာ်ကျဲးစၢးဃုထံၣ်ယၤန့ၣ်လီၤ.

လံာ်ဟိၤၡ့ 8:3

အဝဲသ့ၣ်စူးကွံာ်ညိကွံာ်တၢ်လၢအဂ့ၤလီၤ. လၢတၢ်အံၤအဃိ, အဒုၣ်အဒါတဖၣ်ကလူၤသဖှိအဝဲသ့ၣ်န့ၣ်လီၤ.

လံာ်မံကၤ 3:11

ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

လံာ်မးသဲ 25:11

လၢခံ, မုၣ်ကနီၤအဂၤတဖၣ်ဟဲတုၤစ့ၢ်ကီးဝဲ, ဒီးကိးပသူထီၣ်ဝဲဒီး စံး, ‘ကစၢ်ဧၢ, ကစၢ်ဧၢ, ပျဲလဲၤနုာ်ပှၤတက့ၢ်.’

လံာ်မးသဲ 7:21

ပှၤလၢအကိးယၤ ‘ကစၢ်ဧၢ, ကစၢ်ဧၢ,’ န့ၣ်တလဲၤနုာ်ဘၣ်ဆူမူခိၣ် အဘီအမုၢ်အပူၤကိးဂၤဒဲးဘၣ်. ကလဲၤနုာ်ဘၣ်ထဲပှၤတဖၣ်လၢအမၤတၢ်လၢယပၢ်လၢမူခိၣ်အဲၣ်ဒိး အကမၤဝဲန့ၣ်လီၤ.

လံာ်လူၤကၣ် 13:25

တုၤဟံၣ်ကစၢ်ဂဲၤဆၢထၢၣ်ဒီးကးတံာ်တြဲၤလံန့ၣ်, သုကအိၣ်ဆၢထၢၣ်လၢတၢ်ချၢ, ဒီးဖဲသုဒိတကျိာ်တြဲၤဒီးစံးသုဝဲ, ‘ကစၢ်ဧၢ, အိးထီၣ်တြဲၤလၢပဂီၢ်တက့ၢ်.’ န့ၣ်, အဝဲဒၣ်ကစံးဆၢသု, ‘သုဟဲဖဲလဲၣ်န့ၣ်ယတသ့ၣ်ညါယဲဘၣ်.’

တံတူး 1:16

အဝဲသ့ၣ်စံးလၢအသ့ၣ်ညါကစၢ်ယွၤ, ဘၣ်ဆၣ်ဒီးအဝဲသ့ၣ်သမၢအီၤခီဖျိအတၢ်မၤတဖၣ်လီၤ. အဝဲသ့ၣ်တဖၣ်န့ၣ်လီၤသးဟ့ဒီးတဒိကနၣ်တၢ်ဘၣ်, ဒီးကမၤတၢ်အဂ့ၤတမံၤလၢ်လၢ်အဂီၢ်န့ၣ်တကြၢးတဘၣ်ဝဲဘၣ်.

၁ ယိၤဟၣ် 2:4

ပှၤတဂၤဂၤမ့ၢ်စံးလၢယသ့ၣ်ညါအီၤ, ဒီးမ့ၢ်တစူၢ်ဘၣ် အတၢ်မၤလိာ်တဖၣ်ဘၣ်ဒီး, ပှၤဒ်န့ၣ်အသိးတဂၤန့ၣ် မ့ၢ်ပှၤလၢအလီတၢ်ဒီးတၢ်မ့ၢ်တၢ်တီတအိၣ်လၢအပူၤဘၣ်.