လံာ်ဟိၤၡ့ 7:10 - Sgaw Karen Common Bible

¹⁰ ကီၢ်အံၣ်စရ့လးအပှၤဂီၢ်မုၢ်အတၢ်ပာ်ကဖၢလၢသးန့ၣ်ကိးသတြီ ထီၣ်ထီဒါက့ၤအဝဲသ့ၣ်လီၤ. လၢတၢ်မၤအသးခဲလၢာ်တဖၣ်အဃိဒၣ် လဲာ်န့ၣ်, အဝဲသ့ၣ်တဟဲက့ၤကဒါက့ၤဆူယၤ, ယွၤ, အဝဲသ့ၣ်အကစၢ်ယွၤအအိၣ်န့ၣ်ဘၣ်.

လံာ်ဟိၤၡ့ 7:10 Iomraidhean Croise

စံးထီၣ်ပတြၢၤ 10:4

လၢအတၢ်ပာ်အသးထီၣ်ထီအပူၤန့ၣ်ပှၤတတီတလိၤ, အသးတအိၣ်ဃုယွၤဘၣ်. လၢအတၢ်ဆိကမိၣ်ခဲလၢာ်အပူၤန့ၣ်, “ကစၢ်ယွၤတအိၣ်ဘၣ်.”

စံးထီၣ်ပတြၢၤ 14:2

ယွၤကွၢ်လီၤပှၤကညီလၢမူခိၣ် ဒ်သိး ကထံၣ်ဝဲပှၤကူၣ်သ့ကူၣ်ဘၣ်, ပှၤလၢအဘူၣ်ထီၣ်ဘါထီၣ်အီၤ မ့ၢ်အအိၣ်တအိၣ်လဲၣ်အဂီၢ်န့ၣ်လီၤ.

စံးထီၣ်ပတြၢၤ 53:2

ကစၢ်ယွၤကွၢ်လီၤတၢ်လၢမူခိၣ်လၢပှၤကညီဖိအဖီခိၣ် ဒ်သိးအကထံၣ်ဝဲပှၤလၢအအိၣ်ဒီး တၢ်ကူၣ်ဘၣ်ကူၣ်သ့, ဒီးပှၤလၢအဃုယွၤအိၣ်တအိၣ်လဲၣ်န့ၣ်လီၤ.

တၢ်ကတိၤဒိ. 27:22

နမ့ၢ်ဒိတီၢ်ပှၤအမၢးတဂၤတုၤအသံတယူာ်ဘၣ်အသးဒၣ်လဲာ်န့ၣ်, နဒိတီၢ်ထုးထီၣ်ကွံာ်အတၢ်မၢးလၢအပူၤတန့ၢ်ဒံးဘၣ်.

လံာ်ယၡါယၤ 9:12

ကီၢ်စူၤရံလၢမုၢ်ထီၣ်တခီဒီးကီၢ်ဖလ့ၡသးလၢမုၢ်နုာ်တခီအိးထီၣ် တ့ၢ်အကိာ်ပူၤတဖၣ်လၢကအီၣ်ယူၢ်လီၤကွံာ်ကီၢ်အံၣ်စရ့လးလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်တ့ၢ်အသးဘၣ်. အစုယူာ်ထီၣ်ဒံးအသးလၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 9:13

ပှၤအံၣ်စရ့လးဖိတဖၣ်တပီၢ်ယၢ်လီၤက့ၤအသးဘၣ်. ယွၤသ့တၢ်လၢာ်ကစၢ်, စံၣ်ညီၣ်တ့ၢ်လံအဝဲသ့ၣ်ဒၣ်လဲာ်န့ၣ်, အဝဲသ့ၣ်တဟဲက့ၤကဒါက့ၤဆူအအိၣ်ဘၣ်.

လံာ်ယံးရမံယၤ 3:3

လၢတၢ်န့ၣ်အဃိ, တၢ်တြီဃာ်တၢ်စူၤထံတဖၣ်ဒီးတၢ်စူၤထံလၢ တၢ်မဲထီၣ်အခါတဟဲလၢၤစ့ၢ်ကီးဘၣ်န့ၣ်လီၤ. ပကွၢ်နၤလီၤဂာ်ဒၣ်လဲာ်ဒီးဃဲသဲမုၣ်တဂၤ ဒီးနတၢ်မဲာ်ဆှးတအိၣ်ဘၣ်န့ၣ်လီၤ.

လံာ်ဟိၤၡ့ 13:14

ယတအုၣ်က့ၤခီၣ်က့ၤဘၣ်ပှၤဂီၢ်မုၢ်အံၤလၢတၢ်သံအကီၢ်ပူၤမ့ၢ်ဂ့ၤ, မၤပူၤဖျဲးအဝဲသ့ၣ်လၢတၢ်သံအစိကမီၤမ့ၢ်ဂ့ၤဘၣ်. ဟဲစိာ်ဃီၤနတၢ်သံသတြိာ်, ဟဲစိာ်ဃီၤနတၢ်မၤဟးဂီၤ, တၢ်သံအဘီအမုၢ်ဧၢ. ယတသးကညီၤလၢၤဘၣ်ပှၤဂီၢ်မုၢ်အံၤဘၣ်.

လံာ်ဟိၤၡ့ 5:5

ကီၢ်အံၣ်စရ့လးအပှၤဂီၢ်မုၢ်အတၢ်ပာ်ထီၣ်ထီသးန့ၣ်ကိးသတြီ ထီၣ်ထီဒါက့ၤအဝဲသ့ၣ်တဖၣ်န့ၣ်လီၤ. အဝဲသ့ၣ်, အတၢ်ဒဲးဘးတဖၣ်မၤဘၣ်တိၢ်ဘၣ်ထံးအခီၣ်ဒီးဒုးလီၤဃံၤ အဝဲသ့ၣ်ဒီးကီၢ်ယူဒၤအပှၤဂီၢ်မုၢ်တဖၣ်စ့ၢ်ကီးလီၤဃံၤဃုာ်ဒီး အဝဲသ့ၣ်န့ၣ်လီၤ.

လံာ်ဟိၤၡ့ 6:1

ပှၤဂီၢ်မုၢ်စံးဝဲဒၣ်, မ်ပကဃၣ်ကဒါက့ၤပသးဆူယွၤအအိၣ်တက့ၢ်. အဝဲမၤဆါတ့ၢ်ပှၤဘၣ်ဆၣ်အဝဲကမၤဘျါက့ၤပှၤသပှၢ်ကတၢၢ်, အဝဲမၤဘၣ်ဒိဘၣ်ထံးပှၤဘၣ်ဆၣ်ကဘိၣ်ဘံထီၣ်ပပူၤလီၢ်တ ဖၣ်လီၤတမ့ၢ်ဘၣ်ဧါ.

လံာ်ဟိၤၡ့ 7:7

လၢအတၢ်သးထီၣ်ကိၢ်လူးထီၣ်အပူၤန့ၣ်, အဝဲသ့ၣ်မၤသံကွံာ် အပှၤပၢတၢ်တဖၣ်လီၤ. အဝဲသ့ၣ်အစီၤပၤတဖၣ်ဘၣ်တၢ်မၤသံကွံာ်အီၤတဂၤဘၣ်တဂၤ, ဘၣ်ဆၣ်ပှၤတဃ့ဘါထုကဖၣ်ဆူယအိၣ်လၢတၢ်မၤစၢၤအဂီၢ်နီတဂၤဘၣ်.

လံာ်စဖါနယၤ 1:6

ပှၤတဖၣ်လၢအဃၣ်ကဒါက့ၤအသးဆူအလီၢ်ခံဒီးတပိာ် လၢၤဘၣ်ယခံ, ပှၤတဖၣ်လၢအတဟဲဘၣ်ဆူယအိၣ်မ့ၢ်ဂ့ၤ, တသံကွၢ်ဘၣ်ယၤလၢယကပၢဆှၢအီၤမ့ၢ်ဂ့ၤန့ၣ် ယကမၤဟးဂီၤအီၤလီၤ.”

လံာ်စကၤရယၤ 1:4

လီၤဂာ်ဒီးသုမိၢ်ပၢ်ဖံဖုလၢပျၢၤတဖၣ်တဂ့ၤ, ယံာ်တ့ၢ်လံန့ၣ်ဝံ တဖၣ်ဟ့ၣ်လီၤတ့ၢ်အဝဲသ့ၣ်လၢယတၢ်ကစီၣ်, တဲဘၣ်အဝဲသ့ၣ်လၢအသုတအိၣ်မူတၢ်အၢတၢ်သီဒီးတၢ်ဒဲးဘးအတၢ် အိၣ်မူလၢၤတဂ့ၤန့ၣ်လီၤ. ဘၣ်ဆၣ်ဒီးအဝဲသ့ၣ်တဒိကနၣ်ယၤမ့ၢ်ဂ့ၤတစူၢ်ယၤမ့ၢ်ဂ့ၤန့ၣ်ဘၣ်.

ရိမ့ၤ 3:11

ပှၤသူၣ်ဖးသးဖးတအိၣ်နီတဂၤဘၣ်, ဒီးပှၤလၢအဃုကစၢ်ယွၤတအိၣ်နီတဂၤဘၣ်.